သစ်ပင်ရဲ့ ငှက်ကလေးအပေါ် ထားရှိတဲ့ မေတ္တာဟာ တစ်နေ့တစ်ခြား တိုးပွားနက်ရှိုင်းလာခဲ့သလို ငှက်ကလေးရဲ့ သစ်ပင်အပေါ် ထားတဲ့ သံယောဇဉ်ကြိုးဟာလည်း တစ်နေ့ထက်တစ်နေ့ တိုးပွားလို့ အထပ်ထပ် ရစ်နှောင်မိခဲ့ကြတယ်.
အဲဒီ့နေ့က မိုးတွေ သည်းခဲ့တယ်….
မိုးရေတွေထဲမှာ သစ်ပင်ရယ်လေ ငှက်ကလေး အလာကိုစောင့်မျှော်နေခဲ့မိတယ်.
မိုးတွေ လေတွေကြားထဲမှာ သစ်ပင် တစ်စုံတစ်ခုကို မသဲမကွဲ လှမ်းမြင်လိုက်ရတယ်.
သူ့ရင်ဘတ်ထဲက အသည်းပုံသစ်သီးလေးကို အဆင်သင့်လုပ်ထားရင်း ငှက်ကလေးအလာကို စောင့်နေခဲ့တာပေါ့.
အနားရောက်တော့မှ…
ဩော်… တစ်ခြားငှက်ကလေးတစ်ကောင် မိုးလာခိုတာပါလား…
ဖြူစင်စွာ ပြုံးပြလိုက်ပြီး သူနားခိုဖို့ တစ်နေရာ ဖန်တီးပေးခဲ့တယ်.
နားပါစေလေ…
သူ့အတွက် တစ်စုံတစ်ရာကို အမှန်တကယ် လိုအပ်နေခဲ့သလို ကိုယ်ကိုယ်တိုင်ကလည်း ပေးစွမ်းနိုင်နေခဲ့တာကိုး…
တစ်နေ့ကျရင်တော့ မင်းငါ့အရိပ်မှာ ခိုနားသွားခဲ့ဖူးတာလေးကို ထောက်ပြီး ငါ့အကြောင်းတွေ မကောင်းမပြောရင် ပြီးတာပါပဲ.
ပြောခဲ့ရင်ရော..
အင်း… ဒါဆိုရင်လည်း ငါ့ထိုက်နဲ့ ငါ့ကံပဲပေါ့ကွာ…
လောလောဆယ် မင်းအရိပ်လိုတယ်မဟုတ်လား.. ယူပါ. ခိုနားပါ. စားသုံးပါ ငှက်ကလေးရေ…
ငါကတော့ ငှက်အမျိုးအမည်မခွဲခြားတတ်ပါဘူး. ငါ့မှာ ရှိတာ ပေးချင်ပါတယ်.
တစ်ခုကလွဲလို့ပေါ့.
ငါ့ရဲ့ ရင်ဘတ်ထဲက အသည်းပုံသစ်သီးလေးက လွဲလို့ ကျန်တာ စိတ်ကြိုက်ယူငင် သုံးစွဲပါ အမျိုးအမည်မသိရတဲ့ ငှက်ကလေးရေ…
…
သစ်ပင်လည်း သူသိပ်ချစ်တဲ့ ငှက်ကလေးအလာကို စောင့်နေခဲ့ရင်း ပင်ပန်းလွန်းလို့ အိပ်ပျော်သွားခဲ့တယ်.
“ဒေါက်.”
ခဲလုံးတစ်လုံး သစ်ပင်ခေါင်းပေါ်ကို ပြုတ်ကျသလို ခံစားလိုက်ရတယ်.
“ဒေါက်.ဒေါက်.ဒေါက်..”
အိုး. ဟုတ်ပါတယ်လေ.
တစ်စုံတစ်ယောက် သူ့ရဲ့ တံခါးကို လာခေါက်နေတယ်.
အိပ်ချင်မူးတူးအသံနဲ့ သစ်ပင်က…
“ဘယ်သူလဲ.”
“အချစ်ပါ.”
“ငါ့နားမှာ အချစ်မရှိတော့ဘူး”
“အချစ် ရှိပါတယ်.”
သစ်ပင်လည်း ၀မ်းသာအားရနဲ့ ပ်ိတ်ထားခဲ့တဲ့ တံခါးလေးကို ဖွင့်လိုက်တော့ အခန်းတံခါးဝမှာ သူရယ်လေ…
ငှက်ကလေးရယ်ပေါ့…
အတောင်ပံလေးတွေ မိုးစိုနေလို့ ခိုက်ခိုက်တုန်အောင် ချမ်းနေရှာတယ်.
သစ်ပင်ရင်ထဲမှာ ကရုဏာစိတ်တွေ လျှံကျသွားခဲ့တယ်.
“မင်း. ငါ့ဆီကို ဖြစ်အောင် လာတယ်နော်. ငါ ဘယ်လို ၀မ်းသာမှန်းမသိဘူးကွာ.”
ငှက်ကလေးလည်း ဘုဆတ်ဆတ်နဲ့ ပြန်ပြောလိုက်တယ်.
“လာချင်လို့လာတာမဟုတ်ပါဘူး. ကတိပေးထားပြီးမှ ပျက်သွားမှာစိုးလို့”
အဲလိုပြောပြီး ငှက်ကလေးလည်း သစ်ခေါင်းလေးထဲကို လှမ်းဝင်လိုက်ခဲ့တယ်.
“ရေတွေစိုနေတာတွေ သုတ်လိုက်ဦးနော်…”
ပြောပြောဆိုဆိုနဲ့ သစ်ပင်လည်း ငှက်ကလေးအတွက် ရေသုတ်ဖို့ အပြာရောင်ပုဝါလေးတစ်ထည် လှမ်းပေးလိုက်တယ်.
သစ်ပင်က.
“ကော်ဖီသောက်မလား. ကိုယ် ကော်ဖီကောင်းကောင်း ဖျော်တတ်တယ်.”
“နုိုး. ကော်ဖီဆို မကြိုက်. တစ်ခြားဟာဆို သောက်မယ်. ”
“ဘာလို့လဲ ငှက်ကလေးရဲ့.”
“ဩော်. သူပဲ. ကော်ဖီသောက်တိုင်း တစ်စုံတစ်ယောက်ကို လွမ်းတယ်လို့ ပြောခဲ့ဖူးတယ်လေ. မသောက်ချင်ပါဘူး. ကိုယ့်ဖာသာပဲ လွမ်းချည်တော့.”
သစ်ပင်လည်း တစ်စုံတစ်ရာကို သတိရသွားခဲ့ပြီး တစ်ချက်ငြိမ်ကျသွားခဲ့တယ်.
သူ့ခေါင်းကို တစ်ချက် ခါထုတ်လိုက်ပြီး…
“ဒါတွေက ပြီးခဲ့ပါပြီကွာ. ပြီးခဲ့ပါပြီ.”
ငှက်ကလေးလည်း သစ်ပင်ဘာဆက်ပြောမလဲလို့ စောင့်ကြည့်နေခဲ့တယ်လေ.
သစ်ပင်က.
“ငှက်ကလေးရေ. ငါပြောမယ်ကွာ…”
အဲသလိုပြောရင်း ငှက်ကလေးကို လှမ်းကြည့်လိုက်တော့ သစ်ပင်ကို ခေါင်းမော့ကြည့်နေတာ တွေ့လိုက်ရတယ်.
မီးရောင် ၀ိုးတ၀ါးလေးအောက်မှာ..
ရေစိုနေတဲ့ အမွှေးအတောင်လေးတွေနဲ့
ခပ်ထော်ထော် နှုတ်ခမ်းပါးလေး..
ကြည်လင်တဲ့ မျက်လုံးလေး…
အိုး…
ငှက်ကလေးရယ်..
မင်းသိပ်လှတယ်ကွယ်…
“ပြောလေ. နားထောင်နေတယ်.”
ငှက်ကလေးက စိတ်မရှည်သလို လှမ်းပြီးပြောလိုက်တော့မှ သစ်ပင်လည်း သတိပြန်ဝင်သွားခဲ့တယ်.
“ဆောရီးကွာ. ငါလွတ်သွားတယ်.”
ငှက်ကလေးလည်း ကျေနပ်သလို ပြုံးရင်း ကြမ်းပြင်ကို အကြောင်းမဲ့ စိုက်ကြည့်နေခဲ့ပြန်တယ်လေ.
သစ်ပင်ဘာတွေဖြစ်နေတယ် ဆိုတာကို သူမသိဘဲ နေမလား…
သစ်ပင်က ဆက်ပြောပါတယ်..
“ငှက်ကလေးရေ. ငါမင်းကို တစ်နေ့မတွေ့ရရင် မနေနိုင်အောင်ကို ဖြစ်နေမိပြီကွာ. အဲဒါ ဘာလို့လဲ မင်းသိလား”
ငှက်ကလေးလည်း မသိချင်ယောင်ဆောင်ပြီး မေးကလေးကို ဆတ်ခါ..
“ဘာဖြစ်လို့…”
“ငါမင်းကို ချစ်လို့…”
ငှက်ကလေးလည်း ပြုံးနေရာက တစ်ခြားဖက်ကို မျက်နှာလေး လှည့်သွားခဲ့ပြန်တယ်.
“ပြောပြီးပြီပဲ သစ်ပင်ရယ်… ခင်ပါ… ခင်တာကောင်းပါတယ်. သူငယ်ချင်းသံယောဇဉ်က အခိုင်မြဲဆုံးပဲလေ. ခင်ပါနော်. မချစ်ပါနဲ့.”
သစ်ပင်လည်း နံရံကို လက်သီးနဲ့ တစ်ချက်ထောက်ထားလိုက်ပြီး နောက်ဖက်ကို လှည့်မကြည့်ဘဲ မေးတယ်.
“မင်း ကိုယ့်ကိုယ်ကို ဘာလို့ ညာနေရတာလဲကွာ…”
သစ်ပင်ရဲ့ မချိတင်ကဲ အသံကို ကြားလိုက်ရတော့ ငှက်ကလေး အလန့်တကြား လှည့်ကြည့်မိခဲ့တယ်.
“ငါပြောခဲ့ပြီးပြီပဲ သစ်ပင်ရယ်… ငါ့မှာ အခွင့်မရှိပါဘူး. ငါ့ကို နားလည်ပါကွာ.”
သစ်ပင်လည်း အံကို တင်းတင်း တစ်ချက်ကြိတ်ရင်း ငှက်ကလေးဖက်ကို လှည့်မကြည့်ဘဲ သူ့ရှေ့တည့်တည့်ကို စိုက်ကြည့်နေခဲ့တယ်.
ငှက်ကလေးက ဆက်ပြောခဲ့တယ်.
“ဒီလောက် မိုးတွေလေတွေ သည်းထန်နေချိန်မှာ ငါမင်းဆီကို ဘာဖြစ်လို့ လာခဲ့သလဲ.
ဒီလောက် ငါ့အတွက် အန္တရာယ်များတဲ့ တစ်စုံတစ်ရာကို ဘာဖြစ်လို့ ငါစွန့်စားနေခဲ့သလဲ..
မင်းတွေးကြည့်ပါ သစ်ပင်ရယ်. မင်းတွေးကြည့်လိုက်စမ်းပါ…”
သစ်ပင်က…
“ငါသိပါတယ်ကွာ. အဲလိုခနဲ့သလို လေသံနဲ့ မပြောစမ်းပါနဲ့. ငါသိချင်တာက၊ ပြောရရင်ကွာ. ငါကြားချင်တာက မင်း ငါ့ကို ချစ်တယ်ဆိုတဲ့ ၀န်ခံချက်တစ်ခုပဲ. အဲဒါကို ငါ အတိအလင်း ကြားချင်တယ်. သိချင်တယ်. ရှေ့လည်း ဆက်မတိုးဘူး. နောက်လည်း ဆုတ်မှာ မဟုတ်ဘူး. မင်းရဲ့ အဲဒီ့စကားတစ်ခွန်းတည်းနဲ့တင် ငါ အရာရာကို ရင်ဆိုင်ရဲတယ်.”
ငှက်ကလေးက ဟတ်ခနဲ တစ်ချက်ရယ်လိုက်ရင်း…
“သစ်ပင်ရယ်… မင်း ငါ့ဆီက တွယ်တာမှုတွေ၊ သံယောဇဉ်တွေ၊ အားကိုးယုံကြည်မှုတွေ ရနေခဲ့ပြီပဲ… ငါ့ကို အကျဉ်းအကျပ်ထဲ ဘာလို့ ပို့ချင်နေရတာလဲကွာ.”
