လက်ကလေးနှစ်ဖက်ကို ဖြန့်ကြည့်လျက် သေသေချာချာစိုက်ကြည့်နေသော လေးနှစ်အရွယ် ကလေးငယ်တစ်ဦး။
“မင်းလက်မှာက အပွင့်လေးတွေ မပါသေးဘူး။ ဘာလို့လဲဆိုတော့ မင်းက ကျောင်းမနေသေးဘူး. အဲဒါက စာရေးမှ အပွင့်လေးတွေ ဖြစ်လာတာ…”
စကားပြောလျှင် လေကို တစ်ဝကြီး ရှူသွင်းပြီး အားရပါးရ ပြောတတ်သော သူ့အစ်ကိုဖြစ်သူ၏ စကားကို သေသေချာချာ နားထောင်လျက် ကလေးငယ်သည် သူ၏ လက်ကို တစ်ဖန် ပြန်ဖြန့်ကြည့် နေမိပြန်သည်။
ဟုတ်တော့လည်းဟုတ်သား။ သူ့လက်ဆစ်လေးများတွင် သူ့အစ်ကို ပြောသကဲ့သို့ အရစ်ကလေးများမှာ ကျဲမနေဘဲ စိနေလေသည်။ သူ့အစ်ကို ပြောသကဲ့သို့ ပြောရလျှင်တော့ အပွင့်လေးတွေ မပါသေးဟု ဆိုရပေလိမ့်မည်။
တစ်ယောက်တည်း နှစ်ခြိုက်စွာ ပြုံးလျက် ကက်ဆက်ခလုတ်ကို ချောက်ခနဲမြည်အောင် ပြန်ပိတ်လိုက်သည်။
ကက်ဆက်ခွေ အဟောင်းလေးများကို ရှင်းထုတ်နေရာမှ ဒီခွေလေးကို မမျှော်လင့်ဘဲ သူပြန်လည်တွေ့ရှိခဲ့ခြင်း ဖြစ်လေသည်။
စားပွဲပေါ်မှ ဘောလ်ပင်လေးတစ်ချောင်းကို ယူလျက် လက်ထဲတွင် လှည့်နေရင်း တစ်စုံတစ်ရာကို စဉ်းစားနေခဲ့မိသည်။
သူ့နှုတ်ခမ်းထောင့်စွန်းတွင် အပြုံးကွေးလေးတစ်ခု ဖြစ်ထွန်းသွားခဲ့သည်။
ကက်ဆက်ခွေလေးပေါ်တွင် စာတစ်ကြောင်းရေးခြစ်လျက် အံဆွဲကို ဖွင့်ကာ သေသေချာချာ သိမ်းထားလိုက်ခဲ့သည်။
“ငယ်ဘ၀”
……
စာရိုက်နေသော သူ့လက်များကို ခေတ္တ အနားပေးလျက် ကုလားထိုင်ကို မှီထိုင်နေလိုက်သည်။
စိတ်ထဲတွင်လည်း တစ်စုံတစ်ရာကို မချင့်မရဲ ဖြစ်သွားမိခဲ့သည်။
“အဲဒီ့ခွေလေးကို ယူလာခဲ့မိရင် ကောင်းသား. Mp3 ပြောင်းထားလို့ ရတယ်” ဟုလည်း ကိုယ့်ကိုယ်ကို အပြစ်တင်နေမိခဲ့သည်။
သူမရှိတော့သည့်နောက် သူ သိမ်းထားခဲ့သည့် စာအုပ်ဟောင်းများ၊ ကက်ဆက်ခွေများ၊ ကဗျာစာရွက်များ၊ ဒိုင်ယာရီစာအုပ်ဟောင်းများသည် နေရာတကျမှ ရှိပါသေး၏လားဟုလည်း စိတ်ထဲတွင် တွေးပူသွားမိသည်။
အင်း. ဒီတစ်ပတ် အမေနဲ့ စကားပြောဖြစ်ရင် မေးကြည့်ဦးမှ ဟု စိတ်ထဲတွင်တေးထားလိုက်မိသည်။
ထိုကက်ဆက်ခွေလေးကို သူစတွေ့ခါစက အမေ့ကို မေးမိသည်။
“အမေ. ဒီအသံလေးတွေက ဘယ်သူသွင်းထားတာလဲ”
အမေက ပြုံးလျက် ၀မ်းနည်းသွားခဲ့လေသည်။
“အဲဒါ မင်းအဖေပေါ့. မင်းတို့ ညီအစ်ကိုနှစ်ယောက် စကားပြောနေတာကို အမှတ်တရ သွင်းထားခဲ့တာလေ…”
ကက်ဆက်ခွေလေးသည် အတော်ပင် ဟောင်းနေခဲ့လေပြီ။
သို့သော် သူ့စိတ်ကူးထဲတွင်မူ သူ၏ ငယ်ဘ၀ပုံရိပ်များသည် အမြဲသစ်လွင်လန်းဆန်းနေခဲ့လေသည်။
“ငါ မင်းကို သတိရတယ် ဟေ့ကောင်….”
….
“ခွေးမ…”
“၀က်မ..”
“ခွေးမ..”
“၀က်မ…”
အိမ်ရှေ့တွင် ထိုင်လျက် အိမ်စာများလုပ်နေသော သူတို့ ညီအစ်ကိုနှစ်ယောက် တစ်ယောက်မျက်နှာ တစ်ယောက်ကြည့်လိုက်မိသည်။
အခြေအနေကတော့ မကောင်းလှ။ အစ်မကြီးနဲ့ အစ်မငယ်တို့၏ တိုက်ပွဲက အရှိန်ယူနေလေပြီ။
ခဏနေလျှင် အဖေပြန်လာတော့မည်။
အသံများကို မကြားချင်ယောင်ဆောင်လျှက် ကိုယ့်အိမ်စာမြန်မြန်ပြီးအောင်သာ ဆက်လုပ်နေမိတော့သည်။ ၉ နာရီခွဲလျှင် တီဗွီမှ လာမည့် နိုင်ငံခြားကား သွားကြည့်ချင်သေးသည်ကိုး.
“ဒုန်း…. ဒလုံး… ဒုန်း. ဒုန်း…”
ဟိုက်…
ချကုန်ကြပြီ.
အစ်မကြီးနဲ့ အစ်မငယ်တို့ နပန်းလုံးနေကြသည်ကို ကြည့်ရင်း အမေက အတင်းဝင်ဆွဲသည်။
သူတို့ ညီအစ်ကိုနှစ်ယောက်ကတော့ ကြောက်လည်းကြောက်သည်။ စိတ်လည်းပူသည်။ စိတ်လည်းတိုသည်။
ကြောက်သည်က အဖေမကြာခင် ပြန်လာတော့မည်။ အဖေဘယ်လောက် အရိုက်ကြမ်းတာ သူတို့အသိဆုံး။
စိတ်ပူသည်က အဖေပြန်လာပြီး ညီအစ်မနှစ်ယောက် ရန်ဖြစ်သည်ကိုတွေ့လျှင် ရိုက်မည်၊ ဆူမည်၊ ထို့နောက် ဘယ်သူမှ အပြင်မသွားရန် အမိန့်ထုတ်ကောင်းထုတ်နိုင်သည်။ ထိုကဲ့သို့ဖြစ်လျှင် သူတို့ညီအစ်ကိုနှစ်ယောက် နိုင်ငံခြားကား သွားကြည့်ရတော့မည် မဟုတ်။
စိတ်တိုသည်က ဒီအစ်မနှစ်ယောက် တည့်ကိုမတည့်နိုင်။ အမြဲလိုလို ရန်ဖြစ်သည်။ သူတို့ ရန်ဖြစ်သည်က တော်တော်၊ သူတို့ကြောင့် ညီအစ်ကိုနှစ်ယောက် အချိန်ပို စာလုပ်နေရသည်က ခပ်များများ ဖြစ်နေသည်။ အဖေက စိတ်တိုလျှင် စာပဲ ဖိကျက်ခိုင်းတတ်သည်ကို သူတို့ အသိဆုံး။
“ဒေါက်.. ဒေါက်.. ဒေါက်”
တကယ်တော့ တံခါးခေါက်သံသည် ပုံမှန်မျှသာ ဖြစ်ပါသည်။ သို့သော် အားလုံးကို ငြိမ်ကျသွားစေလောက်အောင် ပြင်းထန်လွန်းနေခဲ့သည်။
ဖို့ရိုးဖားယားဖြစ်နေသော ဆံပင်များကို သပ်သပ်ရပ်ရပ်ဖြစ်အောင် အမေက ပြန်စည်းသည်။ ထမီကို ပြင်ဝတ်သည်။
အစ်မနှစ်ယောက် မျက်နှာများကို စူပုပ်လျက် အခန်းတွင်းသို့ ၀င်သွားသည်။
သူတို့ ညီအစ်ကိုနှစ်ယောက် မျက်နှာများကို စာအုပ်ကြားထဲ ၀င်တော့မတတ် ခေါင်းငုံ့နေကြသည်။
တံခါးဖွင့်သံ၊ အမေနှင့် စကားပြောနေသံများကို ကြားနေရသည်။ တံခါးဖက်သို့ လှည့်မကြည့်မိအောင် စိတ်ကိုတင်းထားရသည်။
အဖေခြေသံ ခပ်ပြင်းပြင်းနင်းလျက် သူတို့ ရှေ့မှဖြတ်လျှောက်သွားသည်။
သူ့လက်ထဲတွင် ကိုင်ထားသော ခဲတံသည် ချွေးစေးတို့ဖြင့် စိုစွတ်နေခဲ့လေသည်။
အစ်မကြီးနှင့်အစ်မငယ်တို့ အိမ်ရှေ့ခန်းသို့ ဒရွတ်တိုက် ပါလာကြသည်။
အခန်းထောင့်တွင် ထားသော ကြက်မွှေးသည် တရွှန်းရွှန်းဖြင့် လေထဲတွင် ဝေ့၀ဲနေခဲ့သည်။
မသိပါ။
ညီအစ်ကိုနှစ်ယောက် ဘာဆိုဘာမှ မသိတော့ပါ။
စာအုပ်များကို ပိတ်လျက် ဘုရားခန်းထဲသို့ ပြေးဝင်ကြသည်။
“ဩကာသ… ဩကာသ… ဩကာသ…” ဘုရားရှိခိုးသံသည် အိမ်ရှေ့ခန်းမှ ဆူညံပွက်လောရိုက်နေသံများနှင့် အပြိုင် ထွက်ပေါ်နေခဲ့လေသည်။
ကုတင်ပေါ်တွင် စောင်များကို ခေါင်းမြီးခြုံလျက် အိပ်ချင်ယောင်ဆောင်နေသော သူတို့ ညီအစ်ကိုနှစ်ယောက်အတွက် ညတာသည် ရှည်လွန်းလှခဲ့သည်။
ထိုညက နိုင်ငံခြားဇာတ်လမ်းတွဲသည် သူတို့ အိပ်မက်ထဲတွင်သာ ဇာတ်သိမ်းခဲ့လေသည်…
…..
သူနှင့် သူ့အစ်ကိုက တက်ရသည့် ကျောင်းချင်းမတူ။ သူက မနက်ပိုင်း ကျောင်းတက်ရခြင်း ဖြစ်ပြီး နေ့လယ်ဆိုလျှင် အိမ်ပြန်ရောက်နေလေပြီ။ သူ့အစ်ကိုက စိန့်ပေါလ် (အ.ထ.က (၆) ဗိုလ်တထောင်) ကျောင်းတွင် တက်သည်။ သူ့အစ်မများက ပန်းဘဲတန်း စိန့်မေရီကျောင်းတွင် တက်သည်။ သူနှင့် အိမ်နီးချင်း သူငယ်ချင်းများ ဆော့ဖော်ဆော့ဖက်များမှာလည်း ညနေလေးနာရီကျော်မှ ကျောင်းက ပြန်ရောက်တတ်ကြသည်။ ထို့ကြောင့် ညနေအိမ်ပြန်လျှင် သူတစ်ယောက်တည်း ဆော့ချင်ရာ ဆော့နေတတ်သည်။
ကက်ဆက်ခွေများကို စီလျက် အိမ်ဆောက်ချင်ဆောက်၊ ငါးထပ်တိုက်ပေါ်မှနေလျက် မီးပွိုင့်တွင်လွှတ်သော ကားများကို ကြည့်ချင်ကြည့်၊ စာအုပ်အငှားဆိုင်မှ ငှားလာသော ရုပ်ပြစာစောင်များကို ဖတ်ချင်ဖတ်ဖြင့် အိမ်တွင်းအောင်းနေတတ်သည်။
ညနေ လေးနာရီထိုးခါနီးလျှင် လျှောတိုင်မှ ဆင်းလျက် အိမ်အောက်ထပ်သို့ သူရောက်နေတတ်သည်။ အနော်ရထာလမ်းနှင့် ဆူးလေဘုရားလမ်းတို့ ဆုံရာ မီးပွိုင့်နားရှိ ရေခဲရေ ရောင်းသောဆိုင်လေးများနားတွင် သူ ရောက်နေတတ်သည်။ သံတမန်ကုန်တိုက်ရှေ့ရှိ ခရေပင်ကြီးအောက်နားတွင် ခရေပန်းလေးများကို ကောက်လျက် ကျွတ်ကျွတ်အိတ်လေးထဲသို့ ထည့်ကာ အချိန်ကုန်နေတတ်သည်။ ခရေပန်းလေးများကို အပ်ချည်ကြိုးလေးတွင် သီလျက် အမေ့လက်ထဲသို့ ထည့်ကာ ဘုရားကပ်ဖို့ ပြောလျှင် အမေက ဆုအရှည်ကြီးပေးတတ်သည်။ ဒါကို မက်မောသည်ကလည်း ပါသည်။ အမေ့ထံမှ အနမ်းတစ်ချက်ရဖို့ သူမျှော်လင့်သည်ကလည်း ပါသည်လေ။ ခရေပန်းများများရလျှင်တော့ အစ်မနှစ်ယောက်အတွက်ပါ စိတ်လိုလက်ရ ခရေပန်းကုံးလေးများ သူသီပေးနေတတ်သည်။
အစ်ကိုက ကျောင်းနီးသူဖြစ်၍ အရင်ပြန်ရောက်တတ်သည်။ ခရေပင်အောက်နားတွင် ထိုင်နေတတ်သောသူ့ကို တွေ့လျှင် သူ့အစ်ကို မျက်နှာကြီးက ပြုံးဖြီးဖြီး ဖြစ်သွားတတ်သည်။
အမြဲလိုလို မဟုတ်ပေမယ့် အချိန်တော်တော်များများမှာ သူ့အစ်ကိုသည် သူ့အတွက် အရုပ်တစ်ရုပ်လောက်တော့ အမြဲဝယ်လာတတ်သည်။ အရုပ်မဟုတ်လျှင်လည်း စားစရာမုန့်လေးတစ်ခုခုလောက်တော့ သူဝယ်လာတတ်သည်။
သူ့အစ်ကို ပြန်လာလျှင် လွယ်အိတ်ထဲသို့ မွှေနှောက်ရှာဖွေတတ်သည့် သူ့အကျင့်ကို သိ၍လားမသိ။ သူ့အစ်ကို ပြန်လာတိုင်း တစ်ခုခုတော့ ပါလာတတ်သည်။ အဖေ့ဆီမှ ရသည့် မုန့်ဖိုးတစ်မတ်နှင့် သူ့အစ်ကို ဘယ်သို့ဘယ်ပုံ မုန့်ဝယ်စားသည် သူမသိခဲ့။ သူသိနေခဲ့သည်ကတော့ သူ့တွင် သူ့အစ်ကိုဝယ်လာပေးသော ကော်ရုပ်ကားလေးများ၊ ဆိုင်ကယ်လေးများ၊ စစ်သားရုပ်လေးများ၊ ဂေါ်လီလုံးများ၊ ဂျင်များ ရှိနေသည်ကိုသာ သူသိနေခဲ့သည်။ ဒါတင်မကသေး. သူ့အစ်ကိုသည် သူ့ကို သူငယ်ချင်းများက ကျွေးလိုက်သော မုန့်များရှိခဲ့လျှင်လည်း သေသေချာချာ ထုပ်ပိုးလျက် အိမ်သို့ ပြန်ယူလာတတ်ပြီး သူ့လက်ထဲသို့ ထည့်ပေးတတ်သည်မှာ အကြိမ်ပေါင်းများစွာပင် ဖြစ်ခဲ့လေသည်။
….
“ခွပ်…”
မျက်စိထဲ ပြာခနဲ ဖြစ်သွားသည်။
သူ့ရှေ့တွင်မတော့ နှစ်ခြမ်းကွဲနေသော အဖြူရောင်ဂေါ်လီလုံးလေးတစ်လုံး။
သူ့ဘေးတွင်တော့ အားပါးတရပြုံးနေသော ဂေါ်ကြီးဆိုသည့်ကောင်…
သူတို့ငယ်စဉ်က ဂေါ်လီရိုက်တမ်းကစားလျှင် ရှုံးသွားသူ၏ ဂေါ်လီကို မြေတွင်းထဲ ထည့်လျက် အားလုံးက အပေါ်မှနေ၍ သူတို့၏ ဂေါ်လီလုံးများဖြင့် ရိုက်ခွဲတမ်း ဆော့ကြသည်။ များသောအားဖြင့် ခံရသူ၏ ဂေါ်လီကွဲတတ်သည်။ တစ်ခါတစ်ရံတွင်မတော့ ရိုက်ခွဲသူ၏ ဂေါ်လီပါ ကွဲသွားတတ်သည်။
ဒီနေ့သူရှုံးသည်။ သူ့ဂေါ်လီလေးကို တွင်းထဲသို့ ထည့်ပေးလျက် နောက်တွင် အသာရပ်ကာ စောင့်နေခဲ့သည်။
ပထမတစ်ယောက် ၀င်ခွဲသည်။ သူ့ဂေါ်လီဘာမှမဖြစ်ခဲ့။
နောက်တစ်ယောက် ၀င်ခွဲသည်။ ဘာမှမဖြစ်သေး။
သူ့အစ်ကိုအလှည့်ကျသည်။ အသာလေး ပစ်ပေါက်ရုံလောက်သာ ပစ်ပေါက်သွားသည်။
ဂေါ်ကြီး…
ဒီကောင်က ကရင်စပ်သည်။ အားလည်းအလွန်သန်သည်။ ဂေါ်လီရိုက်လျှင် အလွန်လက်တည့်သည်။ သူနှင့်ယှဉ်ရိုက်နိုင်သူ ခပ်ရှားရှားပင် ဖြစ်သည်။ ပိုဆိုးသည်က သူကိုင်သည့် ဂေါ်လီသည် ပုံမှန်အရွယ်ထက် ကြီးနေတတ်ပြီး အလွန်လည်း မာသည်။ ထို့ကြောင့် သူ့ကို အားလုံးက နာမည်ပေးထားတတ်ကြသည်။
“သံဂေါ်လီ” ဟူ၍…
ယခု သူ့အလှည့်ကျသည်။
သူကရိုက်ခွဲလျှင် ပုံမှန်လူနှင့်မတူ. ဘယ်ဖက်လက်မနှင့် လက်ခလယ်ကြားတွင် ဂေါ်လီကိုထည့်လျက် ညာဖက် လက်ခလယ်ကို ဂေါ်လီနောက်သို့ ထိုးထည့်ကာ အားရပါးရ ပစ်ခွဲခြင်းပင် ဖြစ်သည်။
သူခွဲခဲ့သည့် ဂေါ်လီပေါင်းမနည်းတော့ပေ။
ထို့ကြောင့်လည်း သူစိတ်ပူနေခြင်းပင် ဖြစ်သည်။
ထင်သည့်အတိုင်းပင်…
သူ့ဂေါ်လီကွဲခဲ့ပါသည်။
သူ့အစ်ကိုလည်း မျက်နှာတစ်ချက်ပျက်သွားခဲ့သည်ကို သတိထားမိလိုက်သည်။ ကစားဖော်များကတော့ အော်ဟစ်မြူးတူးနေခဲ့ကြလေသည်။ သူ ၀င်ခွဲ၍ တစ်ခြားသူများ ဂေါ်လီကွဲခဲ့တုန်းကလည်း သူသည် ပျော်ရွှင်စွာ အော်ဟစ်နေခဲ့သူ ဖြစ်လေသည်။ သို့သော် သူ့အလှည့်တွင်မူ သူသည် ကြေကွဲနှုတ်ဆိတ်နေခဲ့လေသည်။
ဂေါ်လီကွဲလေးနှစ်ဖက်ကို လက်ထဲတွင် ကိုင်လျက် ပလက်ဖောင်းဘေးတွင် ထိုင်ကာ ဂေါ်လီဆက်ရိုက်နေသူများကို ကြည့်နေခဲ့သည်။
ခဏအကြာတွင်တော့ သူ့အစ်ကို ဂေါ်လီရိုက်နေရာမှ သူ့ဖက်သုိ့ ထွက်လာခဲ့သည်ကို တွေ့ရသည်။
“ရော့. မင်းဆက်ရိုက်ချင်ရိုက်တော့. ငါ အပေါ်တက်တော့မယ်.”
ပြောပြောဆိုဆို သူ့လက်ထဲသို့ ထည့်သွားသော ဂေါ်လီလုံးလေးကို ဖမ်းဆုပ်ကာ လက်သီးတစ်ချက် ပြင်းပြင်းဆုပ်မိခဲ့သည်။
ထိုနေ့က သူ ဂေါ်လီဆက်ရိုက်ခဲ့သည်။
ဂေါ်ကြီး၏ ဂေါ်လီ မကွဲခဲ့သော်လည်း သူသည် အချက်ပေါင်းများစွာဖြင့် ပြန်လည် ရိုက်ခွဲခဲ့လေသည်။
ထိုနေ့က သူ့အစ်ကိုပေးခဲ့သော ဂေါ်လီထပ်ကွဲခဲ့ပါသည်။
အိမ်ပေါ်ထပ်သို့ သူတက်လာတော့ သူ့အစ်ကိုက သူ့ကို တစ်ခွန်းပြောသည်။
“မုန့်ဖိုးရရင် မနက်ဖြန်ညနေ မောင်ထော်လေးလမ်းမှာ ဂေါ်လီသွားဝယ်မယ်…”
….
“တရားစခန်းဝင်ပါ အမေရာ…”
သူဖျောင်းဖျောင်းဖျဖျ ပြောဆိုသော်လည်း အမေက နားမ၀င်။ အစ်မလုပ်သူက မျက်စောင်းတခဲခဲနှင့် လှမ်းကြည့်နေသည်။
“အေး. အစက ၀င်မလို့ပဲ. ခုတော့ နင့်ကို စိတ်မချလို့ မ၀င်တော့တာ.. သိပြီလား”
အမေ့ထံမှ ထွက်ပေါ်လာသော ခက်ထန်သည့် စကားလုံးများသည် သူ့နှလုံးသားတွင်းသို့ သံရည်ပူများပမာ ဖြတ်စီးဆင်းသွားကြသည်။
“ကျွန်တော်. ဘာမှမလုပ်ပါဘူး. စိတ်ချပါ. အပြင်ထွက်လည်ရုံပါပဲ.”
“ဘယ်သူသိမှာလဲ. ငါတို့က အပြင်သွားမှာ. နင့်အစ်ကိုက ကားမောင်းနေမှာ. နင်တစ်ယောက်တည်းကျန်ခဲ့မှာ. နင့်ရည်းစားနဲ့ နင်နဲ့ ဒီအိမ်ပေါ်မှာ ဖြစ်ချင်သလို ဖြစ်နေမှာပေါ့…”
“ဟာဗျာ.. ဘာတွေလာပြောနေတာလဲ… ဘာမှမဆိုင်တာတွေ ဆွဲထည့်မနေနဲ့!”
ဘာမှ ဆက်လက်ဖြေရှင်းမနေချင်တော့ပါ.
အိမ်ရှေ့ဝရန်တာသို့ ထွက်လျက် ၀ရန်တာလက်ရန်းကို ကျစ်ကျစ်ပါအောင် ဆုပ်ထားမိသည်။ အသားတို့ တဆတ်ဆတ်တုန်နေမိသလို ခံစားရသည်။ ရင်အစုံသည် လှိုင်းထန်နေခဲ့သည်။
“လူငယ်ပဲဗျာ. လည်ချင်တာလည်စမ်းပါစေ. သူလည်းသွားတော့မှာပဲ ဥစ္စာ. နောက်နှစ်. ဒီကောင်လည်ချင်တာတောင် လည်လို့ရမှာ မဟုတ်တော့ဘူး..”
သူ့အစ်ကိုက သူ့ဖက်မှ ၀င်ပြောသည်။ စိတ်ထဲတွင် ၀မ်းနည်းဝမ်းသာ ဖြစ်မိသည်။ တကယ်တော့ သူသည် အမေ့ကို တရားစခန်း အေးအေးဆေးဆေး ၀င်စေချင်ခဲ့သူသာ ဖြစ်သည်။ သို့သော် အမေသည် သူ့ကို စိတ်မချနိုင် ဖြစ်နေခဲ့သည်။ အစ်မလုပ်သူကလည်း အမေ့ဖက်မှနေ၍ သူ့ကို ဖိပြောသည်။
သူရင်ကွဲရပါသည်။
“နင်က ဘာသိလို့လဲ. ဒီကောင်က ကုတ်ကမြင်း. တစ်ခုခုဖြစ်မသွားဘူးလို့ နင်အာမခံနိုင်လို့လား..”
ဒီစကားလုံးများက သူ့ကို ၀ရန်တာပေါ်မှ ခုန်ချသွားချင်စိတ် ပေါ်လောက်အောင် စိတ်ဆင်းရဲစေခဲ့သည်။
“နေဗျာ. အမေ့ဖာသာ စခန်းဝင်ချင်ဝင် မ၀င်ချင်နေတော့. သူ့ဖာသာ အေးအေးဆေးဆေး နေစမ်းပါစေ. ဘာမှလိုက်ပြီး ၀င်ပါမနေနဲ့. ဒီကောင်လည်း ငယ်တော့တာမဟုတ်ဘူး.”
အစ်ကိုက လူဖြောင့်စိတ်တိုသမား. စကားကို ရှည်ရှည်ဝေးဝေး ပြောမနေတတ်. သူပြောချင်ရာကို ပြောမရလျှင် ရှောင်ဖယ်ထွက်သွားတတ်သည့် ခပ်အေးအေးသမားဖြစ်သည်။
“ဟေ့ကောင်. လာ. ဘာမဟုတ်တာတွေနဲ့ စိတ်ဆင်းရဲမနေနဲ့. မင်းကို ငါလိုက်ပို့မယ်.”
ပုခုံးကို တစ်ချက်ပုတ်ခံလိုက်ရမှ သူလည်း သတိပြန်ဝင်လာခဲ့သည်။ ခြေဖျားလက်ဖျားများ အေးစက်နေသကဲ့သို့ ခံစားရသည်။
အိမ်အောက်ထပ်သို့ ရောက်ပြီး ကားထဲဝင်ထိုင်တော့မှ ပြောဖြစ်သည်။
“Thank you ကွာ. ကားဂိတ်ပဲ လိုက်ပို့တော့. ငါ့ဖာသာ ဆက်စီးသွားလိုက်မယ်.”
“ရပါတယ်ကွာ. ငါလည်းအဲဒီ့ဖက်သွားရမှာပဲ. လူက အဲဒီ့ဖက်မှာ ပိုရှာလို့ရနိုင်တယ်ကွ”
ပြောပြောဆိုဆို တက်စီဆိုင်းဘုတ်လေးကို ကားခေါင်မိုးပေါ်တင်လျက် ကားစက်ကို နှိုးနေသော သူ့အစ်ကိုကို ကျိတ်ပြီး ကျေးဇူးတင်နေမိခဲ့သည်။
သင်္ကြန်တွင်းတွင် ကားခက ခေါင်ခိုက်နေသည်မဟုတ်လား. သူ့တွင် သင်္ကြန်လည်ရန် စုထားသော ပိုက်ဆံက တစ်ထောင်ခန့်မျှသာ ရှိသည်။ ကားခရာကျော်ပေးလိုက်လျှင် သူ့အတွက် ဘာမှ ကျန်မှာ မဟုတ်တော့. သူမမှာလည်း ပိုက်ဆံ သိပ်မရှိသည်ကို သူအသိဆုံး. ပိုဆိုးသည်က သူမထံမှ ပိုက်ဆံဘယ်တော့မှ သူယူမသုံးတတ်ခြင်းပင် ဖြစ်သည်။ ပိုက်ဆံမရှိလျှင် ဒီတိုင်းထိုင်နေမည်။ သင်္ကြန်လည်ဖို့ စဉ်းစားမည်ပင်မဟုတ်.
