ပြန်ဆုံမယ်...

စက်ဝိုင်းတစ်ခု ကောက်ခြစ်မိ
ပြန်ထွက်မရတော့မှ အပြစ်တင်မိတယ်.
သေသေချာချာ ပြန်ကြည့်မှ သတိရ
ငါက အထဲမှာရပ်လို့ စက်ဝိုင်းကိုဆွဲခဲ့တာကိုး…

ဆီးကန့် မျဉ်းတစ်ကြောင်း ငါ့ရဲ့ ရင်ခွင်ကို လာခွဲတယ်.
မင်း လိုက်ခဲ့မလားတဲ့
ဟင့်အင်းကွာ.
ငါ ညင်သာစွာနဲ့ပဲ ထွက်ခွာသွားချင်တယ်.
ငြိုငြင်စွာ ထိုးခွဲသွားပြီးမှ
ဒီစက်ဝိုင်းထဲက မလွတ်မြောက်ချင်ဘူး…

ကော့ဒ်လေးတစ်ကြောင်း ငါ့နှုတ်ခမ်းကို လာနမ်းတယ်.
သူ့ကို အခွင့်အရေးတစ်ခုပေးပါတဲ့
ငါပြန်မေးလိုက်တယ်.
မင်းရဲ့ အဆုံးသတ်က ဘာလဲ.
သူ တွေဝေသွားခဲ့တယ်လေ
တကယ်တော့
ကော့ဒ်လေးရဲ့ အစဟာ စက်ဝိုင်းရဲ့ တစ်ဖက်ဖြစ်ပြီး
အဆုံးသတ်ကတော့ စက်ဝိုင်းပေါ်မှာပဲဖြစ်နေခဲ့တယ်
သူ့အတွက် အကြီးမားဆုံး အခွင့်အရေးဟာ
ဒိုင်ယာမီတာ ဖြစ်လာတာကလွဲလို့
သူဟာ စက်ဝိုင်းထဲက လွန်မြောက်သွားနိုင်သူမှ မဟုတ်တာ.
စက်ဝိုင်းထဲမှာ ပိတ်မိနေတဲ့ မျဉ်းတစ်ကြောင်းသာ ဖြစ်ခဲ့တယ်.



နောက်ထပ်စက်ဝိုင်းတစ်ခု ငါ့ရဲ့ ကမ်းစပ်ကို လာထိတယ်.
ဒီဖက်ကို လာခဲ့ပါလားတဲ့
ငါမေးလိုက်တယ်.
မင်းကရော နောက်ထပ် စက်ဝိုင်းတစ်ခုပဲမလား
ကူးပြောင်းခြင်းကလွဲလို့ ဘာမှဖြစ်မလာနိုင်တာမှာ
ငါအသစ်အဆန်းတွေ မရှာချင်ဘူး
ခွင့်လွှတ်ပါနော်.



တန်းဂျင့်မျဉ်းတစ်ကြောင်း ငါ့ရဲ့ ပါးပြင်ကို လာနမ်းတယ်.
သွားကြရအောင်တဲ့လေ
သူက ငါ့ရင်ခွင်ကိုလည်း မခွဲဘူး
စက်ဝိုင်းထဲမှာ ပိတ်မိနေသူလည်း မဟုတ်ဘူး
နောက်ထပ် စက်ဝိုင်းတစ်ခုလည်း မဟုတ်ခဲ့ဘူး
သူလမ်းညွှန်တဲ့နေရာမှာ
ငြိမ်းချမ်းခြင်းတွေ
လွတ်လပ်ခြင်းတွေ
တည်ငြိမ်ခြင်းတွေ
ပေါ့ပါးခြင်းတွေ
…
…
.

ထူးခြားကောင်းမွန်တဲ့ ဂုဏ်သတ္တိတွေနဲ့ရယ်ပေါ့
သူထပ်မေးတယ်.
လိုက်မယ်မဟုတ်လားတဲ့
အနားသတ်တလျှောက် အရှိန်ယူပြီး ငါပြေးခဲ့တယ်.
တန်းဂျင့်မျဉ်းလေးနားအရောက်မှာ
ငါဟာ ညင်သာစွာနဲ့ပဲ လမ်းကြောင်းကူးပြောင်းခဲ့ပြီ.
လွတ်လပ်ပေါ့ပါးစွာ
အတားအဆီးကင်းမဲ့စွာ
အရွဲ့အစောင်းတို့မှ ဝေးရာ
အတွေးအမျှင်တို့အောက်မှ လွတ်မြောက်ရာ…
ထိုတစ်နေရာဆီကိုပေါ့….

လွမ်းလိုက်တာ
မင်းရှိတဲ့နေရာကို မှန်းရော်ကြည့်မိတော့
အိုး…
မင်းမှာလည်း တန်းဂျင့်မျဉ်းလေးတစ်ကြောင်းနဲ့ပေါ့
ငါသိပ်ဝမ်းသာတာပဲ.
ဟိုဖက်မှာ ပြန်ဆုံကြမယ်နော် ချစ်သူ…




(ရေခဲငှက်)

အဓိပ္ပါယ် ရှင်းလင်းချက်…

ဆီးကန့် = Secant
ကော့ဒ် = Chord
ဒိုင်ယာမီတာ = Diameter
တန်းဂျင့် = Tangent

စက်ဝိုင်းပေါ်မှာ ရှိတဲ့ အမှတ်နှစ်ခုကို ဆက်သွယ်ပေးထားတဲ့ မျဉ်းပိုင်းကို ကော့ဒ်လို့ ခေါ်ပါတယ်. မြန်မာလိုတော့ “လေးကြိုး” လို့ခေါ်ပါတယ်.

A segment that connects two distinct points on a circle is called a chord.

စက်ဝိုင်းရဲ့ ဗဟိုကို ဖြတ်ကျော်သွားတဲ့ ကော့ဒ်ကိုတော့ ဒိုင်ယာမီတာ (အချင်းမျဉ်း) လို့ ခေါ်ပါတယ်.

A chord that passes through the center of a circle is called a diameter.

စက်ဝိုင်းကို အမှတ်နှစ်ခုမှာ ဖြတ်သွားတဲ့ မျဉ်းကြောင်းကိုတော့ ဆီးကန့်လို့ခေါ်ပါတယ်. မြန်မာလိုပြောရရင်တော့ မျဉ်းဖြတ်ပါ. ၀န်းဖြတ်မျဉ်းလို့လည်း မြန်မာလို ပြောတတ်ကြပါသေးတယ်.

A line that intersects with the circle at exactly two points is called a secant (line).

မျဉ်းကွေးကို ဖြတ်ကျော်သွားခြင်း မရှိဘဲ အမှတ်တစ်မှတ်မှာ ထိနေတဲ့ မျဉ်းကြောင်းကို တန်းဂျင့်မျဉ်းလို့ ခေါ်ပါတယ်. မြန်မာလိုနီးစပ်အောင်ပြန်ရရင်တော့ “၀န်းထိမျဉ်း” လို့ ဆိုကြပါတယ်.

A line that touches a curve at a point without crossing over is called a tangent (line).



Ref:

http://www.mathwords.com/t/tangent_line.htm
http://www.bfoit.org/Intro_to_Programming/psu/circleDef.html