“ငါ့အတွက် မင်းနဲ့ နီးစပ်ဖို့ ကြိုးစားပိုင်ခွင့် ရှိမရှိ သိချင်တယ်… တစ်ခွန်းပဲ ပြော…”
သစ်ပင်က အဲလိုလည်း မေးလိုက်ရော ငှက်ကလေးလည်း မျက်နှာကျက်ကို မော့ကြည့်လိုက်ရင်း ရီဝေတဲ့ မျက်လုံးလေးတွေနဲ့ သစ်ပင်ကို ပြန်ပြောခဲ့တယ်..
“မင်းမှာ အခွင့်အလမ်း ရှိမရှိ ဆိုတာထက် ငါကိုယ်တိုင်ကိုက ငါ့ရဲ့ ကတိနဲ့သစ္စာကို အလဲအထပ်မလုပ်နိုင်တာ ဆိုရင် ပိုမှန်မယ် သစ်ပင်… ”
ငှက်ကလေးက ဆက်ပြောခဲ့ပါတယ်…
“တကယ်ဆို ငါဟာ ဘ၀တစ်ခုကို သတ်မှတ်ဖို့ ကြိုးစားခဲ့တဲ့ ငှက်တစ်ကောင်ပါ. ဒါပေမယ့် ဘ၀က သတ်မှတ်ခံလိုက်ရတဲ့ ကိုယ်ပိုင်အတောင်ပံ မရှိတဲ့ ငှက်ငယ်တစ်ကောင် ဖြစ်ခဲ့ရတယ်. ဒါကို မင်းနားလည်ပါ. နားလည်ပါ သစ်ပင်ရာ…”
သစ်ပင်လည်း ဘာမှ ဆက်မပြောတော့ဘဲ သူ့သစ်ကိုင်းလေးတွေကို လှုပ်နေခဲ့တယ်. ပြီးတော့ ငှက်ကလေးကို နှမျောတသခြင်းတွေနဲ့ ပြည့်လျှမ်းနေတဲ့ မျက်ဝန်းတွေနဲ့ စိုက်ကြည့်နေခဲ့ပြန်တယ်.
ငှက်ကလေးလည်း ဒီတစ်ခါတော့ သစ်ပင်ရဲ့ အကြည့်တွေကို မလွှဲဖယ်တော့ဘဲ အားကိုးယုံကြည် မြတ်နိုးသက်ဝင်ခြင်းများစွာဖြင့် ပြန်ကြည့်နေခဲ့တယ်.
သစ်ပင်ရဲ့ နှုတ်ခမ်းလေးတွေ တဆတ်ဆတ်တုန်လာခဲ့ပြီး သံစဉ်ချိုလေးတစ်ပုဒ် ငှက်ကလေးထံကို လွင့်စဉ်လာခဲ့တော့တယ်လေ…
ရင်ထဲက စွဲခဲ့တယ် မဏိစန္ဒာ။
ဘုရင့်ဘဏ္ဍာ မတော်မတရားနဲ့
အရှင့်အာဏာ စော်ကားခဲ့မိသူမို့
ဩော်… ဓားထိကာ အသေသတ်ရင်လည်း
ကျေနပ်မှာပါ။
မလျော်တာ၊ အခက်ကြံဆမိလို့
အနော်ရထာ မျက်မာန်ရှမှာလဲ
ခံရမယ် သေအချာ သိပေမယ့်
ဝေဒနာရှိသူ ရင်မှာမအေးလေတော့
သေဘေးကိုတဲ့ မမြင်သာ
အကြင်နာက နှစ်ဆင့်ပိုကဲ။
မသင့်လျော်တာ ချစ်လာခဲ့သူမို့
အရှင့်အပေါ်မှာ သစ္စာမဲ့သူလို့
ကဲ့ရဲ့ကာ ဆိုချင်ဆို
ငြိုငြင်လိုက ငြိုငြင်လိုက်
ကိုယ့်ထိုက်နဲ့ ကိုယ့်ကြမ္မာပေါ့
ဘုရင့်အာဏာ မဖီဆန်ရဲတာကြောင့်
လက်လွှဲကာ ရှေ့တော်ဆက်ရပေမယ့်
မွေ့ပျော်ရက်တယ် သခင်ထင်သလား
ရင်ခွင်မှာ ဆယ်နေကဲသလို
အမြဲပူလောင်လှချည်ရဲ့
ကြိုးနှောင်ကာ အရှင်တည်းပါလို့
ရင်ထဲကို လှံမထိခင်က
ချစ်မိသူ အသည်းကြွေပြုန်းကာ
(မဏိစန္ဒာရယ်…)
ကိုယ်ကတော့ အမြဲသေဆုံးခဲ့ပြီပဲ….
မောင်စိန်ဝင်း (ပုတီးကုန်း)
မိုးတွေလေတွေ စဲသွားပြီး ငှက်ကလေး ပြန်သွားတော့ သစ်ပင်တစ်ပင်တည်း ကောင်းကင်ပြာကြီးအောက်မှာ လွမ်းကျန်ရစ်ခဲ့တယ်.
ဘာလို့လည်း ဆိုတော့ ငှက်ကလေးက မပြန်ခင် ပြောသွားခဲ့တယ်လေ…
သူ နောက်နှစ်ပတ်လောက် သစ်ပင်ဆီကို လာနိုင်မယ် မထင်ဘူးတဲ့. သူ့အိမ်လေးကို မိုးမ၀င်ခင် ပြုပြင်ထိန်းသိမ်းရမှာမို့လို့တဲ့လေ…
သစ်ပင်လည်း တစ်စုံတစ်ရာကို ဆုံးဖြတ်ချက်ချလိုက်တယ်.
အဲဒီ့နေ့က တစ်နေ့လုံး သူ့ရဲ့ အမြစ်တွေကို အစမ်းလှုပ်ကြည့်နေခဲ့တယ်.
ညရောက်တော့ အားလုံးတိတ်ဆိတ်အိပ်မောကျသွားတဲ့ အချိန်မှာ လရောင်အောက်မှာ လမ်းလျှောက်နေတဲ့ သစ်တစ်ပင်ကို ကောင်းကင်ပြင်က လမင်းကြီးက တအံ့တဩ ငေးကြည့်နေခဲ့တယ်လေ….
ဟုတ်တယ်…
သစ်ပင် လမ်းလျှောက်ထွက်ခဲ့ပြီ…
အဲဒီ့ညက သစ်ပင် လမ်းလျှောက်ထွက်ခဲ့တာကတော့ ငှက်ကလေးနေတဲ့ အိမ်လေးဆီကိုပဲပေါ့…
မြစ်တွေချောင်းတွေကို ကျော်ဖြတ်လို့၊ တောင်တန်းတွေ၊ ချောက်ကမ်းပါးတွေကို ဖြတ်သန်းလို့ ငှက်ကလေးနေတဲ့ အိမ်လေး ရှိရာဆီကို သစ်ပင် မလျှော့တဲ့ဇွဲနဲ့ လမ်းလျှောက်လာခဲ့တယ်.
အိပ်မောကျနေတဲ့ ငှက်ကလေးရဲ့ အခန်းခေါင်းရင်းနဲ့ မလှမ်းမကမ်းမှာ နေရာယူလိုက်ရင်း သစ်ပင်ဟာ သူ့ရဲ့ သစ်ကိုင်းလေးတွေ၊ သစ်ရွက်လေးတွေကို လှုပ်ခတ်လို့ ငှက်ကလေးတစ်ကောင်ပဲ ကြားသိနားလည်နိုင်မယ့် သံစဉ်သီချင်းလေး တစ်ပုဒ် သီကျူးခဲ့လိုက်တယ်….
နတ်သမီးလေး (၁၄) ပါးက သစ်ပင်နားမှာ ကခုန်လို့ ချစ်ခြင်းသံစဉ်ကို ၀မ်းမြောက်ဝမ်းသာ ကြိုဆိုနေခဲ့ကြတယ်…
လမင်းကြီးကလည်း ကောင်းကင်ပြင်မှာ ပြိုင်ဖက်မရှိ ထွန်းလင်းတောက်ပလို့ သစ်ပင်ရဲ့ မေတ္တာတော်တေးကို အားဖြည့်သီကြွေးနေခဲ့တယ်လေ…
ဆက်ရန်...
<သျှင်နေမင်း>
2 comments:
အချစ်ကြောင့် သစ်ပင် လမ်းလျှောက်တတ်သွားတာပေါ့နော်..။
လင့်ခ်ပေးထားတဲ့ သီချင်းရဲ့ အဆိုတော် နာမည် သိချင်တယ်...။
လေးမရေ...
သီချင်းနာမည်က “မင်းမသိအောင် ချစ်မယ်” တဲ့.
အဆိုတော်ကတော့ ထူးအယ်လင်းပါ. နောက်ထွက်တဲ့အခွေထဲကပေါ့.
ကော်မန့်အတွက်လည်း ကျေးဇူး... :)
Post a Comment