သတိပြုသင့်သော ဖေဖော်ဝါရီရက်စွဲများ...

အားလုံးပဲ မင်္ဂလာပါ…

ဖေဖော်ဝါရီလထဲမှာ ထူးခြားတဲ့ နေ့ရက် နှစ်ခု ရှိပါတယ်.

တစ်ခုကတော့ ဖေဖော်ဝါရီ (၁၂) ရက် ပြည်ထောင်စုနေ့ပါ.

နောက်တစ်ခုကတော့ ဖေဖော်ဝါရီ (၁၃) ရက်နေ့မှာ ကျရောက်တဲ့ အမျိုးသားဖခင်ကြီး ဗိုလ်ချုပ်အောင်ဆန်းရဲ့ မွေးနေ့ (၀ါ) ကလေးများနေ့ပဲ ဖြစ်ပါတယ်.

အဲဒီ့နေ့ရက်လေးတွေကို ဂုဏ်ပြုတဲ့အနေနဲ့ သက်ဆိုင်ရာ ဘလော့ဂ်များမှာ တင်ပြနိုင်ဖို့ မျိုးချစ်ဘလော့ဂါ ကိုမင်းမင်းက ဗိုလ်ချုပ်အောင်ဆန်းပုံကို ဒီလိုလေး လုပ်ထားပေးပါတယ်. ကုဒ်ဒင်းလေးတွေကို ရယူပြီး မိမိတို့ရဲ့ ဘလော့ဂ်လေးတွေမှာ ကိုယ်စီကိုယ်ငှဖော်ပြပေးထားခြင်းအားဖြင့် မေ့လျော့အောင် အလုပ်ခံထားရတဲ့ ဗိုလ်ချုပ်အောင်ဆန်းရဲ့ မွေးနေ့ကို ကြိုဆိုဂုဏ်ပြုသင့်ကြောင်း တိုက်တွန်းနှိုးဆော်လိုက်ပါတယ် ခင်ဗျာ…

ကိုမင်းမင်းရေ…

ခပ်တိုတိုပဲ ပြောမယ်…

ကျေးဇူးဗျာ… ရှေ့ဆက်ပြီး ခြေလှမ်းသစ်တွေ လှမ်းနိုင်ပါစေ…

ဗိုလ်ချုပ်မရှိပေမဲ့ ဗိုလ်ချုပ်ဟာ ကျွန်တော်တို့ ရင်ထဲမှာ ရှိနေဆဲ

ဤနေရာမှ ရယူပါ

**************

ကုဒ်ဒင်းကို ဒီမှာ ရယူပါ.


<div style="text-align: center;"><span style="font-weight: bold;"><span style="color: rgb(204, 0, 0);">ဗိုလ်ချုပ်မရှိပေမဲ့ ဗိုလ်ချုပ်ဟာ ကျွန်တော်တို့ ရင်ထဲမှာ ရှိနေဆဲ</span></span>
</div><span class="caption">
</span><div style="text-align: center;"><span class = caption><div style="text-align: center;"><img style="border: 0px solid rgb(221, 221, 221); padding: 0px;" src="http://www.fileden.com/files/2007/5/4/1045960/Bogyoke-Bday.png"/></div></span class></div>
<span class="caption">
</span><div style="text-align: center;"><span class = caption><span style="font-size:85%;"> <a href="http://hteinkmin.myanmarbloggers.org/search/label/%E1%80%B1%E1%81%BE%E1%80%80%E1%80%AC%E1%80%B9%E1%80%BB%E1%80%84%E1%80%AC">ဤနေရာမှ</a> ရယူပါ</span>
<div style="text-align: center;">**************</div></span class></div>

အမြုတေ..

တစ်နေ့တာ ကုန်ဆုံးလုပြီဖြစ်သည်။

ညနေခင်း၏ အေးချမ်းသော ရင်ခွင်တွင် သစ်ပင်ငယ်တို့ ယိမ်းထိုးနေကြ၏။ လေပြည် အသုတ်တွင် သစ်ရွက်ဝါတို့ လွင့်မျော ကခုန်နေကြ၏။ အိပ်တန်းတက်ရန် ပြင်ဆင်နေကြသော ငှက်ငယ်လေးတို့၏ စိုးစီစိုးစီ အသံလေးများ ဟိုမှဒီမှ ကြားနေရ၏။ နှင်းမကျသော်လည်း ခပ်မှန်မှန်တိုက်ခတ်နေသော ဆောင်းလေပြည်ကြောင့် ပတ်ဝန်းကျင်သည် အနည်းငယ် အေးစိမ့်စိမ့်ဖြစ်နေ၏။

ငြီးစီစီဖြစ်နေသော စိတ်ကူးတို့ကို ချွေးသိပ်အပန်းပြေစေရန် မြစ်ကမ်းဘေးဖက်သို့ လမ်းလျှောက်ထွက်လာခဲ့မိသည်။

တည်ငြိမ်အေးချမ်းစွာ စီးဆင်းနေသော Hudson မြစ်ကြီးသည် သူ၏ ကုန်ဆုံးသွားခဲ့သော ခွန်အားများကို ပြန်လည်ဖြည့်တင်းပေးနိုင်စွမ်း ရှိသူ ဖြစ်သည်။

သူ့ဘ၀တွင် အခက်အခဲများစွာ ရှိခဲ့ဖူးသည်။ တတ်နိုင်သလောက် သူ ကြိုးစားဖြေရှင်းခဲ့သည်ချည်းသာ။ ရံဖန်ရံခါတွင်တော့ လောကကြီးထဲက ထွက်ပြေးချင်စိတ်များပင် ပေါ်ပေါက်လာခဲ့ဖူးသည်။

ထိုအချိန်များတွင် သူလုပ်တတ်သည့် အလေ့အကျင့်တစ်ခုမှာ ရေရှိသည့် နေရာတစ်နေရာတွင် ထိုင်လျက် စိတ်ကူးများကို လွတ်လပ်စွာ ပျံသန်းခွင့် ပေးခြင်းပင် ဖြစ်သည်။

တည်ငြိမ်သောရေပြင်ကျယ်သည် သူ့စိတ်ထဲတွင် ဘောင်ဘင်ခတ်နေသော အတွေးများကို ငြိမ်သက်စေနိုင်စွမ်း ရှိသူဖြစ်သည်။ ရိုက်ခတ်နေသော လှိုင်းလုံးများသည် သူ့နှလုံးသားထဲတွင် လျော့နည်းသွားသော ဘ၀မာန်မာနများကို ပြန်လည်ရှင်သန်စေနိုင်စွမ်း ရှိသူဖြစ်သည်။

ယခု Hudson မြစ်ကမ်းဘေးနားတွင် သူ ငြိမ်သက်စွာ ထိုင်နေမိခဲ့ပြန်ချေပြီ….

…..

စိတ်ကူးတို့ အတိတ်တစ်ချိန်သုိ့ ပျံ့လွင့်သွားခဲ့၏….

ဆယ်တန်းစာမေးပွဲ မဖြေမီ တစ်ရက်အလို….

မိထ္ထီလာမြို့လေး တစ်မြို့လုံး တိတ်ဆိတ်ငြိမ်သက်နေသကဲ့သို့ ခံစားရ၏။ နောက်တစ်နေ့တွင် ဖြေဆိုရမည့် စာမေးပွဲအတွက် ရင်ခုန်နေကြသည်ထင့်. မြို့ထဲတွင်လည်း လူသူသိပ်မတွေ့ရချေ။ ထိုနေ့က သူ စက်ဘီးတစ်စီးဖြင့် နဂါးရုံဘုရားသို့ ထွက်ခဲ့သည်။ ဘုရားတွင် ပုတီးစိပ်၊ တရားထိုင်၊ မေတ္တာပို့ပြီးနောက် ရွှေမြင်တင် ဘုရားဖက်သို့ စက်ဘီး ပြန်စီးလာခဲ့သည်။

ရွှေမြင်တင်ဘုရားဖက်သို့ မရောက်ခင် တံတားပေါ်တွင် သူ့စက်ဘီးကို ထိုးရပ်လိုက်ခဲ့သည်။ ပလက်ဖောင်းပေါ်သို့ စက်ဘီးကို ဆွဲတင်လျက် ကျောက်ထိုင်ခုံလေးဘေးနားတွင် သူထိုင်လိုက်ခဲ့သည်။

နေလုံးနီနီသည် မိတ္တီလာ ကန်တော်ကြီးအပေါ်သို့ ဖြာကျနေသည်။

“ကြိုးကြာမသောက် ရေမနောက် မပေါက်ရွှေကြာ မထိလာ” ဟူသည့် စကားပုံအတိုင်း မိတ္ထီလာကန်တော်ကြီးတွင် ထူးခြားချက် သုံးခုရှိသည်။

၈၈ အရေးတော်ပုံဖြစ်စဉ်က မိတ္ထီလာကန်တော်ကြီးတွင် ကြာပင်များပေါက်နေခဲ့သည်ဟု တစ်ဆင့်စကားပြန်ကြားခဲ့ရဖူးသည်။ ယခုသူ့ရှေ့တွင် မြင်နေရသော ကန်တော်ကြီးသည်ကား ငြိမ်းချမ်းစွာ၊ ခန့်ညားစွာ၊ တည်ငြိမ်စွာဖြင့် လောကကြီး၏ ဖြစ်တည်မှုတစ်ခုကို ဂုဏ်ယူစွာ ရယူထားခဲ့လေသည်။

ကန်ရေပြင်ကို စိုက်ကြည့်နေခဲ့ရင်းက သူ့စိတ်အစဉ်သည် အတားအဆီးမဲ့စွာ လွင့်မျောသွားခဲ့လေသည်…

တစ်ချိန်က ဒီနေရာ ဒီဒေသမှာ သူသိပ်ချစ်ခဲ့ရသော ဖခင်ကြီး ကျင်လည်ဖြတ်သန်းခဲ့ရဖူးသည်…

ဒီနေရာတွင် သူ့ဖခင် ထိုင်ခဲ့ချင်မှ ထိုင်ခဲ့ပေမည်။ သို့သော် ဒီဒေသတွင် ရှိခဲ့ဖူးသည်မှာတော့ သေချာသည်။

မျက်စိအစုံကိုမှိတ်လျက် ဖခင်ကြီး၏ ၀ိညာဉ်ကို တိုးညှင်းစွာ ဖိတ်ခေါ်နေခဲ့မိသည်။

“မနက်ဖြန်ဆိုရင် ကျွန်တော့်ဘ၀အတွက် အဆုံးအဖြတ်ပေးမယ့် ဆယ်တန်းစာမေးပွဲကြီးကို ဖြေရတော့မယ်.

အဖေသာ ဒီလောကကြီးထဲမှာ ရှိနေခဲ့ရင် ကျွန်တော့်အတွက် စိုးရိမ်နေမလား.

ဒါမှမဟုတ် ကျွန်တော့်ကိုခေါ်ပြီး သားအဖနှစ်ယောက် ပျော်ရွှင်စွာ စားသောက်ကြ၊ စကားပြောနေကြမလား.

အခု ကျွန်တော်အဖေ့ကို အရမ်းသတိရနေတယ်.

လွမ်းနေတယ်.

ကျေးဇူးပြုပြီး ကျွန်တော့်ဘေးနားမှာ ခဏလောက်ပဲဖြစ်ဖြစ် လာထိုင်ပေးနေပါ အဖေ.

ကျွန်တော်မနက်ဖြန်အတွက် ခွန်အားတွေကို အဖေ့ဆီက နည်းနည်းပဲဖြစ်ဖြစ် ရယူခွင့်ပြုပါ….”

မှိတ်ထားသော မျက်စိအစုံထဲမှ မျက်ရည်တို့ အတားအဆီးမဲ့စွာ စီးဆင်းကျလာခဲ့သည်။ ခြေထောက်ကို ခုံပေါ်တင်လျက် လက်နှစ်ဖက်ကို ဒူးတုပ်ထိုင်ကာ သူ့မေးစေ့ကို လက်ပေါ်သို့ တင်ထားခဲ့ရင်းက ကျလာသောမျက်ရည်တို့ကို အင်္ကျီလက်ရှည်ဖြင့် မသိမသာ သုတ်လိုက်ခဲ့သည်။

ကျွန်တော့်ကို All D အမြဲထွက်စေချင်ခဲ့သူ၊ လူပေါ်ကလူတစ်ယောက်ဖြစ်စေချင်ခဲ့သူ၊ ပညာဆီမီး ထိန်ထိန်ငြီးစေချင်ခဲ့သူ၊ မိသားစုအတွက် ဂုဏ်ယူစေချင်ခဲ့သူ၊ မိမိကိုယ်ကို ယုံကြည်စိတ် ဖြစ်ပေါ်စေရန် အဓိကကျသောနေရာမှ ပါဝင်ပံ့ပိုးပေးခဲ့သူ…

ကျွန်တော့်ဖေဖေ ဘယ်ရောက်နေခဲ့တာလဲ…..

ကျွန်တော်အောင်မြင်အောင် ကြိုးစားမှာပါ. ဒါပေမယ့် အဖေမရှိတဲ့ အခိုက်မှာ ကျွန်တော့်ရဲ့ အောင်မြင်မှုအသီးအပွင့်တွေကို အဖေသိအောင် ဘယ်လိုပြောပြရမှာလဲ.

ကျွန်တော်ဒီလိုဖြစ်နေတာကို ကျွန်တော်ကလွဲပြီး ဘယ်သူမှ မသိခဲ့ပါဘူး. အမေကလည်း ကျွန်တော် ဆရာမဆီ စာသွားမေးတယ်လို့ပဲ ထင်နေခဲ့တာလေ. တကယ်တော့ ကျွန်တော် အဖေ့ကို သတိရလွန်းလို့ စိတ်ပြေလက်ပျောက် ထွက်လာခဲ့တာပါ အဖေရယ်…

…..

စစ်တွေမှာ နေတုန်းက ကျွန်တော်တစ်ယောက် ရွယ်တူရခိုင်လူငယ်လေးတွေနဲ့ ရန်ဖြစ်ခဲ့ဖူးတယ်. ထိုးကြကြိတ်ကြ၊ အဖူးဖူးအရောင်ရောင် ဖြစ်လာတဲ့ ကျွန်တော့်ကို ကြည့်ရင်း အမေက ရန်မဖြစ်ဖို့ ပြောတယ်. အစ်မက “ငါ့မောင်ကို ဒီလိုလုပ်ရကောင်းလား” ဆိုပြီး စိတ်တိုတယ်. အစ်ကိုကတော့ ကျွန်တော်နဲ့ အတူတူရန်ဖြစ်ခဲ့တဲ့သူလေ. အဖေက ဘယ်လိုတုံ့ပြန်ခဲ့သလဲ…

“ကိုယ့်ကို အနိုင်လာကျင့်လို့ကတော့ ချသာချ ငါ့သား. မခံနဲ့. တစ်ချက်ရရ နှစ်ချက်ရရ ပြန်သာထိုး” တဲ့.

နောက်တစ်နေ့မှာ ကျွန်တော် ကရာတေးသင်တန်း တက်ဖို့ အဖေကိုယ်တိုင် စီစဉ်ပေးခဲ့တယ်နော်…

ကျောင်းမှာလည်း ကျွန်တော်တစ်ယောက် ရန်ဖြစ်လို့ ရုံးခန်းကို ခဏခဏရောက်တယ်. အဖေကျွန်တော့်ဖက်က အမြဲရပ်တည်ပေးခဲ့တယ်. အဖေ့ထက် ရာထူးကြီးတဲ့ အရာရှိတစ်ယောက်ရဲ့ သားနဲ့ ကျွန်တော်ရန်ဖြစ်တော့လည်း အဖေ ဘာကိုမှ ဂရုမစိုက်ဘဲ ကျွန်တော့်အတွက် ကျောင်းမှာ လိုက်ဖြေရှင်းပေးခဲ့တယ်.

ကျွန်တော့်စိတ်ထဲမှာ အားငယ်စိတ် တစိုးတစဉ်းမျှ မဖြစ်ပေါ်ရအောင် အဖေ ကျွန်တော့်စိတ်ဓာတ်ကို ပြုစုပျိုးထောင်ပေးခဲ့တယ်. တစ်ချိန်တည်းမှာပဲ ကျွန်တော့်ကို ပညာပြည့်ဝအောင် သွန်သင်ဆုံးမခဲ့တယ်.

အဖေပြောနေကြ စကားတစ်ခွန်းရှိပါတယ်..

“ကိုယ့်ကိုယ်ကို ယုံကြည်မှု အပြည့်ရှိမှ လောကကြီးမှာ အောင်မြင်မယ်”… တဲ့

…

၆ တန်းနှစ်မှာ ကျွန်တော် စာတွေ တော်တော်လေး ဖတ်မိနေခဲ့ပြီ. ငွေဥဒေါင်းရဲ့ ဗုဒ္ဓစာပန်းချီကို ဖတ်မိရင်း ကျွန်တော်တစ်ယောက် ကဗျာတိုလေးတစ်ပုဒ်ကို အမှတ်မထင် စပ်ခဲ့မိတယ်.

အမေဈေးတွက်တဲ့ စာရွက်လေးရဲ့ နောက်မှာပေါ့.

ညဖက် ထမင်းစားနေရင်း အဲဒီ့စာရွက်လေးကို အမေတွေ့သွားခဲ့ပြီး အဖေ့ကို ပြတော့ အဖေရယ်လေ….

မျက်နှာကြီးကို ပြုံးဖြီးဖြီးဖြစ်လို့…

“ငါ့သားကတော့ကွာ. ငယ်ငယ်ရွယ်ရွယ်လေးနဲ့ ကဗျာတွေတောင် စပ်တတ်နေပြီပဲ. ကြီးလာရင်တော့ ဘာမှကို ပြောစရာ မလိုတော့ဘူး” တဲ့…

ကျွန်တော်လေ အဖေ့ရဲ့ အဲဒီ့စကားတစ်ခွန်းတည်းနဲ့ ကိုယ့်ကိုယ်ကို ယုံကြည်မှုတွေ ပိုပြည့်ဝသွားခဲ့တယ်…

အဖေ့မှာ ထမင်းစား ကြွေပန်းကန်ပြားကြီးတစ်ချပ်ရှိတယ်နော်. အဲဒီ့ပန်းကန်ကြီးကို အဖေအရမ်းကြိုက်လွန်းလို့ သေသေချာချာ ထိန်းသိမ်းထားခဲ့တယ်. အမေက နို့ဆီဗူးကို ပုရွက်ဆိတ်မတက်အောင်ဆိုပြီး ပန်းကန်အလယ်မှာ ထားလို့ ပန်းကန်ကြီးကို ရေဖြည့်ထားခဲ့တယ်.

ကျွန်တော်က နို့ဆီသိပ်ကြိုက်တာလေ… ကျောင်းကပြန်ရောက်တော့ နို့ဆီဗူးကို ဘယ်သူမှ မသိအောင် ခိုးစားခဲ့တယ်. နို့ဆီဗူးကို မြှောက်လိုက်တဲ့ တခဏမှာပဲ ဗူးအဖုံးက ချောင်နေတော့ ကျွန်တော့်လက်ထဲကနေ နုိ့ဆီဗူး လွတ်ကျသွားခဲ့တယ်.

ခွမ်းခနဲပဲ…

ကျွန်တော်လေ ဘာလုပ်ရမှန်းကို မသိတော့ဘူး…

ကွဲသွားတဲ့ ပန်းကန်ပြားကြီးကို ကြည့်ရင်း ကျွန်တော်မျက်ရည်တွေ ကျလာခဲ့မိတယ်.

ကျွန်တော်အဖေ့ကိုချစ်သလို ကြောက်လည်းကြောက်တယ် အဖေ. အဖေက သိပ်အရိုက်ကြမ်းတာကိုး…

အမေလည်း ဘာလုပ်ရမှန်းမသိတော့ဘူး. ကျွန်တော့်ကိုလည်း ဆူတာတော့ဆူတာပေါ့. ဒါပေမယ့် ဘာဆက်လုပ်ရမှန်းမသိတော့ဘူး…

ရုံးကအပြန် အိမ်ပေါ်ကို လှမ်းတက်လာတဲ့ အဖေ့ခြေသံတစ်ချက်တိုင်းမှာ ကျွန်တော်ကျဆုံးနေခဲ့ရတယ်.

ကွဲနေတဲ့ပန်းကန်ကို တစ်ချက်ကြည့်လိုက်၊ အမေ့မျက်နှာကို ခပ်တင်းတင်း တစ်ချက်ကြည့်လိုက်၊ အခန်းထောင့်မှာ ကုပ်ကုပ်လေးရပ်နေတဲ့ ကျွန်တော့်မျက်နှာကို ကြည့်လိုက်ရင်းက အဖေက ပြောတယ်.

“ပန်းကန်ကွဲတွေ လွှင့်ပစ်လိုက်လေ. ကလေးတွေ စူးကုန်ဦးမယ်” တဲ့…

ကျွန်တော့်ကို လှမ်းကြည့်ရင်း အဖေက တစ်ခွန်းပဲ ပြောတယ်.

“စားချင်ရင် လူကြီးတွေကို ပြောစား. ခိုးစားတာ အဖေမကြိုက်ဘူး” တဲ့…

ချောင်ပိတ်မိနေတဲ့ လူတစ်ယောက်ကို အနိုင်မယူတတ်တဲ့ အဖေ့ရဲ့ မေတ္တာနဲ့ ခွင့်လွှတ်နိုင်စွမ်းကို ကျွန်တော်လေးစားပါတယ် အဖေ…

အဲဒီ့အရည်အချင်းတွေကို အဖေ့ဆီက ကျွန်တော်အမွေဆက်ခံနိုင်အောင်လည်း ကျွန်တော်ကြိုးစားနေဆဲပါ…

….

ကျွန်တော့်စိတ်ထဲမှာ အပြိုင်အဆိုင် ကြိုးစားချင်စိတ်ပေါ်လာအောင် အမြဲပြုစုပျိုးထောင်ပေးခဲ့သူဟာလည်း အဖေပါပဲ.

ဒုတိယတန်းမှာ ကျွန်တော့်ကို မက်လုံးတစ်ခုပေးခဲ့တယ်. ကျောင်းမှာ အဆင့် (၁) ကနေ (၃)အတွင်းဝင်ရင် မင်းလိုချင်တာ ၀ယ်ပေးမယ်တဲ့.

ကျွန်တော် တတိယ ရခဲ့တယ် အဖေ.

ဆုယူပြီး နောက်တစ်နေ့မှာ ကျွန်တော်အိပ်ယာက နိုးလာခဲ့တော့ အဖေ့ကို မတွေ့ရဘူး. ရုံးပိတ်ရက်ဆိုပေမယ့် အဖေက တစ်ခြားတာဝန်တွေလည်း ရှိတတ်သေးတာမို့ သိပ်သတိမထားမိခဲ့ပါဘူးလေ.

မနက်စာ စားပြီး ခဏနေတော့ အစ်မက အိမ်ရှေ့ကနေ လှမ်းခေါ်ပါတယ်.

“ဟေ့. ဟိုမှာ အဖေပြန်လာပြီ. လက်ထဲမှာ ဘာကြီးလဲမသိဘူး ကိုင်လာတယ်. လာကြည့်လှည့်” တဲ့.

ကျွန်တော်လည်း အူယားဖားယား ပြေးပြီး သွားကြည့်ခဲ့တယ်. ငါးထပ်တိုက် ၀ရန်တာပေါ်ကနေ “အဖေ့” လို့ အသံကုန်ခြစ်ပြီး အော်လိုက်တော့ အဖေတစ်ယောက် ကျွန်တော့်ကို ပြုံးပြီး မော့ကြည့်တယ်. လက်ထဲက ဗူးကြီးကိုလည်း မြှောက်ပြတယ်.

“အိုးးးးးးးးးးး… ဓာတ်ခဲနဲ့မောင်းတဲ့ ရထားတွဲလေးပဲ”

ကျွန်တော်ရယ်လေ… အိမ်ပေါ်ထပ်ကနေ အောက်ကို ဘယ်လိုဘယ်လို ရောက်သွားမှန်းကို မသိခဲ့တော့ပါဘူး.

အဖေ့လက်ကို ဆွဲလို့ အိမ်ပေါ်ကို ပြန်တက်လာတော့ အစ်မရော၊ အမေရောက တံခါးဝမှာ ဆီးကြိုနေကြတယ်.

အစ်ကိုကတော့ ကျွန်တော့်လက်ထဲက ဗူးကြီးကို ကြည့်ရင်း ရယ်ပြနေခဲ့တယ်လေ… အစ်ကိုက အဖေနဲ့ လိုက်သွားခဲ့တာဆိုတော့ သိနေတာပေါ့…

အထွေအထူး ပြောနေစရာ မလိုပါဘူးလေ… အဖေ၀ယ်ပေးခဲ့တဲ့ ဓာတ်ခဲရထားလေးကို ကျွန်တော်အရမ်းမြတ်နိုးတာပဲ. ဓာတ်ခဲကုန်လွန်းလို့ အချိန်နဲ့ ကစားဖို့ ပြောရတဲ့အထိ ကျွန်တော် နှစ်သက်ခဲ့တာပါ အဖေ.

…..

စတုတ္ထတန်းမှာ ကျွန်တော် မြို့နယ် တတိယဆု ထပ်ရတယ်. အဲဒီ့အချိန်မှာ ကျွန်တော်တစ်ယောက် စစ်တွေမှာ ရောက်နေခဲ့ပြီလေ. ရန်ကုန်ကို အစည်းအဝေးသွားတက်ပြီး ပြန်လာတော့ အဖေက ကျွန်တော့်ကို ပြောတယ်.

“ငါ့သားအတွက် ဆုယူလာခဲ့တယ်” တဲ့…

လေယာဉ်ကွင်းကနေ အိမ်ကို ပြန်ရောက်ရောက်ချင်း အဖေ့အိတ်ကို ဖွင့်ကြည့်လို့ မွှေနှောက်ရှာခဲ့မိတယ်.

တစ်ခုက ကျောင်းကနေ ပေးလိုက်တဲ့ ထမင်းဗူးလေး..

နောက်တစ်ခုကတော့ အဖေ၀ယ်ပေးတဲ့ သံလိုက်ကွန်ပါဗူးလေး….

ဖွင့်ကြည့်လိုက်တော့ အထဲမှာ ချွန်စက်လေးနဲ့ ခဲတံလေး သုံးချောင်းက အဆင်သင့်.

အဖေကလည်း ချက်ကောင်းကို စောင့်နေခဲ့တယ်နဲ့ တူပါတယ်.

ကျွန်တော့်ပုခုံးကို တစ်ချက် ခပ်တင်းတင်း ဆုပ်ကိုင်ရင်းက

“ငါ့သား ကြိုးစားလို့ကတော့ အဖေက ငါ့သားလိုချင်တာတွေ ၀ယ်ပေးနေမှာပဲ” တဲ့…

ဟုတ်တယ်. ကျွန်တော် သံလိုက်ကွန်ပါဗူးလေး တစ်ဗူးရဖို့ ပူဆာနေခဲ့တာ ကြာပြီလေ. ကျွန်တော်တောင် မေ့တေ့တေ့ ဖြစ်နေခဲ့ပြီ. အဖေက ကျွန်တော့်ကို တကယ် ဂရုစိုက်တာပဲနော်…

…

ကျောင်းမှာ ဘာပြိုင်ပွဲပဲ လုပ်လုပ် ၀င်ပြိုင်အောင် အဖေက အမြဲပြောတယ်. ကျွန်တော်ကလည်း ၀င်တာပဲ.

စာစီစာကုံးပြိုင်ပွဲတွေဆိုရင် ကျွန်တော်အမြဲဝင်ပြိုင်ဖြစ်ခဲ့တယ်. ရယ်တော့ရယ်ရတယ်လေ. ကျွန်တော်ပြိုင်ပွဲစ၀င်တုန်းက ဘာလုပ်ရမှန်းမသိလို့ ကြိုတင် ရေးထားပြီးသား စာစီစာကုံးကို အလွတ်ကျက်ပြီး သွားပြိုင်ခဲ့ဖူးတယ်. လေးတန်းနှစ်ကပေါ့.

ပြိုင်ပွဲခန်းမထဲ ရောက်တော့ ကျက်ထားတာကို နည်းနည်း ပြုပြင်ပြီး ရေးလိုက်တယ်. ခေါင်းစဉ်က “လွတ်လပ်ရေးနေ့ တို့မမေ့” တဲ့…

ကျွန်တော် နှစ်သိမ့်ဆု ရခဲ့တယ် အဖေ. အဖေတစ်ယောက် ဂုဏ်ယူနေခဲ့တာ ကျွန်တော်သိတာပေါ့. ကျောင်းတွေအများကြီး ၀င်ပြိုင်တဲ့ပွဲမှာ ဆုရအောင် ပြိုင်နိုင်လို့တဲ့..

ခုနစ်တန်းနှစ်မှာ ကုလသမဂ္ဂနေ့ စာစီစာကုံးပြိုင်ပွဲ လုပ်တယ်. အဲဒီ့နေ့က စက်ဘီးပျက်နေလို့ ကျောင်းကို အချိန်မီ မသွားနိုင်ခဲ့ဘူး. ပြိုင်ပွဲကျင်းပချိန်ထက် နာရီဝက်လောက် နောက်ကျပြီး ရောက်သွားခဲ့တယ်. ရောက်ရောက်ချင်းပဲ ပုဆိုးကို မလို့ ပြိုင်ပွဲလုပ်နေတဲ့ အခန်းထဲကို ပြေးသွားခဲ့တယ်.

မောနေတဲ့ ကျွန်တော့်ကို ဆရာမက တစ်ချက်မျက်စောင်းထိုးပြီး ခုံတစ်နေရာ လုပ်ပေးခဲ့တယ်. ခေါင်းစဉ်ကို ကြည့်လို့ ကျွန်တော်ပြင်ဆင်ထားခဲ့တဲ့ စာစီစာကုံးထဲက အချက်အလက်တွေကို နေရာတကျ ပြန်စီရင်း ခွင့်ပြုချိန် နှစ်နာရီအတွင်းမှာ ပြီးအောင်ရေးခဲ့တယ်. နာရီဝက်နောက်ကျသွားခဲ့တာ ကျွန်တော့်အတွက် ပူပင်စရာတွေ ဖြစ်သွားခဲ့ရတယ်လေ.

အဲဒီ့ပြိုင်ပွဲအတွက် ကျွန်တော့်စိတ်ကူးထဲမှာ ဘာမှ မမျှော်လင့်ထားခဲ့ဘူး.

နောက် နှစ်ပတ်လောက်အကြာမှာ ဆရာမတစ်ယောက် ကျွန်တော်တို့ရဲ့ စာသင်ခန်းမှာ လာအော်တယ်.

“ရန်အောင်. ဆရာကြီးရုံးခန်းကို လာခဲ့ပါ” တဲ့…

ကျွန်တော့်ကို တစ်ခန်းလုံးက ၀ိုင်းကြည့်ကြတယ်. ကျွန်တော်လည်း ကြောင်နေတယ်လေ. ရန်မဖြစ်တာတောင် ကြာပြီ. ဘာလို့ခေါ်ပါလဲလို့ပေါ့.

ဆရာမကတော့ ကျွန်တော့်ကို ပြုံးကြည့်နေလေရဲ့…

ဆရာကြီး အခန်းထဲကိုရောက်တော့ ကျွန်တော်မသိတဲ့ အတန်းကြီးသမားတွေကိုလည်း တွေ့ရတယ်. အားလုံးလက်ပိုက်ပြီး တန်းစီရပ်နေကြတယ်. ကျွန်တော်ကတော့ အငယ်ဆုံးလို ဖြစ်နေလေရဲ့. နောက်ဆုံးမှလည်း ရောက်လာသူမို့ လက်ပိုက်ပြီး ရပ်နေလိုက်တယ်.

ဆရာကြီးထွက်လာပြီး ပြောပါတယ်.

“မင်းတို့တွေ စာစီစာကုံးပြိုင်ပွဲမှာ ဆုရတယ်. ဒီတစ်ပတ် စနေနေ့မှာ ဆုပေးပွဲလုပ်မယ်. မိဘတွေကို ပြောပြီး ဆုပေးပွဲလာခဲ့ကြပါ” တဲ့…

ပြီးတော့ ကျွန်တော်တို့ လက်ထဲကို ဖိတ်စာတစ်စောင်စီ ထည့်ပေးပါတယ်.

အိမ်ပြန်ရောက်တော့ အဖေ့လက်ထဲကို အဲဒီ့ဖိတ်စာလေး ထည့်ပေးလိုက်တယ်. အဖေကတော့ ကျွန်တော့်ကို ပြုံးကြည့်နေခဲ့ရင်းက အမေ့ကို လှည့်ပြောပါတယ်.

“တိုက်ပုံအင်္ကျီ မီးပူတိုက်ပြီးပြီလား” တဲ့…

…

ဆုပေးပွဲနေ့မှာ ကျွန်တော် ဘာဆုရမှန်းကို မသိခဲ့သေးပါဘူး… ပထမလား. ဒုတိယလား. တတိယလား ပေါ့….

ဆုတွေစပေးပါတယ်.

ကျွန်တော် ပထမမရခဲ့ပါဘူး.

ဒုတိယဆု ကြေငြာတော့လည်း ကျွန်တော့်နာမည် မဟုတ်ခဲ့ပါဘူး

တတိယဆုကိုလည်း ကျွန်တော်လွဲချော်ခဲ့ပါတယ်.

နှစ်သိမ့်ဆု ငါးဆု ကြေငြာတော့မှ ကျွန်တော်ဆုတက်ယူခွင့် ရခဲ့တယ်.

ကျွန်တော် ရှက်လိုက်တာ… ဒီလိုမျိုး နှစ်သိမ့်ဆုလောက်သာ ရခဲ့မယ်ဆိုရင် အဖေ့ကို မခေါ်လာခဲ့ပါဘူး.

အဖေကတော့ ကျွန်တော့် မျက်နှာညှိုးသွားတာကို မြင်လို့လားမသိ. ကျွန်တော့်လက်မောင်းကို အသာညှစ်လို့ အားပေးပါတယ်.

“ငါ့သားက နှစ်သိမ့်ဆု ငါးဆုထဲမှာတောင် ပထမဆုံး နာမည် အခေါ်ခံရတာပဲ. အဲဒါ နာရီဝက်လောက် နောက်ကျသွားလို့. မဟုတ်ရင် ပထမရမှာ သေချာတယ်.” တဲ့.

ကျွန်တော်နဲ့ အဖေနဲ့ အဲဒီ့နေ့က အခမ်းအနား စာတမ်းကြီးကို နောက်ခံထားလို့ ဓာတ်ပုံရိုက်ခဲ့ကြတယ်. တိုက်ပုံအင်္ကျီနဲ့ ရခိုင်လုံချည်နဲ့ ခြေထောက်ကို တင်ပျဉ်ခွေချိတ်လို့ ခပ်ပြုံးပြုံးနဲ့ ဓာတ်ပုံအရိုက်ခံခဲ့တဲ့ အဖေ့ကို ကျွန်တော် ဒီနေ့အထိမှတ်မိနေခဲ့သေးတယ်.

ကျွန်တော့်ကို အမြဲအားပေးနေခဲ့တာ ကျေးဇူးပါ အဖေ…

…

အိမ်ပြန်ရောက်တော့ ရလာတဲ့ ဆုကို ရင်ခုန်စွာနဲ့ ဖွင့်ကြည့်ခဲ့မိတယ်.

UNDP စာတမ်းပါတဲ့ အဖြူရောင် တီရှပ်အင်္ကျီ အကြီးကြီးပဲ… အဖေ၀တ်ကြည့်တယ်. အဖေနဲ့တောင် ကြီးနေတာ တွေ့ရတယ်.

ဒါပေမယ့် အဖေက ခပ်နောက်နောက်ပြောပါတယ်.

ချောင်ချောင်ချိချိ ၀တ်ရတာပေါ့တဲ့… ငါ့သားဆုရတဲ့ အင်္ကျီဝတ်ရတာ ၀တ်နေရင်းနဲ့တောင် ဂုဏ်ယူတယ်တဲ့…

ကျွန်တော် အဲဒီ့တုန်းက အဖေ့ကို ကြည့်နေရင်း တစ်ချက်တွေးလိုက်မိတယ်. နောက်တစ်ခါဆိုရင် ငါ ပထမနေရာရအောင် ကြိုးစားမယ်လို့…

…

ကျွန်တော် ခုနစ်တန်းနှစ်မှာ အဖေ ဆုံးသွားခဲ့တယ်. ကလေးမကျ လူကြီးမကျ အခြေအနေမှာ ကျွန်တော့်ဘ၀အတွက် လမ်းညွှန်ကောင်းတစ်ယောက် ဆုံးရှုံးလိုက်ရတာ ကျွန်တော့်အတွက် ကြီးမားသော ဆုံးရှုံးမှုတစ်ခု ဖြစ်ခဲ့တယ် အဖေ.

နောက်တစ်ခု ကျွန်တော်မှတ်မိနေတာက အဖေဆုံးသွားတော့ ၀တ်ထားတဲ့ အင်္ကျီလေးက ကျွန်တော် ဆုရခဲ့တဲ့ တီရှပ်အင်္ကျီပွပွကြီးလေ…

ကျွန်တော်ကျေနပ်ပါတယ် အဖေ…

အဖေ ဘ၀ကူးသွားခဲ့တာတောင် ကျွန်တော့်ကို ချစ်မြတ်နိုးမှုတွေ ပြသခဲ့လို့ ကျေးဇူးတင်ပါတယ်…

…

နေရာအနှံ့ကျင်လည် ဖြတ်သန်းနေခဲ့ရင်းက အဖေ့ရဲ ဆွေမျိုးတွေနေထိုင်တဲ့ ဒီမြို့လေးကို ပြောင်းလာခဲ့မိတယ်.

အမေထင်ခဲ့သလို အမျိုးတွေက ကျွန်တော်တို့ မိသားစုကို ဖေးမကူညီတာ မရှိခဲ့ပါဘူး အဖေရယ်. အကူအညီလာတောင်းတယ်လို့ ထင်သလို၊ ခပ်ရိုင်းရိုင်းပြောရရင်တော့ လက်ဝါးလာဖြန့်တယ်လို့ ထင်တဲ့ အကြည့်တွေနဲ့ ဆက်ဆံခဲ့တယ်.

အမေဒီကို ပြောင်းလာခဲ့တဲ့အတွက် အရမ်းမှန်သွားခဲ့တယ်.

ဘာလို့လဲဆိုတော့ ကျွန်တော့်ရဲ့ မခံချင်စိတ်တွေ မိုးကုပ်စက်ဝိုင်းထိ မြောက်တက်သွားခဲ့လို့ပဲ.

အခု ကျွန်တော့်ရှေ့မှာ မြင်နေရတဲ့ မိတ္ထီလာ ကန်တော်ကြီးကို စိုက်ကြည့်နေရင်းက ကျွန်တော်တိုးတိုးလေး ပြောလိုက်ခဲ့မိပါတယ်.

“ကျွန်တော် All D ရအောင် ကြိုးစားမယ် အဖေ… အဖေ ကျွန်တော့်ကို ဘာဝယ်ပေးမှာလဲ ဟင်”

...
..
.
တစ်စုံတစ်ရာကို ကြားလိုက်ရသည်ဟု ကျွန်တော်ထင်လိုက်မိခဲ့သည်...

“ကျေးဇူးပါ အဖေရယ်....”

……….

မြန်မာစာ မဖြေခင်ညက ကျွန်တော် မြန်မာစာကို လုံးဝမကျက်ခဲ့ဘူး အဖေ.

အဲဒီ့အစား ကျွန်တော် တစ်နိုင်ငံလုံး အတိုင်းအတာနဲ့ ကျင်းပတဲ့ မင်္ဂလာမောင်မယ် စာစီစာကုံးပြိုင်ပွဲမှာ ပထမဆုရခဲ့တဲ့ ပိုက်ဆံ ၃၀၀ ကျပ်ထဲက ဖဲ့ပြီး ၀ယ်ထားတဲ့ စကားပုံစာအုပ်လေးတစ်အုပ်ကို အလွတ်ကျက်နေခဲ့တယ်.

ဆရာတွေက ပြောခဲ့တယ်လေ.

မြန်မာစာမှာ ဂုဏ်ထူးထွက်ဖို့က စာစီစာကုံးကောင်းဖို့ သိပ်အရေးကြီးတယ်တဲ့…

အမေက စာမကျက်ဘူးလား မေးတယ်.

ကျွန်တော်ကလည်း ရင်ကော့လို့ ပြန်ဖြေခဲ့တယ်.

အကုန်ရပြီးသားလို့…

အဲဒီ့ညက မှတ်မှတ်ရရ တီဗွီကလာတဲ့ စက်ရုပ်ကားတစ်ကားကိုတောင် ပြီးတဲ့ အထိကြည့်လိုက်ခဲ့သေးတယ်.

နောက်တစ်နေ့ စာမေးပွဲခန်းထဲမှာ ကျွန်တော် ကိုယ်တိုင် ခန့်မှန်းထားတဲ့ စာစီစာကုံးခေါင်းစဉ်နဲ့တိုးတယ်.

ကျက်မှတ်ထားတဲ့ စကားပုံလေးတွေကို နေရာတကျ ထည့်သုံးရင်းက ကျွန်တော်သိနေခဲ့တယ်.

ငါ မြန်မာစာ ဂုဏ်ထူးထွက်ပြီလို့….

….

စာမေးပွဲ ပြီးတော့ ကျွန်တော်တို့ မိသားစု မန္တလေးကို ပြောင်းသွားခဲ့တယ်. မန္တလေးမှာ ရှိနေတုန်း ကျွန်တော့်ဘ၀ရဲ့ အပြောင်းအလဲတွေကို စတင်ဖန်တီးနိုင်ခဲ့တယ် အဖေ. အရမ်းရှက်တတ်၊ လူကြောက်တတ်တဲ့ ကျွန်တော် ကိုယ့်ကိုယ်ကို ကောင်းစွာ ပြုပြင်ထိန်းသိမ်းရင်းက ထက်မြက်တဲ့ ကိုယ်ရည်ကိုယ်သွေးတစ်ခုကို မွေးမြူပျိုးထောင်နိုင်ခဲ့တယ်.

အရင်းအနှီးတွေတော့ များတာပေါ့…

စာမေးပွဲ အောင်စာရင်းထွက်တော့ ကျွန်တော့်သူငယ်ချင်းဆီကနေ တစ်ဆင့် သတင်းကြားရပါတယ်.

ကျွန်တော် လေးဘာသာ ဂုဏ်ထူးထွက်တယ်တဲ့…

ကျွန်တော် ၀မ်းသာသလို ၀မ်းနည်းသွားခဲ့တယ်.

တကယ်ဆို ငါးဘာသာလုံး ဂုဏ်ထူးထွက်ခဲ့သင့်တာလေ…

အဖေ့ရဲ့ ဆန္ဒကို မလိုက်လျောနိုင်ခဲ့လို့ စိတ်မကောင်းဘူး. အမေနဲ့ အစ်မတွေကတော့ ပျော်နေကြတာပေါ့. ကျူရှင်မယူခဲ့တဲ့ ဘာသာတွေကိုပါ ဂုဏ်ထူးထွက်အောင် လုပ်နိုင်ခဲ့လို့ ဘာသာစုံ ကျူရှင်ယူတဲ့ ကျွန်တော့်သူငယ်ချင်းတစ်ချို့ကတောင် ချီးကျူးကြပါတယ်. နောက်ပိုင်းမှာ ကျွန်တော်သိလိုက်ရတာက ကျွန်တော် အမှတ်အများဆုံးနဲ့ အောင်မြင်ခဲ့သူတစ်ယောက် ဖြစ်ခဲ့တယ် ဆိုတာပါပဲ…

ကျွန်တော်အဖေ့ဆီက ဘာမှမရခဲ့ဘူးနော်.

အဲဒီ့ညက အဖေ့ကို ကျွန်တော်အိပ်မက်မက်ခဲ့တယ်.

အဖေက ကျွန်တော့်ကို ပြိုင်ဘီးလေးတစ်ဘီး လက်ဆောင်ဝယ်ပေးခဲ့တယ် လို့ ကျွန်တော်အိပ်မက်မက်ခဲ့တယ် အဖေ…

….

ရန်ကုန်လေဆိပ်ကနေ ထွက်ခွာတော့ ကျွန်တော်ဟာ အရမ်းကို ပျော်နေခဲ့တဲ့ ကလေးလေးတစ်ယောက်လိုပဲတဲ့…. လေဆိပ်မှာ လေယာဉ်ပေါ်မတက်ခင်ထိ ကိုင်ထားတဲ့ ဖိုင်တွဲအနီလေးကို မြှောက်ရင်းမြှောက်ရင်း လက်လှမ်းပြနေတဲ့ ကျွန်တော့်ကို ကြည့်နေကြတဲ့ နှုတ်ဆက်သူတွေက ပြောတယ်တဲ့…

ဟိုကောင်လေးပဲ ကောင်းတယ်. တော်တော်ပျော်နေပုံပဲတဲ့. လက်ကလည်း ပြနေတာ မညောင်းနိုင်ဘူး တဲ့…

သူတို့ဘေးနားမှာ ရပ်နေတဲ့ အမေ ငိုနေရင်းက ချောင်းတဟွတ်ဟွတ် ဆိုးမိတယ် လို့ အစ်မက ပြန်ပြောပြတယ်.

အစ်မက ပြောပါသေးတယ်.

လေယာဉ်ကြီး ကောင်းကင်ထဲကို ထိုးတက်သွားတော့ အမေ မိုက်ခနဲ တစ်ချက်ဖြစ်သွားတယ်တဲ့…

သူတို့လည်း ဘယ်လိုခံစားလိုက်ရမှန်း မသိဘူးတဲ့…

ကျွန်တော်ကရော…

…

ခါးပတ်တွေ ဖြုတ်လို့ရတော့ ကျွန်တော် အိမ်သာထဲကို သွားခဲ့ပါတယ်. အိမ်သာထဲမှာ ကျွန်တော်တစ်ယောက် လေယာဉ်ပျံကြီးရဲ့ စက်သံကို အခွင့်ကောင်းယူလို့ ငိုရှိုက်နေခဲ့မိတယ်.

ကျွန်တော် အိမ်နဲ့ခွဲခွာပြီး ရပ်ဝေးကို တစ်ခါမှ မသွားခဲ့ဖူးတာ အဖေ သိပါတယ်လေ…

ရန်ကုန်နယ်နိမိတ်ကို ကျော်သွားတော့ လေယာဉ်ပေါ်ကနေ မြင်ရတဲ့ မြင်ကွင်းတွေက အဖေနဲ့ ကျွန်တော်တို့ မိသားစု ရန်ကုန်ကနေ စစ်တွေကို ပြောင်းသွားတော့ လေယာဉ်စီးတဲ့ အဖြစ်အပျက်ကို သွားသတိရစေခဲ့တယ်.

လေယာဉ်ပေါ်ကနေ မြင်ရတဲ့ ဦးထိပ်ချွန်ချွန် အရာလေးတစ်ခုကို ကြည့်ရင်းက ကျွန်တော် လွှတ်ခနဲ အော်လိုက်ခဲ့တာ အဖေမှတ်မိသေးလား…

“ဟိုးမှာ မြင်းမိုရ်တောင်ကြီး မြင်းမိုရ်တောင်ကြီး… ” တဲ့…

အဖေက ကျွန်တော်ပြတဲ့နေရာကို ကြည့်ရင်း တဟားဟား အော်ရယ်ပါတယ်. လေယာဉ်ပေါ်ပါလာတဲ့ ခရီးသည်တွေကလည်း ကျွန်တော်ပြတဲ့နေရာကို ကြည့်ကြရင်း ကျွန်တော့်ကို ချစ်မြတ်နိုးစွာ ရယ်ပြကြပါတယ်.

ဘာသာရေးစာပေတွေ ဖတ်နေခဲ့တဲ့ ကျွန်တော်တစ်ယောက် သိထားခဲ့တာက လေယာဉ်ပျံကြီးနဲ့ သွားရင်တော့ မြင်းမိုရ်တောင်ကို မြင်ကောင်းမြင်ရနိုင်တယ်လို့လေ…

အဖေက ကျွန်တော့်ဆံပင်တွေကို ထိုးဖွရင်း ပြောခဲ့ပါသေးတယ်.

“မြင်းမိုရ်တောင်က လေယာဉ်ပျံထက် ပိုမြင့်တယ်. အဲဒါ သဘောင်္ပါ” တဲ့…

သေသေချာချာ ပြန်ကြည့်တော့မှ ရွက်သင်္ဘောတစ်စီးကို အပေါ်ကနေ မြင်နေရတာ ဖြစ်နေတယ်လေ.

ခု ကျွန်တော် လေယာဉ်ပေါ်က မြင်နေရတဲ့ တိမ်စိုင်တွေရဲ့ အပေါ်ခပ်လှမ်းလှမ်းကို လှမ်းမျှော်ကြည့်ခဲ့မိတယ်.

ယုံချင်ယုံ မယုံချင်နေပါ အဖေ…

ကျွန်တော် မြင်းမိုရ်တောင်ကြီးကို တွေ့လိုက်ရတယ်….

အဖေ့မျက်နှာပါတဲ့ မြင်းမိုရ်တောင်ကြီးပေါ့….



ဖြတ်သန်းခဲ့ရတဲ့ ဘ၀တလျှောက်မှာ ကျွန်တော်အကြိမ်ကြိမ် ကျရှုံးခဲ့ရဖူးသလို ကျရှုံးခဲ့တိုင်း အဖေ့ရဲ့ စကားတစ်ခွန်းနဲ့ ကျွန်တော်ကိုယ့်ဘ၀ကို ပြန်လည်မြှင့်တင်နိုင်ခဲ့တယ်.

ကိုယ့်ကိုယ်ကို ယုံကြည်နေဆဲပါ အဖေ…

ဟိုတစ်လောက အမေတို့နဲ့ စကားပြောဖြစ်ခဲ့တယ်. အစ်မက မဂ္ဂဇင်းတစ်ခုမှာ ပါတဲ့ ကျွန်တော့်ရဲ့ ဆောင်းပါးကို အိမ်ကိုလာတဲ့ လူတိုင်းကို လိုက်ပြရတာ အမောပဲတဲ့. အမေကလည်း ဖတ်တာတော့ ဖတ်တယ်. နားမလည်ပေမယ့် ကောင်းတာတွေ ရေးထားမှန်းတော့ သိတယ်တဲ့.

“မင်းက ဘယ်လိုကနေ ဘယ်လို စာတွေ ရေးတတ်လာရတာလဲ” တဲ့.

ထုံးစံအတိုင်းပေါ့ . ကျွန်တော်ကတော့ “ဟတ်ဟတ်ဟတ်” နဲ့ ရယ်နေမိခဲ့တယ်…

အစ်မက ပြောပါသေးတယ်.

“သူငယ်ချင်းတွေနဲ့ တွေ့ရင် မောင်လေးအကြောင်း ပြောဖြစ်တယ်” တဲ့

“ငါ့မောင်လေးက ကျောင်းတက်နေရင်းနဲ့ ပိုက်ဆံတွေ ပို့ပြီး မိသားစုကို ထောက်နေတာ” တဲ့.

“ငါ့မောင်လေးက …. နိုင်ငံမှာ” တဲ့.

“ငါ့မောင်က ဘလော့ဂါ” တဲ့

ကျွန်တော် ၀မ်းသာပါတယ်. ဂုဏ်ယူပါတယ်.

ဝမ်းနည်းတာတစ်ခုကတော့ အဖေ့ကို ကျွန်တော် ရေးသားတဲ့ စာတွေ၊ ကဗျာတွေ ပြသခွင့်မရှိတော့တာ၊ ကျွန်တော့် ချွေးနှဲစာနဲ့ လုပ်ကိုင်လို့ ရလာတဲ့ ငွေကြေးနဲ့ အဖေ့ကို ကျေးဇူးဆပ်ခွင့် မကြုံကြိုက်နိုင်တော့တာ၊ ဘယ်သူမှ မထင်ထားတဲ့ အောင်မြင်မှုတစ်ခုကို ကျွန်တော် အရယူပြနိုင်ခဲ့တော့ အဖေ့ကို ကျွန်တော်လိုချင်တာ ပူဆာခွင့် မရနိုင်ခဲ့တာ…

အဲဒါတွေအတွက် ကျွန်တော်ဝမ်းနည်းမိတယ် အဖေ…

အဖေဖြစ်စေချင်ခဲ့တဲ့ အိပ်မက်တွေကို ကျွန်တော်အကောင်အထည်ဖော်နေဆဲပါ…

လက်ရှိအချိန်မှာ ကျွန်တော့်ဘ၀ရဲ့ နိမ့်ကျချိန်တစ်ခုကို ဖြတ်သန်းနေရတယ်.

ကျွန်တော့်ကို မချစ်မနှစ်သက်သူတွေရဲ့ စကားလုံးတွေအောက်မှာ ကျွန်တော့်ရဲ့ ဂုဏ်သိက္ခာတွေ ပွန်းပဲ့နေရတယ်.

စိတ်ဓာတ်တွေ ယိုင်လဲလုဖြစ်သွားခဲ့ရတာတွေနဲ့လည်း ကျွန်တော်ကြုံတွေ့နေရတယ်.

ဒါပေမယ့် အဖေ…

ကျွန်တော်က အဖေ့ရဲ့သားပါ…

လူသားဆန်စွာ ၀မ်းနည်းမယ်. ငိုကြွေးမယ်.

လူသားဆန်စွာနဲ့ပဲ ထူထောင်မယ်. ဦးမော့မယ်. အဖေ…

အဖေ ဘယ်တော့မှ စိတ်မပျက်စေရပါဘူး….

အဖေက ကျွန်တော့်ရဲ့ နှလုံးသားထဲမှာ အမြဲရှင်သန်နေတဲ့ အမြုတေတစ်ခုပါ….

…..


ညနေခင်း၏ ရောင်ခြည်လက်တံတို့ ရုပ်သိမ်းသွားခဲ့ကြလေပြီ.

ခပ်လှမ်းလှမ်းတွင် မြင်နေရသော လွတ်မြောက်ရေး ရုပ်တုကြီးကို ကြည့်ရင်းက အံကို တင်းတင်းကြိတ်မိသည်။ လက်သီးကို ကျစ်ကျစ်ပါအောင် ဆုပ်မိသည်။ အသက်ကို ခပ်ပြင်းပြင်း တစ်ချက် ရှူရှိုက်မိသည်။ ဆံပင်ကို ဆတ်ခနဲ တစ်ချက်ခါထုတ်လိုက်တော့ မျက်ဝန်းထောင့်မှ မျက်ရည်စတစ်ချို့ မြစ်ထဲသို့ လွင့်စင်ကျသွားခဲ့သည်။

လှိုင်းလုံးတစ်လုံးက ၀ုန်းခနဲ ကမ်းစပ်သို့ရိုက်ခတ်သည်။ စင်ရော်တစ်ကောင်က အသံကိုမြှင့်လျက် ကြွေးကြော်သည်။ မီးပြတိုက်မှ မီးရောင်တစ်ခု သူ့ဖက်သို့ လက်ခနဲ ဖြာကျသည်။

အင်္ကျီကို ဇစ်ဆွဲစေ့လျက် မတ်တပ်ရပ်လိုက်ခဲ့သည်။ ရေပြင်ကျယ်ကို စိုက်ကြည့်နေခဲ့ရင်း အသက်ကို မှန်အောင် ရှူနေခဲ့သည်။ မျက်စိအစုံကို ခေတ္တမှေးမှိတ်လျက် ခန္ဒာကိုယ်တွင် တင်းမာနေသော အကြောအခြင်များကို ဦးခေါင်းမှ ခြေဖျားအထိ သတိထားပြီး ဖြေလျှော့လိုက်သည်။

မြစ်ထဲတွင် ခုတ်မောင်းသွားသော သင်္ဘောတစ်စင်းဆီမှ ဥဩသံရှည်တစ်ချက်ကို ကြားလိုက်ရသည်..

