Tuesday, March 20, 2007

ကျွန်တော် ဖတ်မိသောဟာသတစ်ချို့

ဒါကတော့ ဖိုရမ်မှာ ကိုမျက်လုံးလေးရေးထားတဲ့ ဟာသလေးတွေပါ.

စိတ်ရောဂါကု ဆေးရုံတစ်ခု. . .
------------------

လူနာ "ဆရာ၊ ဆရာ၊ ကျွန်တော့်အခန်းထဲက ကောင် ရေဇလုံထဲနှစ်ပြီး သူ့ကိုယ်သူ သေကြောင်းကြံလို့ပါ"

ဆရာဝန် "ဟေ၊ ဒါဆိုအခုသွားမှ"

လူနာ "မပူပါနဲ့ဆရာ၊ ကျွန်တော်သူ့ကို ကယ်လိုက်ပါပြီ"

ဆရာဝန် "ဟုတ်လား။ မင်း တော်တော်နေကောင်းလာပြီပဲ၊ ဒီအတိုင်းဆို ဆေးရုံကဆင်းဖို့ သိပ်မလိုတော့ဘူး၊ အခုဟိုကောင် ဘယ့်နှယ်နေသေးလဲ"

လူနာ "ကျွန်တော် သူ့ကိုယ်ပေါ်က ရေတွေစစ်သွားအောင် လည်ပင်းမှာ ကြိုးနဲ့ချည်ပြီး မျက်နှာကျက် ပန်ကာမှာ ချိတ်ခဲ့တယ်ဆရာ"



Question
--------

"ကလင် ကလင် ကလင်"

"ညကြီး အချိန်မတော်ဘယ်သူလဲဗျာ"

"ဒေါက်တာ၊ ကူညီပါဦး၊ ကျွန်မသားလေး ခဲဖျက်မျိုချလိုက်လို့"

"ဟင်၊ ခင်ဗျားအခုဘာလုပ်နေလဲ"

"ကျွန်မ Correction Pen နဲ့ဖျက်နေရတာပေါ့ဆရာ"

ဒါကတော့ ဖိုရမ်မှာပဲ ညလေးရေးထားတဲ့ ဟာသလေးတစ်ပုဒ်ပါ.

ကောင်လေး - ငါ့ကိုယုံပါကွာ၊ မင်းဟာ ကမ္ဘာပေါ်မှာ ဒုတိယ စိတ်အချမ်းသာဆုံးသူဖြစ်ရမယ်လို့ ငါအာမခံပါတယ်...

ကောင်မလေး - ဘာလို့ ပထမ မဟုတ်တာလဲဟင်...

ကောင်လေး - မင်းရှိနေရင် ကမ္ဘာပေါ်မှာ ပထမစိတ်အချမ်းသာဆုံးသူဟာ ငါမို့လို့ပါကွာ...

No comments: