Thursday, February 14, 2008

လမ်းလျှောက်တတ်သောသစ်ပင်နှင့် အတောင်ပံမရှိသော တေးသီငှက်




လွတ်လပ်စွာ ပျံသန်းနေတဲ့ ငှက်ကလေးတစ်ကောင်ဟာ တစ်နေ့မှာ သစ်ပင်ကြီး တစ်ပင်ပေါ်ကို ရောက်ရှိနားခိုခဲ့ပါတယ်.

သစ်ကိုင်းလေးပေါ်ကို ညင်ညင်သာသာလေး ခိုနားလိုက်တဲ့ ငှက်ငယ်လေးကို သစ်ပင်ကြီးက ရင်ဖွင့်လို့ ကြိုဆိုခဲ့တာပေါ့.

ငှက်ကလေးက မေးတယ်.

“သစ်ပင်ကြီးရေ… ငါက ဘယ်နှစ်ကောင်မြောက် နားခိုခြင်းလဲ” တဲ့..

သစ်ပင်ကြီးက ပြန်ပြောတယ်.

“ဘယ်နှစ်ကောင်မြောက် နားခိုခြင်းလဲ ဆိုတာ ငါမပြောပြချင်ဘူး. မင်းသိနိုင်ပါတယ်. ငါ့သစ်ပင်ရဲ့ ခြေရင်းကို ကြည့်လိုက်. ငါ့ရင်ခွင်မှာ ခိုနားသွားတဲ့ ငှက်ငယ်တစ်ကောင်စီဟာ ငါ့ရင်ဘတ်ထဲက သစ်သီးတစ်လုံးစီကို ကိုက်ဆွဲစားသောက်ပြီး အစေ့လေးတွေပဲ ချန်ထားခဲ့တယ်.”

ငှက်ကလေးလည်း သစ်ပင်ကြီး ပြောပြတဲ့ နေရာကို ကြည့်လိုက်တော့တာပေါ့.

“အိုး… သစ်စေ့တွေ တောင်လိုပုံနေပါရော့လား… အဲလောက်တောင်ပဲ များလားဟင်…”

သစ်ပင်ကြီးက ခပ်မဆိတ်နေသတဲ့…

ငှက်ကလေးက ဆက်ပြောတာပေါ့.

“ဒီလောက်တောင် ငှက်ကလေးတွေ ၀င်နားနေပါလျက်နဲ့ သစ်ပင်ကြီးက ဘာလို့ဝမ်းနည်းနေရတာလဲ. တစ်ကိုယ်တည်း ထီးထီးကြီး ဖြစ်နေရတာလဲ”

သစ်ပင်ကြီးက အဝေးတစ်နေရာကို ဆွေးဆွေးမြည့်မြည့် ကြည့်ရင်း ပြောတယ်.

“ငါ့မှာ အမြစ်တွေ ရှိနေခဲ့ပြီး သူတို့မှာ တောင်ပံတွေ ရှိနေခဲ့တယ်လေ…”

..........................


ငှက်ကလေးလည်း သူ့တောင်ပံကို သစ်ပင်ကြီး မမြင်အောင် မသိမသာလေး အောက်ကိုရုပ်သိမ်းလိုက်သတဲ့.

“သစ်ပင်ကြီးရယ်… သင့်ရဲ့ အရိပ်အာဝါသသာ တကယ်ကို ကောင်းမွန်မယ်ဆိုရင် တောင်ပံပါတဲ့ ငှက်ကလေးတွေလည်း အချိန်တန်တော့ သင့်ရင်ခွင်ကို ပြန်လာလိမ့်မပေါ့. ကိုယ့်ကိုယ်ကိုသာ ပြည့်စုံကောင်းမွန်အောင် အရင်လုပ်ပါ သစ်ပင်ကြီးရယ်.”

ဒီစကားကို ကြားလိုက်ရတော့ သစ်ပင်ကြီးက သူ့ရဲ့ အမြစ်တွေထဲက တစ်ချောင်းကို လှုပ်ပြသတဲ့..

ပြီးတော့ ဆက်ပြောတယ်.

“မင်းသိလား. ငှက်ကလေး. ငါက တကယ်တော့ လမ်းလျှောက်တတ်တဲ့ သစ်တစ်ပင်ပါ. ငါ့အပေါ်ကို စစ်မှန်တဲ့ မေတ္တာတရား ထားရှိမယ့် ငှက်ကလေးတစ်ကောင်လောက် လိုချင်လို့ လမ်းမလျှောက်တတ်ဟန် ဆောင်နေတာပါ.”

ငှက်ကလေးက ဆက်ပြောပါတယ်.

“သစ်ပင်ကြီးက ဘာလို့ သစ်ပင်နောက်တစ်ပင်ကို မလိုချင်ဘဲ ကိုယ်နဲ့ သဘာဝမတူတဲ့ ငှက်ကလေးတစ်ကောင်ကိုမှ လိုချင်နေရတာလဲ. သိပ်တော့ သဘာဝမကျဘူး ထင်တယ်နော်.”

သစ်ပင်ကြီးက.

“အဲလိုတော့ မပြောနဲ့လေ. သစ်ပင်နဲ့ငှက်ငယ်ကြားမှာ ဆက်စပ်မှုတွေ ရှိနေပါတယ်. သစ်ပင်မှာ တည်ငြိမ်ခြင်း၊ ခိုကိုးရာကိုပေးခြင်း၊ နွေးထွေးလုံခြုံစေခြင်း စတဲ့ မေတ္တာတရားတွေ ရှိနေသလို ငှက်ငယ်မှာလည်း စွန့်စားခြင်း၊ စူးစမ်းလေ့လာခြင်း၊ သတ္တိဗျတ္တိနဲ့ ပြည့်စုံခြင်း စတဲ့ ကိုယ်ရည်ကိုယ်သွေး (အဲ) ငှက်ရည်ငှက်သွေးတွေ ရှိနေတယ်ကွ.”

ငှက်ကလေးရဲ့ မျက်နှာဖူးရွရွလေးကို သစ်ပင်ကြီးက ချစ်မြတ်နိုးစွာ စိုက်ကြည့်ရင်း ဆက်ပြောတယ်.

“ဒီလိုပါပဲလေ. ဘ၀နှစ်ခု ပေါင်းစပ်ခြင်းမှာလည်း ကိုယ်ရည်ကိုယ်သွေးတွေ ထပ်တူထပ်မျှ တူညီနေဖို့ မလိုပါဘူး. ဒီ့ထက် ပိုအရေးကြီးတာက တစ်ဦးပေါ်တစ်ဦး ခွင့်လွှတ်နားလည်တတ်မှုပဲပေါ့. သစ်ပင်လမ်းမလျှောက်နိုင်တာကို ငှက်ကလေးက နားလည်လို့ အချိန်တန်ရင် အိမ်ပြန်လာပြီး သစ်ပင်ကြီးရဲ့ ရင်ခွင်မှာ မှေးဝင်အိပ်စက်တာ၊ ငှက်ငယ်လေး ပင်ပန်းနွမ်းနယ်လာသမျှကို သစ်ပင်ကြီးက သူ့ရင်ခွင်မှာ ပြေပျောက်အပန်းဖြေနိုင်စေတာ. ဒါဟာ ဘ၀နှစ်ခု လှပစွာ ပေါင်းစပ်ခြင်းပဲပေါ့.”

ငှက်ကလေးက ခပ်တွေးတွေးလေး ဆက်ပြောသတဲ့…

“အင်း…. ဒါဆိုရင်… ငှက်ကလေး မပြန်လာနိုင်တော့တဲ့ အခါကျရင်… ဒါမှမဟုတ်. သစ်ပင်ကြီး ညှိုးလျော် နွမ်းခြောက်သွားရင် ဘာဖြစ်လာနိုင်သလဲ ဟင်..”

သစ်ပင်ကြီးက ပင့်သက် တစ်ချက်ရှိုက်လို့ ပြန်ပြောသတဲ့.

“ဒါဟာ တစ်နေ့မှာ ဖြစ်လာနိုင် ကြုံတွေ့လာနိုင်တဲ့ လောကနိယာမတရားတွေမို့ ဘာမှဆန့်ကျင်ပြီး ပြောနေစရာ မလိုပါဘူး. အရေးအကြီးဆုံးက ငါကတော့ အစွမ်းကုန် စိမ်းလန်းရှင်သန်နေအောင် ကြိုးစားသွားမယ်. သစ်ပင်တစ်ပင်ရဲ့ ငှက်ငယ်အပေါ်မှာ ထားရှိသင့်တဲ့ တာဝန်တွေ ကျေပြွန်အောင် လုပ်ဆောင်သွားမယ်. သူမနေနိုင်တော့လို့ အဝေးကို ပျံသန်းထွက်ခွာရင်း တစ်ခြားသစ်ပင်တစ်ပင်မှာ ခိုနားခဲ့ရင်လည်း နားပါစေလေ. ငါ့ရဲ့ ချစ်ခြင်းမေတ္တာတရားကို သက်ဝင်ယုံကြည်နေသမျှ၊ ငါ့ရဲ့ သံယောဇဉ်တွေကို စာနာပေးနေနိုင်သမျှ သူနဲ့ငါ့ကြားမှာ လှပတဲ့ ပေါင်းစပ်မှု တစ်ခု ဖြစ်ပေါ်နေမှာပါ.”

ငှက်ကလေးက မေးသတဲ့.

“လောလောဆယ်တော့ သစ်ပင်ကြီးနဲ့ နေရတာ သိပ်ပျော်တာပဲ. အခုခဏအပြင်ကိုသွားဦးမယ်. ဒါပေမယ့် ပြန်လာခဲ့မယ်နော်.”

သစ်ပင်ကြီးက သူ့ခေါင်းကို တစ်ချက်ငြိမ့်လိုက်ရင်း ခွင့်ပြုလိုက်သတဲ့…

တစ်ညလုံး ငှက်ကလေး ပြန်မလာခဲ့ပါဘူး.

တစ်နေ့လုံးလည်း သူမ ပျောက်နေခဲ့တယ်.

သစ်ပင်ကြီးလည်း သည်းခံစောင့်ဆိုင်းနေခဲ့တာပေါ့.

ဒီကြားထဲမှာ ငှက်ငယ်လေးတစ်ချို့ သစ်ပင်ကြီးရဲ့ ရင်ခွင်ထဲကို အစမ်းသဘောမျိုး ၀င်ရောက်နားခိုကြည့်ကြတယ်.

သစ်ပင်ကြီးက ခပ်တန်းတန်းပဲ နေခဲ့တယ်လေ. သူတို့တွေ လိုချင်တဲ့ အသီးတွေ၊ အရိပ်အာဝါသတွေကို ပေးခဲ့တာက လွဲလို့ တစ်ခြားသော ခံစားမှုတွေ မရှိခဲ့ဘူးတဲ့. သစ်ပင်ကြီးရဲ့ ဟိုးနက်ရှိုင်းတဲ့ နှလုံးသားထဲမှာတော့ သူ့ရဲ့ အကောင်းဆုံးသော အရာတွေနဲ့ ဖွဲ့စည်းထားတဲ့ သစ်သီးချိုချိုလေးတစ်လုံး ရှိနေခဲ့တယ်လေ.

သစ်ပင်ကြီးကတော့ သူနဲ့ တစ်ခါ စကားလက်ဆုံ ကျသွားခဲ့ဖူးတဲ့၊ သူ့နှလုံးသားကို မသိမသာလေး ခိုးယူသွားဖူးတဲ့ ငှက်ငယ်လေးကိုပဲ စိတ်ရှည်ရှည်နဲ့ စောင့်နေခဲ့တာပေါ့. သူသိမ်းထားတဲ့ သစ်သီးလေးကို အချိန်မီပေးခဲ့ချင်လို့၊ စားသုံးစေချင်လို့ပေါ့.

နွေ၊မိုး၊ဆောင်း သုံးရာသီလုံး ပြောင်းသွားခဲ့လို့ အချိန်တွေလည်း လင့်ခဲ့ပြီ. သစ်ပင်ကြီးလည်း နွမ်းလျညှိုးလျော် လာခဲ့ပြီပေါ့.

..........................


တုန်ရီနေတဲ့ မျက်ဝန်းတွေနဲ့ သစ်ပင်ကြီးကတော့ မိုးကုပ်စက်ဝိုင်းဖက်ဆီကို မျှော်ကြည့်နေဆဲပဲ…

တစ်နေ့ ငှက်ငယ်လေး ပြန်လာခဲ့တယ်.

သစ်ပင်ကြီးရယ်လေ… ၀မ်းသာလွန်းလို့ သူ့ရင်ခွင်ကျယ်ကြီးကို အစွမ်းကုန်ဖွင့်ထားပေးခဲ့တာပေါ့.

ငှက်ကလေး သူ့နားရောက်လာလေလေ သစ်ပင်ကြီးမှာ ရင်ခုန်လှိုက်မောလေလေနဲ့ ဖြစ်နေခဲ့တယ်.

အနားရောက်လာတော့မှ ငှက်ကလေးရဲ့ မျက်နှာလေးကို သစ်ပင်ကြီး သေသေချာချာ မြင်တွေ့လိုက်ရတော့တယ်.

“အိုး… မင်းတော်တော် အိုစာသွားခဲ့တာပဲ. ဘာတွေ အဆင်မပြေ ဖြစ်နေခဲ့လဲ”

ငှက်ကလေးက သစ်ပင်ကြီးရဲ့ နှလုံးသားထဲက သစ်သီးလေးတစ်လုံးကို ဗိုက်ဆာဆာနဲ့ အရင်လှမ်းဆွဲလိုက်သတဲ့.

သစ်ပင်ကြီးရင်ထဲမှာ ဆတ်ခနဲ နာသွားပေမယ့် မသိချင်ယောင်ဆောင်ပြီး သူမအတွက် နောက်ထပ်သစ်သီးတစ်လုံး ဖူးပွင့်နိုင်ဖို့ အရံသင့် ကြိုးစားထားသတဲ့.

ငှက်ကလေးက ပြောတယ်.

“ငါ. ငှက်ဖိုတစ်ကောင်နဲ့ ဇာတ်လမ်းတွေ ဖြစ်ခဲ့ကြတယ်.”

ဆစ်ခနဲ ရင်ထဲမှာ ကျင်သွားတာကို မသိချင်ယောင်ဆောင်ပြီး သစ်ပင်ကြီးက ဆက်မေးတယ်.

“ပြီးတော့ ဘာဆက်ဖြစ်ကြသေးလဲ.”

ငှက်ကလေးက ဆက်ပြောတယ်.

“ချစ်ကာစက ကောင်းပါတယ်. ငါတို့တွေ သိပ်ကို ပျော်ခဲ့ကြတယ်. ငါတို့ယုံကြည်စွာ ပျော်ရွှင်ခဲ့ကြတယ်ကွာ.”

သစ်ပင်ကြီးလည်း သူ့ရဲ့ သစ်ကိုင်းတစ်ဖက်ကို မြေပေါ်ကို ထောက်လို့ သူ့ကိုယ်သူ ဟန်မပျက်အောင် ထိန်းထားရင်းက ဆက်မေးတာပေါ့.

“ဘာဆက်ဖြစ်ကြလဲ. ငါသိခွင့်ရှိမလား”

ငှက်ကလေးလည်း သူ့နှုတ်ခမ်းထော်ထော်လေးထဲက သစ်စေ့လေးကို ထွေးထုတ်လိုက်ရင်းက သစ်ပင်ကြီးကိုမေးတယ်.

“ငါ့ကို နောက်ထပ်သစ်သီးတစ်လုံးလောက် သီးပေးပါလားဟင်”

သစ်ပင်ကြီးလည်း ၀မ်းသာအားရနဲ့ပဲ သူ့ရင်ဘတ်ထဲက နှလုံးသားကို သစ်သီးအယောင်ဆောင်လို့ ပေးသတဲ့. တကယ်တော့ ငှက်ကလေးအတွက် သီးတဲ့ သစ်သီးတွေဟာ သူ့နှလုံးသားကို ပုံဖျက်ထားတဲ့ သစ်သီးလေးတွေ ဖြစ်နေခဲ့မှန်း ငှက်ကလေး ဘယ်တုန်းကမှ မရိပ်မိခဲ့ပါဘူးလေ… ငှက်ကလေး တစ်ကိုက်ကိုက်လိုက်တိုင်း သစ်ပင်ကြီးရဲ့ ခွန်အားတွေ တစ်စစီ ယုတ်လျော့အိုမင်းသွားနေခဲ့တယ်.

သစ်ပင်ကြီးက ပြောပါတယ်.

“မင်း သိပ်ပင်ပန်းနေပုံပဲ. နောက်နေ့မှ ဆက်ပြောပါလားဟင်. ဒီည ဒီမှာပဲ အိပ်လိုက်နော်.”

ငှက်ကလေးလည်း သစ်ပင်ကြီးရဲ့ စကားကိုကြားတော့ သစ်သီးလေးကို မွတ်သိပ်စွာ စားသောက်နေရာက ခေါင်းမော့ကြည့်တယ်.

“အင်း. ကောင်းသားပဲ. ငါလည်း ဘယ်ကိုမှ မသွားချင်ဘူး. သစ်ပင်ကြီးနဲ့နေရတာ ပျော်တယ်. စိတ်ချမ်းသာတယ်.”

သစ်ပင်ကြီးက ငှက်ကလေးရဲ့ အတောင်ပံလေးကို သူ့သစ်ရွက်နုနုလေးတွေနဲ့ အသာလေးထိုးဖွရင်း တိုးတိုးလေး မေးတယ်.

“မင်း ငါ့ကို ချစ်လားဟင်”

ငှက်ကလေးက အထိတ်တလန့် ထခုန်လိုက်တယ်.

“နိုးနိုးနိုး…. မဟုတ်ဘူး… ငါမင်းကို မချစ်ဘူး.”

သစ်ပင်ကြီးလည်း ၀မ်းနည်းပက်လက်ဖြစ်သွားခဲ့တာပေါ့.

အဲဒီ့အခါကျတော့လည်း ငှက်ကလေးက စိတ်မကောင်းဖြစ်ပြန်ရော…

“မဟုတ်ဘူး သစ်ပင်ကြီးရယ်… ငါ့ကို နားလည်ပါ. ငါမင်းကို ချစ်လို့ မရတာကို နားလည်ပေးပါ. မချစ်လို့မဟုတ်ဘူး. ချစ်လို့မရတာပါ သစ်ပင်ကြီးရယ်…”

သစ်ပင်ကြီးလည်း မျက်စိရှုပ် နားရှုပ် (အဲ) သစ်ပင်ဆိုတော့ သစ်ကိုင်းရှုပ်၊ သစ်ရွက်ရှုပ် ဖြစ်သွားခဲ့တာပေါ့.

“ငါနားမလည်ဘူး. အချစ်…”

ငှက်ကလေးက ထုံးစံအတိုင်း သူ့နှုတ်ခမ်းလေးကို ခပ်ထော်ထော်လေး လုပ်ရင်းက..

“လူကိုများ… (အဲ) ငှက်ကိုများ အချစ်တဲ့လေး ဘာလေးနဲ့. ဘယ်သူက ချစ်တယ် ပြောနေလို့လဲ”

သစ်ပင်ကြီးက သူ့တစ်ပင်လုံးကို သွက်သွက်ခါအောင် လုပ်ပြီး ဟက်ဟက်ပက်ပက် ရယ်လိုက်သတဲ့…

“ဟတ်ဟတ်ဟတ်… မင်းငါ့ကို ညာနေတယ်. မင်းကိုငါချစ်သလို ငါ့ကိုလည်း မင်းချစ်တယ်ဆိုတာ ငါသိတယ်. ဟုတ်တယ်မလား”

ငှက်ကလေးလည်း မျက်နှာ ပြန်ညှိုးသွားခဲ့ရင်းက ခပ်တိုးတိုးလေး ပြန်ဖြေသတဲ့.

“သံယောဇဉ်ရှိတယ်.”

“ဟင်”

“တွယ်တာတယ်.”

“အာ. လုပ်ပြီ.”

“အားကိုးတယ်”

“တည့်တည့်ပြောပါကွာ”

“မခွဲနိုင်ဘူး”

“ကြည့်. ဘာလို့ ဟိုစကားကိုကျတော့ ရှောင်နေရတာလဲ. ထပ်မေးမယ်. ချစ်လား”

ငှက်ကလေးလည်း သစ်ပင်ကြီးကို ခပ်တွေတွေလေး စိုက်ကြည့်ရင်းက.

“ချစ်လို့မရတာကို နားလည်ပါ. ပိုနားလည်အောင် ပြောရရင်တော့ ချစ်ခွင့် မရှိလို့ပါ သစ်ပင်ကြီးရယ်…”

“အို… ငါမင်းကို နှိပ်စက်နေမိပြီလားဟင်… ခွင့်လွှတ်ပါကွာ..”

“ရပါတယ်. သစ်ပင်ကြီးရယ်. ငါဒီမှာ နေခွင့်ရတုန်းလေး ငါ့ကို ပျော်အောင်လုပ်ပေးပါနော်. ငါသိပ်စိတ်ညစ်နေခဲ့လို့ပါ.”

သစ်ပင်ကြီးလည်း ဘာမှ ဆက်မမေးတော့ဘဲ ငှက်ကလေးကို ညင်ညင်သာသာလေး ထွေးပွေ့ထားလိုက်တော့ သတဲ့..

အဲဒီ့ညက ငှက်ကလေး ပထမဦးဆုံးအကြိမ် နှစ်ခြိုက်စွာ အိပ်မောကျခဲ့တယ်လို့ နောက်တစ်နေ့မနက်မှာ သစ်ပင်ကြီးကို ပြောပြခဲ့ပါတယ်.

“ကျေးဇူးတင်ပါတယ် သစ်ပင်ကြီးရယ်.”

“ကြိုဆိုပါတယ်. ချစ်သူ”

ငှက်ကလေး ဘာမှ ဆက်မပြောနိုင်သေးခင် သစ်ပင်ကြီးက အလုအယက် ဆက်ပြောသတဲ့..

“မင်းကို ချစ်သူလို့ ခေါ်ခွင့်ပေးပါကွာ. ငါ ဘာမှ မင်းဆီက မတောင်းဆိုပါဘူး. တောင်းလည်း မတောင်းဆိုခဲ့ဖူးတာ မင်းအသိပါ. ငါ့ရင်ထဲမှာ မင်းအတွက် ဖြစ်ပေါ်လာတဲ့ အချစ်တွေကို ဒီစကားလုံးလေးတွေထဲမှာ ထည့်သွင်းခွင့်တော့ ပြုပါ. ငါဘာမှ ဆက်မကြိုးစားပါဘူး”

ငှက်ကလေးလည်း စိတ်မကောင်းဖြစ်သွားခဲ့ရင်းက…

“တကယ် မကြိုးစားတော့ဘူးလားဟင်..”

သစ်ပင်ကြီးလည်း ဇဝေဇ၀ါ ဖြစ်သွားခဲ့တာပေါ့.

“ငါ့မှာ ကြိုးစားပိုင်ခွင့် ရှိလို့လား”

ငှက်ကလေးလည်း မရယ်ချင့် ရယ်ချင်နဲ့ ညှစ်ရယ်လိုက်ရင်းက သစ်ပင်ကြီးကို မကြည့်ဘဲ ပြောပါတယ်.

“နိုး.”

“ငါသိပါတယ်. ထားပါကွာ. မင်းနဲ့ ငါနေလို့ရသလောက် ချစ်သွားမယ်. ဘာမှ အရောင်မပါတဲ့ ချစ်ခြင်းတွေနဲ့ပေါ့.”

“အဲလိုအချစ် ရှိလို့လား”

သစ်ပင်ကြီးက သူ့ရင်ဘတ်ကို ကော့လို့ ပြန်ဖြေသတဲ့..

“သိပ်ရှိတာပေါ့.”

“ဘယ်လိုအချစ်မျိုးလဲ”

“ပလေတိုးနစ် အချစ်လို့ ခေါ်ကြတယ်.”

“အဲဒါ ဘယ်လိုအချစ်မျိုးလဲ. ဆရာပလေတိုးက လေဒီပလေတိုးကို ချစ်တဲ့ အချစ်မျိုးလား.”

သစ်ပင်ကြီးက သဘောကျစွာ ရယ်ပါတယ်.

“ဟတ်ဟတ်ဟတ်. မင်းကလေ သိပ်နောက်တတ်တယ်နော်.”

ငှက်ကလေးက သစ်ပင်ကြီးကို ခပ်ဆွေးဆွေးလေး စိုက်ကြည့်ရင်းက

“မင်းသိလား သစ်ပင်ကြီး… ငါလေ မင်းရဲ့ ရယ်သံကို သိပ်မြတ်နိုးတာပဲ.”

“ဟင်.. ဘာလို့”

“မာနသံပါတယ်. ဒါပေမယ့် သိမ်မွေ့တယ်. နူးညံ့တယ်.”

“မင်းစကားက ရှေ့နောက်မညီဘူး”

“ဟုတ်တယ်. ငါသိတယ်. ဒါပေမယ့် တကယ်ကိုလည်း ငါ့ရင်ထဲမှာ အဲလိုခံစားနေရလို့ ပြောလိုက်တာ. မင်းမှာ မာနတွေ ရှိတယ်. ဒါပေမယ့် လူမမြင်အောင် မင်းဖုံးကွယ်ထားလို့ နူးညံ့ချင်ယောင် ဆောင်နေတယ်.”

သစ်ပင်ကြီးက သူ့ဆံပင်ကို တစ်ချက်ခါ (အဲ) သူ့သစ်ကိုင်းကို တစ်ချက် ပုတ်ထုတ်လိုက်ရင်းက..

“မင်း ဘာကြောင့် ပြောနိုင်တာလဲ.”

“ငါသိလို့ သိတယ်လို့ပဲ သဘောထားလိုက်ပါကွာ. ဘာကြောင့်လို့ အတိအကျတော့ မပြောချင်ဘူး.”

သစ်ပင်ကြီးလည်း သက်ပြင်းရှည်ကြီးကို ချလိုက်ရင်းက…

“ငါလည်း ငါ့အကြောင်းတွေ ပြောပြချင်ပါတယ်. တစ်နေ့နေ့ပေါ့.”

“ဘယ်နေ့လဲ.”

သစ်ပင်ကြီးလည်း ငှက်ကလေးကို စချင်နောက်ချင်လာတာကြောင့်

“ငါအသက် (၆၀) ပြည့်တဲ့နေ့”

ငှက်ကလေးလည်း သစ်ပင်ကြီးရဲ့ ရင်ခွင်ထဲမှာ အိပ်နေရာကနေ ထခုန်လိုက်ပြီးတော့ လက်ခုပ်လက်ဝါးတီးလို့ (အဲ မဟုတ်ပါဘူး) အတောင်ပံတွေကို တဖြန်းဖြန်း ရိုက်လို့ ဟက်ဟက်ပက်ပက် ရယ်ပါတယ်.

..........................


ဆက်ရန်….

<သျှင်နေမင်း>

4 comments:

ရွှန်းမီ said...

ဖတ်လို့ကောင်းတယ်.. ဆက်ဖတ်ချင်ပါတယ်..
တင်ပေးတာ ကျေးဇူးပါ..

Layma said...

အရှိန်ပျက်တယ်ဂျာ..မြန်၂ဆက်

Winkabar said...

ဇာတ်လမ်းလေးကောင်းတယ်။ ဟုတ်တယ် မြန်မြန်ဆက်နော်။

မျှားပြာ said...

ကိုရန် တို့လို့တန်းလန်းနဲ့ ..
ကောင်းတယ်ဗျာ .. ဆက်ရန်ကို မျှော်နေမယ် ..။