“မ”

အပြင်က ပြန်ရောက်လို့
မီးခလုတ်ကို ချောက်ခနဲတောင် မဖွင့်ခင်
ဟောဒီ့လက်တွေက
ကွန်ပြူတာ ပါဝါကို အရင်ဖွင့်မိနေတတ်ပြီ…

စကရင်(န်)ကို ရီဖရက်ရ်ှလုပ်
အားလုံးဟုတ်လောက်ပြီ ဆိုရင်
အလျင်အမြန် နှိပ်မိတာကတော့
အလွမ်းတွေဝေနေတဲ့ ဒီ ဂျီတော့ခ်ပေါ့..

လွမ်းတယ်. မ
သတိရတယ်.
အဆင်ပြေပါစေနော်. မ
ဒီညမျှော်နေမယ်.
မောနင်း မ..
စာတွေဆက်ရေးပါနော်.
ကောင်းသောညလေးဖြစ်ပါစေ.
လွမ်းနေပေးပါနော်.
သတိရနေမယ်..
…
…
..
.

ချစ်ခြင်းသီဖွဲ့စကားလုံးပေါင်းများစွာ
ဒီ ချက်ဟစ်စ်ထရီမှာ ကိန်းအောင်းနေကြတယ်.
မရိုးနိုင်အောင်ပါပဲလေ…

နေ့ပေါင်းများစွာရဲ့ မနက်ခင်းတွေမှာ
အလွမ်းတေးတွေသီခဲ့ဖူးတယ်.
“မ” တစ်ယောက် ကြားမကြား မသိနိုင်ခဲ့လည်း
ကျွန်တော့်ရဲ့ နှလုံးသားထဲမှာတော့
ဒီအချိန်ရောက်တိုင်း
မှုန်မှိုင်းနေတဲ့ အလွမ်းတိမ်တွေ
ညို့တက်လာမြဲပါ..



ညပေါင်းများစွာရဲ့ သန်းခေါင်ယံတွေမှာ
“မ”ကိုလွမ်းတဲ့ အကြောင်းတွေကို
နာရီသံတွေက သယ်ဆောင်နေခဲ့ဖူးတယ်.
“မ” တစ်ယောက် မခံစားနိုင်ခဲ့လည်း
ကျွန်တော့်ရဲ့ ဘိုင်အိုကလော့ခ်ကြီးကတော့
မျှော်လင့်စောင့်စားနေတဲ့ ဒီမျက်ကွင်းတွေအောက်မှာ
အညိုရောင် အလွမ်းသင်္ကေတတွေ ရေးထိုးနေမြဲပါ..

အချစ်ရည်တွေ ရွှန်းလဲ့နေတဲ့
ဒီမျက်ဝန်းအိမ်မှာလည်း
နေ့နေ့ညည
အလွမ်းမိုးတွေ သွန်းဖြိုးဝေကျနေမြဲပါ…

ဂရုစိုက်ပါ မ ရယ်..
ကျွန်တော်က အဝေးကြီးမှာ နေနေရတာ.
ချစ်တဲ့ “မ” အနား
ကျွန်တော် နေချင်သားပေါ့
ဘ၀ဆိုတာရဲ့ အဓိပ္ပါယ်ကို ဖွင့်ဆိုနိုင်ဖို့ ကြိုးစားရင်း
ကိုယ်စီကိုယ်ငှ တာဝန်တွေ ထမ်းဆောင်နေရချိန်မှာ
“မ” ရဲ့ လက်ဖမိုးလေးကို
မြတ်မြတ်နိုးနိုး ဆုပ်ကိုင်လို့
ဘ၀ခရီးကို ဆက်ချင်တယ်.
ဘာလို့ မဖြစ်နိုင်ရမှာလဲ “မ” ရယ်..

ဗျာ!

ဘယ်လို!!

ဟင်!!!

အပြင်ကို ထုတ်ဖော်မပြဖြစ်ခဲ့တဲ့
အာမေဋိတ်သံတွေအောက်မှာ
ကျွန်တော် ဘာပြန်ပြောရဦးမှာလဲဟင်..
တိုက်ပွဲကို နိုင်အောင် တိုက်နိုင်ပါလျက်နဲ့
ချစ်သူနဲ့ လက်ဆက်ခွင့် မကြုံကြိုက်နိုင်တာ.
ကျိန်စာကို ပယ်ဖျက်နိုင်ဖို့ ကြိုးစားရင်း
ကျိန်စာသင့်ခဲ့ရတဲ့ သူရဲကောင်းတစ်ယောက်လိုပါပဲလေ…

“သေရင်မြေကြီး ရှင်ရင်ရွှေထီးဆိုကာ
စွန့်စားခဲ့တာလည်း
ရခါမှပဲ မိဖုရားက မရှိတယ်”

ဆရာ စိုင်းခမ်းလိတ်ရဲ့ စာသားတွေက
ကျွန်တော့်ရဲ့ မာနတွေကို ပြက်ရယ်ပြုနေကြတယ်.
ကျွန်တော်မရှက်ပါဘူး
ဝမ်းပဲနည်းတယ်.

ဘာပဲဖြစ်ဖြစ်ပါ “မ” ရယ်.
ချစ်တယ်ဆိုတာ ပိုင်ဆိုင်လိုခြင်းတစ်မျိုးဖြစ်ပေမယ့်
မရယူနိုင်တော့တဲ့ အချိန်မှာ
ရယူပိုင်ခွင့် မရှိတော့တဲ့အချိန်မှာ
စပျစ်သီးချဉ်တယ်လို့ ဟော့ဟော့ရမ်းရမ်းပြောတဲ့ မြေခွေးလို
ကျွန်တော့်အချစ်တွေ မသော့သွမ်းနိုင်ခဲ့ပါဘူး.
“မ” ကို ကျွန်တော် ချစ်နေမြဲပါ.
ခုလည်းချစ်တယ်.
အရင်ကလည်းချစ်တယ်.
နောင်လည်း ဒီ့ထက်ပိုချစ်သွားဦးမယ်.
ကျွန်တော့်ထက် မပိုနိုင်ရင်တောင်
ကျွန်တော့်အောက် မလျော့တဲ့
ချစ်ခြင်းမေတ္တာတွေကို “မ” တစ်ယောက်
ရရှိခံစားနိုင်ပါစေနော်…

စည်းတစ်ဖက်ဆီမှာ ကိုယ်စီရပ်ရင်း
ဟန်ဆောင်တင်းထားတဲ့ သိက္ခာတွေကို ငဲ့ကွက်လို့
ကျွန်တော် ဘာမှ ၀င်မစွက်ချင်တော့ဘူး “မ” ရယ်.
တစ်ခုပဲ ပြောခဲ့ချင်ပါတယ်.
ချစ်တာထက်ပိုတဲ့ အချစ်တွေနဲ့
“မ” ကို ကျွန်တော်သိပ်ချစ်တယ်….

တဆိတ်လောက် “မ” ရယ်.
ကျွန်တော့်ရင်ထဲမှာ အလွမ်းတွေပြည့်လာလို့
“မ”ရဲ့ ဂျီတော့ခ် ယူဇာနိမ်းမ်လေးဘေးမှာ
အလွမ်းကဗျာလေးတွေ ရေးလိုက်ဦးမယ်နော်…
အဆင်ပြေတဲ့တစ်နေ့ “မ” ဖတ်ဖို့ပါ.
သွားတော့မယ် “မ” ရယ်..

အချစ်မဲ့ညများဟာ
မုန်းစရာကောင်းလောက်အောင်
ညတာ ရှည်လွန်းနေခဲ့တယ်..



(ရေခဲငှက်)