ယခုလည်း သင်္ကြန်လည်မည်ဆိုသည်က ဗိုလ်ချုပ်ဈေး မဏ္ဍပ်တစ်ဝိုက်၊ အင်းလျားကန်ဘောင် တစ်ဝိုက်၊ မြို့ထဲတစ်ဝိုက် လျှောက်ပတ်ကြည့်ရန်သာ ရည်ရွယ်ထားခြင်းဖြစ်သည်။ သင်္ကြန်လည်သည့် သူငယ်ချင်းများနှင့် လှည့်ပတ်လိုက်နိုင်အောင်လည်း သူ့တွင် ပိုက်ဆံမရှိခဲ့။ Study Guide လုပ်ပြီး စုဆောင်းထားသော ပိုက်ဆံများကလည်း စာမေးပွဲဖြေရန် မကြာသေးခင်ကမှ အလုံးလိုက်အရင်းလိုက် သုံးလိုက်ရသည်။
ဘာရည်ရွယ်ချက်မှ မရှိခဲ့ပါ။ သင်္ကြန်လျှောက်လည်ရုံသာ ရည်ရွယ်ခဲ့သည်။ သို့သော် သူအထင်လွဲခံရသည်။
ခံပြင်းသည်။ ဒေါသထွက်သည်။ ၀မ်းနည်းသည်။ ခံစားရသည်။
ကားမှန်ပေါ်တွင် ရေများစိုစွတ်နေကြသည်။
သူ့ရင်ဘတ်ထဲတွင်လည်း ၀မ်းနည်းခံပြင်းစိတ်များ နေရာယူထားကြသည်။
လှည်းတန်းမီးပွိုင့်တွင် ကားရပ်လိုက်တော့မှ သတိပြန်ဝင်လာခဲ့သည်။
“ရပြီကွာ. ငါဒီကပဲ လမ်းဆင်းလျှောက်လိုက်တော့မယ်.”
သူ့အစ်ကိုက ဘာမှပြန်မပြောပါ. သူ့ကို ဘေးတိုက်စောင်းကြည့်လျက် တစ်စုံတစ်ခုကို လှမ်းပေးသည်။
“ရော့. သတိထားလည်းသွားဦး. ရန်တွေဘာတွေ ဖြစ်မနေနဲ့ ကြားလား..”
သူ့အစ်ကိုလှမ်းပေးလိုက်သော အရာကို ယူလိုက်တော့ သူအရမ်းငိုချင်သွားခဲ့သည်။
အံကို တစ်ချက်ကြိတ်လျက် မျက်တောင်မြန်မြန်ခတ်ကာ ခေါင်းတစ်ချက် ဆတ်ပြလိုက်ခဲ့သည်။
“ဟိုအစ်ကိုကြီး မရွှဲသေးဘူး. ပက်ဟေ့… ပက်ဟေ့…”
ကလေးငယ်သုံးယောက် ရေခွက်လေးများကိုင်လျက် သူ့ဖက်သို့ပြေးလာခဲ့သည်ကို ပြုံးလျက် ကြည့်နေမိခဲ့သည်။
“ဗွမ်း…”
ရေစိုသွားသော အင်္ကျီကို အသာခါလျက် လမ်းတစ်ဖက်သို့ ကူးလိုက်ခဲ့သည်။
လမ်းတစ်ဖက်ခြမ်းသို့ ရောက်တော့မှ လက်ထဲတွင် ကျစ်ကျစ်ပါအောင် ဆုပ်ကိုင်ထားမိသော အရာကို ဖြန့်ကြည့်မိသည်။
တစ်ထောင်တန် ငွေစက္ကူသုံးရွက်သည် သူ့မျက်နှာပေါ်တွင် တင်ကျန်နေသော ရေစက်များကို ကျော်လျက် သူ့မျက်ရည်များကို လုယူသွားခဲ့လေသည်….
….
ငယ်စဉ်က အဖြစ်အပျက်ပေါင်းများစွာသည် သူ့ရှေ့တွင် ရုပ်ရှင်ကားတစ်ကားပြနေသကဲ့သို့ တစ်ကွက်ပြီးတစ်ကွက် ထွက်ပေါ်လာနေခဲ့သည်။
အရာရာကို မှတ်တမ်းတင်ရန် သူမကြိုးစားတော့….
အချို့ အဖြစ်အပျက်များသည် ထုတ်ဖော်ပြောလိုက်ရလျှင် ပေါ့သွားတတ်သည်။ ရင်ထဲတွင် သိမ်းထားကာ တမြေ့မြေ့ဖြင့် ပြန်လည် ခံစားနေရသည်က ပိုကောင်းသည်ဟု သူယူဆသည်။
ဘာပဲပြောပြော သူနှင့် သူ့အစ်ကိုကြားတွင် ခိုင်မာသော ညီအစ်ကို သံယောဇဉ်ရှိသည်။
သူ့အခန်းတွင်းတွင်မတော့ သူ့အစ်ကို သိပ်ကြိုက်သည့် သီချင်းတစ်ပုဒ်သည် စည်းချက်မှန်စွာ ထွက်ပေါ်နေခဲ့လေသည်....
အမှတ်တရ ပို့ပေးရန်ရည်ရွယ်ထားသော မွေးနေ့ကတ်ပြားလေးပေါ်တွင် စာတစ်ချို့ရေးခြစ်လိုက်ခဲ့သည်။
မနက်ဖြန် စာတိုက်သွားရန်ရှိသည်...
11 comments:
ရင်ထဲမှာ တစ်ခုခု ကျန်သွားတယ်
ခင်ဗျားအစ်ကိုက ခင်ဗျားကို အတော်ချစ်တာပဲ...။ ဂရုစိုက်ပါဗျာ...။
အားကျတယ်...။
I feel sad for something after reading your this post.
I envy you who can show your younger life feeling.
I feel sad after reading this post.
I envy you who have ability to show your feeling about younger life.
I really envy you, brother yanag ..
Really wanna pray for both of you,
BE Happy along the life...
Your post makes me cry. I used to have a brother like yours. Not all people are fortunate like u.
Lesson for me is We have to love and cheerish things we have in our hands, We have to say and express that we love them, we appreciate them. U r a lucky man, Ko Yan Aung.
ဖတ်ခါစမှာ ၀တ္ထုတစ်ပုဒ်လိုိ့  ထင်လိုက်တယ် … အားလုံးဖတ်ပြီးသွားတော့ လူငယ်တစ်ယောက်ရဲ့ ငယ်ဘ၀ဒိုင်ယာရီ လို့နားလည်လိုက်တယ် …။
scan ဖတ်ထားတဲ့ ကဒ် နဲ့  စာသားတွေ တွေ့ ရတော့ ( အော်.. ကိုရန်အောင်ရဲ့ ငယ်ဘ၀ကိုး…)
အစ်ကို တစ်ယောက်ရဲ့ မေတ္တာတွေကို အပြည့်အ၀ ခံစားခဲ့ရတဲ့ … ကိုရန်အောင်ကို မနာလို ဖြစ်လာတယ်..။ လေးမက အစ်ကို သိပ်လိုချင်ခဲ့တာလေ …။ ဒါပေမယ့် လေးမ မှာလည်း လေးမကို သိပ်ချစ်တဲ့ မမ ရှိပါတယ် …။
စာတိုက်သွားပြီး ပြီလို့  ထင်ပါတယ်…။ မသွားရသေးရင် မြန်မြန်သာသွားလိုက်ပါ …။ တစ်ခါမှ မကြားဖူးတဲ့ ညီလေး သီချင်းကို လည်း နားထောင်သွားတယ်…။
ဒါနဲ့ ညီလေး … ခုချိန်မှာရော .. ဂေါ်ကြီး ဂေါ်လီကို ကွဲ အောင် ရိုက်နိုင်ပြီလား…။
Hmm…Nice writing…Makes me to think back my childhood days when my family was in Shan state and I have to smile….Crazy isn’t it…. Well, I was a pretty well behaved kid back then (-: But one of my sisters was a young trouble maker so I remember I had to fight with the other kids to protect and save her (-:
ခင်ဗျားအစ်ကိုက ခင်ဗျားကိုတော်တော်ချစ်တာပဲဗျ။
ခံစားသွားတယ်ဗျာ
ဒီလို ကိုယ့်ညီကို ချစ်တဲ့ အကိုမျိုး ရှိတာ နည်းတဲ့ ကုသိုလ် မဟုတ်ဘူးနော်။ အားကျစရာပါပဲ။ မေ တောင် မောင်နှမထဲမှာ အငယ်လုပ်ချင်လို့ အမေကသိလို့လားမသိ။ ခုထိ အကြီးနေရာချည့်ပဲ....အဟဲ
အားကျမိလို့ပါနော် ကိုရန်...
Post a Comment