Friday, March 30, 2007

ကော်မတီ နောက်ဆက်တွဲ သတင်းများ

ကျွန်တော်ရေးလိုက်တဲ့ ကော်မတီအဖွဲ့ဝင်များ ဖွဲ့စည်းခြင်းဆိုတဲ့ ပို့စ်လေးအပေါ်ကို feedback တစ်ချို့ပြန်လာတယ်ဗျ။ အဲဒါကြောင့် ကျွန်တော် ဒီစာကို ရေးဖြစ်တာပါ။

ကျွန်တော်တို့ စာအုပ်ထုတ်ဖို့ ကိစ္စကို ဖိုရမ်မှာ အကြေအလည် ဆွေးနွေးကြတယ် ဆိုတာ မြန်မာ ဘလော့ဂ်ဂါ ဖိုရမ်မာများ အားလုံးအသိပဲ ဖြစ်ပါတယ်။ ဖိုရမ်ကို လာရောက်ဆွေးနွေးတဲ့ သူတွေထဲကမှ Volunteer များကို ခေါ်ခဲ့တာလည်း မှတ်မိကြမှာပါ။ စာရင်းပေးလာတဲ့သူများ ကိုမှတ်ထားပါတယ်။ ပြီးတော့ တက်တက်ကြွကြွ ၀င်ရောက်ဆွေးနွေးတဲ့ member များကို လည်း စာရင်းထဲမှာ မှတ်ထားပါတယ်။ အဲဒီ့စာရင်းကို မူတည်ပြီးတော့ ဒီ အဖွဲ့ဝင်တွေကို ဖွဲ့တာပါ။

တစ်ချို့ အဖွဲ့ဝင်တွေဆီကို email သော်လည်းကောင်း၊ PM သော်လည်းကောင်း ပို့ပါတယ်။ အကြောင်းပြန်သူရှိသလို မပြန်တဲ့သူတွေလည်း ရှိပါတယ်။ အကြောင်းမပြန်တဲ့သူများကို ကျွန်တော့်ရဲ့ သဘောနဲ့ စာရင်းထဲ ကောက်ထည့်လို့ မသင့်တော်ပါဘူး။ ပါဝင်စေချင်တဲ့ ဘလော့ဂ်ဂါတစ်ချို့ ရှိပါတယ်။ အကြောင်းမပြန်တော့ မထည့်ဖြစ်ပါဘူး။

ခုဆိုရင် ကျွန်တော်တို့လုပ်နေတာက ဘလော့ဂ် ၂ ခုပါ။ စာမူဘလော့ဂ်နဲ့ သတင်းပြန်ကြားရေး ဘလော့ဂ်ပါ။ Volunteer တွေ၊ တကယ်ကို လုပ်ပေးနိုင်မယ့်သူတွေ၊ မြန်မာဘလော့ဂ်ဂါ လောကကို ကောင်းကျိုးပြုချင်သူတွေ တကယ်ကို လိုအပ်နေပါသေးတယ်။ စာရင်းဆက်ပေး လို့ရပါတယ်။ ခုလို လာရောက်ကမ်းလှမ်းတဲ့သူတွေကို အမြဲတံခါးဖွင့်လျက်ပါဗျာ။

အဖွဲ့အစည်းတစ်ခုကို လူတွေ အများကြီးနဲ့လုပ်တဲ့ အခါမှာ ရည်ရွယ်ချက်လည်း ကောင်းရမယ်၊ လူလည်း ညီရမယ်လေ မဟုတ်ဘူးလား။ အားလုံးကို တကယ်ကို ကြိုဆိုပါတယ်။ သတင်း ဘလော့ဂ်မှာလည်း volunteer များ အလိုရှိကြောင်း ကြေငြာထားပါတယ်။

"bloggermedium@gmail.com" ကိုပို့ပေးနိုင်ပါတယ်။ သင့်တော်ရာနေရာမှာ တာဝန်လေးတွေ ခွဲပေးပါမယ်။ အယ်ဒီတာအဖွဲ့ကို အတည်ပြုဖွဲ့ပြီးသွားရင်ဘလော့ဂ်ပေါ်မှာ နာမည်လေးတွေ ကြေငြာထားပေးပါမယ်။ အရမ်းကို ပျော်စရာကောင်းတဲ့ အများအကျိုးဆောင်ဝန်ဆောင်မှုလေး ဖြစ်လာမယ်လို့ ကျွန်တော် လုံးဝယုံကြည်နေတယ်ဗျာ။ ဒါကြောင့် မြန်မြန်သွက်သွက်လေးသာ စာရင်းပေးထားကြပါ။

စာအုပ်ထုတ်ဝေဖို့ ကော်မတီဖွဲ့တာတွေမှာတော့ စာပေနောက်ခံ အားကောင်းတဲ့သူတွေ၊ နည်းပညာပိုင်းမှာ ကောင်းကောင်းနားလည်သူတွေ၊ စာအုပ်ထုတ်ဝေရေး လမ်းကြောင်းတွေကို နားလည်သူတွေကို အဓိကထားပြီး ဖွဲ့ထားတာပါ။ မနေ့က ကိုဇင်ကိုလတ်က စာပြန်ပါတယ်။ ကိုနေဘုန်းလတ်ကို စာမူရွေးချယ်ရေးအဖွဲ့မှာ ထည့်လို့ရပါတယ်တဲ့။ သူပြောပေးပါမယ်တဲ့။ ဟုတ်ကဲ့ပါ ကိုဇင်ကိုလတ်ရေ. ကျွန်တော် သူ့ကို အယ်ဒီတာ အဖွဲ့ထဲမှာ ထည့်လိုက်ပါမယ်။ သူ့လို စာရေးကောင်းတဲ့ ဘလော့ဂ်ဂါတစ်ယောက်ကို ကျွန်တော်တို့ ပါဝင်စေချင်တာပေါ့ဗျာ..

သတင်းဘလော့ဂ်က စာအုပ်ထုတ်ဝေရေးကိစ္စအတွက် တစ်ခုတည်းနဲ့ တည်ဆောက်ထားတာ မဟုတ်ပါဘူး။ ပွဲပြီးမီးသေ သဘောမျိုးလည်း ဘယ်တော့မှ ဖြစ်သွားမှာ မဟုတ်ပါဘူး။ တစ်ခြားရည်ရွယ်ချက်တွေ ရှိပါသေးတယ်။ နောက်ပိုင်းမှာ media လိုင်းထိ ကူးသွားဖို့ စီစဉ်ထားပါတယ်။ ဒါကြောင့် သတင်းဘလော့ဂ်အတွက် reporter တွေ၊ technician တွေကို အရမ်းကို လိုအပ်ပါတယ်ခင်ဗျာ။ ဆက်လက်စာရင်းပေးကြပါ။

သတင်းဘလော့ဂ်ရဲ့ နည်းပညာပိုင်းမှာ ကိုမျိုးကျော်ထွန်းအပြင် ကိုဝေယံလင်း၊ ကိုဇင်ကိုလတ်နဲ့ နောက်ထပ် စိတ်ဝင်စားသူများကို ထပ်မံ ဖိတ်ခေါ်ပါတယ်။ ဘလော့ဂ်ဂါ online ဂျာနယ်၊ မဂ္ဂဇင်းများကို ဆက်လက် ထုတ်ဝေသွားနိုင်ဖို့ စီစဉ်နေပါတယ်လုိ့လည်း တစ်စွန်းတစ်စ သတင်းပေးလိုက်ပါတယ်။

လောလောဆယ်မှာ ဘလော့ဂ်ဂါ သိလိနဲ့ အိမွန်စိုးတို့ကို သတင်းဘလော့ဂ်မှာ သတင်းရေးသားတင်ဆက်သူများ အဖြစ်ထပ်မံခန့်အပ်လိုက်ပါတယ်လို့ အားလုံးကို အသိပေးပါတယ် ခင်ဗျာ...


No comments: