Thursday, June 19, 2008

ဧ၀ံမေသုတံ - မိမိကိုယ်ကို ယုံကြည်ခြင်း

ကိုယ့်ကိုယ်ကို တကယ်ယုံကြည်မှု မရှိတဲ့သူဟာ သူတစ်ပါးရဲ့ အထောက်အကူကို လိုချင်နေတယ်။ သူတစ်ပါးရဲ့ သဘောတူမှုကို မှီခိုနေတယ်။ သူ့ကို ထောက်ခံတဲ့သူကိုမှ သဘောကျတယ်။ ငါ့အယူအဆကို လက်မခံရင် ငါ့ရန်သူလို့ သဘောထားတယ်.

(နှာ ၂၇၂၊ “တွေးမိတိုင်းပျော်တယ်”၊ ဆရာတော် ဦးဇောတိက)

အဆင်မပြေတဲ့ အခြေအနေတွေနဲ့ ကြုံတဲ့အခါ ကိုယ့်စိတ်ကိုကိုယ် ခိုင်ခိုင်မာမာ ထားနိုင်တဲ့သူဟာ ကိုယ့်ဘ၀ကို ကိုယ့်လက်ထဲမှာ ထားနိုင်တဲ့သူလို့ ပြောလို့ရတယ်။


(နှာ ၁၆၈၊ ၄င်း)

ရှေးခေတ်ကလူတွေဟာ အားကိုးစရာ မှီခိုစရာ သတ္တိကို အပြင်ကနေ ရကြတာများတယ်။ သူများအပေါ်မှာ မှီပြီးမှ ရတဲ့ အင်အားမျိုးဖြစ်နေတယ်။ အုပ်စုကနေရတဲ့ အင်အားပေါ့။ အခုခေတ်လူတွေက အုပ်စုကနေရတဲ့ အင်အားကိုရဖို့ ခဲယဉ်းသွားပြီ။ ဘယ်အုပ်စုထဲမှာမှ မပါတော့တဲ့သူတွေ တော်တော်များများ တွေ့ရတယ်။ လွတ်လွတ်လပ်လပ် ရဲရဲရင့်ရင့် တွေးတတ်တဲ့သူဟာ အုပ်စုထဲကို ၀င်ဖို့ မလွယ်ဘူး။

(နှာ ၁၆၈၊ ၄င်း)

ဧ၀ံမေသုတံ၊ ကျွန်ုပ်သည် ဤကဲ့သို့ ကြားနာမှတ်သားလိုက်ရလေ၏......

ရန်အောင်

No comments: