နှောင်ကြိုးမဲ့ရင်ခွင်...

မနက်ကတော့ ဘာရယ်မဟုတ်ဘူး. အပန်းဖြေတဲ့အနေနဲ့ ကြည့်ရင်း ပို့စ်ကောက်တင်လိုက်တာ. နာမည်ကိုလည်း မစဉ်းစားအားတာနဲ့ ဖြစ်သလိုပဲ “မလုပ်ချင်သေးဘူး ;)" ဆိုပြီး ပေးခဲ့တယ်ဗျ. အခုမှပဲ ပြန်ခံစားကြည့်ရင်း လိုက်ဖက်မယ်ထင်တဲ့ နာမည်လေး ပြန်ပြောင်းပေးလိုက်တယ်.

ကိုခင်ဝမ်းအလွမ်းပြေလည်းဖြစ်စေပေါ့ဗျာ...

“နှောင်ကြိုးမဲ့ ရင်ခွင်” လို့ အမည်ပေးလိုက်ပါတယ်.

ဝိရောဓိ ပညတ်ချက်များ...

The Paradoxical Commandments

People are illogical, unreasonable, and self-centered.
Love them anyway.

လူတွေမှာ ယုတ္တိမတန်တဲ့ လုပ်ရပ်တွေ၊
သဘာဝမကျတဲ့ စဉ်းစားတွေးခေါ်ခြင်းတွေ
အတ္တဗဟိုပြုချက်တွေ ရှိနေတတ်ကြတယ်.
ဒါပေမယ့်
မင်း..
လူတွေကို ချစ်မြဲချစ်ပါ၊ လေးစားမြဲလေးစားပါ…

If you do good, people will accuse you of selfish ulterior motives.
Do good anyway.

မင်း…
ကောင်းတာကိုလုပ်ပါ
လူတွေက မင်းကိုစွပ်စွဲလိမ့်မယ်.
ကိုယ့်ဖက်ကိုပဲ ကြည့်တတ်တယ်၊ အတ္တသိပ်ကြီးတယ်လို့ပေါ့
ဒါပေမယ့်
မင်း…
ကောင်းတာကိုပဲ ဆက်လုပ်မြဲလုပ်ပါ…

If you are successful, you will win false friends and true enemies.
Succeed anyway.

မင်း…
အောင်မြင်လာပြီလား
မင်းမှာ မိတ်ဆွေတုတွေနဲ့ ရန်သူစစ်တွေကို ရရှိလာလိမ့်မယ်
ဒါပေမယ့်
မင်း…
အောင်မြင်အောင်သာ ဆက်ကြိုးစားပါ.

The good you do today will be forgotten tomorrow.
Do good anyway.

မင်း ဒီနေ့လုပ်လိုက်တဲ့ ကောင်းတဲ့လုပ်ရပ်တစ်ခုကို
မနက်ဖြန်မှာ သူတို့ မေ့ပစ်လိုက်လိမ့်မယ်
ဒါပေမယ့်
မင်း…
ကောင်းတာကိုသာ ဆက်လုပ်မြဲလုပ်ပါ…

Honesty and frankness make you vulnerable.
Be honest and frank anyway.

မင်းရဲ့ ရိုးသားမှုနဲ့ ပွင့်လင်းမှုတို့က
မင်းကို ပျော့ကွက်တွေအဖြစ် ထိုးနှက်သွားနိုင်တယ်.
ဒါပေမယ့်
မင်း…
ရိုးသားမြဲ ရိုးသားပါ.
ပွင့်လင်းမြဲပွင့်လင်းပါ…

The biggest men and women with the biggest ideas can be shot down by the smallest men and women with the smallest minds.
Think big anyway.

အိပ်မက်ကြီးကြီးမက်တတ်တဲ့ လူတွေကို
စိတ်သဘောထားသေးသိမ်တဲ့ လူတွေက အသရေဖျက် ပြောဆိုပြစ်တင်နိုင်တယ်
ဒါပေမယ့်
မင်း…
အိပ်မက်ကြီးကြီး ဆက်မက်မြဲမက်ပါ…
ဘယ်သူနဲ့မှ မတူအောင် စဉ်းစားတွေးခေါ်ပါ.

People favor underdogs but follow only top dogs.
Fight for a few underdogs anyway.

What you spend years building may be destroyed overnight.
Build anyway.

နှစ်လကြာရှည် ကြိုးစားတည်ဆောက်ခဲ့ရတဲ့ မင်းအိပ်မက်တွေ
ညတွင်းချင်း ဖြိုလှဲ ဖျက်ဆီးခံရလိုက်နိုင်တယ်.
ဒါပေမယ့်
မင်း…
ဆက်လက်တည်ဆောက်မြဲ တည်ဆောက်ပါ…

People really need help but may attack you if you do help them.
Help people anyway.

လူတွေ မင်းရဲ့ အကူအညီလိုအပ်တယ်
ဒါပေမယ့် ကူညီတတ်တဲ့ မင်း ကို ပြန်လည်တိုက်ခိုက်နိုင်တယ်.
ဘာပဲဖြစ်ဖြစ်ပေါ့
လူတွေကို ဆက်လက်ကူညီပါ…

Give the world the best you have and you'll get kicked in the teeth.
Give the world the best you have anyway.

ကမ္ဘာကြီးအတွက် မင်းမှာ ရှိသမျှ အကောင်းဆုံးတွေ ဖြန့်ဝေပေးဆပ်ပါ.
မင်းကို ပြန်လည်တိုက်ခိုက်ခံရတာမျိုး ကြုံတွေ့ရနိုင်တယ်.
ဒါပေမယ့်
မင်း…
အားလုံးအတွက် အကောင်းဆုံးတွေ
ဆက်လက် လုပ်ဆောင်မြဲ လုပ်ဆောင်သွားပါ…

ဒီကဗျာလေးကို Kent M. Keith က ရေးခဲ့တာပါ. ဟားဗတ် တက္ကသိုလ်မှာ တက်နေရင်း အသက် ၁၉ နှစ်အရွယ်မှာ စတင်ရေးသားခဲ့တာဖြစ်ပါတယ်. မူရင်းကဗျာကို ဒီနေရာမှာ ဖတ်ပါ.

ဒီကဗျာလေးကို ကျွန်တော်စတွေ့ခဲ့တာကတော့ မနေနေနိုင်ရဲ့ ဘလော့ဂ်လေးကပါ. ခွန်အားတွေ ပြန်လည်မြှင့်တင်ပေးစေနိုင်တဲ့ ကဗျာကောင်းလေးတစ်ပုဒ်မို့ မာသာထရီဆာဟာ ကာလကတ္တားမှာ ရှိတဲ့ မိဖမဲ့ ဂေဟာလေးတစ်ခုမှာ ဒီကဗျာလေးကို ချိတ်ဆွဲထားခဲ့ပါတယ်.

အားလုံးပဲ ခံစားသက်ဝင်နိုင်ပါစေခင်ဗျာ.

ခင်မင်လေးစားလျက်

ရန်အောင်

The Chosen One.....

နှုတ်ဆက်ချိန်...

နှုတ်ဆက်ပြီလား ချစ်သူ
ရုတ်တရက်မို့ မမျှော်လင့်ခဲ့မိတာလည်း အမှန်ပါ.
ဝေဒနာဆိုတာကို အကျွမ်းဝင်နေပြီးသားမို့
ထားရစ်ခံခဲ့ရတဲ့ ခံစားချက်ဆိုတာ
ဓားပါးပါးလေးတစ်ချက်
အသည်းမျက်နှာပြင်မှာ မွှမ်းသွားရုံလောက်ပါပဲ.
ဒါပေမယ့်
မင်းရဲ့ အမုန်းတရားတွေကတော့
ငါ့ အသည်းကို အစိတ်စိတ်အမွှာမွှာ ကွဲကြေစေခဲ့တယ်…
နှုတ်ဆက်ပြီလား ချစ်သူရယ်…
နှုတ်ဆက်ပါ…

သွားတော့မှာလား ချစ်သူ
အရာရာ ကိုယ့်အမှားတွေပဲလို့ ပုံချချင်လည်းပုံချပါ.
စုံကန်ချင်လည်း ကန်ပစ်ပါ.
အမှန်တရားဆိုတာ အတ္တမှာ ဗဟိုပြုတယ်လေ
လူဆိုတာ ကျင်လည်သလို ရှင်သန်နေရပြီး
ရှင်သန်သလို ကျင်လည်နေရတာ
ဘ၀ရဲ့ စိန်ခေါ်သံကို မကြားဖူးသေးတဲ့ မင်း
ရှင်းလင်းစွာ ဘယ်သိနိုင်မှာလဲနော်.
မင်းသိတာ
လက်ကိုလက်ချင်း
ခြေကိုခြေချင်း
ဓားကိုဓားချင်း
အားကိုအားချင်း
ရင်းနှီးတုံ့ပြန်ဖို့ပဲလေ
ကိုယ်ဟာ မင်းအတွက်
မပြတ်သားတဲ့ ယောင်္ကျားတစ်ယောက်ဖြစ်ခဲ့ရပြီလား
စကားတွေလည်းကုန်အောင်ပြောခဲ့မှတော့
အားလျော့နေတဲ့ ငါ့ဖြေရှင်းချက်တွေ ၀င်မတိုးနိုင်တော့ပါဘူး
သွားပါချစ်သူရယ်
သွားတော့နော်….

မခေါ်တော့ဘူးလား ချစ်သူ…
မျှော်နေမှန်းသိလို့ လွမ်းကျန်ရစ်အောင် အနိုင်ကျင့်တာလား
ဒီအသံလေးမကြားရရင် ငါဘယ်လိုမှိုင်နေမယ်.
ဒီမျက်နှာလေးမမြင်ရရင် ငါဘယ်လို တွေဝေနေမယ်.
ဒီရယ်သံလေးနဲ့ မရင်းနှီးရတော့ရင် ငါဘယ်လို ခြောက်ခြားနေမယ်.
အို…
မသိချင်တော့ဘူးတဲ့လား.
မခေါ်တော့ဘူးလား ချစ်သူ…
မခေါ်ပါနဲ့တော့နော်…

မနက်ဖြန်မှာ
နေသာနိုင်တယ်
မိုးရွာနိုင်တယ်
နှင်းကျနိုင်တယ်
လေထန်နိုင်တယ်.
ရာသီချိန်မှာ ရာသီအဖြစ်အပျက်တွေ ဖြစ်ပျက်နေနိုင်ပေမယ့်
ငါ့ရင်ထဲမှာတော့
မင်းအတွက်
အလွမ်းရွက်ဝါတွေ
ထာဝရ ကြွေနေဆဲပါ
အချစ်မိုးတွေ
ထာဝရ စွေနေဆဲပါ
မေတ္တာနှင်းစက်တွေ
ထာဝရ ဝေနေဆဲပါလေ…

မင်းထားရစ်ခဲ့တဲ့ အလွမ်းတွေ
ငါ့ကိုကြမ်းတမ်းစွာ ဆုတ်ဖြဲပါစေ…
မင်းချန်ရစ်ခဲ့တဲ့ အနမ်းတွေ
ငါ့ကို ချိနဲ့အောင် လှောင်ရယ်နေပါစေ
ဘာပဲဖြစ်ဖြစ်ပေါ့
မနက်ဖြန်မှာ ငါနိုးထနိုင်ဖို့အတွက်
ခံစားချက်တွေကို ဒီညမှာ
ချွေးသိပ်လိုက်ဦးမယ်ချစ်သူ…

မိုးစက်တွေ ပြတင်းပေါက်ကို လာမှန်နေတယ်.
လွမ်းလိုက်တာ…
နေခြည်မဖြာနိုင်တော့တဲ့
ကတ္တီပါလမ်းခွဲမှာ
တွဲလက်တွေ ဖြုတ်ခဲ့ကြပြီနော်
အပြီးတိုင် နှုတ်ဆက်ချိန်မှာ
နာကြင်စွာအားယူလို့
စကားတစ်ခွန်းတော့ ပြောခွင့်ပြုပါ
“ငါ မင်းကို သတိရနေမယ်…..”

အားနာမိတာမှား.... မှား... မှား....

အများသုံး အိမ်သာတစ်ခုထဲ ၀င်ပြီး ကမုတ်ထဲထိုင်ရုံ ရှိသေးသည်။ ဟိုဖက်အိမ်သာထဲက လူက လှမ်းနှုတ်ဆက်သည်။

“ဟေ့လူ. နေကောင်းလား…”

ဒီလိုနေရာမျိုးမှာ အလ္လာပသလ္လာပ စကားပြောရတာ စိတ်မသက်မသာ ရှိလှသည်။ မကောင်းတတ်တော့လည်း ပြန်နှုတ်ဆက်ရသည်ပဲပေါ့.

“ကောင်းပါတယ်. ကျေးဇူး”

အသေအချာ အကျအနထိုင်ပြီး ကိုယ့်ကိစ္စကို ဆက်ရှင်းမည် ကြံကာရှိသေး. အလိုက်မသိတတ်သော ငနဲသားက ထပ်မေးလာပြန်သည်။

“ခင်ဗျား ဘာတွေ အလုပ်ရှုပ်နေလဲဗျ.”

ဟာ… ဒီလူတော့ ခက်ပြီ. ဘာလဲကွာ… ဒီလိုနေရာမျိုးမှာ ဒီလို ဂွတီးဂွကျမေးခွန်းတွေ လာမေးနေတာ ဘာလဲ….

စိတ်ပေါက်ပေါက်နှင့် ဘုတောပစ်လိုက်သည်။

“ခင်ဗျားလိုပဲပေါ့ဗျာ.”

ဘာပဲဖြစ်ဖြစ် မြန်မြန်လက်စသတ်ပြီး ထွက်သွားဖို့ စိတ်ကူးလိုက်သည်။ ဒါပေမယ့် နောက်ထပ်မေးခွန်းတစ်ခု ထပ်ထွက်လာပြန်သည်။

“ကျွန်တော်လာခဲ့မယ်ဗျာ. ရမလား”

ဗုဒ္ဓေါ……. ဒီလူ ဘယ်လိုလူလဲ. ဂေးလား. ဂျော်ရကီးလား. ဘာကောင်လဲကွာ…
ဘာပဲဖြစ်ဖြစ်. ကိုယ်ကျင်လည်ကျက်စားနေရာ နေရာမဟုတ်၍ သတိတော့ ထားနေရသည်။
ထောင်းခနဲ ထွက်လာသော ဒေါသကို အသာချိုးနှိမ်လျက် အသံ ခပ်အုပ်အုပ်ဖြင့် ပြန်ဖြေလိုက်သည်။

“မလုပ်နဲ့လေဗျာ. ကျွန်တော်လည်း ဒီမှာ အလုပ်ရှုပ်နေတာ..”

ဒုန်းခနဲ တံခါးဆောင့်ပိတ်သံ ကြားလိုက်ရပြီး ဟိုဖက်က ပြန်ပြောသည်။

“နောက်မှပဲ ပြန်ဆက်တော့မယ်. ဟိုဖက်အခန်းထဲက သောက်ပေါတစ်ကောင်က ရူးသလို နှမ်းသလိုနဲ့ ငါမေးသမျှ ပြန်လိုက်ဖြေနေလို့….”




Acknowledgement:

သူငယ်ချင်းတစ်ဦးပေးပို့သော အီးမေးလ်ကို အဆင်ပြေအောင် ပြန်ရေးထားခြင်း ဖြစ်ပါသည်။

ဧ၀ံမေသုတံ - အလုပ်နှင့်စိတ်ဓာတ်

စိတ်ကိုချောင်ပိတ်မထားပါနဲ့။ တစ်ခုလုပ်လို့ မဖြစ်ရင် ဘာမှလုပ်လို့ မဖြစ်ဘူးလို့ မပြောပါနဲ့။ ဘာတွေလုပ်လုိ့ဖြစ်သလဲ ဆိုတာကို မေးပြီး ဖြစ်နိုင်တာတွေကို များများစဉ်းစားပါ။ ဘယ်လိုအခြေအနေမှာ ဖြစ်ဖြစ် လုပ်လို့ဖြစ်တာ ရှိပါတယ်။ သူများတွေ လုပ်လို့ မဖြစ်ဘူးဆိုပြီး ဘာမှ မလုပ်တဲ့ အချိန်မှာ လုပ်လို့ဖြစ်တာကို လုပ်နေတဲ့သူက အောင်မြင်တယ်၊ ကြီးပွားတယ်။ ဥာဏ်ကိုသုံးပြီး ဘ၀ကို တီထွင်နေတဲ့သူဟာ ဘာမှ လုပ်လို့ မဖြစ်ဘူးလို့ ဘယ်တော့မှ မတွေးဘူး။

(နှာ-၃၆၄၊ “တွေးမိတိုင်းပျော်တယ်”၊ ဆရာတော်ဦးဇောတိက)

ကိုယ်လုပ်ချင်တာချည်းပဲ အမြဲတမ်းလုပ်ရတဲ့လူ ဆိုတာကတော့ မရှိလောက်ပါဘူး။ လူတော်တော်များများဟာ အခြေအနေအရ ကိုယ့်ရဲ့ အရည်အချင်း၊ ကိုယ့်ရဲ့ အချိန်ကို ရောင်းရတယ်။ အလုပ်လုပ်တယ် ဆိုတာ အမှန်တော့ အရည်အချင်းနဲ့ အချိန်ကို ရောင်းတာပဲ။ သို့သော် ကိုယ်ပိုင်အချိန်နဲ့ ကိုယ့်ဟာကိုယ် လုပ်ချင်တာတွေ လုပ်ဖို့အတွက် လွတ်လပ်မှု ရှိရမယ်။ အဲဒါမရှိရင်လည်း ဘ၀မရှိတော့ဘူး။

(နှာ-၃၆၆၊ “တွေးမိတိုင်းပျော်တယ်”၊ ဆရာတော်ဦးဇောတိက)

အလုပ်ကနေ ပိုက်ဆံပဲရတယ်၊ တစ်ခြားဘာမှ ကျေနပ်မှု မရဘူးဆိုရင် အဲဒီ့လူဟာ အလုပ်ကြောင့် စိတ်ထိခိုက်မှု၊ ကိုယ်ထိခိုက်မှု ဖြစ်တယ်။
ကိုယ့်ဘ၀နဲ့ ပတ်သက်တဲ့ ရည်မှန်းချက်က ဘာလဲ။ ကိုယ်တကယ် စိတ်အေးချမ်းမှု၊ စိတ်ကြည်လင်မှု၊ စိတ်ချမ်းသာမှုကို ရမယ့် အလုပ်မျိုးဟာ ဘာလဲ။ ကိုယ့်အရည်အချင်းတွေကို အများဆုံးထွက်လာအောင် ထုတ်ဖော်ပြီး အသုံးချရမယ့် အလုပ်မျိုးဟာ ဘယ်လို အလုပ်မျိုးလဲ ဆိုတာကို သိပြီးတော့ ကိုယ့်အရည်အချင်းတွေကို အများဆုံးသုံးနိုင်မယ့် အခြေအနေမျိုးကို နေ့တိုင်း ပြုစုပျိုးထောင်သွားဖို့လိုတယ်။

(နှာ-၃၇၃၊ “တွေးမိတိုင်းပျော်တယ်”၊ ဆရာတော်ဦးဇောတိက)

ဧ၀ံမေသုတံ၊ ကျွန်ုပ်သည် ဤကဲ့သို့ ကြားနာမှတ်သားလိုက်ရလေ၏......

ကံဆိုးသူ မောင်ရှင်သို့ တမ်းတမိခိုက်....

ငယ်ငယ်တုန်းက ဦးရှင်ကြီးကပ်ပြီဆိုရင် ကျွန်တော်အရမ်းပျော်တယ်ဗျ. မုန့်ဆမ်းစားရလို့လေ. ဟတ်ဟတ်.

စားလို့လည်းကောင်းသားနော်. အိမ်နီးချင်းတွေက လာဝေပါတယ်. ဦးရှင်ကြီးကပ်လို့ပါ ဘလာဘလာဘလာပေါ့.

ကျွန်တော်ကတော့ ဘာမှမသိဘူး. မနက်ခင်း မိုးလင်းလို့ မျက်နှာသစ်သွားတိုက်ပြီး အမေ့ကို ပြေးဖက်လို့ ဘာရှိလဲ မေးရင် အမေက ဦးရှင်ကြီးပွဲကိုပဲ မေးငေါ့ပြပါတော့တယ်.

ပြီးတော့ အမေ့ကို မေးပါသေးတယ်. ဦးရှင်ကြီးဆိုတာ ဘယ်သူလဲလို့.... မုန့်ဆမ်းနဲ့ ဘယ်လိုပတ်သက်တာလဲလို့ပေါ့...

မားသားကြီးက ဦးရှင်ကြီးဆိုတာ စောင်းတီးသိပ်ကောင်းတာ. ရေလမ်းခရီးနဲ့သွားရင်း မိန်းမလှကျွန်းနားအရောက် လှေသူကြီးလည်း ခဏနားဖို့ ဆုံးဖြတ်သတဲ့. Break time လေးမှာ မောင်ရှင်လည်း စောင်းတော်ကိုဆွဲလို့ အပျင်းပြေ လက်စွမ်းပြခိုက် မိန်းမလှကျွန်းရဲ့ အရှင်သခင် မယ်ခနဲ့ မယ်လှတို့ ဥစ္စာစောင့်မလေးနှစ်ယောက် ကြားမိသတဲ့.

သူစောင်းတီးတာကို ဥစ္စာစောင့်မလေးတွေက ကြားပြီး နှစ်သက်လို့ မပြန်နိုင်အောင်လှေကြီးကို ၀ိုင်းဆွဲထားတာပေါ့. အဲဒါနဲ့ပဲ လှေသူကြီးလည်း something တော့ wrong ပြီ ဆိုပြီး လူထုဆန္ဒခံယူပွဲ လုပ်ပါလေရော. အဲ. ဆောရီး မဲခွဲရောပေါ့ဗျာ.

တိုက်တိုက်ဆိုင်ဆိုင် ၃ ချီ ၃ ခါလုံး စောင်းသမားလေး မောင်ရှင်ပဲ မဲပေါက်ပါသတဲ့. (ဒါကြောင့်လည်း တစ်ခုခုကံမကောင်းရင် “ကံဆိုးသူ မောင်ရှင်” ဆိုတဲ့ အသုံးအနှုန်းလေးနဲ့ ခိုင်းနှိုင်းပြောတတ်ကြတာလေ) နောက်ဆုံးတော့ စောင်းသမားလေး မောင်ရှင်ကို ကြိုးနဲ့တုပ်ပြီး ရေထဲကို ပစ်ချလိုက်ရာက ဦးရှင်ကြီးနတ်ဆိုတာ ဖြစ်လာပါရောတဲ့...

ရေလမ်းခရီးသွားသူတိုင်း ဦးရှင်ကြီးကို ကိုးကွယ်ဆည်းကပ်တတ်ကြတယ်လို့လည်း မားသားကြီးက ထပ်မံဖြည့်စွက် ပြောလိုက်ပါသေးတယ်. မုန့်ဆမ်းဘာလို့ ကျွေးလဲဆိုတာကိုတော့ သူလည်း မသိပါ. ကျွန်တော်လည်း ဘယ်သူ့ကိုမှ မေးလို့ မရခဲ့ပါ. သိသူများ ရှိရင် ပြောပေးပါဦး...

အံမယ်. ရပ်ကွက်ထဲမှာ ဦးရှင်ကြီးတင်ချိန်ရောက်ရင် ဦးရှင်ကြီး တင်ပေးသူဆိုတာကလည်း လာဘ်လာဘ ကောင်းသားကလား. ဟိုက လာပါဦးခေါ်လိုက်၊ ဒီက ကြွပါဦးခေါ်လိုက်နဲ့ ပါးစပ်ကို မလည်ဘူး. (ဟုတ်တယ်လေ. သူက ပါးစပ်ကနေ ရွတ်ပေးရတာဆိုတော့ ပါးစပ်မလည်ဘူးပေါ့.)

ဟိုးငယ်ငယ်တုန်းက ဦးရှင်ကြီးရုပ်ရှင် တီဗွီကလွှင့်တာ ကြည့်ဖူးတယ်. ပြည်လှဖေ သရုပ်ဆောင်တာပေါ့. ဥစ္စာစောင့်မလေးတွေကိုလည်း ပီပြင်အောင် ရိုက်ထားပါတယ်. ပြိုးပြိုးပျက်ပျက် မင်းသမီးဝတ်စုံလေးတွေ ၀တ်လို့ လေထဲမှာ လွင့်နေပြီး ပြည်လှဖေ စောင်းတီးနေတာကို ၀ိုင်းကြီးပတ်ပတ် လှည့်ကနေကြတာ. ကျွန်တော်တောင် ကြည့်နေရင်း ကြက်သီးထတယ်. တကယ် တကယ်..

ကြည့်ဦးလေ. ဒါရိုက်တာကလည်း ဥစ္စာစောင့်မလေးတွေကို ပိုပြီးတော့ တူအောင် မျက်နှာနား အနီးကပ် ဆွဲရိုက်လိုက်၊ ရွှီးခနဲ အဝေးကို ထွက်သွားပုံကို ပြလိုက်၊ “ဟင်းဟင်းဟင်း” လို့ ရီသလို မောသလို လုပ်ပြလိုက်နဲ့ ကျွန်တော် ကြောက်တာပေါ့. အဲဒီ့ကတည်းက ကျွန်တော်လည်း သူများတွေကို လှန့်ချင် ခြောက်ချင်ရင် “ဟင်းဟင်းဟင်း” လို့ ရီတတ်လာရောဗျာ. ဟင်းဟင်းဟင်း....

နောက်ပိုင်းကျတော့လည်း ဘဘကြီး ဦးနေ၀င်းက ရှေးကားတွေ၊ ဥစ္စာစောင့်တွေ၊ သရဲတစ္ဆေကားတွေဟာ ရဲစွမ်းသတ္တိကို ယိုယွင်းပျက်ပြားစေတယ် ဆိုပြီး သကာလ ဆင်ဆာပိတ်လိုက်တာနဲ့ ဘယ်သူ့ဘယ်သူမှ မကြည့်ရတော့ပါဘူး. မြန်မာ့အသံမှာ အဲဒီ့ကားတွေ ရှိရင်တောင် ကံကောင်း.

ကဲပါလေ. လိုရင်းပြောရရင်တော့ ကျွန်တော်တစ်ယောက် youtube ကို ထုံးစံအတိုင်း မွှေနေခဲ့ရင်းက စောင်းသမားလေး မောင်ရှင်ဆိုတဲ့ အကြောင်း ဆိုထားတာလေး တွေ့တာနဲ့ ဒီပို့စ်လေး ရေးဖြစ်သွားတယ်ဗျ.

တဆက်တည်း စာဖတ်သူတွေကိုပဲ ဆက်မေးရဦးမယ်ဗျာ. ပုန်းမကြည်နတ်ဆိုတာရော ကြားဖူးလား. သူ့ရဲ့ ဘက်ဂရောင်း နည်းနည်းလောက်သိရင် ဝေမျှပေးပါဦး. လောလောဆယ်တော့ ခေတ်သစ် မော်ဒယ်လ်ဂဲလ် ဥစ္စာစောင့်မလေးတွေနဲ့ စောင်းသမားလေး မောင်ရှင်ကို ရှုစားတော်မှုလိုက်ပါဦးဗျာ.... အဆိုတော်ကတော့ မြန်မာသံစဉ် သီချင်းလေးတွေ ဆိုတတ်တဲ့ သျှန်ထွဏ်း(မြန်မာစာ) ပါခင်ဗျာ.

စစချင်း တီးလုံးက ကောင်းတယ်. နတ်ဒိုးသံနဲ့တူတယ်. ကျွန်တော်တောင် ပုဆိုးစွန်တောင်ဆွဲပြီး ထကချင်စိတ်ပေါ်လာလို့ အိမ်နေရင်း ၀တ်တဲ့ Prada Short Pant နဲ့ လဲဝတ်ထားရတယ်ဗျာ. ဟတ်ဟတ်ဟတ်.




အားလုံးပဲ ပျော်ရွှင်ချမ်းမြေ့ကြပါစေ...

ရန်အောင်

ပျော်ရွှင်ပါစေ တနင်္လာ....

"ရွှေစေတီ ထံတော်ပါးမှာကွယ်
နှစ်ကိုယ်သစ္စာ ကတိတွေလည်း ထားခဲ့ကြတယ်
ရေမြေခြား နေကြပေမယ့်
မေ့ပါဘူး သက်လယ်
မတတ်သာ ဒီဘ၀မှာ ခပ်ခွာခွာ နေကြရတယ်...."

ကျွန်တော်ငယ်စဉ်က ကြားဖူးနေခဲ့ရတဲ့ သီချင်းလေးတစ်ပုဒ်ပေါ့ဗျာ.

အဖေ့ကိုမေးတယ်. အဲဒါ ဘယ်သူ့အသံလဲလို့

မြန်မာပြည်သိန်းတန်တဲ့...

ကျွန်တော် တော်တော်ငယ်ပါသေးတယ်. ဒါပေမယ့် ကျွန်တော်တစ်ယောက် ကံကောင်းခဲ့တာပဲလားမသိ. မြန်မာသံစဉ်သီချင်းတွေကို စွဲစွဲမြဲမြဲ နှစ်နှစ်ခြိုက်ခြိုက် နားထောင်တတ်တဲ့ လူကြီးတွေကြားထဲမှာ ကြီးပြင်းခဲ့ရတယ်. ဒါကြောင့် မြန်မာသံစဉ် သီချင်းတွေကို ကျွန်တော် နှစ်သက်တယ်. မြတ်နိုးတယ်. တန်ဖိုးထားတယ်.

ဒေါ်မာမာအေးရဲ့ “မောင့်အချစ်မြှားစူး”့ ၊ “ချစ်သူ့နယ်မြေ” ၊ “နှင်းပျောက်တဲ့နွေ” ၊ “ပိတောက်လမ်း” စတာတွေ အပြင် မြန်မာပြည်သိန်းတန်ရဲ့ “စုံတောမြိုင်” တို့၊ စန္ဒယား ချစ်ဆွေရဲ့ “သံသရာ ခရီးသည်” တို့၊ “တိမ်တမန်” တို့၊ “မလွမ်းသော မျက်ရည်” တို့ စတဲ့ သီချင်းလေးတွေဟာလည်း ကျွန်တော့်ရဲ့ ငယ်ဘ၀ကို လွှမ်းမိုးခဲ့ဖူးပါတယ်.

ကြီးပြင်းအရွယ်ရောက်လာတော့လည်း ကိုလေးဖြူ၊ ကိုဇော်ဝင်းထွဋ်၊ ကိုအဲလက်စ်၊ ........ ခုတော့လည်း ရန်ရန်ချမ်းတို့၊ ဂျေမီတို့ထိပေါ့....

ဘယ်လိုပဲဖြစ်ဖြစ်. ကျွန်တော်အကြိုက်နှစ်သက်ဆုံးကတော့ မြန်မာသံစဉ်ဆိုတာကို ၀န်ခံရဲပါတယ်. တစ်ခါတစ်လေ အပြင်မှာ မိုးတွေ ရွာနေရင် ရဲလေးရဲ့ “မိုး” သီချင်းကို နားထောင်ရတာထက် စန္ဒရားချစ်ဆွေရဲ့ “တိမ်တမန်” သီချင်းလေးကို နားထောင်လိုက်ရတာ ပိုပြီးတော့ ခံစားချက်တွေ ရုပ်လုံးကြွလာစေပါတယ်.

နောက်မှပဲ ကျွန်တော်ကြိုက်တဲ့ သီချင်းလေးတွေကို mp3 format ပြောင်းပေးပြီး တင်ပေးပါဦးမယ်. အခုတော့ မြန်မာပြည်သိန်းတန်ရဲ့ “မေ့ဘူးသက်လယ်” သီချင်းလေးကို နားဆင်ပြီး တနလာင်္နေ့လေးကို ကြိုဆိုလိုက်ကြတာပေါ့ဗျာ.

ကျွန်တော့်ကို လွမ်းအားပိုသွားစေတာကတော့ နံနက်ခင်း နေခြည်အောက်မှာ သံဃာတော်တွေ ဦးပိန်တံတားပေါ်က ဖြတ်လျှောက်ပြီး ကြွသွားတဲ့ အခန်းလေးပါပဲ....

မန္တလေးကို လွမ်းတယ်........
ဦးပိန်တံတားကိုလည်း လွမ်းတယ်....
ရွှေကြက်ယက်ဘုရားကိုလည်း လွမ်းတယ်....
စစ်ကိုင်းတံတားကြီးကိုလည်း လွမ်းတယ်....
မြွေကြီးနှစ်ကောင်ကိုလည်း လွမ်းတယ်.......
ဈေးချိုကိုလွမ်းတယ်.
ညဈေးတန်းကိုလွမ်းတယ်.
ဂျီတီအိုင်ရှေ့က ကောက်ညှင်းပေါင်းနဲ့ အကြော်စုံဆိုင်ကိုလွမ်းတယ်.
ရွှေနန်းတော်ကြီးနဲ့ ကျုံးမြို့ရိုးကိုလွမ်းတယ်.
မိန်းနားက Unison လက်ဖက်ရည်ဆိုင်ကိုလည်းလွမ်းတယ်.
လွမ်းတယ် အဝေးက ရွှေပြည်မြန်မာရယ်.......

အားးးးးးးးးးးးးးးးးးးး

မနက်ဖြန် တနင်္လာ...

ဘ၀ဆိုတာ ဒီလိုပဲလားကွယ်.......

မတတ်သာ ဒီဘ၀မှာ ခပ်ခွာခွာ နေကြရတယ်.....

စကားမစပ်. မြန်မာသံစဉ်တွေကြိုက်လို့ ကျွန်တော့်အသက်ကို ဘိုးအေကြီးလို့ မထင်လိုက်နဲ့ဦးနော်. ငယ်ငယ်လေးပဲ ရှိသေးတယ်. (ကျွန်တော့်တူလေးကို ပြောတာပါဗျာ. ဟတ်ဟတ်ဟတ်)

အားလုံးပဲ ပျော်ရွှင်ချမ်းမြေ့ကြပါစေ

ချစ်ခင်လေးစားလျက်

ရန်အောင်