ကျွန်တော်တန်ဖိုးထားတဲ့ အချစ်-၂

ချစ်တတ်ဖို့ဆိုတာ ထင်သလောက်တော့ မလွယ်လှဘူးဗျ။ အရမ်းချစ်တာကို ချစ်တတ်တယ်လို့ သွားပြီးတော့ အမှတ်မမှားမိစေနဲ့။ ချစ်တတ်တယ်ဆိုတဲ့ အတိုင်းအတာကို မိဘတစ်ယောက်ရဲ့ မေတ္တာနဲ့ အစပြုပြီးနှိုင်းယှဉ်ပြချင်တယ်။ ချစ်ခြင်းတရားနဲ့ ပတ်သက်လာရင် မိဘမေတ္တာကို ဘယ်အရာကမှ မတုပနိုင်ပါဘူး။ ဒါအားလုံးလက်ခံနားလည်ပြီးသားပါ။ ဒါပေမယ့် မချစ်တတ်တဲ့ မိဘတွေကြောင့် နစ်မွန်းခဲ့ရတဲ့ သားသမီးတွေလည်းရှိတယ်ဆိုတာကိုလည်း မမေ့သင့်ဘူး။ မိဘရဲ့ ကာကွယ်မှုကိုရလွန်းနေတဲ့ သားသမီးတွေမှာ ကိုယ်ရည်ကိုယ်သွေး ညံ့ဖျင်းသွားတတ်ကြတယ်။ မိဘတစ်ယောက်ရဲ့ အချစ်ဟာ သားသမီးတွေအတွက် အားတစ်ခု၊ အထောက်အပံ့တစ်ခု ဖြစ်နေရမယ်။ လောင်းရိပ်ပေးတဲ့ သဘောမျိုး မဖြစ်ရဘူး။

ဒီနေရာမှာ ကျွန်တော်ငယ်ငယ်တုန်းက ဖတ်ခဲ့ဖူးတဲ့ ဇာတ်လမ်းလေးတစ်ခု ပြောပြမယ်။
တစ်ခါတုန်းက ဖခင်တစ်ယောက်ဟာ သူ့အချစ်ဆုံးသမီးလေးနဲ့ ဆော့ကစားနေရာက သမီးလေးကို နည်းနည်းမြင့်တဲ့ ဗီရိုတစ်ခုပေါ်ကို တင်လိုက်တယ်။ ပြီးတော့ သမီးလေးကိုပြောတယ်။

“သမီး၊ ခုန်ချလိုက်။ ဖေကြီး သမီးကို ဒီကနေလှမ်းဖမ်းလိုက်မယ်”
ကလေးက ကြောက်တာပေါ့။ နည်းနည်း မ၀ံ့မရဲဖြစ်နေတယ်။
“ဖေကြီးတစ်ယောက်လုံးရှိတယ် သမီးရဲ့။ ရဲရဲသာခုန်ချလိုက်”
နောက်ဆုံးမှာ ကလေးဟာ ဖခင်ရဲ့ မျက်ဝန်းတွေထဲမှာ ယုံကြည်မှုတစ်ခုကို တွေ့ရှိသွားပြီး ဗီရိုပေါ်က ခုန်ချလိုက်ပါတယ်။

ဖခင်က လှမ်းမဖမ်းခဲ့ပါဘူး။

နာသွားတဲ့ ကျောရိုးကို ပွတ်ရင်း မယုံကြည်နိုင်တဲ့ သနားစရာမျက်လုံးလေးတွေနဲ့ ကြည့်နေတဲ့ သမီးလေးကို တစ်ချက်စိုက်ကြည့်ရင်း ဖခင်လုပ်တဲ့သူက

“အဲဒါပဲ သမီး၊ ဘ၀မှာ သမီးအယုံကြည်ဆုံးသူတွေဟာလည်း သစ္စာဖောက်တတ်ကြတယ်။ ဒါကို သမီးသိတဲ့ အခါမှာ မတုန်လှုပ်မိစေနဲ့။ မိမိကိုယ်ကိုသာ ယုံကြည်မှုရှိပါ”
ဘယ်လိုသဘောရလဲ။

စာဖတ်သူ ခေါင်းလည်းညိတ်နေမယ်။ ခေါင်းလည်းခါနေမယ်ဆိုတာ ကျွန်တော်သိပါတယ်။ ဘာလို့လဲဆိုတော့ ကျွန်တော်လည်း အဲလိုပဲ ခံစားခဲ့ရလို့ပေါ့။ အဲဒီ့စာကိုဖတ်ရတဲ့ အချိန်မှာ ကျွန်တော် ၁၀ တန်းအောင်ခါစပဲ ရှိသေးတယ်။ စာဖတ်သက်သိပ်မရှိသေးဘူးပေါ့ဗျာ။ ဒီစာကိုဖတ်ပြီးတော့ အရမ်းအံ့အားသင့်သွားတယ်။ ဘယ်လိုအဖေမျိုးပါလိမ့်ပေါ့။ ကလေးကို လူတွေကို မယုံကြည်တတ်အောင် သင်ပေးတယ်ပေါ့။ လူတွေကို မယုံကြည်တတ်တဲ့ သူမှာ ချစ်ခြင်းမေတ္တာပေါ်ပေါက်ဖို့ ခဲယဉ်းတယ်ပေါ့။ ဒါပေမယ့် သူနောက်ဆုံးပြောလိုက်တဲ့ စကားကိုလည်း မငြင်းနိုင်ဘူးဖြစ်နေတယ်။ အဲဒါနဲ့ ကျွန်တော့်ရဲ့ ခေါင်းထဲမှာ ခဏနှပ်ထားခဲ့လိုက်တယ်။ ခုတော့ ကျွန်တော်သိခဲ့ကြုံခဲ့ရတဲ့ အတွေ့အကြုံတွေက ဒီဇာတ်လမ်းလေးကို တစ်မျိုးကောက်ချက်ဆွဲစေခဲ့ပြီဗျ။ ဒီအဖေဟာ သမီးကိုချစ်တတ်ခဲ့တယ်။ သမီးကို အဖိုးတန်တဲ့ ဘ၀သင်ခန်းစာသင်ပေးဖို့အတွက် သူ့ကိုယ်သူ အမုန်းခံခဲ့တယ်။ လုပ်သင့်တာကို လုပ်ခဲ့တဲ့ မိဘကောင်းတစ်ယောက်ပါပဲ….

မိဘတွေကအလိုလိုက်လုိ့ ပျက်စီးကြရတဲ့ သားသမီးတွေအကြောင်းကတော့ အများကြီးပဲ။ ပြောလို့ကိုကုန်မှာမဟုတ်ဘူး။ ကျွန်တော်တို့ တစ်ချိန်ချိန်မှာ မိဘတွေဖြစ်လာကြမှာပါ။ လူပျိုကြီးတွေ၊ အပျိုကြီးတွေလည်း အနည်းဆုံး ကိုယ့်တူ၊တူမလေးတွေကို ပဲ့ပြင်သွန်သင်ပေးတဲ့အခါ idea နည်းနည်းရတာပေါ့ဗျာ။ တစ်ယောက်ယောက်ကိုတကယ်
ချစ်ရင် တတ်နိုင်သလောက် သူ့ကို လွတ်လပ်စွာရပ်တည်နိုင်အောင် ကူညီပေးပါ။ ကိုယ်တိုင်ထူသင့်တဲ့ နေရာရောက်မှသာ ထူပေးပါ။ ကျွန်တော်တို့ဟာ ကိုယ်ချစ်တဲ့သူကို အရမ်းအကာအကွယ်ပေးနေရင်း သူ့ရဲ့ ဖွံ့ဖြိုးတိုးတက်မှုကို အဟန့်အတားပေးမိရက်သားဖြစ်နေတာကို သဘောမပေါက်မိတတ်ကြဘူး ဖြစ်နေတယ်။ ခုပြောနေတာက မိဘနဲ့ သားသမီးဆက်ဆံရေးနော်။ ခင်ဗျားချစ်တဲ့ ကောင်မလေးကို နင့်ဘာသာနင်လုပ်လို့သွားပြောကြည့်ပါလား။ အရင်းအနှီးအရမ်းများသွားမယ်။ You can’t imagine! အဲဒီ့အကြောင်းကို နောက်ဆက်ပြောပြမယ်။ ခုလောလောဆယ် ဒီမိဘမေတ္တာအကြောင်းပဲ ပြီးအောင်ပြောချင်တယ်။

မိဘကသားသမီးကိုလွှတ်ထားရမယ်လို့မပြောဘူးနော်။ ထိန်းကွပ်မှုတော့ရှိကိုရှိရမယ်။ ဒါပေမယ့် ကျွန်တော်တို့ရဲ့ culture မှာကိုက ထိန်းချုပ်ဖို့ကို အများကြီးအစဉ်အလာနဲ့ပြောဆို
ဆုံးမခဲ့ကြပေမယ့် လွတ်လပ်မှုနဲ့ပတ်သက်ပြီးကောင်းကောင်း မဆွေးနွေးထားကြဘူး။ လူကြီးတွေကဘာပြောတတ်လဲဆိုတော့ “မင်းတို့ထက်သိလို့ ဒါလုပ်နေတာ၊ မင်းကဘယ်လောက်သိလို့လဲ၊ ငါက မင်းထက် အကြီးပါကွ၊ ငါကဆရာကွ၊ မင်းသိရဲ့လား” ဆိုတဲ့ ကိုယ့်ကိုယ်ကိုကာကွယ်မှုတွေ၊ အတ္တတွေကိုရှေ့တန်းတင်ပြီး တလွဲဆံပင်ကောင်းနေကြတာကြောင့် လူငယ်တွေမှာ Critical Thinking နဲ့ပတ်သက်တဲ့ အရည်အချင်းတွေရဖို့ မနီးစပ်နိုင်ကြတော့ဘူး။
ကျွန်တော်က လူငယ်တွေကို သူပုန်စိတ်သွင်းပေးနေတာ မဟုတ်ဘူးနော်။ လူငယ်တွေကို လူကြီးတွေက မချစ်တတ်လို့ လူငယ်တွေအရည်အချင်းညံ့ကုန်တာကို တွေ့နေရလို့ပါ။
(ဒီနားမှာ ခဏရပ်ပါရစေ၊ မနက်ဖြန်စာမေးပွဲရှိလို့ပါ…)