မောဟစက္ခု

ရွေးချယ်မှုတွေကြားမှာ
ရှင်သန်လာခဲ့ရ ငါ့ဘ၀မှန်
ရံဖန်ရံခါ ပြတ်သားစွာ
ရံဖန်ရံခါ တွေဝေစွာ
ရံဖန်ရံခါ ၀မ်းမြောက်စွာ
ရံဖန်ရံခါ ဆို့နင့်စွာ
ရံဖန်ရံခါ လှိုက်မောစွာ
ရံဖန်ရံခါ နာကျည်းစွာ
ရံဖန်ရံခါ ဖြူစင်စွာ
ရံဖန်ရံခါ ညစ်နွမ်းစွာ
ရံဖန်ရံခါ တည်ငြိ်မ်စွာ
ရံဖန်ရံခါ တုန်လှုပ်စွာ
…
…
ဘာတွေငါဘယ်လိုမှားခဲ့မှန်ခဲ့
ငါရဲ့ရွေးချယ်မှုအတွက်
နေ့ရက်တွေကို နောက်ကြောင်းပြန်ခွင့်မရှိဘူး
ငါမလျှောက်ခဲ့တဲ့လမ်းမှာ ပန်းတွေပွင့်နေကြတယ်တဲ့
ပွင့်ကြပါစေကွာ
ငါပြန်မှမလာနိုင်တော့တာ
ငါလျှောက်နေတဲ့လမ်းမှာ ပန်းပင်တွေစိုက်နေတုန်းပဲ
အမုန်းတရားတွေနဲ့ကြည့်ရင်တော့
ဟော့ဟိုမှာ ရွှံ့အိုင်တွေကိုမင်းတွေ့မယ်
မြတ်နိုးခြင်းတွေနဲ့ငေးမောရင်တော့
ဟော…
ဟိုမှာ ပန်းတစ်ပွင့်ငွားစွင့်စွာ တင့်တယ်နေလေရဲ့…

တစ်ထောင့်တစ်ညချစ်သူများအကြောင်း... (၂)

၉ တန်းနှစ်မှာ ကျွန်တော် မမ တစ်ယောက်နဲ့ စတင်ဆုံဆည်းခဲ့ရပါတယ်. သူ့နာမည်ကိုတော့ မြတ်နိုးမေလို့ပဲ ခေါ်လိုက်ကြရအောင်ဗျာ..

အဲဒီ့မမနဲ့ စတွေ့ပုံကလည်း ရင်ခုန်စရာပါ. သူက အဲဒီ့မြို့လေးထဲမှာ အချောဆုံးစာရင်းဝင်သူ တစ်ယောက်ပေါ့. ဒါကြောင့်သူကလည်း ယောင်္ကျားလေးတစ်ယောက်ကို တွေ့တာနဲ့ အရမ်းသတိထားပြီး ဆက်ဆံတတ်တယ်. အဲဒီ့နေ့ကပေါ့ဗျာ…

အဲဒီ့နေ့က မိုးမရွာခဲ့ပါဘူး. လျှပ်စီးတွေလည်း မလက်ခဲ့ပါဘူး…

ကျွန်တော်စက်ဘီးဝယ်နိုင်ခဲ့ပါပြီ. အစ်မနဲ့ အမေစုဝယ်ပေးတဲ့ စက်ဘီးအနီရောင်လေးကို စီးလို့ အဖွားနေတဲ့ မြို့ထဲဖက်ကို ထွက်ခဲ့ပါတယ်. တောင်ကြီးက ကျွန်တော့်ရဲ့ ညီမ၀မ်းကွဲတွေ ရောက်နေတယ်ဆိုလို့ သွားလည်တာပါ.

အိမ်ထဲကိုဝင်တော့ သူတို့က ဘုရားသွားမလို့ လုပ်နေကြတယ်ဗျ. ရွှေမြင်တင်ဘုရားဆိုတာ မိတ္ထီလာမှာ ရှိသပေါ့ဗျာ. ဖြစ်ချင်တော့ မမမြတ်နိုးနဲ့ ကျွန်တော့်ညီမ၀မ်းကွဲတွေနဲ့က အိမ်ချင်းကပ်ရက်ဖြစ်နေတယ်. သူ့ကိုပါခေါ်ခဲ့မယ်ဆိုတော့ ကျွန်တော်လည်း ကောင်းသားပဲပေါ့

စက်ဘီးက ၃ စီးပါ. ကျွန်တော်တစ်စီး၊ ညီမ၀မ်းကွဲနှစ်ယောက်က တစ်စီး၊ မမမြတ်နိုးက တစ်စီးပေါ့ဗျာ. ဩော်. ပြောဖို့မေ့သွားတယ်. မမမြတ်နိုးရဲ့ပုံစံကိုပါ..
သူက ကျွန်တော့်ထက် ၂ နှစ်ကြီးတယ်. ကျွန်တော် ၉ တန်း၊ သူက ၁၀ တန်းပါ. သူက ကျောင်းတက်တာ တစ်နှစ်နောက်ကျသွားတယ်လို့ ပြောတယ်ဗျ. အဲဒါကြောင့် ၂ နှစ်ကြီးသွားတာပေါ့လေ. မမမြတ်နိုးက ဆံပင်အရှည်လေးကို သပ်သပ်ရပ်ရပ်လေး စည်းနှောင်ထားတတ်တယ်. သနပ်ခါးကို ခုံခုံမင်မင် လိမ်းတတ်တယ်. အလှသိပ်မပြင်ဘူး. ဒါပေမယ့် သူ့မျက်နှာလေးက တော်တော်လေးကို ရှင်းသန့်ပါတယ်. အရှက်ကြီးတယ်. အိနြေ္ဒကျက်သရေ တော်တော်လေးရှိတယ်ဗျ. ဒါကြောင့်လည်း လိုက်တဲ့အစ်ကိုကြီးတွေ အများကြီးပဲ. သူ့ကြောင့်ရန်ပွဲတွေလည်း ဖြစ်တတ်ကြတယ်. အဲလောက်ဆို သူ့အလှကို မြင်ပြီပေါ့နော်.

ညီမလေးက မိတ်ဆက်ပေးပါတယ်. ညီမလေးနာမည်က သဲသဲပါ. ဒါပေမယ့် သူက ကျွန်တော့်ကို နာမည်ရင်းပဲခေါ်ပါတယ်. အစ်ကိုတွေဘာတွေ မလုပ်ပါဘူး.

ရန်အောင်… ဒါမမြတ်နိုးတဲ့… မမ. ဒါက သဲသဲတို့ရဲ့ အစ်ကိုဝမ်းကွဲလေ. ရန်အောင်တဲ့..

ကျွန်တော်က ပုဆိုးခပ်တိုတိုဝတ်တတ်တယ်. ရှပ်အကျီင်္ကို စွဲစွဲမြဲမြဲဝတ်တတ်တယ်ဗျ. ဆံပင်ကိုလည်း ကြော့နေအောင်ဖီးထားတတ်တယ်. မျက်နှာကတော့ တင်းတယ်. ဒါကြောင့် မမမြတ်နိုး ကျွန်တော့်ကို ပြုံးပြတော့ ကျွန်တော်ခပ်တည်တည်ပဲ ခေါင်းညိတ်ပြီး

ဟုတ်. အစ်မ လို့ပဲ ပြောခဲ့တယ်.
(သူက နောက်ပိုင်း ပြန်ပြောပြတယ်. အဲဒီ့တုန်းက ကျွန်တော့်ကို အရမ်းအမြင်ကတ်တာပဲတဲ့. ဟတ်ဟတ်ဟတ်. အဲလိုအဲလို…)

ဒါနဲ့ပဲ ဘုရားသွားကြတာပေါ့ဗျာ.

ဘုရားမှာတော့ ထုံးစံအတိုင်း ပန်းလှူ၊ ရေသပ္ပါယ်၊ ဆီမီးထွန်းပေါ့. ပြီးတော့ သူတို့က ဗောဓိညောင်ထောက်ကြပါသေးတယ်. ကျွန်တော်ကလည်း စကားသိပ်မပြော၊ မမကလည်း စကားခပ်နည်းနည်းနဲ့ဆိုတော့ အူကြောင်ကြောင်ကြီးပေါ့ဗျာ. ဒါပေမယ့် မမတကယ်ကိုလှပါတယ်ဗျာ….

ကျွန်တော်တို့ စက်ဘီးစီးပြီး ပြန်လာတော့ ဆိုင်ကယ်နဲ့ အစ်ကိုကြီးတစ်ချို့ နောက်ပိုင်း ခပ်ခွာခွာက လိုက်လာကြပါတယ်. ကျွန်တော့်ကိုလည်း ဘုရှိုးတွေ ရှိုးနေတာပေါ့.

ကျွန်တော်ဆိုတဲ့ကောင်ကလည်း ရွဲ့တတ်တယ်ဗျ. အဲဒီ့မှာပဲ မမနားကို စက်ဘီးကပ်စီးပြီး စကားမရှိစကားရှာ ပြောတော့တာပဲ. သိတယ်မလား… မောင်နှမဘယ်နှစ်ယောက်လဲ.. ဘယ်အခန်းမှာလဲ. ၁၀ တန်းရောက်ရင် ဘယ်ကျူရှင်တွေတက်ရမလဲ ဘာညာကွိကွပေါ့ဗျာ…
ချွေးစေးတွေတော့ ပြန်နေခဲ့တယ်ဗျ. ပြောရရင် ကျွန်တော်အရမ်းရှက်တတ်တယ်ဗျ. မယုံလည်းနေပေါ့. ပြောပြတာပါ…

မြို့ထဲရောက်တော့ အဏ္ဏ၀ါအအေးဆိုင်မှာ ထိုင်ကြပါတယ်. ကျွန်တော်နဲ့ မမလည်း စကားတေပြောရင်း နည်းနည်း ရင်းနှီးသွားကြပါပြီ. နောက်ပိုင်း အိမ်ပြန်တယ်ပေါ့ဗျာ. မေ့မေ့ပျောက်ပျောက်ပါပဲ..

အဟမ်း…

နောက် ၂ ပတ်လောက်နေတော့ ကျွန်တော်ကျောင်းကိုအသွား တံတားပေါ်ကအဖြတ်၊ လမ်းဘေးမှာ စာအုပ်လေးပိုက်လို့ မမမြတ်နိုး ကျောင်းသွားနေတာ တွေ့လိုက်ပါတယ်. အဲဒါနဲ့ပဲ စက်ဘီးကို အရှိန်လေးလျှော့ပြီး ဘီးလှိမ့်ရုံလေးစီးပြီး ရုပ်ရှင်စရိုက်တာပေါ့ဗျာ… စကားပြောလေးနဲ့ပဲ ပြောသွားတော့မယ်နော်..

အစ်မ..

ဟင်.. ရန်အောင်.. ကျောင်းသွားမလို့လား..

ဟုတ်တယ် အစ်မ. အစ်မဘာလို့ စက်ဘီးမစီးတာလဲ..

စက်ဘီးက ချိန်းကြိုးပြတ်သွားလို့ စက်ဘီးပြင်ဆိုင်ပို့ထားတယ်.

ဒါဆိုလမ်းပဲလျှောက်မှာပေါ့

အင်းပေါ့. နီးနီးလေးပဲကို
(ငါနဲ့လိုက်ခဲ့လို့ ခေါ်ရင်ကောင်းမလား.. တော်ကြာငါ့ကို တစ်မျိုးထင်မှာလည်းစိုးတယ်. ဒီတိုင်းပဲကောင်းပါတယ်လေ)

နေ့ခင်း ထမင်းစားဆင်းတော့ရော လမ်းလျှောက်ပြန်မှာလား

မဟုတ်ဘူး. ဒီနေ့ ကျောင်းမှာပဲစားမှာ. ပြန်ဖို့ အဆင်မပြေဘူးလေ

ညနေပြန်တော့ရော ဘယ်လိုပြန်မှာလဲ

မောင်လေးဆိုင်ကယ်နဲ့လာကြိုလိမ့်မယ်

ဩော်..

မင်းသွားရင်သွားတော့လေ. တော်ကြာ ကျောင်းနောက်ကျနေဦးမယ်..

ရတယ် အစ်မ. အစ်မတစ်ယောက်ထဲ လမ်းလျှောက်နေတာ မကောင်းဘူးထင်လို့ပါ. ကျောင်းတက်ချိန်က အတူတူပဲကို အစ်မကလည်း

(အဲဒီ့အချိန်မှာ ကျွန်တော်က ဟတ်ခနဲရယ်၊ မမကလည်း ရယ်ပါတယ်. ရယ်မောခြင်းမှာ နီးစပ်ခြင်းတွေကို ဖြစ်ပေါ်စေခဲ့တာ အဲဒီ့တုန်းကသာ သိခဲ့ရင် မမကို မရယ်ရယ်အောင် လိုက်စနေခဲ့ပါတယ်ဗျာ….)

ဒီလိုနဲ့ ဟိုပြောဒီပြောနဲ့ ကျောင်းရောက်သွားခဲ့ပါတယ်. နောက်ပိုင်းမတွေ့တော့ပြန်ပါဘူး.


တစ်ရက်မှာပြန်တွေ့ပါတယ်.

....

ပြန်မတွေ့ခင် ဇာတ်လမ်းလေးတစ်ပုဒ် ပြောထားဦးမှ နားလည်မယ်ဗျ.

ကျွန်တော်က ၉ တန်းဆောင်ဖက်မှာ နေပါတယ်. တိုက်တိုက်ဆိုင်ဆိုင်ဗျာ. အတန်းပိုင်ဆရာမ နာမည်ကလည်း ဒေါ်မာမာအေးတဲ့. ဟတ်ဟတ်. တစ်ရက် မမ ကျွန်တော့်အခန်းရှေ့ကို ရောက်လာပါတယ်. အရမ်းအရမ်းကို အံ့အားသင့်သွားခဲ့တယ်ဗျာ.

ပြီးတော့မှ ဘယ်ဟုတ်မလဲ. ကျွန်တော့်အခန်းထဲက သူ့သူငယ်ချင်းကို လာရှာတာ. မထင်မှတ်ဘဲ ကျွန်တော်က သူ့သူငယ်ချင်းအခန်းနဲ့ တူနေတာကို သိသွားတယ်လေ. သူငယ်ချင်းဆိုတာ သူ့သူငယ်ချင်းရဲ့ ညီမပေါ့ဗျာ. ထားလိုက်ပါလေ.

အဲဒါနဲ့ ကျွန်တော်နဲ့ပါ ရပ်စကားပြောဖြစ်ခဲ့တယ်. ကျွန်တော်လည်း အရမ်းကို ပျော်နေခဲ့တာဗျ. မမကနာမည်ကြီးကိုး.. ကျွန်တော်ကရော…. အင်း.. ကျွန်တော်ကတော့ နည်းနည်းလေးတော့ နာမည်ရှိပါတယ်. ဒါထက်မပိုပါဘူး. မှတ်မှတ်ရရ မမပြန်သွားတဲ့နေ့က ကျွန်တော့်ကို သူငယ်ချင်းတွေက အတင်းဝိုင်းမေးကြပါတယ်. ကျွန်တော်ကလည်း မသိဘူးချည်းပဲ ဘူးခံတာပေါ့. ဘာလို့မိတ်ဆက်ပေးရမှာလဲနော်. သိချင်ရင်ကိုယ့်ဖာသာလိုက်ပေါ့. ဟတ်ဟတ်

နောက်ပိုင်း ကျွန်တော်လည်း ရဲစပြုလာပါတယ်. ကျောင်းသွားကျောင်းပြန် မမနဲ့တွေ့ရင် သူနဲ့ စက်ဘီးချင်းယှဉ်စီးပြီး ပြန်ပါတယ်. ဘယ်သူ့ကိုမှလည်း ဂရုမစိုက်တော့ပါဘူး. ဘာလို့ဂရုစိုက်ရမှာလဲလေ. မမတစ်ယောက်လုံးကိုယ့်ဖက်ရှိနေတာပဲကို…

မမလည်း ကျွန်တော့်အခန်းကို ခဏခဏလာလည်ပါတယ်. တစ်ရက်မှာ ကျွန်တော့်ပါးစပ်က အမှားတစ်ခုကျူးလွန်မိခဲ့ပါတယ်. ဘာလဲဆိုတော့ မမပြန်သွားပြီးနောက် သူငယ်ချင်းတွေက ထုံးစံအတိုင်း ၀ိုင်းစချိန်မှာ ကျွန်တော်က တစ်ခွန်းပြောမိသွားပါတယ်. တကယ်တော့နောက်မိတာပါ. သူငယ်ချင်းတွေက မေးတယ်လေ. ကျွန်တော်ကရော ၁၀ တန်းဆောင်ဖက်သွားမလည်ဘူးလားတဲ့. အဲဒါနဲ့ ကျွန်တော်က

ယောင်္ကျားကြိုက်တော့ မျှော်လိုက်တာ၊ မိန်းမကြိုက်တော့ စိုက်စိုက်လာ ဆိုပြီး ပြန်နောက်လိုက်မိပါတယ်.

ပြီးတော့လည်း မေ့မေ့ပျောက်ပျောက်နဲ့ပဲပေါ့.

နောက် နှစ်ရက်လောက်အကြာ ညနေခင်း ၆ နာရီလောက်မှာ ကျွန်တော့်ဆီကို မမရောက်လာခဲ့ပါတယ်. တစ်ယောက်တည်းတော့ မဟုတ်ခဲ့ပါဘူး. နှစ်ယောက်ပါ. သူရယ်၊ နောက်ထပ် အစ်မကြီးတစ်ယောက်ရယ်ပါ. ကျူရှင်ကအပြန်လှည့်ဝင်လာခဲ့တာတဲ့…

မျက်နှာက တင်းနေတော့ ကျွန်တော်အရမ်းလန့်သွားခဲ့တယ်. စကားပြောနဲ့ပဲ ပြောသွားတော့မယ်နော်.

ဟာ. အစ်မ. ဘယ်ကလှည့်လာတာလဲ..

မင်းဆီကိုတမင်လာတာ. မေးစရာရှိလို့

ဟုတ်. မေးပါ. ဘာဖြစ်လို့လဲ အစ်မ

ဟိုတစ်နေ့က တို့ပြန်သွားတော့ နောက်ပိုင်းမှာ မင်းက ယောင်္ကျားကြိုက်တော့ မျှော်လိုက်တာ၊ မိန်းမကြိုက်တော့ စိုက်စိုက်လာ ဆိုပြီးပြောနေတယ်ဆို..

ဗျာ. အစ်မကို ဘယ်သူပြောလို့လဲ

ဘယ်သူပြောလဲမမေးနဲ့. မင်းပြောလားမပြောလား တို့သိချင်တယ်.

(ကျွန်တော်ဘာပြန်ပြောရမလဲ. ဟုတ်တယ်ပြောလိုက်ရင်တော့ သွားပြီ. ကျွန်တော်နဲ့ မမနဲ့ လုံးဝကို ပြန်ဆက်လို့ မရတော့တာ သေချာသွားပြီ. အဲလိုအဖြစ်မခံနိုင်ဘူးဗျာ)

မဟုတ်ဘူးအစ်မ. ကျွန်တော်အဲဒီ့စကားပြောတာ ဟုတ်တယ်. ဒါပေမယ့် အစ်မကို ပြောတာ မဟုတ်ဘူး.

(အဲဒီ့အချိန်မှာ မမသူငယ်ချင်းက ပြောပါတယ်.)

မြတ်နိုး.. ပြန်ရအောင်ဟာ. ထားလိုက်ပါ..

(မမက မကြားချင်ယောင်ဆောင်ပြီး ကျွန်တော့်မျက်နှာကို စိုက်ကြည့်နေပါတယ်. အဲဒီ့လောက်ထိ စိတ်တိုနေတာ တစ်ခါမှ မမြင်ဖူးခဲ့ဘူးဗျာ)

ကျွန်တော်လည်း ဇွတ်ဘူးခံပြီး ငြင်းတာပေါ့

အစ်မကို ပြောတာမဟုတ်ပါဘူးဗျာ. ကျွန်တော်တို့ သူငယ်ချင်းတွေ အချင်းချင်း နောက်နေကြတာပါ. တိုက်ဆိုင်သွားတာပါဗျာ

ကျွန်တော့်ကို ခပ်တင်းတင်းတစ်ချက်စိုက်ကြည့်ရင်း…

မင်းကို တို့က မောင်လေးတစ်ယောက်လို ခင်လို့ လာလည်တာနော်. မင်းကအဲလိုမျိုး သဘောထားရင် နောက်ဘယ်တော့မှ မလာတော့ဘူး

ကျွန်တော်လည်း ခေါင်းကို ငိုက်ထားပြီး မရဲတရဲနဲ့ မျက်လုံးလှန်ကြည့်ပြီးတော့

ဟုတ်. အစ်မ. ကျွန်တော်နောက် သတိထားပါ့မယ် အစ်မ

လို့ လေသံခပ်တိုးတိုးလေးနဲ့ ပြန်ပြောခဲ့ပါတယ်.

…….

နောက်ပိုင်း မမတကယ်ကို မလာခဲ့တော့ပါဘူး. ကျွန်တော်သိပ်ကို ၀မ်းနည်းသွားခဲ့တယ်ဗျာ. သူမလာတော့မှ သူ့ကို ကျွန်တော်သံယောဇဉ် အရမ်းရှိနေခဲ့ပြီ ဆိုတာကို သိလိုက်ရတယ်. သူ့ရဲ့ဖုန်းနံပါတ်ကို ကြိုးစားရှာတယ်. ခေါ်တယ်. သူနဲ့မတွေ့ဘူး. သူ့အိမ်ရှေ့ကို မယောင်မလည်သွားတယ်. တစ်ခါတစ်လေ သူ့အရိပ်လေးကို မြင်တယ်. ဒါပေမယ့် သူကျွန်တော့်ကို မတွေ့ဘူး. ခံစားခဲ့လိုက်ရတာဗျာ.

ညဖက် ကျွန်တော့်ကျူရှင်က ၈ ခွဲမှာ ဆင်းပါတယ်. ပြီးရင် အိမ်မပြန်ဘဲနဲ့ သူ့အိမ်ဖက်ကို စက်ဘီးပတ်စီးပါတယ်. ဘဲလ်ကို ကလင်ကလင်လို့ တမင်တကာအသံပေးတီးခဲ့ပေမယ့် သူကတော့ မသိနိုင်ခဲ့ပါဘူး…

ဆက်ရန်…..

The Road Not Taken

Two roads diverged in a yellow wood,
And sorry I could not travel both
And be one traveler, long I stood
And looked down one as far as I could
To where it bent in the undergrowth;
Then took the other, as just as fair,
And having perhaps the better claim,
Because it was grassy and wanted wear;
Though as for that the passing there
Had worn them really about the same,
And both that morning equally lay
In leaves no step had trodden black.
Oh, I kept the first for another day!
Yet knowing how way leads on to way,
I doubted if I should ever come back.
I shall be telling this with a sigh
Somewhere ages and ages hence:
Two roads diverged in a wood, and I-
I took the one less traveled by,
And that has made all the difference.

Robert Frost

တစ်ထောင့်တစ်ညချစ်သူများအကြောင်း... (၁)

တကယ်ဆိုရင် ကျွန်တော်ဆိုတဲ့ကောင်ကလည်း မမဇာတ်လမ်းတွေ တော်တော်လုပ်ခဲ့တဲ့ကောင်ဗျ. မှတ်မှတ်ရရ ထားခဲ့သမျှ ရည်းစားတွေကို အချိုးချလိုက်ရင် မမတွေက ၈၅ % လောက်၊ ရွယ်တူတွေက ၅ % လောက်နဲ့ ညီမလေးတွေက ၁၀ % လောက်ပါခဲ့တယ်. ဘယ်လိုအချိုးချလဲ ဟုတ်လား… မမေးပါနဲ့ဗျာ. စကားပြောရတာ အမျှင်ပြတ်တယ်….

ရည်းစားဘယ်တုန်းက စထားလဲဟုတ်လား

ဟဲဟဲ.. ရှက်စရာကြီးဗျာ.
အင်…. အဟတ်ဟတ်… ဟီး… မပြောဘဲလည်း မနေနိုင်ဘူး…

(၅) တန်းနှစ်ကလေ ကျွန်တော်စစ်တွေမှာ နေတုန်းကပေါ့ အ.ထ.က (၄) မှာတက်ခဲ့ရတယ်. မနက်ခင်းဆိုရင် အတန်းပိုင်ဆရာမက Roll Call ခေါ်ရော… ရခိုင်သံဝဲ၀ဲလေးနဲ့ပေါ့…

ကျွန်တော်က ရှေ့ဆုံးတန်းကဆိုတော့ အရင်ဆုံး နာမည်ခေါ်ခံရတာပေါ့. ယောင်္ကျားလေးတွေ ခေါ်ပြီးတော့ ကောင်မလေးတွေဖက်ကို ဆက်ခေါ်ရော. တိုက်တိုက်ဆိုင်ဆိုင်ဗျာ. ကောင်မလေးတစ်ယောက်နာမည်ကလေ ခင်သီတာထွန်းတဲ့….

သူ့နာမည်လေးလည်း ခေါ်သံကြားရော ကျွန်တော့်ခေါင်းကို ဆတ်ခနဲလှည့်ကြည့်ရင်း သူရှိလောက်တဲ့ ထောင့်တစ်နေရာလေးကို အာနိုးကားထဲကလို မျက်လုံးကို တစ်တစ်တစ်တစ်နဲ့ Focus လုပ်ပစ်လိုက်ခဲ့တယ်.

Wow! Damn pretty! (အဲဒီ့တုန်းကတော့ ဒီလိုဘယ်ပြောမလဲနော်. ဟတ်ဟတ်)

မိုက်တယ်ကွာ. ချစ်စရာလေး… သူကလည်း ကျွန်တော့်ကို မထီတရီလေးနဲ့ ပြန်ကြည့်တယ်. ဒီဗမာကောင်လေးတော့ ငါ့ကို စိတ်ဝင်စားသွားပြီပေါ့လေ. ကျန်တာတွေတော့ ဆက်မပြောတော့ပါဘူးဗျာ.

ဟုတ်ကဲ့ ကျွန်တော် ငါးတန်းပါခင်ဗျာ…
အဲဒီ့တုန်းက အစ်ကိုက ၈ တန်းပါ. သူ့အခန်းကို သွားလည်တော့ သူတို့အခန်းထဲက အလှဆုံးအစ်မကြီး (အခုတော့ ဆရာဝန်ဖြစ်လို့ ကလေးတောင်ရနေပြီဆိုပဲ. ပြောပြတာပါ. Update update!) နဲ့ ကျွန်တော့်အစ်ကိုနဲ့က ဘာလိုလိုပေါ့ဗျာ. အဲဒီ့အစ်မကြီးက ကျွန်တော်လာလည်ရင် ကျွန်တော့်ကို ခေါင်းပုတ်ခြေပုတ်နဲ့ အရှက်ပြေစတတ်တယ်. အချဉ်ထုတ်တွေလည်း ကျွေးတယ်ဗျ. ကျွန်တော့်အစ်ကိုတော့မသိဘူး. ကျွန်တော်တော့ အချဉ်ထုတ်စားပြီး အဲဒီ့အစ်မကြီးကို စိုက်ကြည့်နေခဲ့တယ်လို့ အစ်ကိုက နောက်တော့ပြန်ပြောပြပါတယ်…

ဟုတ်. အဲဒီ့တုန်းက ငါးတန်းပါပဲ…

ဒီလိုနဲ့ ဟိုရောက်ဒီရောက်နဲ့ပေါ့ဗျာ. ရင်ခုန်လိုက် မေ့မေ့ပျောက်ပျောက်လေးဖြစ်သွားလိုက်နဲ့ပေါ့ ၈ တန်းနှစ်ကို ရောက်လာခဲ့ပါလေရော….

၈ တန်းနှစ်မှာ ကျွန်တော် မိတ္ထီလာမှာပေါ့. အဖေဆုံးပြီးတာ တစ်နှစ်ကျော်ကျော်လောက်ပဲ ရှိသေးတယ်လေ. အချစ်ဆိုတာ စိတ်မ၀င်စားခဲ့ဘူး.. (တကယ်တော့ မ၀င်စားချင်ယောင်ဆောင်ခဲ့တာပါဗျာ. ဟတ်ဟတ်) ကျောင်းသွား၊ အိမ်ပြန်၊ စွန်လွှတ်၊ စက်ဘီးနဲ့မြို့ထဲလျှောက်ပတ်စီး၊ သူငယ်ချင်းတွေနဲ့ ကန်ဘောင်ထိပ်မှာ ဘူးသီးကြော်စား၊ လက်ဖက်ရည်ဆိုင်ထိုင်၊ ဗိုက်အစာကျွေး၊ မျက်စိအစာကျွေးနဲ့ ၈ တန်းနှစ်မှာ မှတ်မှတ်ရရ ရည်းစားမရခဲ့ဘူး. ဒါပေမယ့် စိတ်ဝင်စားခဲ့တာတော့ ရှိတာပေါ့. ၇ တန်းအခန်းထဲက ဆံပင်ဖြောင့်ဖြောင့်နဲ့ ညီမလေးကိုလေ…

သူနဲ့ဖြစ်ပုံကလည်း အဆန်းသားလား. တစ်ရက်မှာ ဆရာမက အခန်းထဲမှာ သင်္ချာပုစ္ဆာတစ်ပုဒ်မေးပါတယ်. Trapezian ရဲ့ Formula ကိုသိမှ တွက်လို့ ရမှာပါ. ကျွန်တော်လည်း မသိတော့ဘူး မေ့ကုန်ပြီ. ဘယ်သူမှလည်း မသိကြတော့ဘူး. အဲဒီ့မှာ ဆရာမက ပွဲကြမ်းပါလေရောဗျာ.

မင်းတို့တွေမရှက်ဘူးလား ဘာလားညာလားပေါ့. ကျွန်တော်ကလည်း အတန်းထဲမှာ အတော်ဆုံးဆိုပြီး အားလုံးက ထင်ထားကြတာ တကယ်တော့ မြွေဖမ်းနေခဲ့တယ်လေ. မြွေခြောက်ကိုက်တယ်ဆိုတာ အဲဒါပေါ့ဗျာ. ဒါနဲ့ပဲ ဆရာမက ဆက်ပြောပါတယ်.

သွား. ရန်အောင်. ခုနစ်တန်းအခန်းထဲက မင်းကြိုက်တဲ့သူတစ်ယောက်ယောက်ကို သွားခေါ်ခဲ့. သူ့ကိုတွက်ပြခိုင်းမယ်. သူတွက်လို့ရရင် မင်းတို့တွေကို နားရွက်ဆွဲခိုင်းမယ်..

ကျွန်တော်လည်း အူကြောင်ကြောင်နဲ့ ခုနစ်တန်းအခန်းကို လာခဲ့ရပါတယ်. အတန်းထဲမှာ ဆရာမစာသင်နေတော့ ခွင့်တောင်းရပါတယ်. ပြီးတော့ အားလုံးကြားအောင် အသံမြှင့်ပြီး

‘ဆရာမ ဒေါ်တင်တင်ဝင်းက ဒီအခန်းထဲမှာ သင်္ချာအတော်ဆုံးကျောင်းသားကျောင်းသူ တစ်ယောက်ယောက်ကို ခေါ်ခိုင်းလိုက်ပါတယ်. အဲဒါတစ်ယောက်ယောက် လိုက်ခဲ့ပေးပါ´ ပေါ့…


လူဆိုတာကလည်း တော်တယ်တတ်တယ်ဆိုရင်တောင် ရှေ့ထွက်ရဲတဲ့ သတ္တိလူတိုင်းမှာ မရှိဘူးဗျ.

ဘယ်သူမှထွက်မလာကြဘူးဗျာ. ကျွန်တော်လည်း လူပျိုပေါက်စ ရှက်တာပေါ့ဗျာ. မျက်နှာဆိုတာ စတော်ဗယ်ရီသီးမီးဖိုပေါ်တင်ပြီး အပေါ်က Diamond ဆေးအနီရောင်လောင်းချထားသလိုပဲ. အဲဒီ့မှာပဲ မထင်မှတ်တာတစ်ခုဖြစ်သွားခဲ့တယ်.

မိန်းကလေးတစ်ယောက် ထိုင်ခုံကထတယ်. သူ့ဆံပင်လေးကို သပ်တင်ပြီး ဆရာမကို လက်ညှိုးလေး နှုတ်ခမ်းမှာကပ်လို့ ခွင့်တောင်းတယ်. ပြီးတော့ နောက်ကိုချာခနဲလှည့်ပြီး ကျွန်တော့်ကို စိုက်ကြည့်တယ်. မျက်လုံးချင်းစကားပြောခဲ့ကြပါတယ်. သူလိုက်ခဲ့မယ်ပေါ့.

အိုး…. ရင်တွေခုန်လိုက်တာဗျာ.

ထက်မြက်တဲ့ဟန်ပန်၊ စူးရှတဲ့မျက်လုံး၊ ပြုံးမယောင်မျက်နှာပေးနဲ့ ကျွန်တော့်ဆီကို တန်းတန်းမတ်မတ်လျှောက်လာခဲ့တယ်.

ကျွန်တော်လည်း အယောင်ယောင်အမှားမှားနဲ့ပေါ့. အခုလိုမျိုးလည်း အတွေ့အကြုံက မရင့်ကျက်ခဲ့သေးဘူးလေ. (ဟဲဟဲ. ကြုံတုန်းလေးကြွားတာပါ.)

အဲဒီ့တုန်းက ဘယ်လိုဘယ်လို ၈ တန်းဆောင်ဖက် ပြန်ရောက်ခဲ့သလဲမသိတော့ဘူး. ကံဆိုးလွန်းစွာနဲ့ပဲ အဲဒီ့ကောင်မလေးက ကျွန်တော်တို့ တွက်မရတဲ့ Blackboard ပေါ်က ပုစ္ဆာကို ဒိုးဒိုးဒေါက်ဒေါက်နဲ့ တွက်ပြသွားခဲ့ပါတယ်.

ရှက်လိုက်တာဗျာ…. ခေါင်းကိုမဖော်ရဲဘူး. တစ်တန်းလုံးငြိမ်နေတာပဲ. ပိုရှက်စရာကောင်းတာက အဲဒီ့ကောင်မလေးကို ကျွန်တော့်နားရွက်ဆွဲခိုင်းတယ်…

ကောင်မလေးကလည်း ရှက်ကိုးရှက်ကန်းလေးနဲ့ ရယ်ပြီး ကျွန်တော့်နားရွက်ကို မရဲတရဲလေးအကိုင်...

ကျွန်တော်ကခေါင်းလေးကို အသာငုံ့ပေး…

ရှယ်နယ်ဖိုက်ရေမွှေးနံ့လေးက သင်းခနဲဖြစ်…

သူမလက်ဖျားအေးအေးလေးက လာထိ…

အိုး…

ဖလက်ရှ်….

ဓာတ်ပုံရိုက်တာမဟုတ်ပါဘူး… မျက်စိထဲမှာ ကြယ်တွေလတွေမြင်သွားတာကို ပုံပေါ်အောင်ပြောပြတာပါ..

အဟမ်း…. အဲလောက်ပါပဲဗျာ…

နောက်ရက်ကျတော့ ဘာရယ်မသိ…

ကျွန်တော်တစ်ယောက် ၈ တန်းဆောင်ဖက်ကနေ ၇ တန်းဆောင်ဖက်ကို ငေးကြည့်လိုကြည့်၊ မုန့်စားဆင်းချိန်မှာ ယောင်တောင်တောင်နဲ့ သူလေးနဲ့ မျက်လုံးချင်းဆုံမိအောင် ကြိုးစားနဲ့ပေါ့…

အတွေ့အကြုံမရှိခဲ့သလို ဘာလုပ်ရမှန်းလည်း မသိခဲ့တဲ့ အူကြောင်ကြောင် အချစ်ဇာတ်လမ်းလေးတစ်ပုဒ်ပေါ့…

သေချာတာကတော့ ကျွန်တော်ရင်ခုန်ခဲ့မိတယ်…. ချစ်မချစ်တော့မသိခဲ့ဘူး…

ပိုသေချာတာကတော့ နောက်ပိုင်းတွေမှာလည်း ကျွန်တော်အကြိမ်ကြိမ် ရင်တွေခုန်တတ်လာခဲ့တယ်ဗျာ….

၈ တန်းနှစ်မှာ ကျွန်တော် ကျူရှင်စတက်ခဲ့တာပေါ့. အဲဒီ့မှာ ကျွန်တော်နေတဲ့နေရာကနေ ကျူရှင်ကို လမ်းလျှောက်သွားရတယ်. စက်ဘီးမ၀ယ်နိုင်ခဲ့သေးဘူးဗျာ. တကယ်ပြောတာပါ. ကျွန်တော့်အစ်မက ၀န်ထမ်းလစာလေးနဲ့ ကျွန်တော်နဲ့အမေကို ကျွေးထားတာ. လောက်ငှရုံလေးပါ. ထားလိုက်ပါလေ. ကျွန်တော်လမ်းလျှောက်ပြီး ကျူရှင်တက်တယ်. အဲဒီ့မှာ သူငယ်ချင်းမလေး နှစ်ယောက်နဲ့ အတူတက်ဖြစ်ခဲ့တယ်ဗျ

သူတို့ကရှေ့ကလမ်းလျှောက်၊ ကျွန်တော်က နောက်ခပ်ခွာခွာလေးကလိုက်ပေါ့ဗျာ. သိပ်မကပ်ရဲခဲ့ဘူး. ကျွန်တော်အရမ်းရှက်တတ်လို့ပါ. မိန်းကလေးတွေနဲ့တွေ့ရင် အိုးတို့အန်းတန်း သိပ်ဖြစ်တယ်ဗျ. တကယ်ပါ. အဲဒါကို ဘယ်လိုရအောင် ဖျောက်ခဲ့လဲ ဆိုတာကိုလည်း ပြောပြသွားပါမယ်. Adventures တွေပါပဲဗျာ.

အဲဒီ့သူငယ်ချင်းမလေးနာမည်ကို ဖြိုးလို့ပဲ နာမည်ပေးလိုက်ရအောင်နော်.

သူက သွားတက်လေးနဲ့ ချစ်စရာလေး. စာလည်းအရမ်းတော်တယ်. စာပြိုင်ဖက်တွေပေါ့ဗျာ. ကျူရှင်ရောက်ရင် ဆရာမကလည်း အပြိုင်စာမေးတာပဲ. သူ့ကြောင့် ကျွန်တော်စာပိုကျက်ဖြစ်ခဲ့တယ်. ဒါပေမယ့် ကျွန်တော်သူနဲ့ စကားကောင်းကောင်းမပြောခဲ့ဖူးဘူး. တစ်ခါတစ်လေ သူ့အမှတ်တွေသိပ်ကောင်းနေရင် ပိုဆိုးတယ်. သူ့နောက်ကနေလိုက်ရင်း သူ့အရိပ်ကို ကျွန်တော်လိုက်နင်းနေခဲ့မိတယ်. ငါနင့်ထက်သာရမယ် ဆိုပြီးတော့လည်း စိတ်ထဲက အကြိမ်ကြိမ် ကြုံးဝါးခဲ့ဖူးလေရဲ့….

ဒါပေမယ့် ကျွန်တော်သူ့ကို သံယောဇဉ်တော့ အရှိသား….

ကျူရှင်မှာ ဆရာမရဲ့ တူမနဲ့ ကျွန်တော်တို့က တစ်တန်းတည်းလေ… သူလေးကလည်း ကျွန်တော့်ကို favor ပေးတယ်ဗျ. ဟတ်ဟတ်. ခက်တာက ကျွန်တော်ကလေ အမဲလိုက်နည်းမသိခဲ့တဲ့ ကျားတစ်ကောင်လိုပဲ မာန်သာဖီနေခဲ့တယ်. သားကောင်တစ်ကောင်မှ မရခဲ့ဖူးဘူး. ဒီကြားထဲ ရှက်တတ်တော့ ပိုဆိုးတယ်ဗျာ

သူလေးနဲ့ မျက်လုံးချင်းဆုံ၊ စိုက်ကြည့်၊ ပြီးတော့ ကိုယ်ကပဲ မျက်နှာစလွှဲခဲ့တာ. ဘာမှလည်း ဖြစ်မြောက်အောင်မချဉ်းကပ်ခဲ့ဘူး. ချဉ်းကပ်နည်းတွေလည်း မတတ်ကျွမ်းခဲ့ဘူး.

နှမြောလိုက်တာ. ဟတ်ဟတ်ဟတ်

---

တကယ်တော့ ၈ တန်းနှစ်က အူလည်လည်နဲ့ ပြီးသွားခဲ့ပါတယ်. တစ်ခုတော့သိလိုက်တယ်. မရယ်ပါနဲ့နော်. ရယ်ချင်လည်းရယ်ပါဗျာ. ရယ်ပါ.

ကျွန်တော့်ကို စိတ်ဝင်စားတဲ့ မိန်းကလေးတစ်ချို့ ရှိနေပါလားဆိုပြီး ကျွန်တော် လူပျိုစိတ်စပေါက်လာခဲ့တယ်…

အဲဒီ့တုန်းက ကျွန်တော်သွားလေ့ရှိတာကတော့ မိတ္ထီလာဈေးကြီးနားက စာအုပ်ဆိုင်တွေပါပဲ. အဲဒီ့ကနေ စာအုပ်တစ်အုပ်ကို ပိုက်ဆံစုပြီး ၀ယ်ခဲ့တယ်.

ပီမိုးနင်းရဲ့ လူပျိုဂုဏ်ရည်ဆိုလားပဲ… (နာမည်မှားရင်ခွင့်လွှတ်ဗျာ. အဲဒီ့နာမည်ဆင်ဆင်လေးပဲ. မှန်ချင်လည်းမှန်နိုင်တယ်.)

အဲဒါကိုဖတ်ပြီး ချစ်နည်းများကို စသင်ယူခဲ့ပါတော့တယ်. သူငယ်ချင်းများ၊ နောင်တော်ကြီးများကိုလည်း မေးစမ်းနဲ့ပေါ့ဗျာ.

….

၉ တန်းနှစ်မှာ ကျွန်တော် အ.လ.က ကျောင်းကနေ အ.ထ.က ကျောင်းကို စပြောင်းခဲ့ရပါတယ်. အဲဒီ့ကျောင်းမှာ ကျွန်တော့်ဘ၀ရဲ့ အမှတ်တရ မော်ကွန်းတွေကို စတင်ရေးထိုးဖြစ်ခဲ့တယ်ဗျ. နောက်ပိုင်းဇာတ်လမ်းတွေမှာ ကျွန်တော်နဲ့ စာပြိုင်ဖက်တွေအကြောင်း ထည့်ရေးထားတယ်. အဲဒါကို ကိုယ်ရည်သွေးတယ်လို့ တစ်ချို့နေရာတွေမှာ မြင်မိကောင်းမြင်မိပါလိမ့်မယ်. ဒါပေမယ့် ကျွန်တော့်ရဲ့ Autobiography အနေနဲ့ စစ်မှန်စွာ ရေးသားချင်လို့ ခွင့်ပြုပါ. နာမည်တွေကိုတော့ ပြောင်းရေးသွားပါမယ်…

တကယ်ဆို ကျွန်တော်က လူမှုဆက်ဆံရေး အင်မတန်မှ ညံ့ဖျင်းတဲ့ လူတစ်ယောက်ပါလို့ ပြောရင် ခင်ဗျားတို့အားလုံး ယုံကြမှာ မဟုတ်ဘူး….

ဟုတ်တယ်.

ကျွန်တော်ဆက်ဆံရေးသိပ်ညံ့တယ်.

စာပဲ… ကျွန်တော့်ခေါင်းထဲမှာ စာကလွဲရင် ဘာကိုမှ ထည့်မထားခဲ့ဘူး. ကျွန်တော့်ဘ၀နိမ့်ကျနေတာကို ပညာနဲ့ပြန်မြှင့်မယ်ဆိုတဲ့ ဘ၀င်နိမ့်စိတ်ကိန်းအောင်းနေခဲ့တယ်. Sense of inferiority ပေါ့ဗျာ. ဒါကြောင့်လည်း လူတွေနဲ့ ကင်းကွာခဲ့တယ်ဗျာ. အဖေမရှိတော့တဲ့ မိသားစုမှာ ပေါင်းသင်းဆက်ဆံရေးနယ်ပယ်လည်း တော်တော်ကျဉ်းမြောင်းသွားခဲ့တယ်လေ. ၀န်ထမ်းမိသားစုဆိုတော့ ဒီအိမ်ဒီမိသားစုအချင်းချင်းပဲ ဆက်ဆံဖြစ်ခဲ့တယ်.

ဒီနေ့ ရန်အောင် ဘယ်လိုလူစားလဲဆိုတာကိုတော့ ခင်ဗျားတို့ အားလုံးအသိပါပဲ. ကျွန်တော်ဝန်ခံပါတယ်. ကျွန်တော့်ရဲ့ ပြောင်းလဲမှုဖြစ်စဉ်တွေကို ကျွန်တော်ကိုယ်တိုင် စိတ်ဝင်စားခဲ့ရပါတယ်…

ကျွန်တော့်ဘ၀မှာ အချစ်ငတ်ခဲ့ရတယ်. ဒါကြောင့် ကျွန်တော့်မှာ အချစ်နဲ့ပတ်သက်တဲ့ ဇာတ်လမ်းတွေ အများကြီး ပေါ်ထွက်ခဲ့တယ်. တစ်ခုတော့ ကျွန်တော်ပြောရဲတယ်. ကျွန်တော်ဘယ်သူ့ကိုမှ မဖျက်ဆီးခဲ့ဖူးဘူး… အဲဒါယောင်္ကျားစကားပဲ…

ဆက်ရန်....

အကြိုက်ဆုံးပို့စ် (၅) ခု Tag Game

ကဲကဲ… အကြွေးဆပ်ရပေတော့မယ်ဗျာ…

ဟတ်ဟတ်. တစ်မျိုးမထင်ပါနဲ့ဦး. Credit History အားလုံး ကင်းရှင်းတယ်. အခုဟာက ဘုရင့်နောင် နဲ့ ကန်စွန်းဥလေး တို့က ကျွန်တော့်ကို Tag ထားကြပါတယ်. ရေးခဲ့သမျှထဲက အကြိုက်ဆုံးပို့စ် (၅)ခုကို ရွေးချယ်ပါ. ပြီးတော့ နီးစပ်ရာလူကို ပြန်ဒုက္ခပေးပြီး Tag ပါတဲ့ဗျာ..

အဲဒါနဲ့ပဲ မာတိကာကို ပြန်ဖွင့်.. (အခုလိုမျိုးကျတော့လည်း မာတိကာလေးတပ်ထားတာ တယ်အသုံးဝင်သကိုး…) အကြိုက်ဆုံးပို့စ် (၅) ခုကို ဂလိုဂလို ရွေးချယ်လိုက်ပါတယ် ခင်ဗျာ.

(၁) သခင့်ထံပါးမှ ထာဝရချစ်သူ
(၂) ချစ်သောအိမ်လေးနှင့်နောက်ဆုံးတစ်ညတာ
(၃) အလင်းတန်း
(၄) ရင်ထဲမှာရွာနေတဲ့မိုး
(၅) ငါအသက်ရှင်နေသရွေ့

တို့ပဲ ဖြစ်ပါတယ်.

ပြန်ပြီး Tag လုပ်ချင်သူများကတော့ ဟဲဟဲဟဲ...

(၁) ကိုမင်းကျော်
(၂) ကလိုစေးထူး
(၃) နေဘုန်းလတ်
(၄) ဇင်ကိုလတ်
(၅) အစ်မမေငြိမ်း
(၆) အစ်မခင်မင်းဇော်
(၇) မေဓာဝီ
(၈) အိမ့်ချမ်းမြေ့
(၉) OppositeEye
(၁၀)မျှားပြာ
(၁၁)ကိုစိုးထက် တို့ပဲဖြစ်ပါတယ် ခင်ဗျား....

အားရင်ရေးပေးကြပါ. မအားရင်လည်း ရေးဖြစ်အောင်ရေးပေးကြပါ. မရေးပေးသေးသမျှ လာပြီး ဂျစ်တိုက်နေပါမယ်လို့လည်း အသိပေးလိုက်ပါတယ်ခင်ဗျား...

ဟတ်ဟတ်ဟတ်...

ဒါပဲ. ဖုန်းချလိုက်ပြီ. ဂလောက်...

လရောင်လမ်းပြ

တဆိတ်လောက်မင်းရဲ့တံခါးကိုဖွင့်ပေးပါ
အဝေးကြီးကလာခဲ့ရသူမောလှပြီ
ရောချလိုက်တဲ့ အတွေးအခေါ်တွေရဲ့
မျက်မှန်လည်းကွဲကြေတော့မယ်
ငါ့အစွဲတွေကို ပြက်ရယ်မပြုပါနဲ့နော်
ယူတိုးပီးယားကို မက်မောလို့တော့ မဟုတ်ပါဘူး
အောက်ကျုိ့တာလူမပိပေမယ့် မာနထိတယ်
ရိသဲ့သဲ့မင်းအပြုံးတွေကို မဖုံးကွယ်ပါနဲ့
ဆုံးရှုံးတိုင်း ငိုကြွေးခဲ့ရရင်
မျက်ရည်ကြယ်စင်တွေ ခန်းခြောက်တာကြာပေါ့
လောကမာယာကို အကုန်မတတ်သေးပေမယ့်
တစ်ပွဲတိုးဆေးတွေကိုတော့ ငါမမှီဝဲသေးဘူး
ပျိုးပင်တွေတောင် အားယူနေကြပြီ
ဒီရာသီအမှီငါမတ်တပ်ရပ်ရဦးမယ်လေ
လက်ဖျစ်ကိုတစ်ချက်အခတ်မှာ
ငါ့ရဲ့ရက်စွဲတွေလက်ခနဲဖြစ်သွားတယ်….



ရက်စက်စွာမှောင်မိုက်နေပေမယ့်
ဒီတောင်စွယ်အလွန်မှာ လရောင်ရေးရေးလေးရှိသေးတယ်
ဘ၀ကယုံကြည်စွာပေးအပ်ခဲ့တဲ့ ငါ့ရဲ့လှေငယ်ကို
အပိုအလိုမရှိ ပဲ့ပြင်ရင်း ရှေ့ကိုမျှော်
တက်နေရာမှာ ငါလက်ထိုးလှော်မယ်
မိုးသားတွေထပ်မတက်ခင်
ဒီသောင်ပြင်ကို ငါစွန့်ခွာခဲ့တာ
ကြယ်တာရာတွေ ခူးဆွတ်ချင်လို့ပေါ့……
လရောင်ရေ...
ကြင်နာစွာလမ်းပြပါနော်...



ယူတိုးပီးယား = Utopia = An Ideal Society


(ရေခဲငှက်)

Peekaboo Sidebar လုပ်နည်း

အားလုံးပဲ မင်္ဂလာပါခင်ဗျာ.

ကျွန်တော်လည်း နေရာသစ်မှာ အသားကျအောင် နေနေရတာရယ်၊ အင်တာနက် မရတစ်ရက် ရတစ်ရက်ဖြစ်နေတာရယ်ကြောင့် ပို့စ်တွေ မရေးဖြစ်ခဲ့ဘူး. အခုတော့ ပြန်ရေးဖြစ်ပါပြီ. ရေးစရာပို့စ်တွေ အများကြီးရှိနေတဲ့အထဲကမှ အသုံးဝင်မယ့် ဘလော့ဂ်အထောက်အကူပြုပို့စ်လေး တစ်ခုနဲ့ပဲ ကျွန်တော့်ရဲ့ idle status ကို ပြန်ချေဖျက်လိုက်ပါရစေ…

ဒါကတော့ Peekaboo Sidebar လုပ်နည်းလေးပါ. ကျွန်တော့်ဘလော့ဂ်ရဲ့ ဘေးနားမှာ My Links တို့ Red links တို့ ရှိပါတယ်. စမ်းကြည့်ပါခင်ဗျာ. ကြိုက်တယ်နော်. အိုကေ. ဒါဆို ဘယ်လိုလုပ်ရလဲ ပြောပြမယ်.

ဂလိုလုပ်ပါခင်ဗျာ..

အဆင့် (၃) ဆင့်ပါပါတယ်.

အဆင့် (၁)

ပထမဦးဆုံး ဒီစာကြောင်းလေး နှစ်ကြောင်းကို style sheet ထဲမှာ ထည့်ပေးပါခင်ဗျာ. Style Sheet ဆိုတာကတော့ ]]></b:skin> ဆိုတဲ့ စာကြောင်းလေး မတွေ့မချင်းအထိ အပိုင်းကို ခေါ်ပါတယ်. ဒါကြောင့် အဆင်ပြေတဲ့ တစ်နေရာရာမှာ အခုလို ထည့်လိုက်နိုင်ပါတယ် ခင်ဗျာ. အပေါ်က ရေးထားတဲ့ /* Peekaboo Sidebar …. */ ဆိုတာက ပြန်ရှာရလွယ်အောင် လုပ်ထားတာပါ. ဘာမှ အကျိုးသက်ရောက်မှုမရှိပါဘူး.

/* Peekaboo Sidebar
------------------------------------- */
.commenthidden {display:none}
.commentshown {display:inline}

အဆင့် (၂)

ဒုတိယအဆင့်မှာတော့ ဒီ script လေးတွေကို </head> tag မဆုံးခင်လေးမှာ ထည့်ပေးပါ.

<script type="text/Javascript">
function togglecomments (postid) {
var whichpost = document.getElementById(postid);
if (whichpost.className=="commentshown") { whichpost.className="commenthidden"; } else { whichpost.className="commentshown"; }
} </script>

အဆင့် (၃)

ဒါဆိုရင် coding အပိုင်းမှာ တော်တော်လေး ပြီးသွားပါပြီ. အခုလုပ်မှာကတော့ ကိုယ်ထည့်မယ့် လင့်ခ်လေးတွေပါပဲ. New Blogger Template အတွက်ရော Classic Template အတွက်ပါ သုံးလို့ရပါတယ်. New Blogger ဆိုရင်တော့ Add a page element> HTML/Java Script ကို ရွေးပါ. Classic ဆိုရင်တော့ ဒီတိုင်းပဲ ထည့်ပါခင်ဗျာ.

<a aiotitle="click to expand" href="javascript:togglecomments('YouNameIt')">Title</a><br />
<div class="commenthidden" id="YouNameIt">
<ul>
<li><a href="http://www.google.com">Google</a></li>
<li><a href="http://www.gmail.com">Gmail</a></li>
</ul>
</div>

YouNameIt ဆိုတာကတော့ ကိုယ်ပေးချင်တဲ့ နာမည်ပေးတာကို ဆိုလိုတာပါ. သူတို့ (၂)ခုက တူရပါမယ်ခင်ဗျာ.

ဥပမာကိုကြည့်ရင် ပိုရှင်းသွားပါလိမ့်မယ်.

Example:

<a aiotitle="click to expand" href="javascript:togglecomments('Zawgyi')"><span style="color:red;">+/- Zawgyi ရယူရန်</span></a><br/><br/>
<div id="Zawgyi" class="commenthidden">
<ul>

<li>
<a href="http://www.fileden.com/files/2007/2/17/784534/Zawgyi-One-20051130.ttf "><
img border="0" src="http://static.flickr.com/40/74230378_f794a1e17a_m.jpg"/></a></li>
<li><a href="http://www.fileden.com/files/2007/2/17/784534/ZawgyiKb_installer_I.zip"> Zawgyi Keyboard Installer</a></li>

<li><a href="http://www.fileden.com/files/2007/2/17/784534/zawgyi_keyboard_map0_4.gif">Zawgyi Keyboard Layout</a></li>

</ul>
</div>

ဒါပါပဲခင်ဗျာ.

+/- Zawgyi ရယူရန် ဆိုတာက အရိုးရှင်းဆုံးလုပ်ထားတာပါ. Graphic ကျွမ်းကျင်သူများကတော့ ပုံလေးတွေ အစားထိုးပြီး ပိုလှအောင်ဖန်တီးယူနိုင်ပါတယ် ခင်ဗျာ..

အားလုံးပဲ ပျော်ရွှင်ချမ်းမြေ့စွာ ဘလော့ဂင်းနိုင်ကြပါစေ…

ဒီနေရာက ပို့စ်လေးကို သင့်တော်သလို ဘာသာပြန်ပါတယ်ခင်ဗျာ.

Template Width ချဲ့နည်း

Template Width ချဲ့နည်းကို helpdesk မှာ တင်ထားပါပြီ. ဒီနေရာမှာ သွားဖတ်နိုင်ပါတယ် ခင်ဗျာ.

သွေးဆာတဲ့ပန်း…

ပြတင်းတံခါးကို ခဏလောက်ပိတ်ထားပေးပါ
စိတ်တွေနယ်လွန်နေလို့
ငါမွှန်ထူနေခဲ့ပြီလား
ရင်ထဲမှာထင့်ခနဲဖြစ်
မျက်လုံးကိုဖွင့်ကြည့်တော့
ငါ့ရဲ့ ဖြူစင်မှုတွေ ငါ့ရှေ့မှာ ခေါင်းငုံ့နေကြတယ်…




အလင်းများကို ခဏလောက် ရုပ်သိမ်းပေးပါ
မျက်လုံးစိမ်းတွေကို ရင်မဆိုင်ရဲလို့
ငါယိုင်နဲ့နေခဲ့ပြီလား
အတ္တတွေအလန့်တကြားဖြစ်
ကိုယ့်ကိုယ်ကိုပြန်ဆန်းစစ်ကြည့်တော့
ငါ့ရဲ့အလွမ်းတွေ ငါ့ရှေ့မှာ ပြန့်ကြဲနေကြတယ်…



ချစ်ခြင်းတရားတွေ ခဏလောက်မျှဝေပေးပါ
ငါနေရမှာ တိုတောင်းလွန်းလို့
ကွန်းခိုရာပျောက်ဆုံးနေခဲ့ပြီလား
အရှုံးတွေနဲ့ ငါကျန်ရစ်
မှန်ထဲမှာ ငါ့ကိုယ်ငါပြန်ကြည့်ဖြစ်တော့
ငါ့ရဲ့ နှလုံးသားမှာ သွေးစွန်းနေတယ်



စာနာမှုတွေ ခဏလောက်ရှေ့တန်းတင်ပေးပါ
ဘ၀င်မကျနိုင်လွန်းလို့
ပြိုင်ဆိုင်မှုတွေနဲ့ အချစ်ကိုအရောင်ဆိုးချင်တာလား
ရိုးရိုးလေးနဲ့ပဲ ထားခဲ့ပါ
အားနာတယ်ဆိုတဲ့ စကားလေးတောင် မပြောခဲ့နဲ့နော်
မင်းရဲ့ဘ၀အမောတွေ တဒင်္ဂချွေးသိပ်နိုင်ဖို့
နီစွေးနေတဲ့ ငါ့နှလုံးသားထဲက အနမ်းပန်းလေးတွေ ကြဲချခဲ့မယ်
ရှေ့ဆက်လန်းဆန်းပါစေ ပန်းလေးတစ်ပွင့်ရယ်…




(ရေခဲငှက်)

Blogger တို့အတွက် Helpdesk လာပြီ...

အားလုံးပဲ မင်္ဂလာပါ ခင်ဗျာ. ဒီတစ်ခါကတော့ ဘလော့ဂ်မိတ်ဆက်ပွဲလေးပါ. ဒီဘလော့ဂ်လေးကို လုပ်မယ်လုပ်မယ်နဲ့ အားခဲထားခဲ့တာ အတော်ကြာခဲ့ပါပြီ. ကျွန်တော်နည်းနည်း အားတိုင်း ရသလောက် အချိန်လေးထဲမှာ စုဆောင်းထားခဲ့တဲ့ ကောင်းနိုးရာရာ ပို့စ်လေးတွေကို စုစည်းဖြော်ပပေးလိုက်ပါတယ်.

http://www.mmbloggershelpdesk.blogspot.com

တတ်နိုင်သလောက်တော့ ပို့စ်ရေးသားတဲ့ ဘလော့ဂါတွေကို အသိပေးပြီးမှ သူတို့ရဲ့ ပို့စ်လေးတွေကို ယူသုံးပါတယ်. ဘလော့ဂါတွေ တစ်ဦးချင်းဆီကို ခွင့်မတောင်းဖြစ်ခဲ့တာကိုတော့ ခွင့်လွှတ်နားလည်ပေးကြပါလို့လည်း တစ်ခါတည်း မေတ္တာရပ်ခံလိုက်ပါတယ်. နောက်နောင်မှာလည်း ညီအစ်ကိုတို့ရဲ့ ပို့စ်လေးတွေကို ယူသုံးခွင့်ပြုပါလို့ တစ်ပါတည်း တောင်းဆိုလိုပါတယ်ခင်ဗျာ.

ပါဝင်ရေးသားလိုသူများကိုလည်း နွေးထွေးစွာ ဖိတ်ခေါ်ပါတယ်. ဖော်ပြသင့်တယ် လို့ ယူဆတဲ့ ပို့စ်လေးများကိုလည်း cbox ထဲမှာ link လေးများ ထားခဲ့၍သော်လည်းကောင်း၊ mmbloggershelpdesk@gmail.com သို့ ပေးပို့၍သော်လည်းကောင်း contribute လုပ်နိုင်ကြပါတယ် ခင်ဗျာ..

အားလုံးပဲ ချစ်ခင်ရင်းနှီးစွာ၊ ပျော်ရွှင်ချမ်းမြေ့စွာ ဘလော့ဂင်းနိုင်ကြပါစေ…

File Hosting လုပ်နည်းများ...

File Hosting ဆိုတာက ကိုယ်တင်ချင်တဲ့ ဖိုင်လေးတွေကို အဲဒီ့ Site တွေက သိမ်းပေးထားပြီး http://..... ဆိုတဲ့ URL Link လေး ပြန်ထုတ်ပေးတာပါ. အဲဒါကိုမှ ကိုယ်တင်ချင်တဲ့ website, blog စတဲ့နေရာတွေမှာ တင်ပေးရတာမျိုးပါ. (Host= အိမ်ရှင် ဆိုတော့ ကိုယ့်ဖိုင်လေးတွေက သူ့အိမ်မှာ သွားပြီး စတည်းချနေတာပေါ့ဗျာ.)

Free hosting site တွေ ရှိသလို အခကြေးငွေနဲ့ တင်ပေးတဲ့ site တွေလည်း ရှိပါတယ်. Professionally လုပ်တော့မယ့်သူတွေ၊ ဒါမှမဟုတ် file အများကြီး တင်ချင်တဲ့သူတွေကတော့ ပိုက်ဆံပေးပြီး Capacity များများပေးတဲ့ hosting site တွေမှာ accnt လုပ်ကြပါတယ်. ပုံမှန် ကျွန်တော်တို့လို အပျော်တမ်းသမားတွေကတော့ free hosting site တွေကိုပဲ သုံးကြပါတယ်. သိပ်များလာလို့ မနိုင်တော့ရင် နောက်ထပ် accnt တစ်ခု ထပ်ဖွင့်ရုံပဲပေါ့ဗျာ. အဓိကက ပိုက်ဆံ မပေးရရင် ပြီးရော မဟုတ်လား. ဟတ်ဟတ်

ကဲ. ဒါလေးတွေကတော့ ကျွန်တော်တို့ သိထားသင့်တဲ့ free hosting site လေးတွေပါပဲ ခင်ဗျာ.

ပုံတင်ရန်

http://imageshack.us/
http://photobucket.com/

ဖိုင်တင်ရန်

http://www.fileden.com/
http://www.filefactory.com/
http://www.filexoom.com/
http://www.ripway.com/
http://www.pages.google.com/
http://www.mediafire.com/
http://files-upload.com/
http://www.wikiupload.com/
http://upload2.net/
http://www.filecrunch.com/


အဲဒါလေးတွေကတော့ ကျွန်တော်သိသလောက်လေးတွေပါပဲ. တစ်ခုနဲ့တစ်ခု ပေးတဲ့ storage space မတူပါဘူး. Fileden က 1 G ပေးပါတယ်. Ripway ကတော့ 30 MB ပဲ ပေးပါတယ်. ကျန်တာတွေမှာလည်း ထိုနည်းလည်းကောင်းပါပဲ. Unlimited ပေးတာ တစ်ခုတော့ ရှိပါတယ်. Mediafire ပါ. (စာအုပ်တွေတင်ဖို့ သိပ်ကောင်းပါတယ်) Pages.google.com ကတော့ google pages ကို ပြောတာပါ. Account Sign Up လုပ်စရာ မလိုပါဘူး. ကိုယ့်ရဲ့ Gmail Account နဲ့ပဲ သုံးလို့ရပါတယ်.

တစ်ခုကို အစမ်းလုပ်ပြပါမယ်. သဘောတရားက အတူတူပါပဲ.

http://www.fileden.com ကိုသွားပါမယ်. Account Sign Up လုပ်ပါမယ်. ကိုယ့် Email ကို စာဝင်လာပါလိမ့်မယ်. Activate လုပ်ဖို့ပေါ့. လုပ်လိုက်ပါ. ပြီးသွားရင်တော့ Login လုပ်ပါမယ် ခင်ဗျာ.



အပေါ်မှာ မြင်နေရတဲ့ Navigation Bar လေးထဲကနေ upload files ကို ရွေးပါမယ်. တစ်ခြား site တွေမှာလည်း upload ဆိုတဲ့ ပုံစံလေးတွေ ပါပါလိမ့်မယ်. ချွတ်စွပ်ကြီးတော့ ဘယ်တူပါ့မလဲဗျာနော်. စိတ်ရှည်ရှည်ထားပြီး ရှာကြည့်ရင် သဘောပေါက်သွားပါလိမ့်မယ်…

Upload files ကိုရွေးလိုက်ပါပြီ. အခု file စတင်ပါတော့မယ်. အစမ်းအနေနဲ့ peekaboo လုပ်ဖို့ myhacko.js ဆိုတဲ့ ဖိုင်လေးကို တင်ပေးပါမယ်. အဲဒါကို အရင်ဆုံး ကိုယ့် computer ပေါ်ကို download လုပ်ဖို့ မမေ့နဲ့ဦးနော်. မလုပ်ရသေးရင် ဒီမှာ အခုပဲ လုပ်လိုက်ပါ

Save လုပ်လိုက်တဲ့ File လေးကို Browse လုပ်ပြီး ရှာပါမယ်. Click ခေါက်ပြီး ရွေးလိုက်ပါမယ်. Upload ကို နှိပ်လိုက်ပါပြီ.




ဘာဖြစ်လဲ…



Error message ပေါ်လာပါတယ်. This file extension is not allowed. တဲ့. ကျွန်တော်တို့ တင်တဲ့ ဖိုင်က javascript file လေ. Extension က js နဲ့ ဆုံးတယ်. အဲဒီ့လိုမျိုး file type ကို လက်မခံဘူး. ဘယ်လိုလုပ်မလဲ.

နောက်တစ်မျိုးနဲ့ ပြောင်းတင်မှာပေါ့. မဟုတ်ဘူးလား. ဒါမျိုးကိစ္စလေးတွေ ဖြစ်တတ်လို့ တမင်အမှားကို လုပ်ပြပေးတာပါ. နို့မို့ဆို ကိုယ်လုပ်တာပဲ မှားနေပြီလားလို့ တွေးပူနေမိမှာ စိုးလို့ပါ.

ကဲ. Ripway နဲ့ ပြောင်းတင်ပါမယ်.

ထုံးစံအတိုင်း sign up/register လုပ်ပါ. Email activation တောင်းရင် လုပ်ပေးလိုက်ပါ. မတောင်းရင်တော့ ကိုယ်လုပ်စရာရှိတာသာ ဆက်လုပ်သွားလိုက်ပါ.



My files ဆိုတာကို ရွေးမယ်နော်. ဒီလိုပုံစံ တွေ့ရပါမယ်.



အဲဒီ့ထဲကမှ Upload files ဆိုတာကို ရွေးပါမယ်ခင်ဗျာ. အောက်ကပုံစံအတိုင်းလေး ပေါ်လာပါလိမ့်မယ်



Browse လုပ်ပြီး ကိုယ်တင်မယ့် file ကိုရွေးပါ. Myhacko.js ကိုရွေးမယ်နော်. ရွေးပြီးရင် upload လုပ်လိုက်ပါ. နောက်တစ်မျက်နှာမှာ ဒီလိုမြင်ရပါမယ်.



Continue ဆက်လုပ်လိုက်ပါ. နောက်တစ်မျက်နှာမှာတော့ ကိုယ်တင်လိုက်တဲ့ ဖိုင်လေးကို တွေ့ရပါမယ်. အဲဒီ့ထဲကမှ Direct Link URL ဆိုတာလေးရဲ့ အောက်မှာ တွေ့ရတဲ့ Link လေးဟာ ကျွန်တော်တို့လိုချင်တဲ့ URL link လေးပါပဲ ခင်ဗျာ.



နောက်တစ်ခုအနေနဲ့ googlepages နဲ့ တင်နည်းပြပါမယ်. ဒီနေရာကိုသွားပြီးရင် ကိုယ့်ရဲ့ gmail account နဲ့ sign in ၀င်လိုက်ပါ. ပြီးသွားရင် accept terms တွေဘာတွေ ဆက်လုပ်သွားပါ. နောက်တစ်ဆင့်မှာ ကိုယ့်ကို publish page တစ်ခုခု လုပ်ခိုင်းပါလိမ့်မယ်. အဲဒါလည်း အရေးမကြီးပါဘူး. လုပ်လိုက်ပါ. နာမည်ကိုလည်း ကိုယ်ကြိုက်တာ ပေးလို့ရပါတယ်. ကျွန်တော်ကတော့ theseandthose လို့ ပေးထားခဲ့တယ်ဗျ.

နောက်တစ်မျက်နှာမှာ ဒီလိုမြင်ရပါမယ်.



ညာဖက်နား ခပ်ကျကျလေးက ဒီပုံလေးကို ကြည့်ပါ. အဲဒီ့မှာ file တွေကို Upload လုပ်ရမှာပါပဲ.



Browse လုပ်ပြီး တင်မယ့် file ကို ရွေးပါ. Googlepages က အလိုလိုပဲ တင်ပေးသွားပါလိမ့်မယ်. ပြီးသွားရင် ဖိုင်ရဲ့ URL ကို ယူရပါမယ်.

ကိုယ်တင်လိုက်တဲ့ ဖိုင်လေးရဲ့ အပေါ်မှာ right click လေး ခေါက်လိုက်ပါ. ပြီးရင် copy link location ကို ရွေးလိုက်ပါ. အဲဒါ သူ့ရဲ့ URL ပါပဲ.

တစ်ခြားသော file hosting site များမှာလည်း ဒီပုံစံဆင်ဆင်လေးတွေပါပဲ. စမ်းသုံးကြည့်ကြပါလို့ တိုက်တွန်းပါတယ်.

အားလုံးပဲ အဆင်ပြေချောမွေ့ကြပါစေ..

Peekaboo ပြဿနာကို ဒီလိုရှင်းပါ...

ကျွန်တော်ခရီးသွားနေတုန်း နောက်ပိုင်းမှာ ပြဿနာတွေ တက်နေကြတာ မသိလိုက်ဘူးဗျာ.

ဩော်. စိတ်မပူပါနဲ့ဦး.. Peekaboo တွေ အလုပ်မလုပ်ဘူး ပြောနေလို့ပါ.

အဖြေက ဒီလိုဗျ. ကျွန်တော်လည်း ရှင်းပြခဲ့ဖူးပါတယ်. ကျွန်တော်လုပ်ထားတဲ့ Coding က ကျွန်တော့်ရဲ့ google pages မှာ တင်ထားတဲ့ ဖိုင်နဲ့ပါ. အဲဒါကို တိုက်ရိုက်ကူးမချဘဲနဲ့ ကိုယ်အဆင်ပြေတဲ့ file hosting site တစ်ခုခုမှာ တင်ပေးဖို့ ကျွန်တော် တိုက်တွန်းခဲ့ဖူးပါတယ်. ခုဖြစ်ရတာက တိုက်ရိုက်ယူသွားတာတွေ များနေတော့ ကျွန်တော့်ရဲ့ google pages ဒေါင်းသွားတာပါ.

ကဲဗျာ. ဖိုင်ပေးလိုက်မယ်နော်. ဒါကို အရင်ဆုံး save လုပ်ပါ.

http://yanaung.prospect.googlepages.com/myhacko.js

ပြီးရင် File hosting site တစ်ခုခုမှာ သွားတင်ပါ. ပြီးသွားရင်တော့

<script src='http://yanaung.prospect.googlepages.com/myhacko.js' type='text/javascript'></script>

ဆိုတဲ့နေရာမှာ ဒီလိုအစားသွင်းပေးလိုက်ပါ.

<script src='Your URL' type='text/javascript'></script>

အပေါ်က coding လေးတွေက </head> မဆုံးခင်လေးမှာ ထည့်ခဲ့တဲ့ coding လေးတွေပါ. မှတ်မိမယ်ထင်ပါတယ်.

ကဲ. အဲဒါဆိုရင် နောက်ထပ် peekaboo ပြဿနာ မရှိနိုင်တော့ပါဘူး.

Action Speaks Louder Than Words...

Source: DVB

Zawgyi Widget, EOT, Myanmar Calendar and Backing up your posts

Zawgyi Font, Keyboard Layout နဲ့ Keyboard Installer အားလုံးကို Widget တစ်ခုတည်း အနေနဲ့ ကိုယ့်ဘလော့ဂ်မှာ အလွယ်တကူ တင်လုိ့ရအောင် ကိုညီညီ (သံလွင်)က ဒီနေရာမှာ ဖန်တီးပေးထားပါတယ်..

သွားရောက်လေ့လာပြီး စိတ်တိုင်းကျ ယူငင်သုံးစွဲနိုင်ကြောင်းပါ ခင်ဗျာ…

EOT အလွယ်တကူလုပ်တဲ့နည်းကိုတော့ မန်းလေးသားကြီး ကိုမောင်လှက ဒီလို ရှင်းပြထားပါတယ်. သူက Blogspot တစ်ခုလုံးကို EOT လုပ်ပစ်လိုက်တာ ဆိုတော့ Blogger Platform သုံးနေတဲ့ ဘလော့ဂ်တိုင်းအတွက် အကျုံးဝင်ပါတယ်. တစ်ခုပဲ ပြောစရာရှိပါတယ်.


@font-face {
font-family: Zawgyi-One;
font-style: normal;
font-weight: normal;
src: url(http://maunghla.googlepages.com/ZAWGYIO0.eot);
}

နေရာမှာ http://maunghla.googlepages.com/ZAWGYIO0.eot လို့ သူက တင်ပေးထားပါတယ်. ဒါကို ယူသုံးတဲ့သူတွေ များနိုင်တာကြောင့် ခဏခဏဒေါင်းသွားနိုင်ပါတယ်. ကိုယ့်စိတ်တိုင်းကျ File Hosting Site တစ်ခုမှာ ပြန်တင်ပြီး မိမိတစ်ဦးတည်း အတွက် သီးသန့်သုံးဖို့ အကြံပြုပါရစေ..

မြန်မာပြက္ခဒိန်ထည့်ချင်သူများ အနေနဲ့ကတော့ ဒီနေရာမှာ Feed သွားယူနိုင်ပါတယ် ခင်ဗျာ.

ကိုယ့်ရဲ့ ဘလော့ဂ်ပို့စ်လေးတွေ၊ ကော်မန့်လေးတွေကို Backup လုပ်ထားချင်သူများအတွက် ဘလော့ဂါကြီး ကိုဘုရင့်နောင်က ဒီနေရာမှာ ရှင်းပြထားပါတယ်..

လောလောဆယ် ဒီလောက်ပဲ တွေ့ပါသေးတယ်. ဆက်လက်လေ့လာပြီး ရသလောက် ပြန်လည်မျှဝေသွားပါဦးမယ်.

Peekaboo Navigation Bar လုပ်ခြင်း

ဘလော့ဂါ တော်တော်များများက ပို့စ်လည်းရေးကြတယ်. ကိုယ့်ဘလော့ဂ်လေး ကိုလည်း လှသည်ထက်လှအောင် ပြုပြင်မွမ်းမံ တတ်ကြပါတယ်. အဲဒီ့မှာ ဘာတစ်ခုက လာအရုပ်ဆိုးစေလဲ ဆိုတော့ ဘလော့ဂ်ရဲ့ အပေါ်ဆုံးမှာ ရှိနေတဲ့ Blogger Navigation Bar ကြီးပါ.

ကိုယ်က Banner လှလှလေး တင်ထားပါရဲ့နဲ့ အဲဒီ့ Bar ကြီးက ပေါ်နေတော့ ဘာနဲ့သွားတူလဲသိလား

သိပ်ချစ်စရာကောင်းတဲ့ ကောင်မလေးတစ်ယောက်ရဲ့ မျက်ဝန်းထဲက အချစ်တွေကို မြင်ချင်ပါရက်နဲ့ သူမက မျက်မှန်တပ်ထားသလို ဖြစ်နေတယ်.

ဆိုလိုတာက မချင့်မရဲ ဖြစ်ရတယ်ပေါ့ဗျာ.
ဟတ်ဟတ်ဟတ်



ကဲကဲ.. ဒီလောက်ဆို သဘောပေါက်ရောပေါ့. ဒီ Bar ကြီးကို ဖျောက်ချင်တယ်နော်. ဟုတ်. တစ်ချို့က အပြီးဖျောက်ထားကြတယ်. အဲဒါက ဘာမကောင်းဘူးလဲဆိုတော့ ကိုယ်ကိုယ်တိုင် Sign in ၀င်ချင်ရင် https://www.blogger.com/start ကို ပြန်သွားနေရရော. အလုပ်ရှုပ်တာပေါ့ဗျာ.

ဘာလုပ်မလဲ.

ဖျောက်ထားမယ်. Mouse လေးတင်လိုက်မှ ပေါ်လာမယ်. ဒါမျိုးလေး လုပ်ရင် မကောင်းဘူးလား..

အိုး. ဂွတ်ဒ်..

ဘယ်လိုလုပ်ရမလဲ ဆိုတော့ ဂလိုလုပ်ပါခင်ဗျာ..

---

/*Peekaboo Navigation Bar
------------------------------ */

#navbar-iframe
{
opacity:0.0;
filter:alpha(Opacity=0)
}
#navbar-iframe:hover
{
opacity:1.0;
filter:alpha(Opacity=100, FinishedOpacity=100)
}

---

ဆိုတာလေးကို template ထဲက <body> Tag မတိုင်ခင်မှာ ထည့်ပေးလိုက်ရုံပါပဲ.

ဥပမာ.

<Variable name = …..> blah blah blah..
*/

/*Peekaboo Navigation Bar
------------------------------ */
ဒီမှာလာထည့်
…
…
…


body {
background:#aba;
margin:0;
text-align:left;
line-height: 1.5em;
font:x-small Trebuchet MS, Verdana, Arial, Sans-serif;
color:#000000;
font-size/* */:/**/small;
font-size: /**/small;
}

The rest of the template goes here….

အားပါး. ကိုရန်အောင်ကြီး တော်လှချည်လားလို့ မပြောနဲ့ဦး. အဲဒါ ကျွန်တော်လုပ်တာမဟုတ်ဘူး. ဒီနေရာကနေ ယူထားတာ. အဲဒီ့လူကြီးကို ကျေးဇူးတင်ကြောင်း သွားပြောဖို့ မမေ့နဲ့ဦးနော်..



မှတ်ချက်။ ။ Firefox မှာပဲ အလုပ်လုပ်ပါတယ်ခင်ဗျာ...

Email Button လေးတွေ လုပ်ကြမယ်...

ဟိုလျှောက်လုပ် ဒီလျှောက်လုပ်နေရာက ဒါလေးကိုတွေ့ပြီး ပို့စ်လေးရေးပေးဖို့ စိတ်ကူးရသွားပါတယ်

Email Button လေး လုပ်တာပါပဲ..

ဒီနေရာမှာ သွားပြီး ကိုယ့် Email address လေးကို ရိုက်ထည့်လိုက်ပါ.

ပြီးရင် Generate ဆိုတာလေးကို နှိပ်လိုက်ပါ. Email Button လေး ထွက်လာပါလိမ့်မယ် ခင်ဗျာ.

သူ့အောက်က URL Link လေးကို ယူပြီး ကိုယ်ထည့်ချင်တဲ့ နေရာလေးမှာ Add a page Element>HTML/Javascript ကိုယူပြီး ထည့်လိုက်ပါ.

ဒီလိုလေးထည့်ပေးရပါတယ်.

<center>
<img src="Email Button URL"/>
</center>


Email Button လေးတွေကို အစမ်းလုပ်ပြထားပါတယ်. ရှုစားတော်မူကြပါခင်ဗျာ…







အဲဒီ့ Email အတိုင်းပို့ကြည့်..
ဘာဖြစ်မလဲသိချင်လို့
ဟတ်ဟတ်ဟတ်..

Illusion...

ဒီရင်မှာ အသည်းတို့ ခြောက်ကပ်လို့
ဆေးစက်ခန်းတဲ့ အမှောင်တွေထဲ
စေညွှန်ရာအတွေးတို့ ပြားကပ်လို့
မီးသင့်ဦးနှောက်ငယ်တစ်ခုပဲ
ပိုင်ဆိုင်ကာထားလည်း
ငါဟာ ခရီးဆက်နေတယ်…

မရေရာတဲ့ အချစ်တစ်ခုတွေ့ရှိလို့
ငါ့အတွက် အလင်းလို့ ဆိုနိုင်မလား
သေချာတာ ငါ့ဘ၀ အချစ်မရှိလို့
ငါ့ဘ၀ လုံးဝမတုန်လှုပ်ဘူး
ဒီအခြေအနေအတိုင်းပဲ ငါဟာ ခရီးဆက်နေတယ်..

မာယာတွေဖုံးတဲ့ ဒီအချစ်များ
ငါလေ တွေ့ရှိခဲ့ပြီမို့
မယုံကြည်တာ အပြစ်လို့ ဆိုနိုင်မလား

ဒီအဖြစ်တွေကို ငါငြီးငွေ့ပြီ
ဘ၀တွေကို ငါငြီးငွေ့ပြီ
ဒီအချစ်တွေကို မလိုအပ်တော့ပြီ..


ငြီးငွေ့ပြီ

အဝေးရောက် ရွှေမြန်မာများ စည်းလုံးရိုင်းပင်းကြစေချင်ပါသည်...

ဒီသတင်းလေးကို ဖတ်လိုက်ရတော့ စိတ်မကောင်းဘူး.. တုံတုံဆိုတဲ့ ၁၉ နှစ်အရွယ် ကောင်မလေးကို ထိုင်းအမူးသမားတစ်ယောက်က မုဒိမ်းကျင့်ဖို့ ကြိုးစားတာ မအောင်မြင်တာနဲ့ ကတ်ကြေးနဲ့ ၁၈ ချက် ထိုးသတ်ပစ်ခဲ့တယ်တဲ့…

ဒီသတင်းကို မြန်မာပြည်မှာ ကျန်ခဲ့တဲ့ မိဘတွေ၊ မောင်နှမသားချင်းတွေ ကြားရရင် ဘယ်လို ခံစားရရှာမလဲ. မြန်မာပြည်ရဲ့ နအဖ စစ်အစိုးရကရော ကိုယ့်တိုင်းသူပြည်သားတွေအတွက် ဘာတွေ ကာကွယ်ပေးသွားမှာလဲ.

ဆူနာမီလှိုင်းလုံးကြောင့် ထိုင်းက မြန်မာအလုပ်သမားတွေ အများကြီးသေတာ ကိုတောင်မှ အလောင်းတွေကို မြန်မာပါလို့ အသိအမှတ်မပြုပေးခဲ့လုိ့ ကာယကံရှင်တွေရဲ့ ဆွေမျိုးသားချင်းတွေ ဘယ်လောက်နစ်နာခဲ့ရသလဲ.

စစ်အစိုးရက သူတို့ရဖို့ အတွက် အခွန်ကောက်ခံမယ်ဆိုရင်တော့ လာထားပဲ. တိုင်းသူပြည်သားတွေအတွက် အားနာပါးနာလေးတောင် မငဲ့ညှာတာကတော့ အထင်အရှားပါပဲ.

ဒီလို ကိုယ့်ပြည်သူပြည်သားတွေ အပေါ်ကို စေတနာတစ်စက်မှ မရှိတဲ့ လက်တစ်ဆုပ်စာ စစ်အာဏာရူးတွေကို အကြမ်းမဖက် အနုနည်းနဲ့ အာဏာဖီဆန်ကြရမှာ ကျွန်တော်တို့ မျိုးချစ်ပြည်သူတွေရဲ့ တာဝန်ပဲ.

ခုလို အစိုးရကိုယ်တိုင်က အကာအကွယ် မပေးနိုင်ဘူးဆိုတာ သိလို့ အဝေးရောက် မြန်မာများကို အုပ်စုလိုက် အနိုင်ကျင့်တာတွေ၊ အလုပ်ခွင်ထဲမှာ ခွဲခြားဆက်ဆံတာတွေ ရှိနေတယ်ဆိုတာ ပြည်ပမှာ အလုပ်လုပ်ကိုင်နေတဲ့ ရွှေမြန်မာများ အားလုံး အသိပဲ ဖြစ်မှာပါ. Charity begins at home ဆိုသလိုပဲ စစ်ဘီလူး အစိုးရကို အပြစ်တင်နေမယ့်အစား ကိုယ်လုပ်နိုင်သလောက် အချင်းချင်း ရိုင်းပင်းကူညီကြဖို့ ကျွန်တော်တိုက်တွန်းလိုပါတယ်..

တို့မြန်မာ့သွေး ရဲပါတယ်…

သတင်းအပြည့်အစုံကို ဒီနေရာမှာ ဖတ်ပါ. Ban ထားလို့ ဖတ်လို့ မရသူများကတော့ အောက်မှာ တင်ပေးခထားတဲ့ screen shot လေးတွေကို နှိပ်ပြီး ဖတ်ပါခင်ဗျာ…

မှန်ကွဲစသီအိုရီ...

ငါ့အတ္တတွေနဲ့ နပန်းလုံးနေတုန်း
အချိန်ရထားကြီးက တဂျုံးဂျုံးနဲ့ ငါ့ဘေးက ခုတ်မောင်းသွားခဲ့တယ်
ဝပ်တွားချင်ယောင်ဆောင်နေတဲ့ မာနတွေကို
အသေအချာ ခ၀ါမချနိုင်သေးသရွေ့
ငါဘယ်လောက်ပြေးပြေး
ငါနဲ့ဝေးနေဦးမှာပါပဲလေ…

ရေးတေးတေးမှတ်မိနေတဲ့ ခံပြင်းချက်တွေကို
မျက်ရည်စက်လက်နဲ့ ထွေးပိုက်ထားရင်း
ငါနဲ့ငါအချင်းတွေများနေခဲ့လိုက်တာ
ကာယကံရှင်တောင် မသိရှာဘူး
ရူးချက်က ကမ်းကုန်ပဲ
လဲကျတာမှ မဟုတ်တာ
လှဲချတာဖြစ်နေခဲ့ပြီ
မျက်ရည်မြစ်ကို တာဖို့မလို့လား
ခြားနားခြင်းကို ထပ်တူပြုရင်တော့
မဆင်ခြင်ခုရတက်ပွေဦးမှာမလွဲ
အစွဲတွေ ချေဖျက်
အရုဏ်မလာခင် မင်းခရီးကိုဆက်….

ခွပ်ဒေါင်း

အချိန်က ၁၉၈၈ ခုနှစ် စက်တင်ဘာလ…
နာရီက မနက်ခင်း ၃ နာရီကျော် ၄ နာရီလောက်…

ရန်ကုန်မြို့တစ်မြို့လုံး အပ်ကျသလို ငြိမ်သက်တိတ်ဆိတ်နေတယ်… ခုတင်အောက်မှာ အိပ်နေတဲ့ ကျွန်တော့်ကို အစ်ကိုအစ်မတွေက လှုပ်နှိုးလို့ နိုးသွားခဲ့ပါတယ်. ဟုတ်ပါတယ်. ကျွန်တော်တို့အားလုံး ခုတင်အောက်မှာ အိပ်နေတာပါ. ခုတင်အောက်ထဲမှာ အမေက ဂုန်နီအိတ်တွေ ခင်းပေးပြီး ခေါင်းအုံးလေးတွေ ထည့်ပေးထားပါတယ်. ခုတင်ပေါ်မှာ အိပ်ရင် ကျည်ဆန်မှန်မှာ စိုးလို့တဲ့…

အမေချဲ့ပြောတယ်လို့များ မထင်လိုက်နဲ့နော်. ကျွန်တော်တို့ နေတဲ့ တိုက်ရဲ့နောက်ဖက်က ၃၁ လမ်းပါ. အဲဒီ့နောက်ကနေ ဂျင်ကလိ ပစ်သံတွေ တရွှီးရွှီးနဲ့ ညတိုင်း ကြားရပါတယ်. ကျွန်တော်တို့ အိမ်ရှေ့က မြို့တော်ခန်းမကြီးလေ…

အဲဒီ့ဖက်ကနေပြီးတော့လည်း ဒီဖက်ကို သေနတ်တွေနဲ့ ပြန်ပြန်ပစ်ပါတယ်. ဒီလို သေနတ်သံတွေ၊ ဂျင်ကလိသံတွေကြောင့် ခုတင်ပေါ်မှာ မအိပ်ခိုင်းဘဲ ခုတင်အောက်ထဲမှာ ကျွန်တော်တို့ မောင်နှမတွေကို ၀င်အိပ်စေခဲ့တာပါ…

ခုနက စကားကို ပြန်ဆက်ရမယ်ဆိုရင်ပေါ့ဗျာ
အိပ်မောကျနေတဲ့ ကျွန်တော့်ကို အစ်ကိုအစ်မတွေက လှုပ်နိုးလိုက်ပါတယ်. အမေကလည်း ကျွန်တော့်ကို လက်ကလေးဆွဲပြီး အိမ်ရှေ့ကို သွားကြည့်ဖို့ တိုးတိုးလေး ပြောပါတယ်. နားထဲမှာ စက်သံကြီးတွေ ကြားနေရတယ်. မျက်စိတွေကလည်း အိပ်မှုန်စုံဖွား၊ မီးကလည်း မထွန်းရဘူးလေ (နေ၀င်မီးငြိမ်းအမိန့်ထုတ်ထားတယ်) အိမ်ရှေ့ကို ကုန်းကုန်းကွကွလေး ထွက်လာခဲ့ကြတယ်.

ဝရန်တာကို ရောက်တော့ အမေက ကျွန်တော့်ကို ပြပါတယ်.

ဟိုမှာတွေ့လားတဲ့…

ကျွန်တော်လှမ်းကြည့်လိုက်မိခဲ့တယ်

အားပါးပါး….

စစ်ကားတွေ၊ စစ်ကားတွေ မနည်းပါလား…
သံချပ်ကာကားကြီးတောင် ပါလိုက်သေး..
တအိအိနဲ့ မြို့တော်ခန်းမဖက်ဆီကို မောင်းနေပါတယ်… မဟာဗန္ဓုလ ပန်းခြံကြီးနဲ့ မြို့တော်ခန်းမကြားထဲမှာတော့ ကျောင်းသားတွေနဲ့ ဆန္ဒပြပြည်သူတွေ သပိတ်စွဲထားကြပါတယ်. သပိတ်စခန်းတပ်ဆွဲနေတာ သုံးရက်မြောက်နေ့ပါ…


အိပ်ချင်မူးတူး ဖြစ်နေတဲ့စိတ်တွေ ကြက်ပျောက်ငှက်ပျောက် ပျောက်သွားခဲ့ရပါတယ်. ကျွန်တော့်ဘ၀မှာ ဒီလောက်များတဲ့ စစ်ကားတွေ တစ်ခါမှ မမြင်ဖူးခဲ့ဘူး. စစ်သားတွေရဲ့ လည်ပင်းမှာ အနီရောင်လည်ပတ်တွေ စီးထားပါတယ်. ဘာလဲတော့ ကျွန်တော်အသေအချာ မသိခဲ့ပါ. အနီရောင်လည်ပတ်တွေက အပြာရောင်လည်ပတ်တွေထက် ပိုပြီး မြင့်တယ်လို့တော့ အဖေက ပြောခဲ့ဖူးတာ မှတ်မိနေပါတယ်. ပြီးတော့ သူတို့က ကရင်စစ်တပ်တွေတဲ့. ဗမာစစ်သားဆိုရင် ကျောင်းသားတွေကို မပစ်ရက်မှာစိုးလို့ ကရင်တပ်တွေ၊ ချင်းတပ်တွေကို ရန်ကုန်ကိုခေါ်ထားတာတဲ့.

ဟုတ်လားမဟုတ်လားတော့ ကျွန်တော်အသေအချာ မသိခဲ့ဘူး. သေချာတာကတော့ စစ်သားတွေအားလုံး သတိအပြည့်နဲ့ ရှိနေပါတယ်. သေနတ်တွေမှာလည်း ဘက်နက်တွေ တပ်ထားပြီးသားပါ. ချီတက်နေတဲ့ လမ်းကြောင်းထဲက တစ်နေရာမှာ ဟိုင်းလတ်လို ကားလေးတစ်စီးတွေ့ပါတယ်. အပေါ်မှာ လော်စပီကာတပ်ထားပါတယ်.

စစ်ကားတွေနေရာဖြန့်ပြီး စစ်သားတွေနေရာယူနေတာကို တွေ့နေရပါတယ်. စစ်သားတွေချီတက်သွားပုံက လမ်းတစ်လျှောက်ကို ဖြန့်ပြီးတက်သွားတာပါ. သေနတ်တွေကို ရှေ့ကို ဆန့်ထားပြီးတော့ပေါ့. မြို့တော်ခန်းမရဲ့ ဟိုဖက်ဒီဖက်ကို နေရာဖြန့်ယူကြပါတယ်. ကျွန်တော်တို့ အိမ်ရှေ့မှာ အကော်ဒီယံအုန်းကျော်ရဲ့ အိမ်လည်း ရှိပါတယ်. အဲဒီ့နေရာထောင့်လေးမှာ စစ်သားတွေ မည်းနေတာပဲဗျာ.

ခဏနေတော့ ငြိမ်ကျသွားပါတယ်. သပိတ်တပ်တွေဆီက `တို့အရေး. တို့အရေး´ ဆိုတဲ့ အသံတွေကို ကြားနေရပါတယ်. လော်စပီကာတပ်ထားတဲ့ ကားလေးဆီက အသံတစ်သံထွက်လာပါတယ်.

(အတိအကျတော့မမှတ်မိတော့ပါ. လိုရင်းကိုသာ သိသလောက် ပြန်ရေးပေးပါမည်…)

ကျောင်းသားကျောင်းသူများ ခင်ဗျာ. လူစုခွဲဖို့ သတိပေးပါတယ်. မခွဲရင် ပစ်ပါမယ်.

အဲဒီ့စကားကို အချိန်ခြားပြီး ကြေငြာပါတယ်. ကြေငြာသူကတော့ ဘယ်သူလို့များ ထင်ပါသလဲ..

သာသနာရေးဝန်ကြီးအဖြစ် နောက်ပိုင်းမှာ ခန့်အပ်ခံခဲ့ရသူ ဗိုလ်ချုပ်မျိုးညွှန့်ပါပဲ.

သူ့ကြေငြာချက်ဆုံးသွားတိုင်း ကျောင်းသားထုဆီက ဟေးခနဲ ပြောင်လှောင်ကြပါတယ်.

နောက်ဆုံးအကြိမ်ကြေငြာပါတယ်.

`ဒါနောက်ဆုံးသတိပေးကြေငြာခြင်းပါ… ၃ မိနစ်အတွင်း လူစုခွဲပါ. မခွဲရင် ပစ်ပါမယ်..´

သပိတ်မှောက်ကျောင်းသားတွေနဲ့ ပြည်သူတွေက မမှုပါဘူး. တို့အရေးအသံတွေက ပိုလို့တောင် ဆူညံလာပါသေးတယ်.

၃ မိနစ်က သိပ်ကို မြန်လွန်းနေခဲ့သလိုပဲ.

မိုက်က အသံတစ်သံ ကျယ်လောင်စွာ ထွက်လာပါတယ်.

`အသင့်ပြင်…´

အမေက ကျွန်တော့်လက်ကို ဆုပ်ထားပါတယ်. အစ်မနှစ်ယောက်က ကျွန်တော်တို့နားမှာ အုံပြီးဝရန်တာနားမှာ ၀ပ်ကြည့်နေပါတယ်.

အားလုံးအသက်ရှုဖို့တောင် မေ့နေခဲ့ကြတယ်…

`ပစ်……………..´



ဒိုင်းဒိုင်းဒိုင်း… ဒက်ဒက်ဒက်.. ဒိုင်းဒိုင်းဒိုင်း… ဒက်ဒက်ဒက်…

အားးးးး ပြေးးး ပြေးးးး
ပစ်ပြီဟေ့ ပစ်တယ်ဟ…
အမေရေ…

ကယ်ကြပါဦး..
အားးးး


ဟီးးးးးးးးးး

ငိုသံတွေ၊ ပြေးသံတွေ၊ စက်သေနတ်က အတွဲလိုက်ဆွဲလိုက်တဲ့အသံတွေ၊ အစ်မနှစ်ယောက် ချုံးပွဲချငိုသံတွေ၊ အမေ့လက်မောင်းကို ကျွန်တော်တစ်အားဖက်ထားခဲ့တာတွေ….

…..
….

အမေကျွန်တော်တို့အားလုံးကို အိမ်ခန်းထဲ အပြေးဆွဲခေါ်သွားပါတယ်. ကျွန်တော်တို့ကို အမေက ရေခပ်တိုက်ပါတယ်. အစ်မတွေကတော့ ငိုနေတုန်းပဲ. အမေလည်း ကတုန်ကယင်နဲ့ပေါ့. အဖေကတော့ အမေ့ကို မှာနေတယ်. ကလေးတွေကို အပြင်မထွက်စေနဲ့တဲ့.

အပြင်မှာလား…

အပြင်မှာ

အပြင်မှာ

ကမ္ဘာပျက်နေခဲ့တယ်ဗျာ….

လွတ်လပ်ရေးကို တောင်းဆိုတဲ့ မြန်မာလူမျိုး အာဇာနည်သူရဲကောင်းတွေကို အမှောင်ချထားချင်တဲ့ မိစ္ဆာလူရမ်းကားတွေက ယဇ်ပူဇော်နေကြတယ်.

ယမ်းနံ့တွေ လေထဲမှာ ဝေ့နေတာပဲ….


မနက် ၄ နာရီခွဲလောက်ကျတော့ မီးသတ်ကားတွေ ထွက်ခိုင်းပါတယ်. ဘာလုပ်တာလဲသိလား
ရေဆေးဖို့တဲ့

ဘာကိုဆေးမှာလဲသိလား

ကျောင်းသားတွေရဲ့သွေး

အာဇာနည်တွေရဲ့သွေးတွေကို ဆေးမှာ…

ကျွန်တော်ဘာလို့သိနေတာလဲ. ဟုတ်လား..

ကျွန်တော့်အဖေက မီးသတ်ဦးစီးဌာနက အရာရှိလေ..

အဖေတို့အားလုံးကို standby နေခိုင်းထားခဲ့တာ အခုမှပဲ အဖေတို့လည်း သိရတော့တယ်.

ရှိသမျှမီးသတ်ကားတွေနဲ့ အခေါက်ပေါင်းများစွာ ရေသွားဆေးပေးရတယ်.
အလောင်းတွေကို သယ်တာဘာနဲ့သယ်တယ်ထင်လဲ…
စစ်ကားကြီးတွေပေါ်ကို ဒီတိုင်းပစ်တင်တာပါ…

နောက်ရက်တွေမှာ ရန်ကုန်မြို့လယ်ခေါင်ကြီးမှာ အပုပ်နံ့တွေကိုလှိုင်လို့

မြို့တော်ခန်းမနဲ့ မဟာဗန္ဓုလပန်းခြံကြားထဲမှာလည်း သွေးကွက်ရာကြီးတွေ ထင်းလို့..

ဖိနပ်တွေ၊ အကျီင်္စုတ်တွေ၊ ထမင်းထုတ်တွေ၊ အလံလို့ယူဆရတဲ့ တိုင်ချောင်းတွေ….

အနိဋ္ဌာရုံမြင်ကွင်းပါပဲဗျာ..

….


ညဖက်ကျတော့လား

ယုံချင်ယုံမယုံချင်နေပါနော်…

ဒီမိုကရေစီ တစ္ဆေခြောက်ပါတယ်….


ညဖက်ဆိုရင်လေ…

တို့အရေး… တို့အရေး ဆိုတဲ့ အသံနက်ကြီးကို ကြားရတတ်ပါတယ်.

ကြားလိုက်ရတိုင်းမှာ ကြက်သီးဖြန်းခနဲ ထမိပါတယ်. (ခု စာပြန်ရေးနေတာတောင် ကြက်သီးထတုန်းပဲ..)

ဘယ်သူမှလည်း အပြင်မသွားဝံ့ပါဘူး..

….

ပန်းခြံကြီးထဲမှာ စစ်သားတွေ ကင်းပုန်းချထားတယ်လို့ အဖေက ပြောပြပါတယ်. စူးစမ်းချင်တတ်တဲ့ ကျွန်တော်တစ်ယောက် ညဖက် ထမင်းစားပြီးတိုင်း ပန်းခြံကြီးဖက်ကို လှမ်းလှမ်းကြည့်နေတတ်ပါတယ်.

တစ်ညကတော့ ကြည့်နေတုန်းမှာပဲ ပန်းခြံထဲက မီးပွင့်လေးတွေ ထွက်လာတယ်.

ဒက်..ဒက်…ဒက်…

မရှေးမနှောင်းမှာပဲ ဆူးလေဘုရားအ၀ိုင်း ပတ်ပတ်လည်မှာ ထွန်းထားတဲ့ မီးလုံးလေးတွေ ခွမ်းခနဲ ကွဲကုန်ပါတယ်.

လက်တည့်စမ်းတာလား
အမှောင်ချတာလား..

ဘာလဲတော့ မသိ. ဘုရားကိုတောင် အရိုအသေ မပြုခဲ့တာတော့ မိစ္ဆာကောင်တွေက လွဲရင် တစ်ခြားရှိပါဦးမလား…

….

ဒါတွေကြာခဲ့ပါပြီ..
ဒါပေမယ့် ကျွန်တော် မေ့မရနိုင်ခဲ့သေးဘူး..

ဒီနေ့ ၈ ရက် ၈ လ နေ့…

၁၉ နှစ်တောင် ကြာခဲ့ပြီပဲ..


ကျွန်တော့်မျက်ဝန်းထောင့်မှာ စိုစွတ်လာတဲ့ မျက်ရည်စက်တစ်ချို့ကို သိမ်းဆည်းလိုက်ပြီး ရှေ့တည့်တည့်က နံရံကို စုးစူးရဲရဲ စိုက်ကြည့်မိလိုက်တယ်…

နံရံပေါ်မှာ အရိပ်တစ်ခုလွင့်နေတယ်

ခွပ်ဒေါင်း!!!

တာရာမင်းဝေ ဈာပနသို့ သွားသည့် လိုင်းကားများ တားမြစ်ခံရ

တာရာမင်းဝေ၏ နောက်ဆုံးခရီး ဓာတ်ပုံများ…

လမ်းညွှန်

မိမိကြည့်လိုသော ဓာတ်ပုံကို click ခေါက်လိုက်ပါ. Next, Prev. button လေးများ နှိပ်၍သော်လည်းကောင်း၊ Left/Right Arrow Key လေးများ နှိပ်၍သော်လည်း ကောင်း ဆက်ကြည့်သွားနိုင်ပါသည်. ပြန်ထွက်လိုလျှင် Esc နှိပ်ပါ. (သို့) ဓာတ်ပုံပြင်ပ ဧရိယာတွင် Mouse ကို click ခေါက်လိုက်ပါ.









ဓာတ်ပုံများကို ဒီနေရာမှ ရယူပါသည်...