အိတ်မှောက်သွန်ပစ် နှစ်ဆယ့်ရှစ်

“လူတစ်ယောက်အကြောင်း ကောင်းကောင်းသိချင်ရင် သူနဲ့ခရီးအတူတူ ထွက်ကြည့်” တဲ့။ ခရီးတူတူထွက်တဲ့ အခါကျတော့မှ အဲဒီ့လူဟာ ကြုံလာသမျှ အခက်အခဲတွေကို ပြုံးပြုံးရွှင်ရွှင်နဲ့ ရင်ဆိုင်ဖြေရှင်းတတ်သူလား၊ ခြူသံပါအောင် ညည်းညူပြစ်တင်ပြီး ဇီဇာကြောင်တတ်သူလား ဆိုတာတွေကို သိလာနိုင်သလို  ထကြွလုံ့လရှိမရှိ၊ တစ်ကိုယ်ရေ သန့်ရှင်းမှုရှိမရှိ၊ တစ်ဖက်သားအပေါ် စိတ်စေတနာကောင်း ထားမထား စတာတွေကိုပါ အကဲခတ်လေ့လာနိုင်ပါတယ်တဲ့။ ဘလော့ဂါမသက်ဝေကတော့ သူနဲ့အတူတူ ခရီးတူတူထွက်ဖို့ မဖြစ်နိုင်တဲ့ အဝေးက လူတွေအကြောင်းကို လှမ်းပြီး စနည်းနာချင်ပုံ ပေါက်ပါတယ်။ ပညာသားပါပါနဲ့ သူတို့တွေရဲ့ အိတ်တွေဖာတွေကို သွန်ခိုင်းမှောက်ခိုင်းပါလေတော့တယ်။ အထဲမှာ ဘာတွေများ ရှိမလဲဆိုပြီးတော့ပေါ့လေ။

ရင်ထဲက တိုးနယား

တောက်!!!!

ရာရာစစကွာ...

ခံပြင်းလိုက်တာ...

ဟင်းးးးးး ဟင်းးးး ဟင်းးးး

အဲဒီ့ခံစားချက်တွေနဲ့ ကျွန်တော့်ရဲ့ တနင်္ဂနွေဟာ အနားမရ ဖြစ်ခဲ့ရတယ်...

မနက်အစော ၅း၄၅ လောက်ကြီး "ဒုန်းးး ဒုန်းးး ဒုန်းး" ဆိုပြီး အခန်းတံခါးကို လာခေါက်တယ်...

စိတ်ထဲမှာ ထောင်းခနဲဖြစ်သွားတယ်. ဘယ်သူလဲကွာပေါ့...

ကုတင်ပေါ်က လွှားခနဲ ခုန်ဆင်းပြီး တံခါးကို ဆွဲဖွင့်လိုက်တော့မှ...

မန်းသင်္ကြန် လွမ်းဆန်ကာ တမိပြန်တော့... (၂)

ဒီလိုနဲ့ မန်းမြေမှာ ကျွန်တော် လေးနှစ်တာ နေခဲ့ပါတယ်.

သိတဲ့အတိုင်းပဲ ပထမဦးဆုံးနှစ်မှာတော့ လာခေါ်မယ့် အစ်ကိုကြီးကိုစောင့်ရင်း မပေါ်လာရာက ရှက်သွေးမွှန်ပြီး သင်္ကြန်ဆို ဘယ်တော့မှ ကားနဲ့ မလည်တော့ဘူးလို့ ဆုံးဖြတ်လိုက်တယ်လေ.

နောက်နှစ်ကျတော့ ကိုယ့်ကတိအတိုင်း ကားနဲ့ မလည်ဘူး.

စက်ဘီးလေးနဲ့ လည်တယ်. ဘာရမလဲ...

ဩော်... သိတယ်... မေးတော့မယ်ဆိုတာ.

ငုဝါနဲ့ ဘာဆက်ဖြစ်လဲ ဟုတ်လား...

ဘယ်လိုပြောရမလဲပေါ့နော်.

အင်း... ကျွန်တော် စိတ်ထဲရှိတဲ့အတိုင်း ပြောပြခွင့်ရရင် ပြောပြချင်ပါတယ်ဗျာ

တကယ်တော့လည်းလေ.

ကျွန်တော်နဲ့ငုဝါနဲ့ သင်္ကြန်လည်းပြီးရော..

တွေ့တောင်မတွေ့ဖြစ်ကြတော့ဘူး.

သူလည်း ဘယ်ဆီနေတယ်မသိ. ကျွန်တော်လည်း ငုဝါခြောက်လို့ ပိတောက်ဆီ စိတ်ရောက်. ပိတောက်ပျောက်တော့ အခြောက်ဆီရောက်... အဲလေ... မွှားကုန်ပြီဗျာ...

ဆိုလိုချင်တာက ကျွန်တော်လည်း အလုပ်တွေများပြီး သမီးရည်းစားကိစ္စတွေ ခေါင်းထဲမထည့်နိုင်တော့ဘူး ဖြစ်သွားတယ်ဗျာ. အဲဒါပါပဲနော်...

ကဲ. တစ်နှစ်စာ ထပ်ပြီး စကစ်(ပ်)လိုက်မယ်.

ဒီလိုနဲ့ နောက်တစ်နှစ် သင်္ကြန်ချိန်ခါ ရောက်လာပြန်ပါပေါ့ကလား....

........

မန္တလေး မဟာသင်္ကြန်လို့ ခေါ်ကြတဲ့နှစ်ပေါ့...

မဟာသင်္ကြန်ဆိုတဲ့ နာမည်နဲ့လိုက်အောင်ကိုပဲ အကြီးအကျယ်ကို ပြင်ဆင်ဆောက်လုပ်ထားကြပါတယ်.

မဏ္ဍပ်ကြီးတွေများ ဟီးနေတာပဲ. အဲဒီ့တုန်းက နာမည်အကြီးဆုံး မဏ္ဍပ်ကတော့ လန်ဒန်ပေါ့ဗျာ.

ကြီးဆို သူကလည်း နာမည်ကြီး အဆိုတော်တွေကိုပဲ ငှားတာလေ... သင်္ကြန်လည်းလည်ရင်း တီးဝိုင်းလည်းကြည့်ရတာ နည်းတဲ့ အခွင့်အရေးလား...

ပြီးတော့ အိုင်စီကိုလေးဖြူတို့ကို ငှားရတာကလည်း မလွယ်လှဘူး... ကိုလေးဖြူကို များသောအားဖြင့် တောင်ကြီးဖက်က လာလာ မသွားကြတာ များတယ်. အဲဒီ့နှစ်ကတော့ ကိုလေးဖြူကို ကျွန်တော်တို့ရလိုက်ကြတယ်.

သင်္ကြန်မတိုင်ခင်ကတည်းက တီးတိုးတီးတိုးနဲ့ပေါ့...

ဟာ... ဟေ့ကောင်... လေးဖြူလာမှာကွ.

ဟယ်... သိလား... ထွန်းအိန္ဒြာဗို ဒီမဏ္ဍပ်မှာ ထိုင်မှာတဲ့...

အင်း.... ပရိသတ်ကတော့ ကိုလေးဖြူတို့ ကိုမျိုးကြီးတို့ ဆိုတာထက် အဲဒီ့နှစ် သင်္ကြန်မှာ ကျွန်တော့်ပိတောက်ပန်းလေးတွေ ပန်ဆင်သူ ပေါ်လေလား မပေါ်လေလားကိုပဲ ပိုစိတ်ဝင်စားကြမယ်ထင်ပါတယ်. (ထင်တာပဲလေ. သိဘူး.)

အဲဒီ့နှစ်က တရုတ်တန်းနားက ပိတောက်ပင်ကြီးအောက်မှာ ကျွန်တော်ပိတောက်တစ်ခက် ရခဲ့တယ်. ပြီးတော့ သူမအတွက် ပန်ဆင်လေဖို့ သေချာရည်စူးပြီး အမြန်ပြန်လာခဲ့တယ်.

အိမ်ကိုရောက်တာနဲ့ ဖိနပ်တောင်မချွတ်ရသေးခင် အမြန်ပြောလိုက်မိတယ်.

"မားသားကြီး... ရော့... ဒီမှာ ပိတောက်ပန်းတွေ ခူးလာခဲ့တယ်."

.....

ပုံမှန်အတိုင်းပါပဲ. ကျွန်တော်နဲ့ ခင်တဲ့ သူငယ်ချင်းတစ်ချို့နဲ့ လျှောက်သွားတယ်. မုန့်စားတယ်. တီးဝိုင်းကြည့်တယ်. နေ့ခင်းဖက် ပြန်နားတယ်. ညနေဖက် ပြန်ထွက်တယ်. ညဖက် တီးဝိုင်းတွေ လိုက်ကြည့်တယ်. မြို့တော်ခန်းမရှေ့က မဟာသင်္ကြန်မဏ္ဍပ်ကြီးရှေ့မှာ တပ်စွဲပြီး လာသမျှ အလှပြကားတွေရော၊ ကားတွေပေါ်က အလှမယ်လေးတွေကိုရော. အကုန်ထိုင်ငမ်းပစ်တယ်. အဲလေ... ထိုင်ကြည့်ပစ်တယ်လို့ ပြောတာ.

မှတ်မှတ်ရရ. အကျနေ့ညမှာပေါ့ဗျာ.

ကျုံးဖက်ကို မျက်နှာမူပြီး ဆောက်ထားတဲ့ မြို့တော်ခန်းမရှေ့က မဟာသင်္ကြန်မဏ္ဍပ်ကြီးရှေ့မှာ ကျွန်တော်တစ်ယောက် ဗယာကြော်စားပြီး ငြိမ့်နေပါတယ်.

သိတယ်မဟုတ်လား.. ဟို ဗယာကြော်သေးသေးလေးတွေလေ....

အဲဒီ့ဗယာကြော်ရောင်းတဲ့ ကုလားကလည်း သိပ်လည်တယ်. လူတွေများတဲ့နေရာနားရောက်ရင် လေညာမှာ နေရာယူတယ်.

ပြီးတာနဲ့ သူ့ဗယာကြော်ပိစိကွေးလေးတွေကို ထည့်ထည့်ပြီး ကြော်ပါလေရော...

အနံ့ကလည်း ဘာမွှေးသလဲမမေးနဲ့... ခဏနေရင် သူ့ဘေးနားမှာ လူတွေဝိုင်းကုန်ကြတော့တာပဲ.

စကားမစပ်... ကျွန်တော် ဗယာကြော် သိပ်ကြိုက်တယ်. ဂလု... :)

အဲဒီ့လို ဗယာကြော်လေးစားလိုက်. ကျွတ်ကျွတ်အိတ်လေးနဲ့ ထုတ်ထားတဲ့ အအေးလေး သောက်လိုက်၊ မဏ္ဍပ်ကြီးပေါ်ကို လှမ်းလှမ်းရှိုးလိုက်နဲ့ အလုပ်များနေခဲ့တာပေါ့.

ပြောလို့ပြောတာမဟုတ်ဘူး. သင်္ကြန်သီချင်းတွေဖွင့်ရင် ဒိုးဒိုးဒန့်ဒန့်တွေက ခဏပဲခံတယ်. ပြီးရင် နားမထောင်ချင်တော့ဘူး. တူးပို့တူးပို့တို့၊ ရှာပုံတော်မင်းသားကြီးတို့၊ တုံချမ်းချမ်းတို့၊ ဟောတော့တို့ကမှ တကယ် နားထောင်လို့ကောင်းတာ.

အလှပြကားတွေပေါ်က ခြေအိတ်ဖြူလေးတွေ ၀တ်ထားတဲ့ လှပျိုဖြူလေးတွေက ကလိုက်၊ မဏ္ဍပ်ကြီးပေါ်က အဆိုတော်တွေက ဆိုလိုက်နဲ့ အပေးအယူမျှမျှတတလေး တီးဆိုကခုန်နေကြတာ တကယ့်ကိုလှပအေးချမ်းတဲ့ အတာညနေချမ်းလေးပါပဲဗျာ.

အီးးးးး ပြောရင်းနဲ့ မန္တလေးကို တအားလွမ်းသွားပြီဗျာ......

...

ဗယာကြော်စားပြီး ဗိုက်မ၀သေးတဲ့ ကျွန်တော် ကြက်ဥပြုတ်ထပ်ဝယ်စားဖြစ်ပါတယ်.

ကျုံးဘေးနားမှာ အစီအရီစိုက်ထားတဲ့ သစ်ပင်လေးတွေရှေ့က လွတ်နေတဲ့ အုတ်ခုံလေးတစ်ခုမှာထိုင်ချပစ်လိုက်ပြီး ကြက်ဥကို အုတ်ခုံလေးနဲ့ အသာခွဲ. ပြီးတာနဲ့ အသားကုန်လွေးတော့တာပဲ.

တစ်ယောက်ယောက် စိုက်ကြည့်နေသလို ခံစားမိတာနဲ့ ခေါင်းကိုမော့လိုက်မိတော့ ကျွန်တော့်ရင်ထဲ အုံးခနဲ မော်တာထုခံလိုက်ရသလို ဗလောင်ဆူသွားခဲ့ရပါတယ်..

တကယ်ဗျာ...
နတ်သမီးလေးတစ်ပါး
ကျွန်တော် ကြက်ဥစားနေတာကို
ကြည့်နေလိုက်တာများ
ရွှန်းရွှန်းစားစားနဲ့ရယ်
ဖယ်ခွာဖို့တောင် အင်အားမရှိတော့ပါဘူး.
ထင်မထားလို့
နင်လားဟယ်. နင်လားဟယ်လို့တောင်
မေးမိတော့.
စားလက်စ ကြက်ဥတောင်
နင်သွားတယ်... နင်သွားတယ်..
အိုဘယ့်. သင်္ကြန် နတ်သမီးလေးရယ်...

ကျွန်တော်တစ်ယောက် ၀ါးနေတဲ့ ကြက်ဥကိုဆက်ဝါးဖို့တောင် သတိခဏမေ့သွားခဲ့ပါတယ်.

ကြောင်စီစီနဲ့ ပြန်ကြည့်နေတဲ့ ကျွန်တော်သတိဝင်လာပြီး ဖတ်ခနဲ တွဲလောင်းကျနေတဲ့ ပါးစပ်ကို ပြန်ပိတ်လိုက်တော့ နတ်သမီးလေး အသည်းတွေယားသွားပုံပေါက်တယ်. ခေါင်းလေးငုံ့ပြီးရယ်တယ်.

နောက်တစ်ခေါက် မျက်လုံးချင်း ပြန်အဆုံမှာ ကျွန်တော် သူမကို တစ်ချက်ရယ်ပြလိုက်ပြီး ကျွန်တော့်ရဲ့ ညာဖက်မျက်ခုံးတစ်ဖက်ကို အသာပင့်ပြလိုက်ပါတယ်.

တစ်ဖက်တည်းနော်. တစ်ဖက်တည်း... ဟိုဗျာ. အဲဒီ့အချိန်တုန်းက မင်းသားရန်အောင် ရွှေလီစီးကရက်ကြော်ငြာရိုက်တော့ မျက်ခုံးတစ်ဖက်ပင့်ပြတာ ခင်ဗျားတို့ မှတ်မိကြဦးမလားမသိဘူး. လူတွေ ဘာပြောလဲတော့မသိဘူး. အဲဒီ့ကတည်းက မင်းသားရန်အောင်လည်း ဘာကြော်ငြာပဲ ရိုက်ရိုက် သူ့မျက်ခုံးထူလပိန်းကြီးကို ပင့်ပင့် ပြနေတော့တာပဲ.

ကျွန်တော့်ကိုလည်း မျက်ခုံးကောင်းတယ်လို့ ပြောကြတယ်ဗျ. မ အသိဆုံးပါ. ဟုတ်တယ်ဟုတ်...

ဟော... ရယ်နေပြီ. ရယ်နေပြီ. ဟတ်ဟတ်. မွ....

ဘာရယ်မဟုတ်ဘူး မျက်ခုံးတစ်ဖက်တည်း ပင့်ကြည့်တာကို အရမ်းစိတ်ဝင်စားသွားတယ်. အဲဒါနဲ့ မှန်ရှေ့မှာ ထိုင်ပြီး ဘယ်ဖက်မျက်ခုံးကို လက်နဲ့ဖိထား. ညာဖက်မျက်ခုံးတစ်ဖက်တည်း ပင့်ခိုင်းကြည့်တယ်. ဘယ်ဖက်ကပါ လိုက်တက်လာပါလေရော... မဖြစ်ချေဘူးဆိုပြီး ဘယ်ဖက်မျက်ခုံးကို အတင်းဖိထားရင်း ကြွက်သားတွေကို ညာဖက်မျက်ခုံးထဲ အားထည့်ခိုင်းထားလိုက်တယ်. ဒီလိုနဲ့ တစ်ပတ်လောက်ကြာတော့ ကျွန်တော် ဘယ်ရောညာရော မျက်ခုံးတစ်ဖက်တည်း ပင့်တက်လာပါတယ်. အခုတောင် စာရေးရင်းနဲ့ ဟောသလို. ဟောသလို ပင့်ကြည့်နေတာဗျ.

ဟတ်ဟတ်ဟတ်.

အဲသလိုနဲ့ ခုနက နတ်သမီးလေး ကျွန်တော်နဲ့ မျက်လုံးချင်းအဆုံမှာ ကျွန်တော့်ရဲ့ တစ်ပတ်လောက်လေ့ကျင့်ထားရတဲ့ Skill ကို အသုံးချလိုက်တယ်. ညာဖက်မျက်ခုံးတစ်ချက် ပင့်ပြလိုက်တယ်. ပြီးတော့ရီဝေေ၀လေး လှမ်းကြည့်လိုက်တာပေါ့.

အမှန်တော့ လုပ်ယူပြီး ကြည့်လိုက်တာမဟုတ်ဘူး. တစ်နေကုန်လည်ထားပြီး လူက ပြိုင်းနေပြီ. အလိုလိုကို ကွဲနေတာ. အဲဒီ့မှာ မျက်လုံးကပါ ရီဝေမှုန်မှိုင်းသွားရောဗျ.

ဒါပေမယ့်လည်း ဒါပေမယ့်ပေါ့ဗျာ.

သူမ ပါးစပ်လေး အဟောင်းသားဖြစ်သွားတယ်.

ကျွန်တော်ကလည်း ဒီနေ့တော့ ငါ့နေ့ပဲ ဆိုပြီး ဘယ်ဖက်မျက်ခုံးကို တစ်ချက် ထပ်ပင့်ပြလိုက်တယ်.

ပြီးတော့ ညာ.

ပြီးတော့ ဘယ်.

ဘယ်... ညာ... ဘယ်... ညာ ပင့်ပြလိုက်တော့ သူမ ပါးစပ်လေးကို အသာအုပ်ပြီး တခစ်ခစ်နဲ့ ရယ်ပါလေရော...

နောက်မှ ပြန်တွေးမိတယ်. ငါကတော့ ဆက်စီဖြစ်လေမလားဆိုပြီး မျက်ခုံးတွေ ပင့်ပြလိုက်ရတာ. သူက ငါ့ကို လူရွှင်တော် ဦးဆိုနီလို့များ ထင်သွားမလားမသိဘူးလို့...

သိတယ်မဟုတ်လား. ဦးဆိုနီက သူ့ရဲ့ ဖြူဖွေးနေတဲ့ မျက်ခုံးကြီးတွေကို ဘယ်ညာဘယ်ညာ ပင့်ပြရင်း ပြုံးပြုံးကြီး စိုက်ကြည့်တတ်တာကို တီဗွီတွေထဲမှာ ပြပြနေတာပဲလေ...

ဘာပဲဖြစ်ဖြစ် သူမနဲ့ ကျွန်တော် အပြုံးလေးတွေ ဖလှယ်ခွင့် ရလိုက်ပါတယ်.

ပြီးတော့ သူမကို ကျွန်တော် လက်ကလေး အသာပြလိုက်ပြီး ကားအောက်ကို ဆင်းခဲ့ဖို့ လှမ်းခေါ်လိုက်တယ်.

သူမက ဟင့်အင်းတဲ့...

အသံတော့ မကြားရပါဘူး. ခေါင်းယမ်းပြတာပဲတွေ့တာပါ. အသံကတော့ ကိုယ့်ဖာသာ စိတ်ကူးနဲ့ မှန်းထည့်ကြည့်လိုက်တာ...

အဲဒါနဲ့ ကျွန်တော်လည်း ညစ်သွားပြီး မျက်ခုံးတွေပဲ ထိုင်ပွတ်မိနေတော့တယ်ဗျာ.



ခေါင်းငုံ့ထားပြီး ကတ္တရာလမ်းမကြီးပေါ်ကို စိုက်ကြည့်နေစဉ်မှာပဲ ရုပ်ရှင်ထဲကလို ကျွန်တော့်ဘေးနားမှာ ခြေဖမိုးဖြူဖြူလေးတစ်စုံ လာရပ်ပါတယ်.

ဒိတ်ခနဲခုန်သွားတဲ့ရင်ကို အသာထိန်းပြီး ဆတ်ခနဲ မော့ကြည့်လိုက်တော့...

ဟိုကောင်.... ဖိုးတရုတ်.....

ကျွန်တော့်ဘော်ဒါရယ်ပေါ့. ဘာစိတ်ကူးပေါက်ပြီး ညှပ်ဖိနပ်စီးလာတယ်မသိဘူး.

"ဟေ့ကောင်... မိန်းဖက်ကိုသွားမလို့... လာထ..."

ဒီလိုနဲ့ နတ်သမီးလေးနဲ့ ကျွန်တော်ဝေးခဲ့ရပြန်တယ်.

အမှန်တော့ နတ်သမီးလေးလည်း ကျွန်တော်မျက်ခုံးပင့်ပြလိုက်ပြီးကတည်းက ကျွန်တော့်ဖက်ကို ပြန်ကြည့်တာ မတွေ့ရတော့ပါဘူး.

သူ့စိတ်ထဲ ကျွန်တော့်ကို အကြောဆွဲနေတယ်များထင်သွားလားမသိပါဘူးဗျာ...

ပြောရင်းနဲ့တောင် ငိုချင်သွားပြီဗျာ....

အိ... အိ... အိ...

မိန်းထဲရောက်တော့မှ အဆောင်သူလေးတွေနဲ့ လမ်းထိပ်က ဂျင်းသုတ်ဆိုင်မှာ... လက်ဖက်ရည်ကြမ်းလေးနဲ့.... ထိုင်ခုံပုလေးနဲ့... သင်္ကြန်လည်ထားလို့ ပင်ပန်းနွမ်းနယ်နေတဲ့ မျက်နှာနုနုလေးပေါ်မှာ ၀ဲကျနေတဲ့ ဆံနွယ်လေးတွေနဲ့... လမ်းထိပ်က အုတ်ခုံပေါ်မှာ ထိုင်ရင်း ဆိုဖြစ်တဲ့ သံစဉ်အပိုင်းအစလေးတွေနဲ့... လမ်းထောင့်က စွယ်တော်ပင်လေးအောက်မှာ ဆုံဖြစ်ကြတဲ့ အရိပ်လေးနှစ်ခုနဲ့...

အို...

အချုပ်တန်းဆရာဖေရယ်.... ဆရာ့ရဲ့ ကဗျာအလိုက်လေး ခဏလောက် ယူသုံးခွင့်ပြုပါနော်...


မန်းသင်္ကြန်.
လွမ်းဆန်ကာ တမိပြန်တော့
မှန်းမပြယ် လွမ်းဖွယ်ထိုထိုကြောင်းတွေနှင့်
မျှော်မိပေါ့ ရောင်းရင်းအဆွေ..
လွမ်းမိပေါ့ တအား..
တာသင်္ကြန် ဂိမှာန်ပွဲ
နွှဲကြစို့လား...

အဟားးး ဟားးး
အဟားးး ဟားးးး

(ငိုသံပါကြီးဖြင့် ရယ်နေသည်ဟု မှတ်ရန်)

အားလုံးပဲ ရောက်ရာအရပ်မှာ မြန်မာ့ရိုးရာ တာသင်္ကြန်ပွဲကို ပျော်ရွှင်မြူးတူးစွာ ဆင်နွှဲနိုင်ကြပါစေသတည်းးးးးးးးးးးး

သာဓု.... သာဓု.... သာဓု....

(နှစ်ဆန်းတစ်ရက်နေ့ ဘုန်းကြီးဝတ်မယ့်သူတွေအတွက် ကြိုပြီး သာဓုခေါ်ပေးထားတာ...)

ဖူးးးးးးးးးး

ဒီပို့စ်ကိုရေးရတာ လက်တင်ညောင်းတာမဟုတ်ဘူး... မျက်ခုံးပါညောင်းတယ်...

ဟတ်ဟတ်.

အိပ်တော့မယ်ဗျာ.

ဂွတ်ည..

Y.

မန်းသင်္ကြန် လွမ်းဆန်ကာ တမိပြန်တော့...

မ က ပြောတယ်.

အရင်လိုပျော်ပျော်နေစမ်းပါကွာတဲ့.
အလွမ်းသီချင်းတွေချည်းပဲ နားထောင်မနေနဲ့. ပိုလွမ်းမှာပေါ့တဲ့...
အဲလိုဖြစ်နေရင် ဒီက ဘယ်စိတ်ကောင်းမှာလဲတဲ့...
သင်္ကြန်မှာတော့ ခဏလေး စိတ်ပြေလက်ပျောက် ပျော်ပျော်လေး နေလိုက်ပါဦးနော်...
အမြဲတမ်း လွမ်းနေမှာပါတဲ့...

ဒီတော့လည်း...
အရမ်းကို တည်တည်တံ့တံ့ ခန့်ခန့်ညားညားကြီးနဲ့ နေတတ်တဲ့ ကျွန်တော်တစ်ယောက် ချစ်တဲ့ မ စကားကို နားထောင်ရင်း.........

---

ကဲ.. ပရိသတ်ရေ…

ဇာတ်လမ်းလေးတွေ ဆင်ယင်ပြီး ဖွဲ့နွဲ့သီကုံးထားတဲ့ ပိတောက်မျက်ရည်ကို ခဏရပ်. ဟောဒီ့မှာ တကယ့် အဖြစ်အပျက်လေးတွေ ပြောပြရဦးမယ်ဗျ…….

ဟိုးရှေးရှေးတုန်းကပေါ့ကွယ်….

အဲလေ… ယောင်လို့…

ရွှေပြည်တော်ကြီးနဲ့ ဝေးနေရတာလည်း ကြာညောင်းလှပြီမို့ သိပ်မကြာသေးတဲ့ အဖြစ်အပျက်တွေကိုလည်း ဘိုးတော်ဘုရားလက်ထက်လောက်ထိ ပို့ပစ်လိုက်မိတယ်ဗျာ…

အိုကေ. အတိအကျ ပြောမယ်ဗျာ. နော်

ကျွန်တော် လူပျိုပေါက်ဖြစ်တဲ့ အချိန်တုန်းကပေါ့.

အဟတ်ဟတ်. ဘယ်နှစ်ခုနှစ်လဲ ဟုတ်လား.

ပြောလိုက်ရင်လည်း ကျွန်တော့် အသက်ဘယ်လောက်လဲဆိုပြီး တွက်ကြတော့မှာ. စိတ်ညစ်တယ်. မပြောပြန်ရင်လည်း ဘက်ဂရောင်းက ပေါ်လာမှာ မဟုတ်ဘူး.

ပြောပြီဗျာ.

မန္တလေးကို လေးဖြူ တီးဝိုင်းလာတဲ့နှစ်တုန်းက ကျွန်တော် လူပျိုစဖြစ်တယ်. ဒန့်တန်တန်..

…………….

ကျွန်တော် ဆယ်တန်းအောင်ပြီးတော့ လူပျိုဖော်ဝင်စပေါ့ဗျာ.

မယုံမရှိနဲ့. ကျွန်တော် အရမ်းရှက်တတ်တာ.

ဘယ်လောက်ထိအောင် ရှက်လည်းဆိုရင်လေ လက်ဖက်ရည်ဆိုင်မှာ ထိုင်ရင်တောင် လူတွေများ ငါ့ကို ၀ိုင်းကြည့်နေပြီလားဆိုပြီး ရှက်ရှက်နဲ့ ရေနွေးကြမ်းတွေ လှိမ့်သောက်၊ တစ်ရှုးပေပါတွေဆွဲထုတ်လိုက် သုတ်လိုက်နဲ့. ပြန်လည်းပြန်ရော စက်ဘီးစီးတာ ဘယ်လိုနေရမှန်းကို မသိဘူး.

အိမ်ရောက်တာနဲ့ အိမ်သာထဲ တန်းပြေးရတော့တာပဲ.

အဲဒီ့ကတည်းက ကျွန်တော်သဘောပေါက်လိုက်တယ်. အရှက်ကို ဗြန်းဗြန်းကွဲတာပဲ ဆိုတဲ့ စကား ဘယ်လိုဘယ်ပုံ ဖြစ်လာတယ်ဆိုတာကိုပေါ့.

ဟတ်ဟတ်ဟတ်..

…

တစ်နေရာကနေ တစ်နေရာကို ပြောင်းနေရတဲ့ ကျွန်တော်တို့လို ၀န်ထမ်းမိသားစုအတွက် ငယ်ပေါင်းကြီးဖော် သူငယ်ချင်းဆိုတာ အင်မတန်ရှားပါတယ်. နည်းနည်းလေး ခင်မယ် မကြံလိုက်နဲ့ နောက်တစ်နေရာကို ပြောင်းရပြန်ရော.

တော်ရုံတန်ရုံ သိပ်မသိသာပေမယ့် သွားသွားလာလာ လုပ်မယ့်အခါကျရင် တကယ့်ကို ကိုယ်နဲ့ လိုက်ဖက်ညီမယ့် မိတ်ဆွေအပေါင်းအသင်းမရှိတာ သိပ်ကို ဆိုးပါတယ်.

ဒီကြားထဲ ကျွန်တော်က ရှက်တတ်သေးတော့ အဖော်သိပ်မရှိဘူးပေါ့.

မှတ်မိသေးတယ်. မန္တလေး သင်္ကြန်ကို ပထမဦးဆုံး အကြိမ်ကြုံကြိုက်မိတုန်းကပေါ့.

မတ်လမှာ ဆယ်တန်း စာမေးပွဲပြီးတယ်. ရက်ပိုင်းအတွင်းမှာပဲ မိတ္ထီလာကနေ မန္တလေးကို ကျွန်တော်တို့ မိသားစု ပြောင်းလာခဲ့ကြတယ်. ရောက်တော့ ဟိုးအရင်တုန်းက ခင်ခဲ့ဖူးတဲ့ မိတ်ဆွေ အစ်ကိုကြီး မိသားစုနဲ့ ပြန်ဆုံတွေ့ဖြစ်တယ်. အဲဒီ့မှာ အဲဒီ့အစ်ကိုကြီးက ကျွန်တော့်ကို အိပ်မက်တွေ ပေးပါလေရော…

‘ညီလေး… အကျနေ့ ကျရင် ကိုယ် မင်းကို ၀င်ခေါ်မယ်. အိမ်မှာစောင့်နေ…’ တဲ့လေ…

အဲဒီ့နေ့က ကျွန်တော့်ကို ရန်ကုန်မှာ အလုပ်လုပ်နေတဲ့ အစ်ကိုက သူ့လခလေးထဲက ဖဲ့ပြီး လက်ဆောင် ၀ယ်ပေးထားတဲ့ တစ်ထည်တည်းသော Guess Jeans ဘောင်းဘီလေးကို ထုတ်ဝတ်၊ မိတ္ထီလာဈေးကြီးထဲက မန္တလေးကို မလာခင် ၀ယ်လာခဲ့တဲ့ Deco တီရှပ် အနီရောင်လေးကို ၀တ်လို့ အိမ်ရှေ့ဝရန်တာကနေ မျှော်နေခဲ့တယ်.

အမေက မေးတယ်. မင်းဟာ သေချာလို့လားတဲ့.

ကျွန်တော်ကလည်း အပိုင်ကို ပြန်ပြောတာပေါ့.

“မနေ့ကပဲ တွေ့လို့ ပြောလိုက်သေးတယ် အမေရ. ကိုဖိုးလုံး သူ့သူငယ်ချင်းတွေကားနဲ့ လာခေါ်မယ် ပြောတယ်.”

အိမ်ရှေ့လမ်းမပေါ်မှာ အ၀ါရောင်လေး၊ အပြာရောင်လေးတွေ ဟိုဒီစုံညီစွာ ပြေးလွှားဆော့ကစား မြူးနေချိန်မှာ ကျွန်တော်ကတော့ ရွာထိပ်က ကုက္ကိုပင်ကြီးအောက်မှာ.. (အဲလေ. စာဥနဲ့ ရောကုန်ပြီ. အဟတ်)

ကျွန်တော်ကတော့ မြင့်တက်လာတဲ့ နေလုံးကြီးနဲ့အတူ ရင်ဘတ်ထဲမှာ စိုးရိမ်စွာနဲ့ ၂၉ လမ်းနဲ့ ၈၁ လမ်းထောင့်ကို မျှော်နေမိခဲ့တယ်.

ဂျစ်ကားလေးတစ်စီးဝင်လာရင် လာခေါ်ပြီလား..

ဆန်နီပစ်ကပ်ကားလေး တစ်စီးလာရင်ပဲ အဲဒါလေးများလား..

အဲဒီ့လိုနဲ့ ကျွန်တော့်ဘကြီးလည်း လုံးပါးပါးခဲ့ရတယ်

မြင့်တက်လာတဲ့ နေလုံးကြီးနဲ့အတူ ကျွန်တော့်ရင်ထဲမှာလည်း ရှက်ရွံ့စိတ်တွေ တလိပ်လိပ်နဲ့ရယ်ပေါ့…

အမေက ကောင်းပါတယ်. မသိချင်ယောင်ပဲ ဆောင်နေခဲ့တယ်.

နေ့ခင်း ၂ နာရီလောက်ကျတော့ အမေကကျွန်တော့်နား လာထိုင်ရင်း ပြောတယ်.

“မင်းဟာ လာမယ်မထင်တော့ပါဘူး သားရယ်. ကိုယ့်ဖာသာ စက်ဘီးနဲ့ လျှောက်ကြည့်ပေါ့” တဲ့..

အမေ အဲလိုပြောလိုက်ချိန်မှာ ကျွန်တော့်ရင်ထဲဆစ်ခနဲ ခံပြင်းသွားတယ်.

အဲဒီ့ကတည်းက ကျွန်တော်ဆုံးဖြတ်လိုက်တယ်.

သင်္ကြန်ဆိုရင် စိတ်နာတယ်…

………….

ဒီလိုနဲ့ပဲ ရက်ကိုလစား၊ လကိုနေစား၊ အဲလေ. လကို နှစ်စားနဲ့ နောက်နှစ်လည်းကျရော ကျွန်တော်တစ်ယောက် ရွှေမန်းသား ပီသလာခဲ့ပါတယ်. (မန္တလေးမြို့သား ပီသလာတာကို ပြောတာဗျ. ရွှေမန်းရဲ့ သားမဟုတ်ဘူး..)

ကျုံးဘေးမှာ ဘယ်အချိန် စက်ဘီးလေးစီးလိုက်ရင် ဘယ်လိုမျိုး စိတ်ကို ကြည်လင်အေးမြသွားစေမယ်ဆိုတာ….

ဘယ်နေရာမှာ ဘာတွေရှိပြီး ဘာတွေက ဘယ်နေရာမှာ ရှိတယ်ဆိုတာ….

ဟောင်ကောင်စတိုး ဘယ်အချိန်ပိတ်ပြီး ရေနီမြောင်းက ဘယ်လိုဘယ်ပုံ စီးတယ်ဆိုတာ…

တော်ပါပြီဗျာ. လိုရင်းချုပ်ရရင်တော့ လည်လည်ဝယ်ဝယ်ဖြစ်လာခဲ့တယ်. အပေါင်းအသင်းတွေလည်း များလာခဲ့တယ်ပေါ့ဗျာ.

အဲဒီ့လိုနဲ့ သင်္ကြန် အကျနေ့ တစ်နေ့မှာ……..

….
..
.

…………

မိတ္ထီလာက ကျွန်တော်နဲ့ ဆယ်တန်းတုန်းက တွဲတဲ့ သူငယ်ချင်းတွေ မန္တလေးသင်္ကြန်ကို တက်လာကြတယ်.

အားပါးပါး. ဘာပြောကောင်းလိုက်မလဲ…

ငယ်ပေါင်းတွေဆိုတော့ ချက်ခနဲဆို ဗိုက်ကလှပ်ပြီးသား. (အဲလေ. နားခွက်က မီးတောက်ပြီးသားလို့ ပြောတာ.) သင်္ကြန်ဆိုတော့ ရေစိုတာနဲ့ ရောကုန်တာ. အဟတ်ဟတ်.

သွားလိုက်ကြတာ. ဟိုး နန်းရှေ့ကနေ ထွက်လိုက်တာ. ဈေးချိုထိ…

ကျွန်တော့်ကောင်တွေက နန်းရှေ့မှာ တည်းကြတယ်. ဘယ်ကျော်သူရလို့ ခေါ်တဲ့ သူငယ်ချင်းတစ်ယောက်အိမ်မှာပေါ့. ကျွန်တော်လည်း ရောယောင်ပြီး သူတို့နဲ့ အတူတူ သွားအိပ်၊ သွားစားဖြစ်တယ်.

အဲဒီ့ရပ်ကွက်ထဲမှာပဲပေါ့…

အဟင်း..

သင်္ကြန်ဆိုတော့ လူငယ်စကားနဲ့ပဲ ပြောတော့မယ်ဗျာ. နော်.


ငါးညှီရှိရာ ယင်ကောင်လာ ဆိုသလို..

အာ. မလှဘူးဗျာ.

ယင်ဖိုရှိရာ ယင်မလာ..

မကောင်းပြန်ဘူး..

မင်းသားရှိရာ မင်းသမီးလာ…

အဲဒါကောင်းတယ်. အဟတ်ဟတ်.

ကျွန်တော်တို့လို တက်သစ်စ လူပျိုပေါက်လေးတွေ တည်းတဲ့နေရာနားမှာ သတင်းတွေက စတင် ပျံ့နှံ့လို့ လာခဲ့ပါတော့တယ်.

‘ဟိုကောင်လေးက MIT ကတဲ့.. ဟို အသားညိုညိုလေးကတော့ ဆေးကျောင်းသား.. ဟိုတစ်ယောက်က မိတ္ထီလာမှာ ဆိုင်ပိုင်တာ. (ကွမ်းယာဆိုင်ဆိုတာကိုတော့ သူတို့မသိလိုက်ကြဘူး. ဆိုင်ပိုင်တာပဲ သိလိုက်ကြတယ်.) … ဘလာ.. ဘလာ.. ဘလာ… ‘ ပေါ့ဗျာ.

ဒီလိုနဲ့ ကျွန်တော်တို့ သူငယ်ချင်းလေးယောက် သင်္ကြန်မှာ လည်ဖို့ မိန်းကလေး မိတ်ဆွေ လေးယောက် ရလိုက်ကြတယ်.

ဘုရားစူး တကယ့် မိတ်ဆွေတွေပါ.

နာမည်လေးတွေကတော့ ပြောရင် ကာယကံရှင် ထိခိုက်မှာစိုးလို့ ပန်းနာမည်လေးတွေပဲ ပေးလိုက်တော့မယ်နော်.

ငုဝါရယ်၊ ပိတောက်ရယ်၊ အင်ကြင်းရယ်၊ ကျွန်းသစ်ရယ်.. (အဲလေ.) မာလာရယ်ပေါ့….

ကျွန်တော့်စက်ဘီးနောက်မှာ ငုဝါလိုက်တယ်.

ထိတယ်နော်. ဒီလောက်နာမည်ကြီးပြီး ဆိုင်ကယ်လေးတောင် မစီးနိုင်တဲ့ ကျွန်တော်တို့တွေရဲ့ ဘ၀…

ဒါပေမယ့်လည်း ဒါပေမယ့်ပေါ့ဗျာ.

မြန်မြန်မသွားကောင်းတဲ့ ခရီးတစ်ခုကို ဖြည်းဖြည်းလေးနဲ့ သွားရတာကိုက အရသာဆိုတာ အရှေ့ကနေ လျှာထွက်မတတ် စက်ဘီးနင်းနေခဲ့ရတဲ့ ကျွန်တော် ကောင်းကောင်းကြီး နားလည်ခဲ့ရတယ်.

ငုဝါက ၀လို့ မဟုတ်ပါဘူး. ကျွန်တော်တို့ကိုက လေဆန်ကို နင်းနေကြလို့ပါ.

တစ်နေကုန် ရေပက်ခံထွက်ကြ၊
ရေစိုလာတဲ့ အ၀တ်လေးတွေကို ကျုံးဘေးမှာ အသာညှစ်ကြ၊
ဘေးနားလာလာရောင်းတဲ့ အသားကင်လေးတွေကို ကိုယ်စီ ဆွဲဖဲ့ကြ၊
မဏ္ဍပ်ရှေ့မှာ လုံထိန်းတွေ၊ ရဲတွေကို မူးချင်ယောင်ဆောင်ပြီး အောက်က မြောင်းပုပ်ရေနဲ့ ကန်၊ ဘွတ်ဖိနပ်တွေနဲ့ တက်နင်းကြ…
ညနေချမ်းမှာ အိမ်ကို ခဏပြန်ပြီး ရေမိုးချိုး. ပြီးတော့ စက်ဘီးလေးနဲ့ ပြန်ထွက်ရင်း တီးဝိုင်းလေးတွေ လိုက်ကြည့်ကြ..

ညမိုးချုပ်တော့ အိမ်ကို တစ်ယောက်တည်း ပြန်ဖို့ အဆင်မပြေတဲ့ တစ်ချို့ကို ပြန်လိုက်ပို့ကြနဲ့…

ဒီလိုနဲ့ အဲဒီ့နှစ်က သင်္ကြန်တစ်ခု လှပစွာ ပြီးဆုံးခဲ့တယ်.


အိပ်ချင်ပြီဗျာ. နောက်နေ့မှ ဆက်ရေးတော့မယ်. ဂွတ်နိုက်…

ဟတ်ဟတ်ဟတ်..

တကယ်ကြီးကို အိပ်ချင်လို့ပါဗျာ. မနက် အလုပ်သွားရဦးမယ်လေ.

အေးဆေးပေါ့. ဒီနေ့မှ အကျနေ့ပဲ ရှိသေးတာ ဟုတ်.

မြူမှောင်ဝေကင်း သီချင်းလေး နားထောင်ပြီး အိပ်လိုက်ဦးမယ်ဗျာ.

အိပ်မက်ထဲကျမှ မြူမှောင်ဝေကင်းသီချင်းက စတိုင်လ်ပြောင်းပြီး
‘ငုဝါ.. ငုဝါ.. ပန်းခင်းသော လက်အနုပညာ. ငုဝါ. ငုဝါ…’ ဆိုရင်တော့……

မနက်ဖြန် ရေဆက်ပက်မယ်.

အားလုံးပဲ အာဘွား…

Y.

ဝါသနာဘာဂီ ဆက်တိုင်းမှီ...

ညီမငယ် မေဒီဇာကတက်ဂ်ပါတယ်. ၀ါသနာတဲ့ဗျာ...

တစ်ခါတစ်လေတော့လည်း ကိုယ့်ကိုယ်ကို ဘာတွေလုပ်နေလို့ လုပ်နေမှန်းမသိပေမယ့် တစ်ခြားသူက ပြောပြထောက်ပြလိုက်တော့မှ သတိထားမိတာမျိုးလေးတွေလည်း ရှိတတ်တယ်ဗျ.

ဝါသနာဆိုတဲ့ပို့စ်လေးကို အာဝဇ္ဖန်းကောင်းကောင်းလေးနဲ့ ဟာသလေးနှောပြီး ပေါ့ပေါ့ပါးပါးလေးလည်း ရေးချင်တယ်. လေးနက်တဲ့ အဓိပ္ပါယ်လေးတစ်ချို့နဲ့လည်း တည်တည်တံ့တံ့ရေးချင်တယ်. အဲဒီ့မှာ ကျွန်တော်စပြီး ခွကျပါတယ်. (ခွကျတာလား. ဂွကျတာလားမသိ.. ကျချင်ရာကျတော့ဗျာ. ပြောချင်တာက ရှေ့မတိုးသာ နောက်မဆုတ်သာ မလူးသာ မလွန့်သာ မလူးလည်းမသာ မလွန့်လည်း မသာ ဖြစ်ရတယ်ပေါ့ဗျာ. ဟတ်ဟတ်)

.........

ဝါသနာဆိုတာကို ၀ီကီက ဒီလိုဖွင့်ဆိုထားပါတယ်.

A hobby is a spare-time recreational pursuit.

(၀ါသနာဆိုတာ အားလပ်ချိန်မှာ အပန်းဖြေလုပ်ဆောင်တဲ့ လိုက်စားမှုတစ်ခု တဲ့.)

Oxford Advanced Learner's Dictionary ထဲမှာကျတော့ ဒီလိုပြောထားပြန်တယ်ဗျ.
(အထင်များကြီးမလားလို့. ဟတ်ဟတ်.)

A hobby is an activity that you do for pleasure when you are not working.

(၀ါသနာဆိုတာ သင်အလုပ်မလုပ်နေချိန်မှာ စိတ်ပျော်ရွှင်မှုရစေဖို့ ပြုလုပ်တတ်တဲ့ လုပ်ဆောင်မှုတစ်ခု တဲ့.)

ကဲ. နောက်ထပ် ကိန်းဘရစ်ခ်ျတွေ၊ ဟားဗာဒ်တွေ၊ ချူလာလောင်ကောင်တွေနဲ့ အကျယ်ချဲ့ပြီး မပြောချင်တော့ပါဘူး. ပြောစရာလည်း မလိုအပ်တော့ပါဘူး. ပြောဆိုရင်လည်း မပြောတတ်တော့ပါဘူး. :)

လိုရင်းချုပ်ရရင်တော့ ၀ါသနာဆိုတာ သင့်စိတ်ကို ကြည်လင်ပျော်ရွှင်စေဖို့ လေ့လာလိုက်စားတဲ့ အလေ့အထတစ်ခုဖြစ်တယ်ဆိုတာပါပဲ.

ဒီနေရာမှာ ကျွန်တော် စကားလုံးနှစ်လုံးကို သတိထားပြီး သုံးသွားပါတယ်. "လေ့လာ" ဆိုတာနဲ့ "အလေ့အထ" ဆိုတာပါပဲ.

နောက်ပြန်ပြောပါမယ်.

အလေ့အထ ဆိုတာ habit ပါ. ၀ါသနာပါတယ်ဆိုတဲ့ အရာကို ကျွန်တော်တို့ မကြာခဏလုပ်မိတတ်ကြပါတယ်. ဒါကြောင့် ၀ါသနာဟာ အလေ့အထတစ်ခုလို ဖြစ်နေတတ်ပါတယ်. ဥပမာ စာရေးဝါသနာပါတဲ့သူဟာ နည်းနည်းလေးမအားလိုက်နဲ့ အားလိုက်တာနဲ့ စာရေးဖို့ကြိုးစားသလိုမျိုး.

လေ့လာ ဆိုတာကတော့ တစ်ချို့ဝါသနာကြီးသူတွေက သူတို့ ၀ါသနာပါတဲ့ ဘာသာရပ်တွေကို တစ်ခြားမည်သူမည်ဝါရဲ့ တိုက်တွန်းနှိုးဆော်ချက်မှ မပါဘဲ ကိုယ့်ဖာသာကိုယ် လေ့လာလိုက်စားတတ်တာကို ဆိုလိုတာပါ. ဥပမာ. ဘလော့ဂင်းကို ၀ါသနာပါတဲ့ ဘလော့ဂါတစ်ယောက်ဟာ သူအားချိန်မှာ ဘလော့ဂ်နဲ့ပတ်သက်တဲ့ ကုဒ်ဒင်းတွေ လိုက်လံရှာဖွေ မှတ်သားလေ့လာတာမျိုး၊ တန်းပလိတ်တည်ဆောက်ပုံကို သူ့ဖာသာလေ့လာဆန်းစစ်တာမျိုးကို ဆိုလိုပါတယ်. ကဗျာရေးရတာ ၀ါသနာပါတဲ့သူကလည်း ထိုနည်းလည်းကောင်းပဲပေါ့. ချဲ့ရင်တော့ ချဲ့သလိုရတာပေါ့ဗျာ.

ကျွန်တော်ဘာကြောင့် အဲလောက်ချဲ့ပြောရသလဲဆိုရင် ဒီနေ့ပတ်ဝန်းကျင်မှာ ကျွန်တော်တို့ အများဆုံးကြားနေရတာတစ်ခုရှိပါတယ်. အသက်မွေးဝမ်းကျောင်းအလုပ်တစ်ခု ရွေးချယ်တဲ့အခါမှာပေါ့..

'ဟာ. ကျွန်တော် အဲဒီ့လိုင်းကို ၀ါသနာမပါဘူး.'

'ကျွန်တော်က ငယ်ငယ်လေးကတည်းက စာသင်ရတာကို ၀ါသနာပါလို့ ကျောင်းဆရာလုပ်တာ'

'ကျွန်မ သီချင်းဆိုတာ ၀ါသနာပါတယ်.'

အဲလိုမျိုး ကိုယ့်အတွင်းစိတ်က စေ့ဆော်လှုပ်ရှားနေတာမျိုး၊ အဲဒီ့အလုပ်ကိုလုပ်နေရရင် အချိန်ကုန်လို့ ကုန်နေမှန်းမသိ ပျော်မွေ့နေတာမျိုး... အဲဒါကို ၀ါသနာလို့ ခေါ်ပါတယ်.

လက်တွေ့အသက်မွေးဝမ်းကျောင်းအလုပ်တစ်ခုကို ရွေးချယ်တဲ့အခါမှာကျတော့ ကျွန်တော်တို့တွေရဲ့ ရွေးချယ်မှုတွေဟာ ၀ါသနာနဲ့ နီးစပ်မှု တော်တော်လေး နည်းသွားပြီး အဆင်ပြေသလို ကျင်လည်လှုပ်ရှားရုန်းကန်နေကြရတာမျိုးတွေကိုလည်း အများကြီး ကြုံတွေ့ခံစားဖူးကြမယ် ထင်ပါတယ်.

'ကျွန်တော် ပန်းချီဆွဲတာ ၀ါသနာပါတယ်. ဒါပေမယ့်ဗျာ. ကျွန်တော့်မှာ မ်ိန်းမနဲ့ ကလေးနဲ့. ဒီအလုပ်လေးကိုပဲ လက်မလွှတ်ရဲဘူးဖြစ်နေတယ်. အဆင်ပြေတဲ့တစ်နေ့တော့ ပန်းချီဆွဲတဲ့ဖက် ပြန်လှည့်ဦးမယ်ဗျာ...'

အဲလိုပြောတဲ့လူကို သတိထားကြည့်မိလိုက်တော့ အသက်က ၄၀ နား နီးနေပါပြီ။

'ဟေ့ကောင်... မင်း ၀ါသနာပါတာ ပါတာပဲ. အဲဒီ့ဟာနဲ့ ထမင်းစားလို့ရမတဲ့လား... လက်တွေ့ဆန်ဆန်စဉ်းစားစမ်းပါကွာ..'

အဲလိုမျိုး စေတနာရှေ့ထားပြီး ဖိနှိပ်ပြောဆို တားမြစ်ခံရတာမျိုးတွေလည်း အများကြီး ရှိပါတယ်.

ကဲ. စာဖတ်သူရေ...

ကျွန်တော် ခင်ဗျားကိုပဲ ပြန်ပြီး မေးခွန်းထုတ်လိုက်တော့မယ်နော်.

ဒီပို့စ်လေးကို ဖတ်နေရင်းနဲ့ ကိုယ့်ဝါသနာပါတာ ဘယ်ဟာလဲဆိုပြီး လေ့လာဆန်းစစ်သွားကြတာပေါ့...

...........

ကျွန်တော် ၀ါသနာဆိုတဲ့စကားလုံးအကြောင်းကို မသိခဲ့ဘူး. ကျွန်တော် ဘယ်ဟာကို လုပ်နေရရင် ပျော်တယ်ဆိုတာပဲ သိတယ်.
အဲဒါကြောင့် ကျွန်တော် စိတ်လက်ပေါ့ပါးစွာ လုပ်တတ်တဲ့ အကျင့်လေးတွေအကြောင်းကိုပဲ ရေးသွားတော့မယ်နော်.
(ဟူး... မောလိုက်တာ. အဲဒီ့စာကြောင်းလေးကို နားလည်ဖို့ အရှေ့မှာ အများကြီး ရှင်းပြခဲ့ရတယ်. :) )

ကျွန်တော်ငယ်ငယ်တုန်းက စွန်လွှတ်တယ်. ဂျင်ပေါက်တယ်. ဂေါ်လီရိုက်တယ်. ကာတွန်းစာအုပ်ဖတ်တယ်. BMX စက်ဘီးလေးတွေ ငှားစီးတယ်. ဇယ်တောက်တယ်. ဘောလုံးကန်တယ်. အပြေးပြိုင်တယ်. သိုင်းချတမ်းကစားတယ်. စာစီစာကုံးဝင်ပြိုင်တယ်. အားကစားပြိုင်ပွဲတွေရှိရင် ၀င်ပါတယ်. ကဗျာရွတ်တယ်. သစ်ပင်တက်တယ်. ကြက်မွေးတယ်. ဘဲမွေးတယ်. ကားရုပ်လေးတွေကို ဆွဲဖြုတ်ပြီး ပြန်တပ်တတ်တယ်. ကိုရင်ဝတ်တုန်းက ဖားရိုက်ထွက်ရင်လိုက်တယ်. ခြင်းလုံးခတ်တယ်. အို.. အစုံပါပဲဗျာ.

ကျွန်တော်အစုံလုပ်ခဲ့ဖူးတယ်. ၀ါသနာဆိုတာ ကျွန်တော်မသိခဲ့ဘူး. အဲဒါတွေလုပ်နေရရင် ကျွန်တော်ပျော်နေတယ်ဆိုတာကိုပဲ သိတယ်.

လေးတန်းနှစ်လောက်မှာ တစ်စုံတစ်ခုကို ကျွန်တော်သတိထားမိလာတယ်.

ငါးထပ်တိုက်ပေါ်ကနေ အောက်ကိုသွားဆင်းပြီး ဘောလုံးကန်ခါနီးမှာ ကျွန်တော့်မျက်စိရှေ့ ကာတွန်းစာအုပ်တစ်အုပ် ရောက်လာရင် မဆင်းတော့ဘဲ အဲဒီ့စာအုပ်ကို တစ်ထိုင်တည်း ဖတ်ပစ်တယ်.

ကျွန်တော်ငိုနေရင် အဖေနဲ့ အမေက ကျွန်တော့်နားမှာ ကာတွန်းစာအုပ်လေးတစ်အုပ်နှစ်အုပ်လောက် မသိမသာလေး လာချပြီး ထွက်သွားတတ်တယ်. တအောင့်လောက်နေရင် ကျွန်တော် အငိုတိတ်ပြီး စာဖတ်နေတာကို သူတို့ ချောင်းကြည့်ရင်း ပြုံးနေတတ်ကြတယ်.

အဖေအ်ိပ်တဲ့ ဘုရားခန်းထဲမှာ စာအုပ်တွေစီထားတဲ့ စင်လေးတစ်ခုရှိတယ်. အဲဒီ့ပေါ်မှာတင်ထားတဲ့ စာအုပ်တစ်အုပ်နာမည်က ဗုဒ္ဓစာပန်းချီတဲ့... ရေးတဲ့သူက ငွေဥဒေါင်း (ဦးကြီးမောင်) ပါ... အဲဒီ့စာအုပ်လေးက ဘာသာရေးဗဟုသုတတွေကို ဇာတ်လမ်းလေးတွေပုံစံနဲ့ ရေးထားတာမို့ ဖတ်လို့ အတော်ကောင်းပါတယ်.

အဲဒီ့စာအုပ်ကို ကျွန်တော်ဖတ်မိပြီးနောက်ပိုင်းမှာ ဘာသာရေးဗဟုသုတ အတော်လေးရလိုက်သလို ဗုဒ္ဓဘာသာနဲ့ပတ်သက်ပြီး လေ့လာမှု အစပျိုးခဲ့တယ်လို့လည်း ဆိုနိုင်ပါတယ်. အခု ဒီပို့စ်လေးရေးနေချိန်မှာ ကျွန်တော့်ရဲ့ အဖေကို ပြန်မြင်ယောင်လာမိတယ်.

အဖေဟာ ကျွန်တော်တို့ ညီအစ်ကို မောင်နှမတွေကို လူတော်လူကောင်းလေးတွေဖြစ်အောင် အမြဲပျိုးထောင်ပေးခဲ့တယ်. ၀န်ထမ်းလစာလေးနဲ့ လောက်ငှအောင်သုံးနေရပေမယ့်လည်း ကျွန်တော်တို့ဘ၀တက်လမ်းအတွက် အကျိုးဖြစ်ထွန်းစေမယ့် အရာတွေကို အကွက်ချလုပ်ဆောင်ပေးခဲ့တယ်.

နွေရာသီကျောင်းပိတ်ရင် ကျွန်တော်တို့ ညီအစ်ကိုနှစ်ယောက် အဖေ့ရဲ့ ဇာတိချက်ကြွေ မွေးရပ်မြေဖြစ်တဲ့ ၀မ်းတွင်းမြို့နယ်က နတ်ကန်ရွာလေးကို သွားကြရပါတယ်. ဟိုရောက်ရင် ကိုရင်ဝတ်ပြီး စာဝါလိုက်ရပါတယ်. ပရိတ်ကြီး (၁၁) သုတ်တို့၊ ဘဂ၀ါ၊ အစိန္တေယျ ဘုရားရှိခိုးတို့၊ ဘောဒေ၀ပုတ္တ.. အိုနတ်သား... စတဲ့ ပါဠိတွေ၊ သုတ္တံတွေနဲ့ ငယ်စဉ်ကတည်းက ရင်းနှီးခဲ့ရပါတယ်. အမှန်အတိုင်းပြောရရင်တော့ ကိုရင်ဝတ်ရတာ ကျွန်တော် ၀ါသနာမပါပါဘူး. ဒါပေမယ့် ရွာပြန်ရတာကိုတော့ ကျွန်တော်ပျော်ပါတယ်.

မြို့ပေါ်မှာ ဘောလုံးကန်ဖို့ နေရာရှားသလောက် ရွာမှာနေရာက ပေါမှပေါ၊ ပြီးတော့ ရွာက သက်တူရွယ်တူကလေးတွေနဲ့ နပန်းပဲလုံးမလား၊ မန်ကျည်းပင်ကြီးအောက်မှာ ဘောလုံးကန်မလား၊ မန်ကျည်းစေ့တောက်မလား၊ ကျီးသားရိုက်မလား၊ သစ်ပင်တက်မလား၊ ဘောစကိုင်းသီးတွေ ခူးစားမလား၊ ညဖက် လူခြေတိတ်ချိန် သိမ်ကြီးထဲမှာထိုင်ပြီး သရဲအကြောင်းတွေပြောကြမလား၊ မိုးရွာရင် ကိုရင်ကြီးတွေနဲ့အတူတူ ဖားရိုက်ထွက်ကြမလား... အို ပျော်စရာကြီး...

အဲတာတွေကိုလည်း ကျွန်တော်ဝါသနာလို့ ထင်ခဲ့တယ်.

ခြောက်တန်းနှစ်မှာ ကျွန်တော်တို့ မိသားစု စစ်တွေမှာ ရှိနေခဲ့ကြတယ်. အဲဒီ့မှာ ကျွန်တော် အတတ်ကောင်းတစ်ခု တတ်လာခဲ့တယ်. ဘာလဲဆိုတော့ သိုင်းဝတ္ထုဖတ်တာပါပဲ. :)

အဖေက ကျွန်တော်တို့ ညီအစ်ကိုတွေ သိုင်းဝတ္ထုဖတ်တာကို တားမြစ်ပါတယ်. တွေ့ရင် စာအုပ်လွှင့်ပစ်ရင်လွှင့်ပစ်၊ ဆူရင်ဆူ၊ အဲဒါနဲ့မှ ပြောမရရင်တော့ ရိုက်ရင်ရိုက်တတ်ပါတယ်. အဲဒီ့တော့ ကျွန်တော်လည်း သိုင်းစာအုပ်ကို မုန့်ဖိုးလေးနဲ့ ငှားပြီးရင် ခါးကြားထဲထိုး၊ အကျီင်္နဲ့ဖုံး၊ အိမ်ဘေးနားက မာလကာပင်ကြီးကိုတွယ်တက်၊ ပြီးတော့ မာလကာကိုင်းကြီးကတဆင့် အိမ်ခေါင်မိုးပေါ်တက်ထိုင်ရင်း အဲဒီ့ပေါ်က သစ်ရိပ်အောက်မှာ မာလကာသီးခူးစားလိုက်၊ သိုင်းဝတ္ထုလေးဖတ်လိုက်နဲ့ လုပ်တတ်လာခဲ့ပါတယ်.

လမ်းမကြီးပေါ်က ဖြတ်သွားတဲ့ တစ်ချို့က မာလကာသီးလှမ်းတောင်းရင် ခူးပြီး လှမ်းပစ်တတ်ပါသေးတယ်. ဘေ့စ်ဘောပွဲတွေနဲ့ မရင်းနှီးခဲ့လို့. ကြည့်များကြည့်ခဲ့ဖူးရင် ဘေ့စ်ဘောသမားတောင် ဖြစ်ချင်ဖြစ်လာနိုင်တယ်. :)

သေချာတာကတော့ ကျွန်တော်စာတွေကို ဖတ်ရတာ ၀ါသနာပါလာတယ်ဆိုတာပါပဲ. ကျွန်တော်ဖတ်တဲ့စာတွေဟာ အကျိုးပြုလား၊ အပျော်ဖတ်လား၊ အညှီအဟောက်တွေလား အဲဒါတွေတော့ ကျွန်တော်မသိနိုင်၊ မခွဲခြားနိုင်ခဲ့သေးဘူး. ကျွန်တော်စာဖတ်ရတာကိုတော့ နှစ်ခြိုက်ခုံမင်လာတတ်ခဲ့တာ သေချာပါတယ်.

ပြီးတော့ ကျွန်တော် စာစီစာကုံးရေးရတာလည်း ၀ါသနာပါတယ်ဗျ. (ဒါကြောင့်လည်း ဘလော့ဂ်ပို့စ်တွေရေးရင် အက်ဆေးပုံစံတွေ တစ်ချုိ့ဖြစ်ကုန်တာနေမှာ. ဟတ်ဟတ်)

ခုနစ်တန်းနှစ်မှာ ကျွန်တော်မှတ်မှတ်ရရ ဆုရခဲ့ဖူးတဲ့ ကုလသမဂ္ဂအင်္ကျီကြီးကတော့ အခုအချိ်န်မှာ ကျွန်တော့်အဖေရဲ့ အရိုးစုလေးပေါ်မှာ ရှိနေခဲ့ဦးမလားပဲ. အဖေက အမြဲအားပေးပါတယ်.

"ငါ့သား... ယှဉ်ပြိုင်ခြင်းသာ အဓိက... ပြိုင်သာပြိုင်... ဆုရရမရရ ပြိုင်ရဲတာကိုက သတ္တိတစ်မျိုးပဲ" တဲ့...

ပြောရင်းနဲ့ ကျွန်တော် အဖေ့ကိုလွမ်းသွားပြီဗျာ....

..........

ခုနစ်တန်းနှစ်မှာ အဖေဆုံးသွားတော့ ကျွန်တော်တို့ မိသားစု မိတ္ထီလာကို ပြောင်းခဲ့ကြတယ်. ရှစ်တန်းနှစ်မှာ ကျွန်တော် မျက်နှာသစ်တစ်ယောက်အနေနဲ့ ကျောင်းသစ်ကို ပြောင်းခဲ့ရတယ်. အမျိုးသားနေ့ စာစီစာကုံးပြိုင်ပွဲလုပ်တယ်. ကျွန်တော်ဝင်ပြိုင်တယ်. ဆုရခဲ့တယ်. ဘာမှတော့ အထွေအထူးမဟုတ်ခဲ့ဘူး. ဗလာစာအုပ်အကြမ်းလေး တစ်ဒါဇင်နဲ့ စာရေးကိရိယာလေးတစ်ချို့ပါပဲ. ဒါပေမယ့် ကျွန်တော်ကိုယ့်ကိုယ်ကို သိပ်ဂုဏ်ယူခဲ့တယ်.

ဘာလို့လဲသိလား.

အဖေမရှိတော့မှ ကျွန်တော်ကို အားပေးချီးမြှောက်မယ့်သူဆိုတာ မရှိခဲ့တော့ဘူး. ကျွန်တော့်ဘ၀ကျွန်တော်စတင် ရင်ဆိုင်တတ်လာခဲ့ရတယ်. အဲဒီ့မှာ ကျွန်တော်တုန်လှုပ်မိပါတယ်. ၀န်ခံပါတယ်. အဖေကို အရမ်းအရမ်းကို တမ်းတမိခဲ့ပါတယ်. အဖေမရှိခြင်းဟာ တစ်ချို့နေရာတွေမှာ သိပ်ကို သိမ်ငယ်စေခဲ့တာမျိုးတွေ ကျွန်တော်ကိုယ်တိုင် ကြုံတွေ့ခံစားခဲ့ရဖူးပါတယ်.

ဒါကြောင့် အဲဒီ့တုန်းက ကျွန်တော်ရခဲ့တဲ့ အမျိုးသားနေ့ စာစီစာကုံးပြိုင်ပွဲ... တတိယဆုလေးဟာ ကျွန်တော့်ရဲ့ သိမ်ငယ်သွားခဲ့တဲ့ အားမာန်တွေကို ဟုန်းခနဲ ပြန်ထတောက်စေခဲ့တယ်.

ကျွန်တော် စာစီစာကုံးရေးတာကို တော်တော်လေး ၀ါသနာပါသွားပြီးနောက်ပိုင်း ကျွန်တော့်အခန်းထဲက စာအုပ်စင်လေးပေါ်မှာ စာစီစာကုံးရေးနည်းစာအုပ်လေးတွေ နေရာယူလာကြပါတယ်. အဲဒါနဲ့တဆက်တည်း ကျွန်တော် စကားပုံတွေ စုဆောင်းတာကို ၀ါသနာပါလာခဲ့တယ်.

ဘာလို့လဲဆိုတော့ စာစီစာကုံးကောင်းကောင်း တစ်ပုဒ်ဖြစ်ဖို့ စာရေးကောင်းရုံတင်မကဘူး. သက်ဆိုင်ရာ အကိုးအကား စကားပုံ ဆိုရိုးစကားလေးတွေကို သူ့နေရာနဲ့သူ ညှပ်ထည့်ပေးရတတ်တယ်လေ. အဲဒါကြောင့် စကားပုံလေးတွေကို စုဆောင်းထားပြီးသား စာအုပ်လေးတွေကို ကျွန်တော် အချိန်ရရင် ဖတ်မှတ်တတ်လာတယ်. ကျက်သင့်ရင် ကျက်ပစ်လိုက်တယ်.

စာကျက်ခြင်းအကြောင်း ပညာအကြောင်းရေးမလား...

"သုစိပုဘာ၊ ၀ိလိသိဓာ၊ အက္ခရာစွဲသုံး၊ ဤရှစ်လုံးကို၊ သီကုံးပန်းသွင်၊ နေ့တိုင်းဆင်လော့..." တို့
"ပထမအရွယ်၊ ငယ်သော်ကတည့်၊ သိပ္ပခေါင်အား၊ တတ်မြောက်မြားမူ၊ တောသားရန်အောင်၊ ခြင်္သေ့ယောင်သို့၊ မရှောင်ပညာ၊ တင်းတင်းမာလိမ့်.."
"ဥစ္စာဟူသည် မျက်လှည့်မျိုး၊ ပညာဟူသည် မြတ်ရွှေအိုး.."

စသည်ဖြင့်ပေါ့ဗျာ.... အဲဒါလေးတွေကို နေရာတကျ ကျွန်တော်စီစဉ်စုဆောင်းထားတဲ့ မှတ်စုစာအုပ်လေးတွေ ရှိတယ်. လူတော်တော်များများ ဖတ်မှတ်လေ့လာခဲ့ဖူးကြမှာပါ. ဒါပေမယ့် စုဆောင်းသိမ်းဆည်းထားဖို့ကျတော့ လူတိုင်း သတိရချင်မှ ရလိမ့်မယ်. တကယ်လိုအပ်လို့ ထုတ်သုံးကြစတမ်းဆိုရင် စနစ်တကျ သိမ်းဆည်းထားခဲ့သူတစ်ယောက်က လိုသလို ထည့်သွင်းရေးသားရင်း စာဖတ်သူ စိတ်ဝင်စားအောင်ပိုဆွဲဆောင်နိုင်တာပေါ့.

အကျိုးတော်တော်လေးများခဲ့ပါတယ်. စကားပုံလေးတွေကို ဖတ်ရတာ မိမိကိုယ်တိုင်အတွက်လည်း အများကြီး ပညာရည်ပြည့်ဝစေခဲ့တယ်ဆိုတာကို ကျွန်တော်ကြီးလေလေ ပိုနားလည်လေလေဖြစ်ခဲ့ရတယ်. တစ်ခါတစ်လေအဖြစ်အပျက်လေး တစ်ခုနဲ့ ကြုံကြိုက်လိုက်တယ်ဆိုပါတော့. အဲဒီ့မှာ..

'ဟာ... ဒီစကားလေး သိပ်မှန်တာပဲ' ဆိုပြီး ခေါင်းထဲမှာ လင်းခနဲ လက်ခနဲ ဖြစ်သွားရတာလေးတွေ ရှိလာတတ်ပါတယ်.

ဘလော့ဂ်ရေးဖြစ်ခဲ့တဲ့ အချိန်မှာလည်း ကျွန်တော် စုဆောင်းလေ့ကျက်ခဲ့ဖူးတဲ့ စကားစုလေးတွေက သိပ်အသုံးဝင်လာခဲ့ပါတယ်.
အပေါ်က စကားပဲ ပြန်ကောက်လိုက်တော့မယ်ဗျာ.ဒါကြောင့် တစ်ခါတစ်လေ ကျွန်တော်ရေးတဲ့ ဘလော့ဂ်ပို့စ်လေးတွေက အက်ဆေးပုံစံတွေများထွက်နေမလားမသိလို့.. ဟတ်ဟတ်

ကျွန်တော့်နာမည်ပါတဲ့ ဆုရစာစီစာကုံးများဆိုတဲ့ စာအုပ်တစ်အုပ် ထွက်ဖူးတယ်. ခုဆို ပြန်ရိုက်တာ စတုတ္တအကြိမ်မြောက်လားမသိဘူးဗျ. ထုတ်ဝေသူတွေနဲ့တော့ အဆက်အသွယ်ပြတ်သွားပြီ. အရင်တုန်းက စာအုပ်တစ်ကြိမ်ပြန်ရိုက်တိုင်း စာမူခနဲ့ မေတ္တာလက်ဆောင်စာအုပ်ပို့ပို့ပေးတတ်တယ်.

ထားပါတော့.

ကျွန်တော့်ရဲ့ ပင်မ၀ါသနာကတော့ စာရေးခြင်းနဲ့ စာဖတ်ခြင်းပါပဲ. လောလောဆယ် မအားလပ်နိုင်ခဲ့ရင်တောင် စာမရေးချင်မရေးဘူး. စာဖတ်တာကိုတော့ ရအောင်အချိန်ယူဖတ်နေဆဲပါပဲ.


...

ဆယ်တန်းအောင်ပြီးတော့ ကျွန်တော် အရေးကြီးတဲ့ ဆုံးဖြတ်ချက်တစ်ခု ချရပါတယ်.

ကျွန်တော်တို့ မိသားစု အဆင်ပြေလှတယ်မဟုတ်ပါဘူး. အဖေမရှိဘူး. အမေက မှီခို. အစ်မငယ်က ၀န်ထမ်း. အစ်မကြီးကလည်း ၀န်ထမ်း. အစ်ကိုက ဒန်အိုးစက်ရုံမှာ လက်ထောက်မန်နေဂျာ. အားလုံး တစ်ဝမ်းတစ်ခါးလှအောင် မနည်းရုန်းကန်နေခဲ့ကြရတယ်.

ဆယ်တန်း results တွေထွက်ပြီးတော့ အားလုံးက ကျွန်တော့်ကို ဆရာဝန်လုပ်စေချင်တယ်.

အမေကလည်း ဆရာဝန်လုပ်စေချင်တယ်. အမျိုးထဲမှာ ဆရာဝန်ဆိုတာလည်း မရှိခဲ့ဖူးဘူးတဲ့. ပြီးတော့ ဆေးမှတ်မီရင် ဆရာဝန်လိုင်းလျှောက်ကြတာကိုက ဖက်ရှင်တစ်မျိုးလို ဖြစ်နေကြတယ်လေ.

ကျွန်တော်ခေါင်းမာစွာနဲ့ ငြင်းဆန်ခဲ့တယ်.

ကျွန်တော် ဆရာဝန်လုပ်ရမှာ ၀ါသနာမပါဘူး. ဟုတ်တယ်. ကျွန်တော်ဝါသနာမပါတဲ့အရာတစ်ခုကို ဘ၀တစ်ခုလုံး ရင်းနှီးပြီး မလုပ်နိုင်ဘူး.

MIT ကို ကျွန်တော်ရွေးချယ်ခဲ့တယ်. ၀ါသနာပါတဲ့ အင်ဂျင်နီယာဘာသာရပ်၊ အထူးသဖြင့် Electrical Engineering ကိုလေ့လာဖို့..

အဲဒီ့မှာပဲ ကျွန်တော့်သူငယ်ချင်းက စစ်အင်ဂျင်နီယာလျှောက်ဖို့ အဖော်ညှိတယ်. အမေက လုပ်စေချင်ပြန်တယ်.

စစ်အင်ဂျင်နီယာဖြစ်သွားရင် ကျွန်တော့်ရဲ့ ဘ၀ရှေ့ရေးအတွက်ပါ စိတ်အေးရပြီပေါ့ဗျာ. မဟုတ်ရင် ကျောင်းတက်ဖို့ စရိတ်ကလည်း ကုန်ဦးမယ်. ပြီးတော့ ခေတ်စကားနဲ့ပဲ ပွင့်ပွင့်လင်းလင်းပြောမယ်ဗျာ. နော်. အရပ်ထဲမှာလည်း ဒီလိုပဲ ပြောနေကြတာမို့ပါ.

စစ်ဗိုလ်ဖြစ်ရင် အကောင်ဖြစ်တာပဲတဲ့လေ...

ကျွန်တော်အရေးပါအရာရောက်ချင်တဲ့ လူတစ်ယောက်ဖြစ်ချင်ပါတယ်. ဒါပေမယ့် ကျွန်တော်စစ်ဗိုလ်မဖြစ်ချင်ဘူး.

ကျွန်တော့်ကိုယ်ကျွန်တော် စစ်ထဲမှာ ဘယ်လိုမှ မြင်လို့မရဘူး..

အဲဒီ့မှာလည်း ကျွန်တော် ဒုတိယမ္ပိ တည်ငြိမ်စွာ ငြင်းဆန်ခဲ့ပါတယ်.

'ကျွန်တော် အင်ဂျင်နီယာတစ်ယောက်ပဲဖြစ်ချင်ပါတယ်. စစ်အင်ဂျင်နီယာတော့ မဖြစ်ချင်ဘူး အမေ...'

.....

ရုတ်ရုတ်ရုတ်ရုတ်တွေ ဖြစ်လို့ ကျွန်တော်တို့ ကျောင်းတော်ကြီး ခေတ္တ (သို့) အကြာကြီး ပိတ်သွားတဲ့အချိန်မှာ ကျွန်တော် ဂျပန်စာ စလေ့လာဖြစ်ခဲ့တယ်. ကျောင်းပြန်ဖွင့်တာနဲ့ ဂျပန်ပညာတော်သင်လျှောက်နိုင်အောင်ပေါ့. Roll no. ကလည်း အိုကေ၊ Eligibility အရလည်း ဂွတ်၊ ဂျပန်စာပဲကျန်တာဆိုတော့ ကျွန်တော်အသားကုန်ကြိုးစားခဲ့ပါတယ်.

ဂျပန်စာအပေါ် ကျွန်တော်တော်တော်လေး သံယောဇဉ်ကြီးခဲ့ပါတယ်. ယုတ်စွအဆုံးဗျာ. လက်ဖက်ရည်ဆိုင်မှာ ထိုင်နေရင်တောင် တစ်ရှုးပေပါပေါ်မှာ ခန်းဂျီးစာလုံးတွေ ရေးကျင့်နေတဲ့အထိ ကျွန်တော်လေ့ကျက်ခဲ့တယ်.

ကျောင်းတွေပြန်ဖွင့်တယ်.

ကျွန်တော်တို့ ဂျပန်အစိုးရနဲ့ သဘောတူညီချက် ပျက်သွားခဲ့တယ်.

အတည်မပြုနိုင်ခဲ့တဲ့ သတင်းတစ်ပုဒ်ကတော့ နအဖက စစ်အင်ဂျင်နီယာကျောင်းသားတွေကို ကျွန်တော်တို့ ကျောင်းတော်သားတွေ ပုံစံဖမ်းပြီး ပညာတော်သင်လွှတ်နေတာကို ဂျပန်အစိုးရက သိသွားလို့တဲ့. Cancel လုပ်ပစ်လိုက်တယ်တဲ့. အဲဒီ့ ပရိုဂရမ်မရှိတော့ဘူးတဲ့...

ဘာပဲဖြစ်ဖြစ် အဲဒီ့ပရိုဂရမ် မရှိတော့တာကတော့ သေချာသွားခဲ့ပါတယ်.

ကျွန်တော့်မျက်စိရှေ့မှာ တိမ်စိုင်တွေပြိုကျသွားတာကမှ ကြည့်လို့ကောင်းခဲ့ဦးမယ်.

အခုတော့ ကျွန်တော့်ဘ၀ရဲ့ ရည်မှန်းချက်ကြီးတစ်ခုလုံး အလဲထိုးခံလိုက်ခဲ့ရတယ်.

....

ဒီကြားထဲမှာ ကျွန်တော် ဘာလုပ်ရမယ်မှန်းမသိတော့ဘူး. ကျောင်းဆက်တက်ချင်စိတ်လည်း မရှိတော့ဘူး. စ်ိတ်တွေတော်တော်လေသွားခဲ့တယ်ဗျာ.

၂၀၀၁ မှာ ရန်ကုန်ကိုရောက်လာခဲ့တယ်. ကွန်ပြူတာလေး ဟိုစမ်းစမ်းဒီစမ်းစမ်း၊ စပီကင်လည်း စမ်းတမ်းစမ်းတမ်းနဲ့ ကျွန်တော် ရည်မှန်းချက်ပျောက်သလိုဖြစ်နေခဲ့တယ်. မန္တလေးမှာ ကျောင်းတွေပြန်ဖွင့်နေပြီကြားပေမယ့် ပြန်လည်းမတက်ချင်တော့ဘူး. ရန်ကုန်ကိုလည်း ကျောင်းမပြောင်းချင်တော့ဘူး. ဒီလိုနဲ့ ကျွန်တော် MIT Dropout ဖြစ်ခဲ့ရတယ်.

၂၀၀၁ မှာပဲ ကျွန်တော် ပရိုဂရမ်မင်းဖက် ရောက်ခဲ့တယ်. ထုံးစံအတိုင်းပေါ့. အရူးအမူးကို လိုက်စားပစ်လိုက်ပြန်တယ်.

MySoft Technologies မှာ ခဏလုပ်တယ်. ပြီးတော့ ACE မှာ Instructor ပြန်လုပ်တယ်. ပရိုဂရမ်မာပဲ လုပ်တော့မယ်ပေါ့ဗျာ...

၂၀၀၂ မှာ ကျွန်တော့်ရဲ့ အရင်းနှီးဆုံးသူငယ်ချင်း စင်ကာပူကို ထွက်သွားတယ်. ပိုလီကိုပေါ့. ကျွန်တော့်ရင်ထဲဟာသွားတာပဲ.
ကျွန်တော်က ပိုက်ဆံမရှိလို့ နိုင်ငံခြားဆိုတာကြီးနဲ့ မနီးစပ်နိုင်တော့ဘူးထင်နေခဲ့တာလေ. ပြီးတော့ ဘာသတင်းမှလည်းမရ. ဘယ်သူနဲ့မှလည်း မချိတ်ဆက်ခဲ့မိဘူးကိုး..

သူငယ်ချင်းကလည်း ကျွန်တော်နဲ့ ဘ၀တူလို့ပြောရင်ရတယ်. Financial Aid နဲ့တက်တာကို သူရှင်းပြတော့ ကျွန်တော်စိတ်ဝင်စားသွားခဲ့တယ်. ဒီလိုနဲ့ စင်ကာပူလိုင်းဖက် လိုက်လေ့လာဖြစ်ခဲ့တယ်.

လေ့လာရင်းနဲ့ပဲ NTU/NUS ကိုလုပ်တာ ပိုကောင်းမယ်ဆိုပြီး GCE A Level ကို စလေ့လာတယ်. အဲဒီ့မှာ အမေရိကား တက္ကသိုလ်က စကောလားရှစ်ရထားတဲ့ ကျောင်းသားတစ်ယောက်နဲ့ သိကျွမ်းမိရာက ကျွန်တော် လမ်းကြောင်းတွေ စသိလာခဲ့တယ်.

ဒီကြားထဲမှာ ကျွန်တော် ၀ါသနာအရရော ၀မ်းရေးအရရော လုပ်နေခဲ့တာတစ်ခု ပြောပြဖို့ မေ့သွားတယ်.

ကျွန်တော်စာသင်တယ်ဗျ.

ဆယ်တန်း၊ ကိုးတန်းတွေသာမကဘူး. TOEFL, FCE နဲ့ Eng. Grammar ကိုလည်း ကိုယ်ပိုင်ဝိုင်းလေးတွေ ဖွဲ့ပြီးသင်တယ်. ကျွန်တော်စာသင်ရတာကို သဘောကျပါတယ်. ကျွန်တော့်ရဲ့ ၀ါသနာအပါဆုံးအရာတွေထဲမှာ စာသင်ရတာလည်း ထိပ်ဆုံးမှာပါနေမယ်လို့ ပြောနိုင်တယ်.

Guide ပြရင်း ပိုက်ဆံစု၊ အားလပ်ချိန်မှာ TOEFl, SAT လေ့လာ၊ စာမေးပွဲတွေအတွက် ပြင်ဆင်၊ ကျောင်းတွေရှာ၊ ကျောင်းတွေလျှောက်နဲ့ တော်တော်လုပ်ယူခဲ့ရပါတယ်. တစ်ချို့တွေများ အဆင်ပြေလိုက်တာဗျာ. ကျွန်တော်ကတော့ သင်တန်းတက်ရင် ပိုက်ဆံကုန်မှာစိုးလို့ စာအုပ်တွေ မိတ္တူဆွဲပြီး အိမ်မှာပဲ လေ့လာဖြစ်ခဲ့ရတယ်. Result တွေလည်းထွက်ပြီးရော ကျွန်တော် TOEFL ကို သင်တန်းတစ်ခုအနေနဲ့ ပြန်သင်နိုင်ခဲ့တယ်. စာမေးပွဲကြေးကြေရုံတင်မကဘူး. အမြတ်ပါထွက်လိုက်သေးတယ်. :)

ကျောင်းကိစ္စတွေလုပ်နေရင်း စာသင်လိုက်၊ စာသင်ရင်း ကျောင်းကိစ္စတွေလုပ်လိုက်နဲ့ ၂၀၀၄ မှာ ကျွန်တော် စကောလားရှစ်ရပြီး ဒီကိုရောက်လာခဲ့တယ်.

ကျွန်တော့်ရဲ့ ဒုတိယမ္ပိ ၀ါသနာကတော့ ကျွန်တော့်စိတ်ထဲက ဖီလင်မလာတဲ့ အရာတစ်ခုကို အခွင့်အရေးတွေ ဘယ်လောက်များနေပါစေ. ကျွန်တော်မလုပ်တတ်ဘူး ကျွန်တော်ဝါသနာပါတဲ့ လမ်းကြောင်းတစ်ခုမှာ ငွေကြေးအရ ကြွယ်ဝချမ်းသာမှု မရှိနိုင်ဘူးဆိုရင်တောင် ကျွန်တော်ရွေးချယ်လုပ်တတ်ပါတယ်.

ဘာအကန့်အသတ်မှ လောလောဆယ် မရှိဘူးဆိုရင် ကျွန်တော် စာသင်တဲ့ ဆရာတစ်ယောက်ဖြစ်ချင်တယ်. လောလောဆယ်တော့ ကျွန်တော့်မှာ အကန့်အသတ်တွေ၊ တောင်းဆိုမှုတွေ ရှိနေလို့ ကြိုးစားရုန်းကန်နေဆဲပဲဗျ. ဒါကြောင့် ဘလော့ဂ်ပေါ်ကနေပဲ ဆရာလုပ်နေရတော့တယ်. အဟတ်ဟတ်..

....

ကျွန်တော့်မှာ တကယ်တော့ ရေးပြစရာ သိပ်မရှိလှပါဘူး. ဒါပေမယ့် အဲလိုပြောရင်းနဲ့ ရေးနေတာကိုက တော်တော်ရှည်သွားပြီ.

ဝါသနာဆိုတာ အသက်မွေးဝမ်းကြောင်းမှုနဲ့ ပတ်သက်နေရင် သိပ်ကိုကောင်းပါတယ်. ကျွန်တော်အားကျတဲ့ ပုဂ္ဂိုလ်တွေရှိတယ်.

Apple Company က Steve Jobs
Berkshire Hathaway Inc. က Warren Buffet
Bluelithium Company ကို ထောင်ခဲ့တဲ့ Gurbaksh Chahal
မယ်တော်ဆေးခန်းကို ထူထောင်ထားပြီး ပြည်သူတွေကို ကူညီပေးနေတဲ့ ဒေါက်တာစင်သီယာမောင်
United States ရဲ့ လက်ရှိသမ္မတ Barack Obama

သူတို့တွေရဲ့ ဘ၀ဖြတ်သန်းမှုတွေကို ကျွန်တော်လေးစားတယ်. အားကျတယ်. အတုယူမိတယ်.
သူတို့ထက်အောင်မြင်သူတွေ၊ သူတို့လိုပဲ အောင်မြင်သူတွေ အများကြီးရှိပါတယ်. ဒါပေမယ့် သူတို့တွေလောက် လဲကျရာကနေ ပြန်ထူထောင်လာနိုင်ခဲ့တဲ့ ပုဂ္ဂိုလ်တွေ၊ စိန်ခေါ်မှုတွေ၊ ကဲ့ရဲ့စကားတင်းဆိုမှုတွေကို အပြုံးမပျက် ရင်ဆိုင်ရင်း ကိုယ်လိုချင်တဲ့ ရည်မှန်းချက်ပန်းတိုင်ကို အရယူနိုင်ခဲ့တဲ့ ပုဂ္ဂိုလ်တွေ မဟုတ်ခဲ့ကြဘူး.

ကျွန်တော်အတိအကျမသိနိုင်တဲ့၊ မသိနိုင်သေးတဲ့ တစ်ခြား ထူးချွန်ထင်ရှားတဲ့ ပုဂ္ဂိုလ်ကြီးတွေ ရှိပါသေးတယ်.

ဒါပေမယ့် ကျွန်တော် သူတို့ကို လေးစားအားကျရတာကတော့ သူတို့ဝါသနာပါတာကို အသက်မွေးဝမ်းကျောင်းအလုပ်တစ်ခုအနေနဲ့ သူတို့ရွေးချယ်ခဲ့ကြတယ်. ထိပ်ဆုံးကိုရောက်အောင်တက်လှမ်းနိုင်ခဲ့ကြတယ်ဆိုတာပါပဲ.

ကျွန်တော် စာရေးဆရာတစ်ယောက်ဖြစ်ချင်တယ်.
ကျွန်တော် ဒဿနသမားတစ်ဦးဖြစ်ချင်တယ်.
ကျွန်တော် စာသင်တဲ့ ဆရာတစ်ယောက်ဖြစ်ချင်တယ်.
ကျွန်တော်အောင်မြင်တဲ့ စီးပွားရေးသမားတစ်ယောက်ဖြစ်ချင်တယ်.
ကျွန်တော် လူတွေရဲ့ ၀မ်းနည်းပူဆွေးမှုတွေကို ကူညီနှစ်သိမ့်ပေးချင်တဲ့ တရားဟော ဓမ္မဆရာတစ်ဦးဖြစ်ချင်တယ်.
ကျွန်တော် ကမ္ဘာလှည့်ပြီး မငြိမ်းချမ်းမှုတွေကို ဖြေရှင်းပေးချင်တဲ့ ငြိမ်းချမ်းရေးတမန်တော်တစ်ဦးဖြစ်ချင်တယ်.

.....
..
.

ဒါတွေဟာ တကယ်ပဲ ၀ါသနာပါတာလား. မခံချင်စိတ်နဲ့ စေ့ဆော်တိုက်တွန်းမှုတွေလား. သူများထက် ခေါင်းတစ်လုံးသာချင်တဲ့ အတ္တစိတ်ရိုင်းတွေကြောင့်ပဲလား. ရင်ထဲက လှိုက်လှိုက်လှဲလှဲ ဖြစ်ပေါ်လာတဲ့ တရားမျှတမှုရဲ့ ခန္ဓာအငှားချမှုတွေပဲလား....

ဒါတွေကို ကျွန်တော်ဆက်လက်စဉ်းစား ဝေဖန်ဆန်းစစ်နိုင်ဖို့ ကြိုးစားနေဆဲမှာ ကျွန်တော် တစ်စုံတစ်ရာကို ပြင်းပြင်းပျပျ ခံစားမိနေတယ်.

"ကျွန်တော် ဗိုက်ဆာတယ်."

ရန်အောင်.

ဒယ်ပို့စ် အိုင်လိုက်ခ်ဘက်စ် အွန်မိုင်ဘလော့ဂ်

ကိုရင်နော်နဲ့မခင်လေးငယ်က ကျွန်တော့်ကို တက်ဂ်ပါတယ်. ရေးခဲ့ပြီးသမျှထဲမှာ အကြိုက်ဆုံးနဲ့ စာဖတ်သူကို ဒုတိယမ္ပိ ပြန်ဖတ်စေချင်တဲ့ ပို့စ်လေးတစ်ခုလောက် ရွေးထုတ်ပေးပါတဲ့...

အင်း... သူကတော့ ပြောလိုက်တာပဲ. အလွယ်ဆုံးတက်ဂ်ပို့စ်တဲ့... ကိုယ့်မှာသာခက်နေတာ.

ဘလော့ဂ်ပေါ်မှာတင်ကတည်းကိုက ကြိုက်လို့တင်တာဆိုတော့ ကြိုက်တာရွေးပါဆိုရင် ကျန်ခဲ့တဲ့ other post လေးတွေကို အားနာစရာ. ရွေးရခက်ကြီးဖြစ်နေတာပေါ့ဗျာ.

ဒါပေမယ့် စေ့စေ့လေးတွေးလိုက်တယ်. ရေးရေးလေးပေါ်လာတယ်. ရေးရေးလေးဆက်တွေးလိုက်တယ်. (တစ်ခါတည်း အစအနကိုပျောက်သွားရော... ) ဟတ်ဟတ်... နောက်တာပါ.

တွေးရင်းတွေးရင်းနဲ့မှ တစ်ညတည်းနဲ့ ကျွန်တော်အပြီးထိုင်ရေးခဲ့တဲ့ ပို့စ်အရှည်ကြီးတစ်ခုကို သွားသတိရမိလိုက်တယ်. ညအစောပိုင်းကတည်းကရေးလိုက်တာ မနက် ၃ နာရီထိုးမှ ပြီးတဲ့ပို့စ်ပေါ့. ရေးခဲ့တုန်းကလည်း တိုက်တိုက်ဆိုင်ဆိုင် ဧပြီ (၇) ရက်၊ ၂၀၀၇ တဲ့. လွန်ခဲ့တဲ့ နှစ်နှစ် ဒီလိုအချိန်လောက်ကပဲပေါ့ဗျာ.

ဝမ်းသာစရာကောင်းတာက အဲဒီ့ပို့စ်လေးကို ကျွန်တော် အရမ်းဈာန်ဝင်ပြီး ရေးခဲ့တာပါ.

ဝမ်းနည်းစရာကောင်းတာကတော့ စာဖတ်သူတွေ သိပ်နားလည်ကြပုံမပေါ်ဘူး... :)

ဘာပဲဖြစ်ဖြစ်ပါ. ကျွန်တော်အကြိုက်ဆုံးပို့စ်ရွေးပါဆိုရင် ဒီပို့စ်လေးကိုပဲ ရွေးဖြစ်ပါမယ်. လူကြိုက်များတဲ့ပို့စ်၊ ကော်မန့်တွေ အများကြီးရတဲ့ပို့စ်၊ မဂ္ဂဇင်းမှာ ဖော်ပြခံရဖူးတဲ့ ပို့စ်တစ်ချို့ရှိပါတယ်. ဒါပေမယ့် ဒီပို့စ်လေးလောက် ကျွန်တော့်ဘ၀နဲ့ ယုံကြည်ချက်တွေကို မထင်ဟပ်စေနိုင်ပါဘူး...

ကဲ. စကားချီးနဲ့တင် ပို့စ်တစ်ခုဖြစ်ရော့မယ်. ကျွန်တော်ပြောတဲ့ ပို့စ်လေးကို ဒီနေရာမှာပဲ သွားပြန်ဖတ်စေချင်ပါတယ်ခင်ဗျာ.

အားလုံးကိုချစ်ခင်လေးစားလျက်

ရန်အောင်..

ဟိုတွေးဒီတွေး....

လျှပ်တစ်ပြက်ဂျာနယ်ရဲ့ အွန်လိုင်းဗားရှင်းကို လိုက်ဖတ်ကြည့်နေရင်းက ဒီသတင်းတစ်ပုဒ်လေးကို ဖတ်မိတော့ ဘာရယ်မဟုတ်ဘူး. ကျွန်တော့်ရှေ့က Screen ကြီးကို အကြာကြီးစိုက်ကြည့်နေဖြစ်ခဲ့တယ်. ၂၀၀၉ တောင် ရောက်ခဲ့ပြီပဲ....

မြန်မာဘလော့ဂ်ဂါများ စုစည်းထားတဲ့ 'အနာဂတ်လှိုင်း၏ ဆုံမှတ်များ' စာအုပ်တစ်အုပ် ထွက်ရန် မနှစ်ကတည်းက စီစဉ်မှုတွေ ရှိခဲ့တယ်လို့ သိရပါတယ်။ အဲဒီ စာအုပ်ထဲမှာ မြန်မာဘလော့ဂါတွေ ရေးသားထားကြတဲ့ ...

သုတ၊ ရသ၊ ကဗျာ၊ ခရီးသွားဆောင်းပါး၊ နည်းပညာရပ်ပိုင်းဆိုင်ရာ ဆောင်းပါး၊ လေ့လာဆန်းစစ်ချက် တွေ၊ ခံစားချက်ဝတ္ထုတိုအစရှိတဲ့ စာပေတွေကို ကလောင်ရှင်အသစ်တွေရဲ့ လက်စွမ်းပြမှုနဲ့ အင်တာ နက်ပေါ်မှာ တွေ့ရှိနေပါတယ်။ အင်တာနက် ဘလော့ဂ်တွေပေါ်မှာ မြန်မာစာသားနဲ့ လွယ်လင့်တကူ ရိုက်တင်ပြီး အချင်းချင်းလျင်လျင်မြန်မြန် အချက်အလက်တွေကို လွင့်တင်ပေးနိုင်တဲ့ ကွန်ယက်ကြီးလဲ ဖြစ်ပါတယ်။ ဒါကြောင့် ဒီလိုစွမ်းဆောင်နေကြတဲ့ မြန်မာဘလော့ဂ်ဂါတွေ စုစည်းတင်ပြမယ့် စာအုပ်ကို စိတ်ဝင်စားကြသူတွေ အတွက် G-Talk မှာမြန်မာလိုရေးလို့ရအောင် ကနဦးတီထွင်ဖန်တီးပေးထားတဲ့ Alpha Computer မှ ကိုရဲမြတ်သူကို လျှပ်တစ်ပြက်သတင်းဂျာနယ်က တွေ့ဆုံမေး မြန်းခဲ့ရာ-

ဒီစာအုပ်ကို ဘယ်လိုစီစဉ်ဖြစ်ခဲ့တာလဲ။

၂ဝဝ၇ စက်တင်ဘာ မတိုင်ခင် ကတည်းကစီစဉ်တာ။ကျွန်တော်တို့ Alpha ဒီစာကိုထုတ်မှာ မဟုတ် ဘူး။ ဝိုင်းဝန်းအကြံပြု ဆွေးနွေးပေးတာနဲ့ Promotion လုပ်ပေးရုံ သက်သက်ပါ။ ကျွန်တော်တို့ အပြင် Imforithm-maze က ကိုသောင်းစုငြိမ်းတို့အဖွဲ့လည်းပါတယ်။ ဒီစာအုပ် ပြန်ထုတ်မယ့် အချိန်မှာ အကြောင်းအမျိုးမျိုးကြောင့် အဆင်မပြေဖြစ်သွားတာ။

ဒီစာအုပ်ကို ဘယ်လိုစုစည်းဖြစ်ခဲ့တာလဲ။

ပြောရမယ်ဆိုရင်အရှည်ကြီးဗျ။ အဓိကကတော့ ဘလော့ဂ်ဆိုတာ မီဒီယာပုံစံအသစ်လေ။သူက one to one လည်းမဟုတ်ဘူး။ one to many လဲမဟုတ်ဘူး။ many to many ဗျ။ တစ်ဖွဲ့က လုပ်ရင်း နောက်တစ်ဖွဲ့နဲ့ ပေါင်းဖြစ်။ အဲဒီကနေနောက်အဖွဲ့တွေအဖွဲ့တွေနဲ့လုပ်ကြတာ။

သုံးထားတဲ့ စာမူတိုင်းဟာ စာမူရှင်က လိုလိုလားလားခွင့်ပြုထားတာ တွေလား။

ဒါတွေက သူတို့အချင်းချင်း စီစဉ်ကြတာ။ အရွေးမခံရတဲ့သူတွေကတောင် စိတ်မကောင်းဖြစ်ကြ သေးတယ်။

နိုင်ငံရေးနဲ့ပါတ်သက်တာတွေမပါတော့ နဂိုကတည်းက ပြည်တွင်းမှာ ပုံနှိပ်ဖြန့်ချီဖို့ ရည်ရွယ်ပြီး စုစည်းခဲ့တာလား။

ဟုတ်တယ်၊ပြီးတော့ စာပေစိစစ်ရေးက တရားဝင်ခွင့်ပြုပြီး ပြည်ပကိုပါ ဖြန့်ဖို့စီစဉ်ထားတာ။ ပြည်ပကသူတို့ Blogger တွေ အချင်းချင်းဝယ်လိုအား အုပ်ရေ(၁ဝဝဝ)ကျော် အနည်းဆုံးရှိတယ်။

ဒီစာအုပ်က ဘလော့ဂ်ဂါတွေ အားလုံးမြန်မာပြည်ကလူတွေချည်းပဲလား။

မြန်မာတွေချည်းပဲ။ ကမ္ဘာအရပ်ရပ်ကပါ။

Alpha က ဦးဆောင်ပြီးစုစည်းခဲ့တာလား။ စုစည်းမှုမှာ ပါဝင်ခဲ့တဲ့ သူတွေကို သိပါရစေ။

မဟုတ်ဘူး။ သူတို့အချင်းချင်းလုပ်ကြတာ။ မြန်မာ Content တွေများ လာအောင်လုပ်တဲ့ အလုပ် တွေမို့လို့အားပေးတာပဲရှိတယ်။ Blogger တွေ အချင်းချင်းဦးဆောင်ကြတာပါ။ မန္တလေးဖက်ကဆိုရင် ဇော်မိုးအောင်၊ မောင်လှ၊ရန်ကုန်ဘက်ကညီလင်းဆက်၊ဘာညာ၊ဗလာဂေါက်၊မျက်လုံးတို့ပါကြတယ်။

အခုလိုစုစည်းဖြစ်ဖို့ ဘယ်သူ့စိတ်ကူးလဲ။ဘယ်သူကစပြီး initiate လုပ်တာလဲ။

Blog တွေပေါ်မှာ သူတို့ရေးတဲ့ဟာတွေက နဂိုကတည်းကရှိနေပြီးသား။ တခြား အသက်မွေးဝမ်း ကြောင်းနဲ့ သူ့အလုပ်သူ လုပ်နေကြတဲ့သူတွေ။ သူတို့ ရေးထားတဲ့စာတွေက Taste အသစ်တွေကို ရတယ်။ စာပေလိုင်းထဲကမဟုတ်တဲ့ ဒီပြင့် Field ထဲကလူတစ်ယောက်ရေးထားတဲ့အရသာ၊ Concept ကို ရစေချင်တယ်။

ဒီစာအုပ် ဘယ်တော့ထုတ်ဖြစ်မလဲ။

အခုလောလောဆယ်မှာ ဘယ်သူဦးဆောင်မှန်းမသိတော့ဘူး။ စာအုပ်ကတော့ အဆင်သင့်ရှိနေပြီးသား။

သံလျက်

မူရင်းပို့စ်က ဒီမှာပါ.

ဒဿမတွေအကြောင်း...

အင်း... ရက်ဒ်လေဘယ်လ်မူးသော် ပတ္တမြားခိုးပေါ် ဆိုသလို (ထန်းရည်မူးသော် ကျွဲခိုးပေါ်ဆိုတဲ့ စကားပုံက ဒိတ်အောက်သွားလို့ ထွင်ကြည့်တာ. ဟတ်ဟတ်) တလောကပဲ ကျွန်တော့်ကို မ၀ါဝါခိုင်မင်းက တက်ဂ်ပါလေရော..

ကိုယ့်ကိုယ်ကို မုန်းမိတဲ့ အချက်(၁၀)ချက် တဲ့..

စိတ်ဝင်စားဖို့တော့ကောင်းသားဗျ. ဘယ်သူစထွင်လိုက်လဲတော့ မသိဘူး. လူတွေတော်တော်များများက ကိုယ့်အကြောင်း အကောင်းပြောတာလေးတွေပဲ လုပ်ချင်ကြတာမဟုတ်လား. ခုတော့ မုန်းစရာကောင်းတဲ့အချက်တွေ ရှာရတော့မယ်...

လာလေရော့...

(၁) ညညဆို တော်တော်နဲ့ မအိပ်ဘူး. မျက်လုံးကြီးက ပြူးနေတတ်တယ်. မနက်ဆို မထတော့ဘူးးးးး ကိုယ့်ကိုယ်ကို ညလူလို့ သတ်မှတ်တယ်. အိမ်က ကျွန်တော့်ကို ခေါ်တာက ကိုရွှေဇီးကွက်တဲ့လေ... ဟတ်ဟတ်. ရန်ကုန်မှာတုန်းက ညညဆို တိုက်ပွဲတွေ ပြင်းထန်နေတတ်တယ်. တစ်ညလုံးပဲ စစ်ချီစစ်တက်၊ အမိန့်ပေး နည်းဗျူဟာတွေချနဲ့ မနက်ခင်း အိမ်အပြင်ဖက်က ကျလိကျလိ ငှက်သံလေးတွေနဲ့ အတူ အိမ်ခန်းထဲကနေ... "ရန်အောင်!!!!!!!!!!!!!! ခုချိန်ထိ မအိပ်သေးဘူးလားးးးးးးးးးးးးး" ဆိုမှ ကွန်ပြူတာကို ပိတ်ပြီး ခြင်ထောင်ထဲ ၀င်ပြေးခဲ့ရတယ်. မနက်ခင်း ကျူရှင်လည်းရောက်ရော လူက အိပ်မှုန်စုံဖွားနဲ့. (ဒါကြောင့်လည်း ရည်းစားမရခဲ့တာနဲ့တူပါတယ်. ဟတ်ဟတ်. ကြုံကြွားးးးးးးးးးး) အထာပေးတဲ့ တစ်ချို့တော့ ရှိပါတယ်. ကျွန်တော်က စိတ်မှမ၀င်စားတာ. ဘယ်ဝင်စားမလဲ. လူက အဲဗားငိုက်နေတာကိုး.. :)

ညနေခင်း ကျောင်းသားဆီ စာသွားပြတော့လည်း လူက ငိုက်နေတတ်တယ်. မသိတဲ့ ကျောင်းသားမိဘတွေကတော့ ထင်ရော့မယ်. ဒီဆရာကတော့ အမြဲတမ်း ကွဲနေပုံထောက်ရင် ရာမမင်းသားနဲ့တူတယ်လို့လေ... သိတယ်မဟုတ်လား. ရာမ ဆိုတာ. ရာမမင်းသားက လေးတင်တယ်လေ. လေးဆိုတော့ နံပါတ်ဖိုးပေါ့ဗျာ. နောက်ဆို ကျောင်းသားအိမ်ထဲဝင်လိုက်တာနဲ့ ကျွန်တော့်တပည့်တွေက ဆရာ ရာမ... ဆရာ ရာမ နဲ့... (ဟတ်ဟတ်. စတာပါဗျာ. )

ဒီရောက်တော့လည်း ဒီတိုင်းပါပဲ. ပေပါရေးမယ်ကွ ဆိုပြီး ညလုံးပေါက်ဖွင့်တဲ့ ကွန်ပြူတာ လက်ဘ်ထဲဝင်. စာပိုဒ်လေး တစ်ပိုဒ်လောက်ရေး၊ Vending Machine နားသွား၊ ယောင်လည်လည်လုပ်၊ ကော်ဖီတစ်ခွက်သောက်၊ အာလူးကြော်ဝယ်စား၊ သူငယ်ချင်းတွေနဲ့တွေ့ရင် ပင်ပေါင်ရိုက်၊ ဘိလိယက်ထိုး၊ မနက် (၃) နာရီလောက်မှ ကိုယ့်စက်နားကို ပြန်လာ၊ ပေပါက ဒုံရင်းပဲ ရှိသေးတယ်. အုံးအုံးဒိုင်းဒိုင်းနဲ့ ကြိုးစားရိုက်၊ မနက် (၅) နာရီလောက်ကျတော့ လူက ကျိုးချင်လာပြီ၊ ပြီးအောင်ရေးမယ်ကွာဆိုပြီး တင်းပြီး ဆက်ရေး၊ (၇) နာရီလောက်ကျတော့ အခန်းပြန်လာ. ခဏလောက်အိပ်မယ်ကွာဆိုပြီး ပြန်အိပ်. မနက် (၁၀)နာရီအတန်းချိန်မှာ ကျွန်တော်က အိပ်မက်တွေမက်လို့ကောင်းတုန်း.

နေ့လယ် ထမင်းစားချိန်ကျမှ အလန့်တကြားနဲ့ နိုးထလာ၊ လွယ်အိတ်ကိုဆွဲ၊ ဆရာ့ရုံးခန်းပြေး...

"ဆရာရယ်.. ဟိုဟာလေ.. သိလား.. ဟုတ်... တိုင်းရေးပြည်ရေးက မကောင်း... ဟုတ်.. ကျွန်တော် ဘလော့ဂ်ရေးတယ်.. ဆရာ.. .ဟုတ်.. လာကြပါတယ်.. ဆရာ. ဟိုလေ. ဟစ်တ်တွေက တစ်နေ့ကို လေးငါးရာလောက်တော့ရှိတယ်ဆရာ.. ဟုတ်... အဲဒါ. ညက တိုင်းပြည်နဲ့လူမျိုးအတွက်.. ဟုတ်.. ကျွန်တော်အိပ်ပျော်သွားတယ်. ဆရာ.. ဟုတ်..."

အဲဒီ့လိုနဲ့ ကျွန်တော့်ဘကြီးလည်း ဆုံးသွားခဲ့တာကြာပေါ့ဗျာ. ဟတ်ဟတ်ဟတ်..

ကျွန်တော့်မှာ ညည အိပ်မရတဲ့ရောဂါများ ရှိနေလားမသိဘူး. ခုဆို ပိုဆိုးတယ်. 'မ' ကလည်း ညကျမှပဲ အွန်လိုင်းတက်လာနိုင်တယ်လေ. သူ့ကိုစောင့်ရတာ၊ သူ့လုံးလုံးလေး စိမ်းလာမှာကိုစောင့်ရတာ. (လုံးလုံးဆိုတာ L လွန်းဝါ ကိုပြောတာမဟုတ်. ဂျီတော့ခ် မီးလုံးအစိမ်းလေးကို ချစ်စနိုးနဲ့ လုံးစိမ်းလေး (၀ါ) လုံးလုံးလေး လို့ ခေါ်တာ.. သိပြီလားးးး)

ကဲ. ကျွန်တော့်ကို ကျွန်တော်မုန်းတာ အိပ်ချိန်ထချိန်မမှန်တာပဲ...
('မ' အကြောင်းလည်း ပါတယ်နော်... ကျေနပ်နော် 'မ')

(၂) ခုတော့လည်း လက်တွေ့ဘ၀ထဲမှာ ကျင်လည်နေခဲ့ရပြီဆိုတော့ ညဖက် ဘယ်အချိန်အိပ်အိပ် မနက်ခင်း အလုပ်မီအောင် ထရတယ်လေ. ကဗျာဘွဲ့မှူးသီချင်းတစ်ပုဒ်ရှိတယ်ဗျ.

"ရည်းစားနှစ်ယောက်ရှိရင် သိပ်သိပ်ပြီးတော့ ကောင်းမှာပဲ... တစ်ယောက်ကို ငါကန်တော့မယ်. တစ်ယောက်က ငါ့ကို ကန်တော့လိမ့်မယ်... ဘလာဘလာဘလာ..."

ကျွန်တော့်မှာ သုံးခုတောင်ရှိတယ်ဗျ.
ဘာလဲ. သိလား

နှိုးစက်!!!!!!!!!

မနက် (၅) ခွဲမှာ တီ... တီ... တီ.. တီ. ဆိုတဲ့ ပုံမှန်နာရီလေးက ထနှိုးရှာပါတယ်.

'အင့်... အဲ... ချောက်'

(၅) နာရီ (၄၀) မှာတော့ ခပ်လှမ်းလှမ်းမှာ ထားထားတဲ့ ဖုန်းလေးက 'ငှက်သံလေး' ပေးပြီး နှိုးပါတယ်.

'Nice...... But, it ain't matter to have just 5 minute nap... Zzzzzzzzzzzz'

(၆) နာရီ!

ဖုန်းက ထမြည်ပါလေရော...

'ပီ.. ပေါ်... ပီးးးး ပေါ်... ပီးးးးးးးးးးးး ပေါ်....'

အဲဒီ့အသံကိုတော့ တကယ်လန့်တယ်. လန့်အောင်လည်း လုပ်ထားတာလေ.. အလုပ်ရှင်က ကိုယ့်ကို ခေါ်ရင်မြည်တဲ့ Ring Tone ကိုပေးထားတာ..

ဖုန်းဒိုင်း ဖုန်းဒိုင်းဆိုပြီး ကုတင်အောက်ကို ဘယ်လိုရောက်သွားမှန်းတောင်မသိ...

တစ်ခါတစ်လေများ အလန့်တကြား ထပြေးရင် ပုဆိုးတောင် ပါမလာဘူး... (I mean... ည၀တ်ဘောင်းဘီနဲ့မို့ပါ... ပြောပြောက စောမလို့ပဲ. လျှာခလုတ်တိုက်သွားလို့)

ဘာတွေ ဘယ်လိုပဲ အလျင်လိုလိုပါ.

ကျွန်တော် မနက်ခင်းတိုင်းမှာ သိပ်ချစ်ရတဲ့ 'မ' အတွက် မောနင်းနုတ်စ်လေးတစ်ခု ရအောင်ပို့တယ်.

ဒါမျိုးလေးတွေပေါ့..

'မောနင်းနော်... မ..

အရမ်းသတိရတာပဲ. မနက်ခင်း မျက်လုံးနှစ်လုံးဖွင့်လိုက်တာနဲ့ မျက်နှာကျက်ကြီးက ကိုယ့်ခေါင်းပေါ်မှာ... အဲလေ... မျက်နှာကျက်လေးပေါ်မှာ 'မ' ရဲ့ မျက်ဝန်းတွေကို ကျွန်တော် စတွေ့လိုက်ရတယ်...

ညကလည်း အိပ်မပျော်ဘူး မ ရယ်... မ အကြောင်းတွေ တွေးရင်း အိပ်မက်ထဲထိ ဆွဲခေါ်သွားခဲ့မိတယ်... မ ပါးလေးတွေ ရဲနေမှာပေါ့နော်.

ကျွန်တော်လည်း ရဲတယ် မ ရယ်... အေးတာကိုး... ပါးတင်မကဘူး. လက်ဖျားခြေဖျား ရဲရာကနေ ဖြူဖပ်ဖြူရော်တောင် ဖြစ်နေတယ်..

ကျွန်တော်သိပါတယ်. အဲလိုပြောလိုက်ရင်. မ ရယ်တော့မယ်လို့...

အဆင်ပြေပါစေနော်. မ

ကားလည်းကောင်းကောင်းမောင်းဦး

ကျွန်တော် လွမ်းနေမယ်.

ကျွန်တော့်ကိုလည်း သတိရနေပေးပါနော်...

မွ...

From US with Love and Hugs...

...

"

အဲဒါက ပထမ နှိုးစက်မှာ နိုးသွားခဲ့ရင်ပေါ့..

ဒုတိယ နှိုးစက်မှာ နိုးရင်တော့

"သတိရတယ်... အရမ်းပဲ..

ဒီနေ့ အလုပ်မှာ အဆင်ပြေပါစေနော်. အေးနေပြီ. အနွေးထည်လေးဘာလေး ထူထူထဲထဲ ၀တ်သွားဦး... ကိုယ့်ကိုယ်ကို ဟာကြူလီ လုပ်မနေနဲ့.

နာနေဖျားနေရင် ဘယ်သူက လာပြီး စောင့်ရှောက်ပေးမလဲဟင်.... ဆင်ခြင်ပြီးနေပါ မေရယ် နော်... လူကြုံနဲ့ စကားလေး ပါးလာရင် (အဲ.. အရှိန်လွန်ကုန်ပြီ. လူကြုံမရှိ. ကိုထီးသီချင်းကူးချတာ လွန်သွားတယ်. ဘွာတေးနော်.. )

ဂရုစိုက်ပါ မ ရယ်... ကျွန်တော်က အဝေးကြီးမှာ နေနေရတာ.

မ. နေမကောင်းဖြစ်ရင်၊ တစ်ခုခုဖြစ်ရင် ကျွန်တော့်မှာ ဘာလုပ်လို့ ဘာကိုင်ရမှန်း မသိတာနဲ့ ဘာတွေကိုင်မိပြီး ဘာတွေ လုပ်မိမှန်းကို မသိတော့ပါဘူးဗျာ...
(ဟဲ.. ဟဲ.. ဟဲ..)

ညစ်တယ်... အားကြီးပဲ..

ဆေးခန်းသွားလိုက်နော်. ကျွန်တော်လား. လိုက်ပို့ပေးချင်တာပေါ့... ဒါပဲဗျာ. သွားရတော့မယ်. ည ဖုန်းဆက်မယ်နော်.

မွ..........."

အဲ...တတိယ နှိုးစက်မှာ နိုးခဲ့ရင်တော့... အချိန်ရရင် ကွန်ပြူတာဖွင့်တယ်. မရတော့ရင်တော့ တချိုးတည်း ပြေးတော့တာပဲ..

နည်းနည်းလေးပဲ ဖြစ်ဖြစ် ရအောင်တော့ လုပ်လိုက်ပါသေးတယ်. မျက်နှာသွားမသစ်ခင် ကွန်ပြူတာဖွင့်ခဲ့တယ်. သွားပွတ်တံလေး ပြန်ထားပြီး ရေသွားမချိုးခင် ဂျီမေးလ်ထဲ ၀င်ခဲ့တယ်.

အ၀တ်အစားမလဲခင် မ နာမည်လေးတပ်ပြီး Compose လုပ်ဖို့ ပြင်ထားတယ်. ဖိနပ်လည်း စီးပြီးရော..

'မ... i miss you... have a nice day နော်... အရမ်းလွမ်းနေမယ်...' ဆိုတာကို ဘိုလိုတစ်ဝက်၊ မြန်မာလိုတစ်ဝက် ကိုယ့်ကိုယ်ကို ဘာတွေရိုက်မှန်းမသိအောင် ရိုက်ခဲ့ပြီးတော့ ပြေးရတော့တာပါပဲ..

ဟုတ်တယ်. ကျွန်တော့်မှာ နှိုးစက် သုံးလုံးရှိနေတာကို မုန်းတယ်. တကယ်ဆို ငါးလုံးလောက်ရှိသင့်တာ. ဒါမှ မ ဆီ စာအရှည်ကြီးရေးဖို့ မနက် (၅) နာရီလောက်ကတည်းက ထဖြစ်မှာ..

(၃) အပြန် ရထားပေါ်မှာ ငိုက်တတ်တာကို မုန်းတယ်.

တစ်ခါတုန်းကဆို ဘာပြောကောင်းမလဲ... စစချင်းစီးလာတုန်းကတော့ စာအုပ်လေးဘာလေး ထုတ်ဖတ်ရင်း သီချင်းလေးဘာလေးနားထောင်ရင်းနဲ့ပေါ့.. လမ်းတစ်ဝက်လောက်နေတော့ ခဏလောက် မှိန်းလည်း ဘာမှမဖြစ်ပါဘူးလေ ဆိုပြီး ခဏငိုက်လိုက်ရော... ရထားကြီးက မလှုပ်တော့ဘူး... ဘယ်လှုပ်မလဲ. ဂိတ်ဆုံးပါသွားတာလေ...

တစ်ခါမှလည်း မရောက်ဖူးတဲ့ ဂိတ်ဆုံးနေရာ... အပြင်ထွက်ပြီး အူကြောင်ကြောင် ကြည့်တော့ ကင်းလှည့်နေတဲ့ ရထားရဲတွေက သူတို့ခါးပေါ် လက်တင်ပြီး အသင့်အနေအထားနဲ့ ကျွန်တော့်ကို ရှိုးနေကြလေရဲ့. အဲဒီ့တုန်းက Twin Tower ကို လေယာဉ်နဲ့ ၀င်တိုက်သွားတဲ့ 9/11 နှစ်ပတ်လည်နဲ့လည်း နီးနေပြီလေ. ကျွန်တော့်ကို Asian Terrorist လို့များ ထင်နေလားမသိပါဘူး.. ကျွန်တော်လည်း ကျောပိုးအိတ်လေးကို မသိမသာလေးနဲ့ မြင်အောင် ပေါ်တင်ကိုင်ပြလိုက်ပြီးတော့ ရိုးသားတဲ့ ဖိုးသခွားမျက်နှာပေးလေးနဲ့ ဟိုဖက်ခြမ်းက ထွက်မယ့် ရထားဖက် ခပ်တည်တည်နဲ့ တက်သွားခဲ့လိုက်ပါတယ်. ရထားပေါ်ရောက်တော့ မထွက်မထွက်နဲ့ စောင့်ရင်းက ထွက်လည်းထွက်ရော ရောက်သွားပါတယ်.

ကျွန်တော်ဆင်းမယ့် နေရာကိုကျော်ပြီး နောက်ထပ် ဘူတာ ငါးခုလောက်ဝေးတဲ့နေရာပေါ့..

ပြန်စီးလာတဲ့အခါမှာတော့ မထိုင်တော့ဘူးဗျာ. ရပ်ပြီးတော့ အသင့်အနေအထားနဲ့ တံခါးဝနားမှာ စီးလာခဲ့ရတယ်. အိမ်ပြန်ရောက်တော့ ညကိုးနာရီ..

အဲဒါနဲ့ပဲ ရောက်ရောက်ချင်း 'မ' ဆီကို Text ပို့...

I miss you, honey.... Where r u at? Chilling with your buddies... Come online if u can, ok? Mwahhh

ရထားပေါ်မှာ ငိုက်တာထက် ပိုဆိုးတာတစ်ခုတော့ မဖြစ်ချင်ဘူး... မ ကိုစောင့်ရင်း ငိုက်သွားခဲ့ရင် ဒီဘ၀ခရီးမှာ တစ်ခြားဘဲဘဲတွေက မ ကို မ သွားမှ ဒုက္ခ... မဖြစ်ဘူး. ဒီည စောစောအိပ်မယ်.

:D

(၄) ထစ်ခနဲဆို ၀င်ပါချင်တတ်တဲ့ စိတ်ဓာတ်ကြီးကို မုန်းတယ်..

အဲဒါကတော့ ငယ်ငယ်တုန်းက ဖတ်ခဲ့ရတဲ့ ကာတွန်းတွေ၊ ကြည့်ခဲ့ရတဲ့ ရုပ်ရှင်တွေနဲ့ ဆိုင်မလားမသိဘူး..

သိတယ်မဟုတ်လား... မိန်းကလေး တစ်ယောက်တည်း ပြန်လာ၊ လူဆိုးတွေက နှောင့်ယှက်.. မင်းသားက ၀ုန်းခနဲ ဘယ်ကဘယ်လိုပေါ်လာမှန်းမသိ..

'ဟိတ်! ကောင်မလေးကို လွှတ်လိုက်....'

'ဖုန်း... ဒိုင်း... ခွမ်း.. အုံး... ဒိုင်း... အုံး... ဒိုင်း... မွေးမေလေ့..... အာဘားးးးးးးးးးးးးးးဘားးးးးးးးး'

ပွဲပြီးသွားတော့ မီးမသေပါဘူး.. အဲဒီ့အခါကျမှ မီးက စမွှေးတာ..

'ဟယ်.. အားနာလိုက်တာ... ဘယ်နားနာသွားသေးလဲဟင်... သူ သိပ်နာသွားမှာပေါ့... ကူညီတာ ကျေးဇူးနော်... တို့နာမည် အောင်ဗလပါ.. အဲလေ.. သက်နွေမိုးလျှံပါ... .... .. ... ..'

အဲသလို ဇာတ်လမ်းတွေဖတ်၊ လူက လိုက်အတုခိုး... ကျောင်းရောက်တော့ မတရားတာ မခံဘူးကွဆိုပြီး ရှိတဲ့ ဗလလေးနဲ့ ပြိုင်ဖိုက်၊ ရုံးခန်းခဏခဏရောက်၊ ဒီကြားထဲ သိုင်းဝတ္ထုလေးက ဖတ်၊ စကြာနေလသိုင်းကွက်၊ အာကာရောင်ပြန်သိုင်းကွက်၊ မြေလျှိုးမိုးပျံ ကိုယ်ဖော့ပညာ၊ စွန်ရဲသည်းကုတ် လက်ဝါးသိုင်းတွေကို အသုံးချလိုက်တာ. သွားနှစ်ချောင်းကျိုးပြီး ဘယ်ဖက်မျက်လုံးကြီး ဖူးရောင်ခဲ့ဖူးတယ်.

ကြီးလာတော့လား....

ဟင်း... ဟင်း... ဟင်း...

အဲလိုလေး ရယ်ပြီး ကိုယ်နဲ့ ဆိုင်သော်ရှိ မဆိုင်သော်ရှိ တစ်ပွဲတစ်လမ်း အကဲစမ်းတတ်သော ကျွန်ုပ်အား အနှီလောကကြီးက ဤသို့ဤနှယ် ကောင်းချီးပေးချိမ့်၏...

ဟိုတစ်လောကတောင် ဟိုနားမှာ ရုတ်ရုတ်ရုတ်ရုတ် ဖြစ်တော့ လူက ပို့စ်တွေဘာတွေတောင် ရေးတော့မယ် လုပ်နေပြီ။

ပြီးတော့မှ ကိုယ့်လက်ကို ကိုယ်ပြန်ရိုက်..

'ဟဲ့အကောင်... နင်နဲ့ ဘာဆိုင်လို့လဲ... ကိုယ့်ဟာကိုယ် နေတတ်အောင်နေစမ်း... ကိုယ့်ထမင်းကိုယ်စားပြီး သူများ အမြင်ကတ်အောင် မလုပ်နဲ့... နင်ပြောလို့လည်း နားထောင်မယ်ထင်နေလား... ဘာကောင်မှန်းကို မသိဘူး...' ဆိုပြီး မှန်ထဲမှာ ကိုယ့်ပါးကို ဘယ်ပြန်ညာပြန် (၈) ချက်လောက် ရိုက်ထည့်ပစ်လိုက်တယ်.

ညကျတော့ 'မ' ကမေးပါတယ်.

ဘာလို့ အဲလိုလုပ်တာလဲကွာ... တဲ့..

ဟင်း.. ဟင်း.. ဟင်း..

(၅) အရမ်းဝမ်းနည်းရင် လူက ဘာမှ မလုပ်ချင်မကိုင်ချင် ဖြစ်သွားတတ်တာကြီးကိုလည်း မုန်းတယ်.

ဒါကတော့ 'မ' နဲ့ပဲ လုံးဝပတ်သက်ပါတယ်. ကျွန်တော့်ကို ၀မ်းနည်းအောင် မလုပ်ပါနဲ့နော်. သေချာပြန်တွေးကြည့်ပါဦး မ ရယ်.. ကျွန်တော် မ အပေါ် ဘာများမကောင်းတာတွေ ရှိခဲ့ဖူးလို့လဲ..

ကောင်းတာတွေပဲ ပေးခဲ့တာပါ... မ ကသာ...

မ ကသာ..

အဟင့်... ၀ါး.. လို့တော့ ငိုချမယ့် လူမျိုး မဟုတ်ဘူး မ ..

အဲလိုပြောလို့ ... ၀ါး.. အဟင့်လို့လည်း ပြောင်းငိုတတ်မယ့်ကောင်မဟုတ်ဘူး..

အဟင့်အဟင့်.. ၀ါးးး ၀ါးး..

အာ.. ရှုပ်ကုန်ပြီ..

အဲဒါပဲဗျာ. ကျွန်တော့်စိတ်ထဲမှာ ၀မ်းနည်းစရာတစ်ခုဖြစ်လာရင် လူက ချောင်ထဲမှာ ကုပ်နေတတ်ရော... တီလုပ်နာမည်တောင် ရှိသေး... ရောင်အုပ်ချန်ကောင် တဲ့..

ရန်အောင် ချောင်ကုပ်လေ... ဟတ်ဟတ်ဟတ်..

စတာပါဗျာ...

ကျွန်တော်က Emotional ဖြစ်လွယ်တယ်ဗျ.. အဲဒါကို မုန်းပေမယ့် အရမ်းလည်း မမုန်းရဲဘူး.. အရမ်းမုန်းလိုက်ရင် အရမ်းဝမ်းနည်းသွားပြီးတော့ အရမ်း Emotional ဖြစ်သွားမှာစိုးလို့..

အဲဒီ့မှာ ကြက်ဥနဲ့ ကြက်မ ဘယ်ကစသလဲ ဆိုသလို လုံးလည်ချာလည်နဲ့ ၀ိုင်းကြီးပတ်ပတ်ဒူဝေေ၀ဖြစ်လိမ့်မယ်.

မသိဘူးဗျာ... ကျွန်တော်ကတော့ မ ကို ကောင်းအောင်ပဲ လုပ်မယ်.
(I mean. အမြဲ ပျော်စရာလေးတွေပဲ ပေးမယ်လို့ ပြောတာ...) ;D

(၆) အရွဲ့တိုက်တတ်တယ်. ဒါလည်း မုန်းဖို့ကောင်းသား..

ငယ်ငယ်တုန်းက အဖေ့ကို နာရီဝယ်ပေးဖို့ပူဆာတယ်. အဖေက မ၀ယ်ပေးဘူး. အဲဒါနဲ့ မိသားစုအိပ်တဲ့အခန်းထဲဝင်၊ တံခါးတွေ အကုန်သော့ခတ်ပြီး ထိုင်နေလိုက်တယ်. ဒီလိုနဲ့ အစာငတ်ခံ ဆန္ဒပြခဲ့တာ အစောပိုင်းက မသိသာဘူးပေါ့.. အဲ. ညအိပ်ချိန်လည်းရောက်ရော...စတာပါပဲ..

အစ်မတွေက အထဲဝင်မရ. အပေါ်ကနေ ကျော်တက်ဖို့ကလည်း နံရံက အမြင့်ကြီး... အဖေက အော်တယ်..

'ဟိတ်ကောင်... ဗိုလ်လုပ်ချင်တဲ့ကောင်ဆိုတာ... ' အဲလေ.. .ဘွာတေး. အဲဒါက ဗိုလ်အောင်ဒင်ပြောတာ.

ဖေကြီးက ဒီလိုအော်ပါတယ်.

'ဟိတ်ကောင်.... ထွက်ခဲ့စမ်း...'

'....'

'ပြောနေတာ မကြားဘူးလား... မင်း ငါ့ကို လာစမ်းနေတာလားကွ..'

'...'

'အေး.. ငါအခု တံခါးဖျက်ဝင်ခဲ့မယ်.. အထဲရောက်လို့ကတော့ မင်းသေပြီသာမှတ်...'

လူက အရမ်းဝမ်းနည်းသွားတယ်..

အမေ့အသံကြားရတယ်..

'သား... လူလေး... တံခါးဖွင့်လေ... မင်းအဖေအကြောင်း အမေအသိဆုံး.. လိမ်မာတယ်. သားလေး. တံခါးဖွင့်နော်.' (ဟုတ်သားနော်. အဖေ့အကြောင်း အမေပဲ သိမှာပေါ့လို့. ဟတ်ဟတ်)

'၀မ်... ၀မ်... ၀မ်.... ၀မ်.... ၀မ်... ၀မ်... အုံး... ခွမ်း..'

ရှေ့က '၀မ်... ၀မ်... ၀မ်... ၀မ်...' ဆိုတာက တိုင်ကီအဖုံးလွင့်လာတဲ့ အသံပါ... အုံးခွမ်းကတော့ တမံတလင်းနဲ့ရိုက်မိပြီး တစ်စုံတစ်ခု ကျကွဲတဲ့အသံ..

လူဆိုတာလေ. ထိုင်နေရင်း ထတောင်ခုန်မိတယ်. ဟုတ်တယ်လေ... Unidentified Flying Object (UFO) များ ပျံတက်လာသလားအောက်မေ့ရတယ်.

အ၀ိုင်းကြီးတစ်ခု ထိုင်နေတဲ့နေရာဆီ ပြေးဝင်လာတာ..

တံခါးကလည်း ပွင့်တော့မယ်. အဲဒါနဲ့ ကြိုတင်ကာကွယ်လိုက်ပါတယ်.

ကုတင်အောက်ထဲ ၀င်ပြေးပုန်းရတော့တာပေါ့..

'၀ုန်း'

'တံခါးတစ်ချပ် အပွင့်မှာ
ကျွန်တော့်ရင်ထဲက
အချိန်ဆိုတဲ့ မျှော်လင့်ချက်တွေ လွင့်သွားခဲ့ရတယ်..
ဖေကြီး လူဆိုး..'

(ရေခဲငှက်)

အဲဒါပဲ.. ငယ်ငယ်တုန်းကရွဲ့သလို ကြီးလာတော့လည်း အရွဲ့တိုက်ပြီးတော့ကို ရန်တွေဖြစ်နေတတ်တုန်းပဲ..

တစ်ခါတစ်လေ စိတ်ဆိုးအောင်လုပ်မိရင် ဗွေမယူပါနဲ့နော်. မ... ကျွန်တော်က ရွဲ့တတ်လို့ပါ... ရယ်ရင်တောင် ရွဲ့ရယ်တတ်တယ်.

ဟွဲ့... ဟွဲ့.. ဟွဲ့...

(၇) အချိန်ရွှေ့ဆိုင်းတတ်တဲ့ အကျင့်ကြီးကလည်း မကောင်းပြန်ဘူး..

ဒါကတော့ ရှင်းပါတယ်. အကြည်တော် ပြောတာကို ကျွန်တော်လက်ခံကျင့်သုံးနေတာပါ. သူ့စာအုပ်တစ်အုပ်ထဲမှာ ရေးခဲ့ဖူးတယ်ဗျ. ဘာတဲ့

"မနက်ဖြန် ပြီးနိုင်သော အလုပ်ကို ဒီနေ့ မလုပ်ပါနဲ့" တဲ့..

ခိုက်တယ်. အကြည်တော်ရယ်...

အကြည်တော်ဖျက်ဆီးလို့ ပေပါပေါင်းများစွာကို နောက်တစ်နေ့ Due မဖြစ်ခင် အမောတကောနဲ့ ရေးတတ်ခဲ့ပြီ။

ပရော့ဂျက်ပေါင်း များစွာကို Extension တောင်းပြီး လုပ်တတ်ခဲ့ပြီ..

မထူးပါဘူး.. ဟိုးတစ်လောက ကော်မန့်မှာ လာစသွားသလိုပဲ. အနောက်တော် ဆိုတဲ့ ကလောင်နာမည်ယူပြီး အကြည်တော်ကို ပြန်အရွဲ့တိုက်ဦးမယ်.

အချိန်ရွှေ့တတ်တဲ့ အကျင့်ဆိုးကြီးကြောင့် ကျွန်တော့်နာရီကို ၁၀ မိနစ်မြန်ထားပါတယ်.

အဲဒီ့မှာ ပိုဆိုးပါလေရော..

ဘယ်သွားသွား၊ ဘာလုပ်လုပ်.. ငါ့နာရီက ၁၀ မိနစ်မြန်ထားတာပဲလေ. အချိန်မှန်မဟုတ်ဘူး ဆိုတဲ့ အကျင့်ဆိုးကြီးကပါ ၀င်လာတော့ ပုံမှန်ရောက်ရမယ့်နေရာကိုပါ ၁၀ မိနစ်နောက်ကျပြီး ရောက်နေတတ်ပြီ။

နောက်ကျတတ်တာကို အကြောင်းပြုပြီး 'သူများဦးသွားလိမ့်မယ်... လာပြီးတော့ မစနဲ့ မရယ်...' နော်...

တကယ်ဆို.
မ ကို ချစ်တဲ့ ကျွန်တော့်အချစ်တွေက
ဘွတ်ကင် ကြိုအလုပ်ခံထားရတဲ့စားပွဲနား သွားရပ်မိသလို
ထိုင်စရာ ခုံတောင်မရှိ
ချောင်တစ်နေရာကသာ ထိုင်ကြည့်နေရတာမျိုးပါ မရယ်...

(ရေခဲငှက်)

ငိုချင်လာပြီဗျာ.... ၀မ်းနည်းစရာတွေ တွေးမိတော့ အီမိုးရှင်နယ် ဖြစ်လာပြီ.... :((((

(၈) ဇွဲနဘဲကြီးသလို ကိုယ်ရှုံးနေမှန်းသိလျက်နဲ့လည်း ဇွတ်တွယ်ဖက်ကပ်ထားချင်တတ်တဲ့ စိတ်ကိုမုန်းတယ်.

အကောင်းဖက်ကကြည့်ရင် ဇွဲကြီးတယ်ပေါ့.
အဆိုးဖက်ကကြည့်ရင်တော့ ခေါင်းမာတယ်ပေါ့.

တစ်ခါတစ်လေ ကိုယ်တိုင် ခေါင်းမာနေတာလား၊ ဇွဲကြီးနေတာလား မသိရတဲ့ ပြဿနာမျိုးတွေ ဖြစ်လာတတ်တယ်.
ဘယ်လိုစံချိန်စံညွှန်းနဲ့ ဆုံးဖြတ်မှာလဲဗျာ.. နော်.

အဲဒီ့အခါကျတော့ ဘုရားဟောခဲ့ဖူးတဲ့ ကာလာမသုတ်က အရမ်းကို အသုံးဝင်လာခဲ့တယ်.

လုပ်ကြည့်တယ်. အကျိုးရှိလား. အကျိုးကိုယုတ်စေလား.. ပညာရှိ၊ သူတော်ကောင်းတွေ ချီးမွမ်းလား၊ ကဲ့ရဲ့လား. ကိုယ့်ကို အကျိုးဖြစ်စေသလား. အကျိုးမဲ့ဖြစ်စေသလား..

အဲဒါကိုမူတည်ပြီးတော့ ကျွန်တော် ဆက်လုပ်သင့်မလုပ်သင့် ဆုံးဖြတ်ရတော့တယ်.

ဒါပေမယ့်ဗျာ. ကျွန်တော်သိသလောက် အတွေ့အကြုံအရတော့ ပျော့ပျောင်းတဲ့ သဘောထားနဲ့ ခိုင်မာတဲ့ စိတ်ဓာတ်ရှိတာက ရေရှည်မှာ ပိုပြီးတော့ တည်ငြိမ်တယ်၊ အေးချမ်းတယ်၊ အောင်မြင်မှုနဲ့ပိုနီးစပ်တတ်တယ် ဆိုတာပါပဲ။

ခုချိန်ထိတော့ ညာဉ်ပါနေတာပဲလားမသိဘူး. ကျွန်တော် တစ်စုံတစ်ခုအတွက် စိတ်ဆုံးဖြတ်လိုက်ရင် အဲဒါကို မရရအောင် ကြိုးစားတယ်၊ ဒါကြောင့် ကျွန်တော် ကိုယ့်ကိုယ်ကို အားရသလို စိတ်ဆင်းရဲမှုတွေလည်း ဖြစ်နေရတယ်.

ဒီ နံပါတ်(၈) ကိုတော့ ကောင်းလား ဆိုးလား ကျွန်တော် မပြောတတ်ဘူး. တစ်ခါတစ်လေ ကြိုက်မိသလို တစ်ခါတစ်လေလည်း မုန်းမိနေတယ်.

ကျွန်တော် မ ကို ချစ်မိတာကလည်း တကယ်တော့ အခက်အခဲတွေ အများကြီးပါ... မဖြစ်နိုင်တာ ၁၁၀ % နှုန်းလောက်ရှိနေတာကို ကျွန်တော့်ဖက်က အရမ်းကို စွဲလမ်းနှစ်သက်နေမိတယ်.

ကဲ. ကျွန်တော်ဘာလုပ်ရမလဲ. မုန်းပစ်လိုက်ရမလား.. ချစ်ပစ်လိုက်ရမလား... (ကိုယ့်ကိုယ်ကို ပြောတာပါ. မကိုတော့ မမုန်းရက်နိုင်ပါဘူး...) :) တစ်မှတ်....

သေချာတာကတော့ ကျွန်တော့်ကို 'မ' လိုအပ်သည်ဖြစ်စေ၊ မလိုအပ်တော့သည်ပဲ ဖြစ်စေ. ကျွန်တော် ဒီနေရာမှာ ရှိနေမယ်. မ ရယ်.. ကျွန်တော် မ ကို ဘယ်တော့မှ ခွဲမသွားဘူး..

This I Promise You ပါ အချစ်ရဆုံး မ ရယ်....
(ကဲ. အသည်းယားချင်သူတွေ တဗျင်းဗျင်းသာ ကုတ်ကြပေရော့ဗျာ. ဟတ်ဟတ်ဟတ်.)

(၉) အနုပညာကို စိတ်ဝင်စားပြီး အေးအေးချမ်းချမ်းလေးနဲ့ ဘ၀တစ်ခုကို ထူထောင်ချင်ပေမယ့် အခြေအနေ၊ တောင်းဆိုမှုတွေအရ ပိုက်ဆံတွေရှာ၊ အလုပ်တွေလုပ်နေရတဲ့ ဘ၀ကြီးကို မုန်းတယ်.

စာရေးတာဝါသနာပါတယ်. ပန်းချီလည်း ဆွဲချင်တယ်. သီချင်းဆို၊ သီချင်းရေး၊ ဓာတ်ပုံရိုက်၊ စန္ဒယားတီး၊ ဂစ်တာခေါက်... ဒါတွေကို လုပ်နေရရင် ကျွန်တော့်စိတ်ဆင်းရဲမှု ဘ၀အမောတွေကို မေ့ဖျောက်ထားနိုင်တယ်. အရမ်းကို ကြည်နူးနှစ်သက်ဖွယ်ကောင်းတဲ့ အချိန်လေးတွေကို ရရှိပိုင်ဆိုင်စေတယ်..

ဒါပေမယ့် ရှေ့ရေးအတွက် စိုးရိမ်ပူပန်မှုတွေ၊ လိုအပ်ချက်တွေ၊ တောင်းဆိုချက်တွေ၊ ခေါ်သံတွေကြောင့် ကျွန်တော့်ရဲ့ ဘ၀ကြီးမှာ ရေကြည်တစ်ပေါက်နဲ့ နေဆယ်စင်း ဖြစ်နေခဲ့ရတယ်...

ပြောရင်း ၀မ်းနည်းသွားပြီ။ ၀မ်းနည်းလို့ အီမိုးရှင်နယ် ဖြစ်လာပြီ။ ဟတ်ဟတ်ဟတ်..

(၁၀) တစ်ခုခုကို ဇောက်ချမလုပ်ဘဲ ဟိုစပ်စပ် ဒီစပ်စပ် လုပ်နေတတ်တဲ့ အကျင့်ကြီးကိုလည်း မုန်းတယ်.

တစ်စုံတစ်ရာကို ကျွန်တော်စိတ်ဝင်စားသွားရင် အဲဒါနဲ့ပတ်သက်ပြီး အချိန်ကုန်ခံလေ့လာတတ်၊ လိုက်စားတတ်တယ်. တတ်လည်းတတ်သွားရော ဆက်မလုပ်တော့ဘဲ နောက်ထပ် အာရုံလာရာတစ်ခုဆီ ရောက်သွားတတ်တယ်. ဒီတော့ ကျွန်တော် ဘာကိုမှ Specialize မလုပ်သလိုဖြစ်နေတတ်ရော. တကယ်တမ်း ဘာတတ်လဲမေးရင် ဘာဖြေရမယ်မသိ.. :) ရှက်လိုက်တာ. အကုန်ပေါ်ပြီ..

အခုတော့လည်း ဘာကို ဇောက်ချရမယ်ဆိုတာကို သေချာဆုံးဖြတ်ပြီးပါပြီ..

ဟုတ်တယ်. မ ကို ကျွန်တော် ဆက်ချစ်မယ်. ဇောက်ချပြီးတော့ကို ချစ်မယ်...
(ရည်မှန်းချက်ကြီးတယ်နော်. ဟတ်ဟတ်ဟတ်)

ဘယ်သူ့ကို ဆက်တက်ဂ်ရမလဲ...

(၁) ကိုမင်းယွန်းသစ်
(၂) ကိုဆောင်းယွန်းလ
(၃) ကိုမင်းကျန်စစ်
(၄) ကိုမော်စီ
(၅) မပင့်ဂိုးလ်
(၆) မမယ်လိုဒီမောင်
(၇) မသက်ဇင်
(၈) မအိမ့်ချမ်းမြေ့

ကဲ. အားလုံးပဲ ရယ်စရာမောစရာလေးတွေ ပိုင်ဆိုင်ခံစား သက်ဝင်ပျော်ရွှင်နိုင်ကြပါစေခင်ဗျာ.

ချစ်ခင်လေးစားလျက်

ရန်အောင်

ဥဒါန်း

“သူရဲကောင်းဆိုတာ နှစ်ခါမသေဘူး”တဲ့
ဒီစကား ငါကြားခါစက
ရင်ထဲ ကြက်သီးဖြန်းခနဲထ
ဘ၀မာန် ဟုန်းခနဲကြွ
“ငါကွ” ဆိုပြီး လက်သီးလက်မောင်းတန်းလို့
ဘ၀တစ်ခုကို လန်းဆန်းစွာ တည်ဆောက်ခဲ့တယ်.

ကံကောင်းခဲ့သည်လည်းရှိ
ကံမကောင်းခဲ့သည်လည်း ရှိ
ကံကောင်းစဉ် တခဏ
လှပတဲ့ သံစဉ်တွေအောက်
ခပ်မြောက်မြောက် စီးဝင်ဆဲပေါ့
မမြင်သာတဲ့ ၀ဲဂယက်တစ်ခုမှာ
ငါ့ရဲ့ ကံဆိုးခြင်းတွေ စောင့်ဆိုင်းနေခဲ့တယ်.
ငါမသိခဲ့ဘူး
သိခဲ့ပေမယ့်လည်း မသိချင်ခဲ့ဘူး
ဒီလိုနဲ့ပဲ
တစ်နေ့ ငါသေဆုံးခဲ့ရတယ်.
တစ်ခါသေခဲ့တဲ့ ငါပေါ့…

“ရှုံးရင်ပြန်ထ အဲဒါဘ၀”တဲ့
အားပေးမှုတွေနဲ့အတူ
လူလူသူသူဖြစ်အောင် ဘ၀ကို ပြန်တည်ဆောက်
ရောက်တတ်ရာရာမှာ ကျင်လည်နေထိုင်ခဲ့ရင်း
ဘ၀လှေကို အားတင်းလို့ ပြန်လှော်ခဲ့တယ်
မျှော်လင့်ချက်တိုင်းမှာ ငွေရောင်အနားစတွေ ကွပ်လို့ပေါ့
ဒီလိုနဲ့ပဲ
တစ်နေ့ ငါပြန်ရှင်သန်ခဲ့တယ်.
သေရွာပြန်ခဲ့တဲ့ ငါပေါ့…

“တစ်ခါသေဖူး ပျဉ်ဖိုးနားလည်” တဲ့
ငါသေဖူးတယ်.
ဒါပေမယ့် ပျဉ်ဖိုးကိုတော့ ငါ မသိဘူး
ငါသိတာ ငါသေဖူးတယ်.
ခု ငါပြန်ရှင်တယ်.
ငါသေရင် ပျဉ်နဲ့ပဲ ဖုံးဖုံး
တုံးလုံးပဲ ပစ်ပစ်
ဖြစ်ချင်ရာဖြစ်စမ်းပါစေ
ငါ ပျဉ်ဖိုးကို ဘယ်တော့မှ ထည့်မတွက်ဘူး
ငါဟာ စွန့်စားသူ
ငါဟာ ပျံဝဲသူ
ငါဟာ လွတ်လပ်သူ
ငါဟာ ဒူးမထောက်သူ…



ငါသေရင် ငါ့အလောင်းကို
အညံ့မခံအရှုံးမပေးတဲ့ စိတ်ဓာတ်နဲ့ ဖုံးလွှမ်းပစ်မယ်.
အသုံးမကျတဲ့ ရေလိုက်ငါးလိုက်စိတ်ဓာတ်တွေနဲ့
ရှေ့တစ်မျိုး ကွယ်ရာတစ်မျိုး ငါမပြောဘူး
ဒါ… ငါ့ရင်ထဲက ငါ့သစ္စာ
ဒါ…ငါကိုယ်စားပြုတဲ့ ငါ့မျက်နှာ
ဒါ… ငါယုံကြည်တဲ့ အမှန်တရား
ဒါ… ငါစွဲကိုင်တဲ့ အင်အား…

ငါ့ရင်ထဲက တွယ်တာမိတဲ့ ခံစားချက်
မေတ္တာဓာတ်နဲ့ ဖျက်ပစ်မယ်.
ငါ့မျက်နှာပေါ်က အမည်းစက်
သစ္စာလက်နဲ့ ဖျက်ပစ်မယ်.
ငါ့ပန်းတိုင်ရှေ့က အတားအဆီးများ
ပညာအားနဲ့ ဖျက်ပစ်မယ်.
ငါ့နားနှစ်ဖက်က စကားတင်းတွေ
ဥပေက္ခာနဲ့ ဖျက်ပစ်မယ်.
ငါ့မျက်စိရှေ့က သရော်ချက်တွေ
ပြက်ရယ်ပြုလို့ ဖျက်ပစ်မယ်.
ငါ့ခြေထောက်အောက်က နှောင့်နှေးခြင်းတွေ
မြင်းရိုင်းတစ်ကောင်ရဲ့ ခွာနဲ့ဖျက်မယ်…



ဒီနေ့ ငါသေရင် မနက်ဖြန် ငါပြန်ရှင်မယ်.
မနက်ဖြန် မရှင်နိုင်ရင် သန်ဘက်ခါ ပြန်ရှင်သန်မယ်.
သန်ဘက်ခါ မဟုတ်ရင် ဖိန်းနွှဲခါပေါ့
ဒီဘ၀တာ မပြီးပြတ်ခဲ့ရင် နောက်ဘ၀ပေါ့
သေတယ်ဆိုတာ ငါ့ခန္ဒာပင်
အမြဲရှင်မှာ ငါ့ဝိညာဉ်….

ငါ့ရှေ့မှာ ကူညီသူရှိရှိ မရှိရှိ
ငါ့နောက်မှာ ပံ့ပိုးပေးသူ ရှိရှိ မရှိရှိ
ငါ့ကိုယ်ငါ ကိုးကွယ်လို့
ငါဆိုတဲ့ သတိနဲ့
ငါ ဒီဘ၀ကို လျှောက်လှမ်းတယ်
ငါသေဖူးတယ်
ဒါကြောင့် ငါပြန်သေမှာ လုံးဝမကြောက်
ငါပြန်ရှင်သန်ဖူးတယ်
ဒါကြောင့် ပြန်လည်ထူထောင်လိုစိတ် လုံးဝမပျောက်

ငါ့စကားတွေ မောက်မာနေနိုင်ပေမယ့်
ငါ့ပညာတွေ မလော်မာဘူး…
ငါ့မာနတွေ မိုးထိနေနိုင်ပေမယ့်
ငါ့နီးစပ်ရာ မနစ်နာဘူး…
ငါ့သိက္ခာတွေ စိန်ခေါ်ခံရပေမယ့်
ငါ့ခြေလှမ်းတွေ စွတ်မရမ်းဘူး…

ငါပိုင်ဆိုင်တဲ့ ငါ့ဘ၀
လှပစွာ ငါတည်ဆောက်မယ်
ဘ၀ဆိုတာ တာတိုပြေးပွဲမဟုတ်
ငါဟာ အကြိမ်ကြိမ်သေဆုံးခဲ့ဖူးတယ်.
ဒါကြောင့် ငါဟာ သူရဲကောင်းမဟုတ်.
ငါဟာ လူတစ်ယောက်သာဖြစ်တယ်.
ဒါပေမယ့် ငါဟာ
လူထဲကလူတော့မဟုတ်
လူပေါ်က လူသာဖြစ်တယ်.

ရန်သူအတွက် ငါဟာ မီး
မိတ်ဆွေအတွက် ငါဟာ ထီး
မီးဆိုတာ သုံးတတ်ရင် မိတ်ဆွေပြန်ဖြစ်နိုင်သလို
ထီးဆိုတာလည်း မသုံးတတ်ရင် လောင်းရိပ်မိတတ်တယ်.
မီးဖြစ်မလား ထီးဖြစ်မလား
ရန်သူမိတ်ဆွေ မခွဲခြားဘူး
ယူတတ်သူယူ
ပူတတ်သူပူ
ဆူတတ်သူဆူ
ငြူစူတတ်သူ ငြူစူ
ပျော့ညံ့သိမ်ဖျင်းတဲ့ မိတ်ဆွေထက်
ခိုင်မာတည်ငြိမ်တဲ့ ရန်သူကို ငါ ပိုသဘောကျတယ်.
ငါ့အရည်အချင်းတွေကို ပိုတက်စေလို့ပဲ.

ကိုယ်လုပ်စရာရှိတာကိုယ်လုပ်
လေပုပ်ထုတ်ဆေးမှီဝဲလို့
အရိအချွဲစိတ်ဓာတ်တွေ သွန်မချပြနဲ့
ဇွန်လမှာ ရွာတဲ့ မိုးရေတွေ ညစ်ညမ်းကုန်မယ်.

ပြတင်းတံခါးကနေ လှစ်ကြည့်ခိုင်းမိတဲ့ တခဏ
လှပဝေဆာနေတဲ့ ပန်းခင်းကြီးထက်
ပျက်ယွင်းနေတဲ့ ခြံစည်းရိုးကိုသာ
မြင်နေတတ်မှတော့
မင်းရဲ့ ခပ်ပေါ့ပေါ့စိတ်ဓာတ်တွေအတွက်
ငါ့နှလုံးသားကို ကန့်လန့်ကာ တပ်လိုက်မိတော့တယ်.




(ရေခဲငှက်)

မင်္ဂလာနှစ်သစ်မှာ ပျော်မြစ်နိုင်ကြပါစေသတည်း...

အားလုံးပဲ ပျော်ရွှင်ဖွယ်ရာ မင်္ဂလာနှစ်သစ်လေး တစ်ခုဖြစ်ပါစေခင်ဗျာ….

ဒီနေ့တစ်နေ့လုံး ချစ်လှစွာသော စာဖတ်ပရိသတ်နှင့် မိတ်ဆွေသူငယ်ချင်း ဘလော့ဂါရောင်းရင်းများကို သတိတရ ရှိနေပါမယ်.

ညနေကျမှ ပို့စ်ရှည်ရှည်လေး ရေးတင်တော့မယ်ဗျာ. အခု နှုတ်ဆက်ချင်လို့သာ မြန်မြန်ရိုက်တင်လိုက်ရတာ.

ကောင်းသောနေ့သစ်/ညချမ်းလေးများ ပိုင်ဆိုင်နိုင်ကြပါစေ.

မင်္ဂလာနှစ်သစ်မှာ စိတ်သစ်လူသစ်နဲ့ ဘလော့ဂ်ပို့စ်အသစ်များ အင်နဲ့အားနဲ့ ရေးသားပြုစုနိုင်ကြပါစေဗျား....

(ကိုယ့်ကိုယ်ကိုယ်အတွက်ပါ ထည့်ဆုတောင်းသွားလိုက်တယ်. ဟတ်ဟတ်ဟတ်)

ခင်မင်လေးစားလျက်

ရန်အောင်

အမြဲစိမ်းသစ်တစ်ပင်သို့....

ကိုနေဘုန်းလတ်ရေ…

ခင်ဗျားနဲ့ ကျွန်တော်နဲ့ မတွေ့ဖြစ်တာ၊ စကားမပြောဖြစ်တာ အတော်ကြာသွားခဲ့ပြီနော်.

ဘာရယ်မဟုတ်ဘူးဗျာ. ကျွန်တော် ခင်ဗျားအတွက် ပို့စ်တစ်ခု သီးသန့်ရေးချင်စိတ်ပေါက်လာတာရယ်၊ ခင်ဗျားကို ထူးထူးခြားခြား သတိရနေခဲ့တာရယ်ကြောင့် စာမရေးဘဲနားထားခဲ့တဲ့ ကျွန်တော့်ဘလော့ဂ်လေးကို ပြန်အသက်သွင်းမိတယ်.

ဖေဖော်ဝါရီ (၆) ရက်နေ့က ခင်ဗျားရဲ့ ဘလော့ဂ်လေး တစ်နှစ်ပြည့်သွားခဲ့တယ်နော်. ခင်ဗျားသိလား. ဘလော့ဂ်တော်တော်များများမှာ ခင်ဗျားအတွက် အထူးသီးသန့် ပို့စ်လေးတွေ တင်ပေးကြတယ်. ခင်ဗျားကို အားလုံးက သတိတရ ရှိနေခဲ့ကြတယ်.

ကျွန်တော်ကတော့ မတင်ဖြစ်ခဲ့ဘူး.

ကျွန်တော်ခင်ဗျားအတွက် ခံစားချက်မရှိလို့ မဟုတ်ဘူး ကိုနေ.

ကျွန်တော်ခင်ဗျားအတွက် အပြည့်အ၀ခံစားချက်ရှိပါတယ်. ခင်ဗျားနဲ့ ကျွန်တော်ကြားမှာ ရှိနေခဲ့တဲ့ မိတ်ဆွေ သံယောဇဉ်ကြိုးက ကြီးမားပါတယ်.

ဒါပေမယ့် အကြောင်းတစ်ခု မတိုက်ဆိုင်လို့ ကျွန်တော်မတင်ဖြစ်ခဲ့ဘူး.

တကယ်ဆို ကျွန်တော်နဲ့ခင်ဗျားနဲ့မှာ ပြောစရာတွေ အများကြီးကျန်နေသေးတယ်.

ခင်ဗျားမရှိတုန်း ကျွန်တော်လည်း စာသိပ်မရေးဖြစ်ခဲ့ဘူး. အလုပ်မအားတာထက် ရေးဖို့ မုဒ်မ၀င်တော့ဘူးဗျာ. ဒီကြားထဲ ကျွန်တော် သိပ်ကိုရင်းနှီးချစ်ခင်ခဲ့ရတဲ့ မိတ်ဆွေဘလော့ဂါတစ်ချို့နဲ့ ကတောက်ကဆတွေ ဖြစ်ခဲ့ရတယ်. ကျွန်တော်စာရေးချင်စိတ် သိပ်မရှိတော့ဘူးဗျာ..

အရင်တုန်းက ကျွန်တော့်မှာ အဲလိုခံစားချက်တွေ ၀င်လာခဲ့ရင် ခင်ဗျားကျွန်တော့်ကို အမြဲအားပေးတယ်နော်. အကျိုးသင့်အကြောင်းသင့် ရှင်းပြတယ်. ဟာသလေးတွေနှောပြီး ကျွန်တော့်ရဲ့ အစိုင်အခဲတွေကို ကြိုးစားဖြေဖျောက်ပေးခဲ့တယ်

ခင်ဗျားဟာ ကျွန်တော့်ရဲ့ မိတ်ဆွေကောင်းတစ်ဦးပါပဲ.

ကျွန်တော်ခင်ဗျားကို သတိရလို့ မ၀င်တာ ကြာပြီဖြစ်တဲ့ Gtalk ထဲကို ၀င်ခဲ့မိတယ်.

ဘလော့ဂါတွေ တော်တော်များများရဲ့ ပရိုဖိုင်းလ်ပုံလေးတွေက ‘Free Nay Phone Latt’ တဲ့.





ခင်ဗျားရဲ့ အကောင့်နာမည်လေးကို စိုက်ကြည့်နေရင်း ခင်ဗျားတင်ထားတဲ့ ပရိုဖိုင်းလ်ပုံလေးကို ဘာသာပြန်နေမိခဲ့တယ်. ကလေးလေးတစ်ယောက် လက်ကလေးနှစ်ဖက်ကို ဆုပ်ကိုင်လို့၊ မျက်လုံးလေးမှိတ်လို့ ကောင်းကင်ဘုံကို မော့ကြည့်ရင်း တစ်စုံတစ်ရာကို ဆုတောင်းနေတဲ့ ပုံလေး…



ခင်ဗျားရဲ့ ဆုတောင်းသံကို ကျွန်တော်ကြားလိုက်တယ် ကိုနေ…

ပြည့်မှာပါဗျာ…. ပြည့်မှာပါ…

ကျွန်တော့်ကို နားလည်မှုရှိတဲ့ ခင်ဗျားအတွက် ကျွန်တော်ပြန်ဆိုတဲ့ ဘာသာပြန်ဆိုချက်တွေဟာ ခံစားချက်ပါတယ်. အပြစ်ကင်းတယ်ဆိုတာ ခင်ဗျားသိမှာပါ.

နားမလည်နိုင်တဲ့သူတွေအတွက်တော့ ကျွန်တော့်ရဲ့ ခံစားချက်တွေဟာ တော်နေးဒိုးတွေလို ပတ်ဝန်းကျင်ကိုပါ ဂယက်ရိုက်ခတ်နေတယ်လို့ ဆိုကြလေရဲ့ဗျာ…

ကျွန်တော်စာရေးဖို့ ကြိုးစားတယ်. ခင်ဗျားကိုသတိရလို့ ခင်ဗျားအတွက် လုပ်ပေးနိုင်မယ်ထင်တာလေး တစ်ခုကို အရဲစွန့်ပြီး ရှေ့ထွက်လုပ်ပြခဲ့မိတယ်. အုပ်စုထဲက ခွဲထွက်ပျံသလို ဖြစ်သွားခဲ့တဲ့အတွက်လားမသိ. ကျွန်တော် အပစ်ချခံခဲ့ရတယ်.

သင်ခန်းစာတစ်ခုပေါ့ဗျာ. အုပ်စုကို ဂရုမစိုက်ခဲ့မိလို့မှ မဟုတ်ဘဲ. ငြိမ်သက်လွန်းနေတဲ့ ကန်ရေပြင်ကို မချင့်မရဲ ဖြစ်မိလို့ ခဲတစ်လုံးနဲ့ ကောက်ပေါက်ခဲ့မိတာပါ. တကယ်တော့ ကန်ရေပြင်အောက်မှာ မမြင်နိုင်တဲ့ တွန်းကန်အားတစ်ခု ရှိနေခဲ့တယ်ဆိုတာ ကျွန်တော်အသိနောက်ကျခဲ့တယ်. သိလည်း မသိခဲ့ပါဘူး. မသိရကောင်းလားဆိုပြီး အပြစ်တင်လည်း ခံရုံပါပဲလေ.

ဝမ်းနည်းနေတဲ့ မိုးတိမ်တွေ စုဆောင်းမိလို့
ဒဏ်ရာမိုးတွေ အဖြစ်ပြောင်းရွာချလိုက်တော့
နူးညံ့ခဲ့ဖူးတဲ့ ရင်ဘတ်တစ်ခု
ကျောက်သားပကတိ ဖြစ်သွားခဲ့ရတယ်.
ဒါဟာ ကျောက်သားကိုဖြစ်စေတဲ့ မိုးကြောင့်လား.
မိုးကိုဖြစ်စေတဲ့ မိုးတိမ်ကြောင့်လား.
မိုးတိမ်ကို ဖြစ်စေတဲ့ ခံစားချက်ကြောင့်လား.
ခံစားချက်ကို ဖြစ်ပေါ်စေတဲ့ ခဲတစ်လုံးကြောင့်လား… … .. .
ဒွိဟအတွေးတွေကြားမှာ
မလူးသာမလွန့်သာ ဖြစ်နေပေမယ့်
တစ်ခုတော့ ပြောရဲတယ်.

ကျွန်တော်ခင်ဗျားကို အရမ်း သတိရတယ် ကိုနေ….

မှတ်တမ်းတစ်ချို့…
March 08, 2007

3:57 AM nay: ပြန်လဲ မဟိုင်းပါလားဟ
me: ဟိုင်းကြီးဟိုင်းလေး
ဟိုင်းလတ်
ဟိုင်းငယ်
3:58 AM ဟိုင်းထွေး
ဟိုင်းကလေး
3:59 AM nay: ဟိုင်းမယ့်ဟိုင်းတော့လဲ အစုံကိုိဟိုင်းတော့တာပဲ
စကားနဲနဲလောက်ပြောချင်လို့ ရမလားဗျ
4:01 AM me: ပြောဗျာ
နည်းနည်းတော့ကြာမယ်နော်
း)
4:02 AM အော်
ခင်ဗျားကြာနေပါပေါ့လား
ဟတ်ဟတ်
nay: ဟား ဟား
4:03 AM ဖိုရမ်မှာ ကျွန်တော် စာပြန်ထားတာဖတ်ပြီးပြိလားဗျ
me: ကျွန်တော်ပြန်ထားတာရောဖတ်ပြီးပြီလား
nay: မဖတ်ရသေးဘူး
4:04 AM အခု သွားနေပြီ
me: အိုကေ
4:05 AM nay: ကိုရန်
me: ပြော
nay: နောက်တစ်ပတ်လောက် အချိန်ထပ်ပေးရင်ရမလား
me: ဘာဖြစ်ချင်လဲ
ရတာပေါ့
ဘာလုပ်ချင်လဲ
မိန်းမယူမလို့လား
ဟတ်ဟတ်
4:07 AM nay: ကျွန်တော်တို့ လိုဂိုနဲ့ ဆောင်ပုဒ်အတွက် တစ်ပတ်ထပ်ပြီးအချိန်ယူမယ်ဗျာ
ကိုရန်အောင်တစ်ခုခု တော့စီစဉ်ပေး
4:11 AM me: လုပ်လေ
ဘာလုပ်ပေးရမလဲ



ကိုနေ့ ဘလော့ဂ်လေးရဲ့ တစ်နှစ်ပြည့်မွေးနေ့မှသည် နှစ်ပေါင်းများစွာအထိ ခင်ဗျားရဲ့ နှလုံးသွေးနဲ့ ဖန်တီးတဲ့ အနုပညာပန်းပွင့်လေးတွေ ဆက်လက် မွှေးပျံ့ ရှင်သန်နိုင်ပါစေဗျာ….

ရန်အောင်

Free Nay Phone Latt

ကျွန်ုပ်၏ မိတ်ဆွေ၊ စာရေးဖော်ရေးဖက်၊ အနုပညာကို ခုံမင်စွာ ရူးသွပ်တတ်သူ၊ ကဗျာဆရာ ဘလော့ဂါ ကိုနေဘုန်းလတ်ကို တရားလက်လွတ် ဖမ်းဆီးခေါ်ဆောင်သွားခြင်းအား ပြင်းထန်စွာ ကန့်ကွက်သည်.



ဖွဲ့ဆိုချင်နေတဲ့
သံစဉ်ချိုတွေကို
ရင်ဘတ်ထဲမှာပဲ ကိုက်မြိုထားရတဲ့
ကြိုးပျက်နေတဲ့ ဂစ်တာတစ်လက်ဟာ ကျွန်တော်ဖြစ်တယ်....

(နေဘုန်းလတ်)

ပုံကို မျိုးချစ်မြန်မာ ဘလော့ဂ်မှ ရယူသည်.


နေဘုန်းလတ်ရေ

မင်းဖွဲ့ဆိုချင်နေတဲ့ သံစဉ်ချိုတွေ
ရင်ဘတ်ထဲကနေ ဆက်လက်ထွက်ပေါ်လာနေနိုင်ဖို့
ငါ့လက်ချောင်းတွေနဲ့ ယက်သီကုံးတဲ့
ဂစ်တာကြိုးလေးတစ်ချို့ ကမ်းလင့်လိုက်ပါရစေ...

(ရန်အောင်)

စပိတ်ဖဲတစ်ချပ်ကို လွမ်းဆွတ်တဲ့ည...

ကျွန်တော်ရေးလက်စ အိပ်မက်နတ်သမီးလေးအတွက် စဉ်းစားအကွက်ချနေရင်း ဘလော့ဂ်တွေ လိုက်လည်ဖြစ်ခဲ့ပြန်ပါတယ်.

အမှတ်မထင်ပါပဲလေ.

မပန်ဒိုရာရဲ့ ပို့စ်လေးနဲ့ ဘာညာပေါက်စလေးရဲ့ ပို့စ်လေးကို ဖတ်မိသွားပြီး ကျွန်တော် အတိတ်တစ်ချိန်က ဘလော့ဂါ ဘ၀ကို အရမ်းတမ်းတလွမ်းဆွတ်သွားခဲ့မိတယ်.

အဲဒီ့တုန်းက ဘလော့ဂါတွေ ဒီလောက်မများသေးပါဘူး. နိုင်ငံရေးအကြောင်းတွေလည်း ဒီလောက်ထိ မရေးခဲ့ကြသေးပါဘူး. ကိုယ်ပိုင် အသိစိတ်နဲ့ ဆော်ဩတာ၊ ရေးတာတွေတော့ ရှိခဲ့ပေမယ့် ခုလိုမျိုး ဆန့်ကျင်ဖက် အမြင်ရှိသူတွေရဲ့ ကလောင်စစ်ပွဲ ဆင်နွှဲရာ ဘလော့ဂ်စစ်မြေပြင် မဟုတ်ခဲ့ပါဘူး…

တစ်ချိန်တုန်းကပေါ့
ငါတို့ပျော်ခဲ့ဖူးတယ်
ဘယ်သူဘယ်ဝါ မခွဲခြားဘဲ
ဂုဏ်အလွှာတွေ မတပ်ဘဲ
လွတ်လပ်ပေါ့ပါးစွာ
အတားအဆီးကင်းမဲ့စွာ
သွက်လက်မြူးတူးစွာ
ကူးလူးဆက်သွယ်ခဲ့ကြဖူးတယ်…
လွမ်းမောဖွယ်ရာ အခိုက်အတန့်လေးတွေ
ဘယ်တော့များမှ ပြန်လည်တောက်ပနိုင်တော့မှာလဲ.
ငါသိပ်လွမ်းတယ်…

မဂျစ်တူးကစလို့နှိုးဆော်
တို့ဘလော့ဂါတွေ စုပေါင်းရေးကြမဟဲ့လို့
သူငါအစပြုလို့ ဥာဏ်တွေညှစ်
စပိတ်ဖဲတစ်ချပ် ထွက်ခဲ့ဖူးတယ်
ဖတ်သူတိုင်းရယ်မော
ပြောသူတိုင်း ရွှင်ကြည်
တို့ဘလော့ဂါတွေ ပွဲစည်ခဲ့ကြဖူးတယ်…

ဘယ်အရာကိုမှ အပြစ်မဖို့ချင်ပါဘူး
သမိုင်းမှာ မေ့ကျန်လို့မရတဲ့ အဖြစ်
စက်တင်ဘာမှာ ဖြစ်ကတည်းက
ငါတို့ဘလော့ဂါတွေ
ဝမ်းနည်းစွာ
ခံပြင်းစွာ
နာကျည်းစွာ
တာဝန်သိစွာ
တက်ကြွစွာနဲ့
တော်လှန်ရေး စစ်ပွဲနွှဲခဲ့ကြတယ်…

ဒီတိုက်ပွဲနဲ့အတူ
ငါတို့ကြားက ယုံကြည်မှုတွေ
ငါတို့ကြားက ယိုင်းပင်းမှုတွေ
ငါတို့ကြားက စောင့်ထိန်းမှုတွေ
ငါတို့ကြားက ပျော်ရွှင်မှုတွေ
အို…
ဒါတွေကို
ငါတို့တကယ်ပဲ စတေးလိုက်ခဲ့ရတယ်…

ငါတို့ဘလော့ဂါခေတ်
ဆန်းသစ်ခဲ့တာ အမှန်ပါ
ဒါပေမယ့်
ချစ်ခြင်းတရားတွေကို
မြေမြှုပ်ပစ်လိုက်ဖို့တော့ မဟုတ်ခဲ့ဘူး..

ဘလော့ဂါတွေ အလျှိုအလျှို
ဟိုဟိုဒီဒီ မှိုလိုပေါက်လို့
တစ်ဦးနဲ့တစ်ဦး စကားလုံးတွေပစ်ခတ်
သပ်လျှိုလို့ ဖြိုခွဲကြ
သီလတွေ မြောင်းထဲရောက်လို့
ကပေါက်တိကပေါက်ချာ ဆဲဆိုနေကြချိန်
မောင်နှမသားချင်း မကြားဝံ့သာတဲ့ စကားလုံးတွေ
အရယ်အပြုံးကင်းမဲ့စွာ စီးဆင်းနေချိန်
ဟန်ဆောင်မှုတွေ ရှေ့တန်းတင်
ဟိတ်ဟန်တွေ အဖော်ပြုလို့
စာရှုသူကို အမိုက်မှောင်တိုက်သွင်းချိန်..

ဒီအချိန်မှာ..
ငါတို့နေခဲ့ဖူးတဲ့
အတိတ်က ဘလော့ဂါတွေဘ၀ကို တမ်းတမိတယ်.

တစ်ချိန်တုန်းကပေါ့
ငါတို့ပျော်ခဲ့ဖူးတယ်
ဘယ်သူဘယ်ဝါ မခွဲခြားဘဲ
ဂုဏ်အလွှာတွေ မတပ်ဘဲ
လွတ်လပ်ပေါ့ပါးစွာ
အတားအဆီးကင်းမဲ့စွာ
သွက်လက်မြူးတူးစွာ
ကူးလူးဆက်သွယ်ခဲ့ကြဖူးတယ်…
လွမ်းမောဖွယ်ရာ အခိုက်အတန့်လေးတွေ
ဘယ်တော့များမှ ပြန်လည်တောက်ပနိုင်တော့မှာလဲ.
ငါသိပ်လွမ်းတယ်…


ကျွန်တော်တို့ ဘလော့ဂါတွေ ပျော်ပျော်ပါးပါး စုပေါင်းရေးသားခဲ့ကြဖူးတဲ့ စပိတ်ဖဲတစ်ချပ်ရဲ့ လျှို့ဝှက်ချက် စုံထောက်ဝတ္ထုလေးကို အမှတ်တရ ပြန်လည်တင်ပြပေးလိုက်ပါတယ်.

မှတ်မှတ်ရရ ဖြစ်သွားအောင်
မဂျစ်ကြီး ရဲ့ ပို့စ်လေးကိုပဲ ပြန်လည်ညွှန်ပြလိုက်ပါတယ်. အဲဒီ့မှာ ရေးထားတဲ့ ကော်မန့်လေးတွေကိုလည်း အားလုံးဖတ်ရှုနိုင်အောင်လို့ပါ.

ကျွန်တော်တို့ မြန်မာဘလော့ဂါတွေ ဒီ့ထက်ပိုပြီး အောင်မြင်တောက်ပနိုင်ကြပါစေဗျာ…

ဒီနေရာမှာလည်း တစ်ထိုင်တည်း ဖတ်ရှုနိုင်အောင် စီစဉ်ပေးထားပါတယ်. Download လည်းလုပ်လို့ရပါတယ်. အောက်နားလေးမှာ ပါပါတယ်. Download as a PDF (or) Word (or) Plain Text ဆိုပြီးတော့ ထုတ်ပေးထားပါတယ်. ဘလော့ဂါတွေ ဘယ်လိုပျော်ရွှင်စွာ စုပေါင်းရေးသားခဲ့ကြတယ် ဆိုတာလေးကို ဖတ်ရှုခံစားကြည့်လိုက်ကြပါဦးနော့....

အားလုံးပျော်ရွှင်ကြစေရစ် သက္ကရာဇ် ၂၀၀၈...

နှစ်ဟောင်းကုန်ဆုံးလို့ နှစ်သစ်ကို ရောက်ခဲ့ပြန်ပြီဗျာ.

ကျွန်တော်လည်း နှစ်ဟောင်းရဲ့ အကြွင်းအကျန် ပို့စ်ဟောင်းတွေ ပြီးပြတ်အောင် ရေးလို့ နှစ်သစ်ကို ဘလော့ဂ်ပို့စ်အသစ်လေးတွေနဲ့ ကြိုဆိုဖို့ စိတ်ကူးနေခဲ့တာ ဒီနေ့တစ်နေ့လုံး အလုပ်တွေများနေတာနဲ့ ပို့စ်မရေးဖြစ်ခဲ့ဘူး. ဘယ်ကိုမှလည်း မရောက်ဖြစ်ခဲ့ဘူး.

ကိုယ့်ဆီဗုံးလေးထဲ ၀င်ကြည့်လိုက်တော့ လာပြီး နှုတ်ဆက်ထားကြတာ၊ Happy New Year Wish လေးတွေ လုပ်ထားကြတာလေးတွေ တွေ့ရပြီး ရင်ထဲမှာ ပြောမပြတတ်အောင် ၀မ်းသာကြည်နူးမှု ဖြစ်ရပါတယ်.

တစ်ဆက်တည်းမှာပဲ ကျွန်တော် ဘလော့ဂါတစ်ယောက်ဖြစ်ရခြင်းကိုလည်း ဂုဏ်ယူကျေနပ်မိပါတော့တယ်.

အခု ပို့စ်ရေးချင်စိတ် ရှိနေပေမယ့် အချိန်က တော်တော်လင့်နေပါပြီ. မနက်ဖြန် အလုပ်ကို အစောကြီး ထသွားရဦးမှာမို့ ပို့စ်အသစ်လေးတွေကို မနက်ဖြန်ကျမှပဲ လာရောက်ဖတ်ရှုပါတော့ ခင်ဗျာ…

အမှတ်တရအနေနဲ့ ကျွန်တော့်ဆီဗုံးလေးထဲမှာ လာအော်သွားကြတဲ့ msg လေးတွေကို စုစည်းတင်ပြရင်း အားလုံးအားလုံးသော စာဖတ်ပရိသတ်၊ ဘလော့ဂါချစ်မိတ်ဆွေ၊ ညီအစ်ကိုမောင်နှများ နှစ်သစ်မှာ ပျော်ရွှင်ချမ်းမြေ့ကြပါစေလို့ အထူးစပါယ်ရှယ် ဆုမွန်ကောင်းတောင်းပေးလိုက်ကြောင်းပါ ခင်ဗျားးးးး…

1 Jan 08, 21:15
mahjubah: Happppppppppy Neww Yearrrrrrrrrrrrrrr 2008 Ko Yan Aung!
1 Jan 08, 12:01
မေပျို: ကိုရန်ရေ နှစ်သစ်မှာ ပျော်ရွှင်ပါစေ။ ;-)
1 Jan 08, 10:37
ညီလင်းသစ်: ကိုရန်အောင်ရေ...ပျော်ရွှင်ဖွယ်ရာ မင်္ဂလာနှစ်သစ်ဖြစ်ပါစေခင်ဗျာ။
1 Jan 08, 09:27
wahgyi: Happy New Year n Wishing you All The Best !
1 Jan 08, 06:51
မောင်မှော်: ကိုကြီးရန်ရေ- နှစ်သစ်ကူးမှာ စိတ်သစ်လူသစ်နဲ့ ပျော်ရွင်မှုအသစ်၊ အောင်မြင်မှုအသစ်တွေရရှိနိုင်ပါစေဗျာ။
1 Jan 08, 05:52
သွင်မောင်: ¸.•♥☆´¨`☆♥•.¸ ¸.•` နှစ်သစ်မှာ ပျော်ရွင်ချမ်းမြေ့ပါစေ ♥•.¸ ¸.••.¸¸.•♥☆´¨`☆♥•.¸ ¸.•
1 Jan 08, 05:47
လုလု: .¸¸.•♥☆´¨`☆♥•.¸ ¸.•` မင်္ဂလာနှစ်သစ်ဖြစ်ပါစေ ကိုရန်အောင့့့့် ပျော်ရွှင်ပါစေနော် .¸¸.•♥☆´¨`☆♥•.¸ ¸.•`
1 Jan 08, 05:16
lynnlynn: Happy New year !!!!!!!!!!!!
1 Jan 08, 05:15
lynnlynn: Happy New year !!!!!!!!!!!!!
1 Jan 08, 04:40
Smilemay: နှစ်သစ်မှာ စိတ်ချမ်းသားခြင်းနဲ့ ပြည့်စုံပါစေ။
1 Jan 08, 04:38
chaos: ဟက်ပီးနယူးယားနော်
1 Jan 08, 04:37
j: Happy New Year လာခဲ့နော်
1 Jan 08, 04:32
အောင်သူ: Happy New Year!!!
1 Jan 08, 04:29
သားဖြိုး: http://mypoembag.blogspot.com
1 Jan 08, 04:28
သားဖြိုး: ကျွန်တော့်ရဲ့ ကဗျာလွယ်အိတ်ကလေးကိုလည်း လာမွှေပေးပါအုံးခင်ဗျ။
1 Jan 08, 04:28
သားဖြိုး: ကျွန်တော့်ရဲ့ ကဗျာလွယ်အိတ်ကလေးကိုလည်း လာမွှေပေးပါအုံးခင်ဗျ။
1 Jan 08, 04:27
သားဖြိုး: နှစ်သစ်မှာ ပျော်ရွှင်ခြင်း၊ ကံကောင်းခြင်း ခြေလှမ်းတွေ စနေပီလားဗျ။
1 Jan 08, 04:23
မင်းကျော်: .¸¸.•♥☆´¨`☆♥•.¸ ¸.•` မင်္ဂလာရှိသော နှစ်သစ်မှာ ပျော်ရွှင်ချမ်းမြေ့ ကြပါစေခင်ဗျာ။ ♥•.¸ ¸.••.¸¸.•♥☆´¨`☆♥•.¸ ¸.•
1 Jan 08, 03:07
minnyoonthit: မင်္ဂလာရှိသော နှစ်သစ်ပါ ကိုရန်ရေ :)
1 Jan 08, 00:30
ဝင်္ကပါ: အကြွေးတွေအကုန်ဆပ်နေတာပေါ့လေကိုရန်အောင်က။ Happy New Year ပါနော်။
1 Jan 08, 00:28
Yan>: အားလုံးအားလုံးပဲ Happy New Year ပါခင်ဗျာ. ကျွန်တော်အခုမှပဲ အပြင်က ပြန်ရောက်ပါတယ်. တယ်ရင်းတွေနဲ့ အလည်လွန်သွားလို့. ဟတ်ဟတ်. ပို့စ်စရေးနေပြီဗျာ. နည်းနည်း mood ၀င်သွားအောင် အပြင်ထွက်လည်လိုက်တာ.
31 Dec 07, 23:29
ရတနာစိုး: ပျော်ရွှင်ဖွယ်ရာ နှစ်သစ်ပါရှင်

31 Dec 07, 23:29
ရတနာစိုး: အစ်ကိုရေ . .. စာလာဖတ်ရင်း အစ်ကိုပြောတဲ့ ၃၁ရက်နေ့မှတ်တမ်းလေးအကြောင်း ရတနာ ရေးထားကြောင်းအကြောင်းကြားပါတယ်
31 Dec 07, 23:17
Mr.Pooh: ပျော်ရွှင်အေးချမ်းတဲ့ နှစ်သစ် ၂၀၀၈ ဖြစ်ပါစေဗျာ
31 Dec 07, 22:56
နှင်းပွင့်လေး: •.¸¸.•♥☆´¨`☆♥•.¸ ¸.•` HAPPY HAPPY NEW YEAR - 2008 ♥•.¸ ¸.••.¸¸.•♥☆´¨`☆♥•.¸ ¸.•

31 Dec 07, 21:45
mtj: မင်္ဂလာနှစ်သစ်ပါ ကိုရန်ကြီး
31 Dec 07, 21:05
ပီကေ: ကိုရန်ရေ၊ •.¸¸.•♥☆´¨`☆♥•.¸ ¸.•` HAPPY NEW YEAR - 2008 ပါ

31 Dec 07, 20:52
လူသစ်: မင်္ဂလာနှစ်သစ်ဖြစ်ပါစေဗျား

31 Dec 07, 20:51
ရွှေဂျမ်း: Happy New Year!!

31 Dec 07, 20:43
skyslight: http://www.123greetings.com/events/new_year/new_year_wishes/newyear67.html

31 Dec 07, 20:42
skyslight: bye bye 2007 & Welcome 2008 Happy New Year!!!

31 Dec 07, 20:16
ညလေး: မင်္ဂလာနှစ်သစ်ပါ ဦးဦးရန် ပျော်ရွှင်ပါစေ....ဗျာာာာာာာာာာာာာာ

31 Dec 07, 17:40
အိမ့်ချမ်းမြေ့: ကိုရန်ရေ. မင်္ဂလာနှစ်သစ်ပါရှင်

31 Dec 07, 16:57
tu tu: Happy New Year!!! ပျော်ရွှင်ဖွယ်နှစ်သစ်ဖြစ်ပါစေ...

31 Dec 07, 16:27
home: Happy new year 2008....ko yan aung
31 Dec 07, 15:35
ကိုထွဋ်: မင်္ဂလာရှိသော ၂၀၀၈ ပါ , Wish you a Happy New Year !

31 Dec 07, 13:15
ရှမ်းကလေး: နှစ်သစ်မင်္ဂလာပါ။ ပျော်ရွှင်ပါစေ ခင်ဗျား..ပို့အသစ်တင်ထားပါကြောင်း

31 Dec 07, 12:12
ဆိုးသွမ်း: .¸¸.•♥☆´¨`☆♥•.¸ ¸.•` မင်္ဂလာရှိသော နှစ်သစ်မှာ ပျော်ရွှင်ချမ်းမြေ့ ကြပါစေခင်ဗျာ။ ♥•.¸ ¸.••.¸¸.•♥☆´¨`☆♥•.¸ ¸.•
31 Dec 07, 11:31
ချစ်လေပြေ: ပျော်ရွှင်ဖွယ် မင်္ဂလာ နှစ်သစ် ဖြစ်ပါစေ ကိုရန်ရေ၊ Happy New Year
31 Dec 07, 10:46
Myo Kyaw Htun: Happy New Year 2008 !!! Mr. Yan
31 Dec 07, 09:39
khunmyahlaing: •.¸¸.•♥☆´¨`☆♥•.¸ ¸.•` မင်္ဂလာရှိသော နှစ်သစ်မှာ ပျော်ရွှင်ချမ်းမြေ့ ကြပါစေရှင် ♥•.¸ ¸.••.¸¸.•♥☆´¨`☆♥•.¸ ¸.•
31 Dec 07, 08:29
Blazing inferno: I have already sent the song..check out your e mail bro

31 Dec 07, 08:28
Blazing inferno: •.¸¸.•♥☆´¨`☆♥•.¸ ¸.•` HAPPY NEW YEAR - 2008 ! ♥•.¸ ¸.••.¸¸.•♥☆´¨`☆♥•.¸
31 Dec 07, 08:28
Blazing inferno: •.¸¸.•♥☆´¨`☆♥•.¸ ¸.•` HAPPY NEW YEAR - 2008 ! ♥•.¸ ¸.••.¸¸.•♥☆´¨`☆♥•.¸
31 Dec 07, 08:11
ဟိန်းမောင်: ပျော်ရွှင်ဖွယ်ရာများဖြင့် အတိပြီးသော နှစ်သစ်ဖြစ်ပါစေ...။

31 Dec 07, 07:14
သားဖြူ: Hoping Nu Year..2008!

31 Dec 07, 07:10
မေပျို: ကိုရန်အောင်ရေ သဲစီဘောက်စ်ကို မဖတ်သွားဘူးသိလား။ ၀င်လည်း ကြည့်ဝူးနော်။

31 Dec 07, 06:42
thanhtut: ကိုရန်ရေ နှစ်သစ်မှာ အောင်မြင်မှုအပေါင်းနဲ့ပြည့်စုံပါစေ။ Happy newyear

31 Dec 07, 06:27
နေသွေးညို: http://www.icq.com/img/friendship/static/card_16961_rs.swf

31 Dec 07, 06:04
Alvin: မင်္ဂလာနှစ်သစ်ပါ ခင်ဗျာ... 恭賀您新年快乐

31 Dec 07, 05:43
ဂျစ်တူး: ရန်အောင်ရေ .. ၃၁ ဒီဇင်ဘာရက်များဟာ လာဖတ်ဦးဟေ့း)
31 Dec 07, 04:53
သဇင်ဏီ: နှစ်သစ်မှာ ပျော်ရွှင်ပါစေ.. အောင်မြင်မူတွေရရှိပါစေရှင့်

31 Dec 07, 04:43
thinker: ဟက်ပီးတဲ့ နယူးရီးယားပါ

31 Dec 07, 04:10
sint: Hi KO YAN AUNG HAPPY NEW YEAR PAR

31 Dec 07, 03:41
thamudaya: happy new year!!!!!!!
31 Dec 07, 01:49
Yan>: ကျွန်တော် Tag ထားတာကိုလည်း ရေးကြဦးနော့ ဖတ်မိသူတိုင်း၊ ဒီဆီဘောက်စ်ကို ၀င်ကြည့်သူတိုင်းလည်းပါတယ် ဟတ်ဟတ်. 31 DEC မှတ်တမ်းများပါတဲ့ဗျာ. ကျွန်တော်လည်း နက်ဖြန်ရေးပါဦးမယ် အိပ်ပြီဗျို့...
31 Dec 07, 01:48
Yan>: အားလုံးပဲ ပျော်ရွှင်ချမ်းမြေ့ကြပါစေခင်ဗျား ကျွန်တော်လည်း နှစ်ဟောင်းက Tag ကြွေးများကို ရှင်းလင်းခဲ့ပြီမို့ နှစ်ခြိုက်စွာ အိပ်စက်အနားယူပါတော့မယ်ဗျား... နောက်နေ့တွေ့မယ် တယ်ရင်းတို့ရေ. ဘိုင်....
31 Dec 07, 01:24
ပေါတာ: နှစ်သစ်မှာပျော်ရွှင်နိုင်ပါစေ။
31 Dec 07, 00:39
စိန်မမ: ညီမလာဘူးနော်စီဘောက်စ်ကို ဟီးး နှစ်သစ်မျာပျော် ရွှင်ပါစေ


30 Dec 07, 23:07
Smilemay: နှင်းစက်တွေနဲ့အတူဆောင်းရောက်ရင် ချစ်ရတဲ့သူတွေကို ခွဲခွာရတာများမယ်

30 Dec 07, 22:32
သိမ့်: ကိုရန်ရေနှစ်သစ်မှာပျော်ရွှင်ပါစေ။:D

30 Dec 07, 22:04
yamin: မောင်လေးရန်ရေ... အမ ရေးချင်တာတွေ ရမ်းသန်းပြီး ရေးပြီးကွ လာကြည့်ဦး ဟဲဟဲ


30 Dec 07, 21:12
မောင်လူအေး: Happy New Year In-Advance!!! ပျော်ရွှင်ဖွယ်ရာ နှစ်သစ်မင်္ဂလာ ဖြစ်ပါစေဗျာ...