ကောင်းကင်သို့ တစ်ချက်မော့ကြည့်ရင်းက စကားလုံးများကို ဖြေးညှင်းပြတ်သားစွာ သူရေရွတ်လိုက်ခဲ့သည်…

“ကျွန်တော် ကိုယ့်ကိုယ်ကို ရှင်သန်ယုံကြည်နေဆဲပဲ အဖေ…”

ဂျက်ကတ်အင်္ကျီထဲမှ Mp3 Player လေးကို ထုတ်လိုက်ရင်း နားထောင်သင့်သည့် သီချင်းတစ်ပုဒ် ကို ရွေးချယ်လိုက်သည်။

နားကြပ်ကို တပ်လျက် မြစ်ကမ်းဘေးမှ သူထွက်ခွာလာတော့ ဘေးတစ်ဖက်တစ်ချက်မှ သစ်ပင်တို့က သူ့ကို ဦးညွှတ်လျက် ကောင်းချီးဩဘာပေးနေကြသည်ကို ခံစားလိုက်ရသည်…



ဇန်န၀ါရီ (၂)ရက်နေ့တွင် ဆုံးပါးကွယ်လွန်သွားခဲ့သော ကျေးဇူးရှင် ဖခင်ကြီးအား ဂုဏ်ပြုရေးဖွဲ့ပါသည်...

မိမိကိုယ်ကို သစ္စာရှိခြင်း...

အားလုံးပဲ မင်္ဂလာပါ.

ဟိုတစ်လောက ကျွန်တော်နဲ့ ဘလော့ဂါတစ်ချို့ အငြင်းပွားဖွယ်ရာ ကိစ္စလေးတစ်ခုဖြစ်ပြီး ကျွန်တော်အားလုံးကို ပြန်လည်တောင်းပန်ခဲ့တာ အသိပဲ ဖြစ်မှာပါ. ပြီးတော့ ကျွန်တော်တင်ထားခဲ့တဲ့ ပို့စ်တစ်ခုကိုလည်း ပြန်ဖြုတ်ခဲ့ပါတယ်.

အမှန်တော့ ကျွန်တော်ရေးခဲ့တဲ့ ပို့စ်ထဲမှာ အကုန်မမှန်သလို အကုန်လည်း မမှားခဲ့ပါဘူး. ကျွန်တော့်ရဲ့ ကိုယ်ရေးကိုယ်တာ နည်းနည်းဆန်သွားတဲ့ ချေပပြောဆိုချက်တွေမှာတော့ စကားလုံးအသုံးအနှုန်း ရင့်သီးသွားတာတွေ ပါကောင်းပါနေနိုင်ပါတယ်. ကျွန်တော်လည်း အဲဒီ့ကိစ္စဖြစ်ပြီး နောက်ပိုင်းကတည်းက စာရေးနည်းနည်းကျဲသွားခဲ့တယ်. အလုပ်တွေများတာလည်း ပါပါတယ်. ကျွန်တော်ကိုယ်တိုင်လည်း စာရေုးဖို့ မုဒ်ပျောက်နေတာလည်း ပါပါတယ်.

ကျွန်တော့်မိတ်ဆွေတစ်ချို့ကတော့ အဲဒီ့ပို့စ်ကို ပြန်တင်သင့်တယ်လို့ အကြံပြုပါတယ်. ကျွန်တော်လည်း စဉ်းစားနေခဲ့တာ ကြာပါပြီ. တစ်ခါတစ်လေတော့လည်း အတ္တတိုက်ပွဲမှာ ကိုယ့်ဖက်က မလျှော့ချင်ဘဲ လျှော့လိုက်ရရင် ရှေ့ဆက်လုပ်မယ့် ကိစ္စတွေမှာ အင်အားသိပ်မရှိတော့သလို ခံစားရတာမျိုးတွေ ဖြစ်တတ်ပါတယ်.

ကျွန်တော် အဲဒီ့ပို့စ်ကို ရေးတုန်းက အင်နဲ့အားနဲ့ မခံချင်စိတ်နဲ့ ရေးခဲ့တာပါ.

အဲဒီ့ပို့စ်ကို ဖြုတ်လိုက်ပြီးနောက်ပိုင်း ကျွန်တော့်မှာ ရင်တွင်းဖြစ်ခံစားချက်တွေ လျော့ကျသွားသလို စာရေးရတာလည်း စိတ်သိပ်မပါတော့သလို ခံစားလာရတယ်.

ဒီမနက် ကိုရန်သူ ဆိုတဲ့ စာဖတ်သူတစ်ယောက်က ကော်မန့်ရေးသွားပါတယ်.

ကိုရန်အောင်...
ကျွန်တော်ဘလော့ဂါတယောက်မဟုတ်တဲ့ စာဖတ်သူသက်သက်တဦးပါ။ ကိုရန်အောင်နဲ့အခြားဘလော့ဂါတဦး ဆွေးနွေးစရာ ဖြစ်ပေါ်စေခဲ့တဲ့စာကို ဖတ်ရတယ်။ ကိုရန်အောင့်စာကိုရော အခြားဘလော့ဂါရဲ့စာကိုရောပေါ့။ နောက်ကိုရန်အောင်က စာတစောင်ပြန်ရေးတယ်။ ပထမဆုံးကိုရန်အောင်ရေးခဲ့တဲ့စာကို ပြန်ဖြုတ်လိုက်တယ်။ ကျွန်တော်စာဖတ်သူအနေနဲ့ ဒီတင်ပြီးပြီထင်ခဲ့တယ်။ သို့သော်ကိုရန်အောင်က ဒီစာကိုထပ်ရေးခဲ့တယ်။ ဆက်ရန်ရှိသေးသည်ပေါ့....

ကျွန်တော်အရင်ဆုံး အကြံပြုချင်ပါတယ်။ ကိုရန်အောင်တင်ထားပြီး ပြန်ဖြုတ်ပစ်လိုက်တဲ့ ပထမပို့စ်ကို ပြန်တင်ထားပေးသင့်ပါတယ်။ ဘာကြောင့်လဲဆိုရင် ကိုရန်အောင်ဒေါသဖြစ်လို့ရေးမိတာကလွဲပြီး စာပါ ယုံကြည်ချက်တွေက မှန်ကန်နေဆဲပဲလို့ ဒီစာအရသိရလို့ပါ။နို့မဟုတ်ရင် ကိုရန်အောင်ဘာတွေကို ယုံကြည်ခဲ့တယ် ဘာတွေကိုမယုံကြည်ခဲ့ဘူးဆိုတာ ပထမပို့စ်ကိုမဖတ်မိလိုက်သူတွေ ဆက်စပ်ရခက်သွားနိုင်မယ်ထင်လို့ပါဗျာ။

ကိုရန်အောင့်စာကိုလည်း စောင့်ဖတ်ပါ့မယ်။
စာတွေဆက်ရေးပါ ကိုရန်အောင်။

ကျွန်တော်နာမည် ရန်သူပါ။
အွန်လိုင်းစာဖတ်သူတဦးပေါ့ခင်ဗျာ။
yanthusitsit

သူပြောတာတွေ မှန်ပါတယ်.

ကျွန်တော်မှားခဲ့တာ ရှိမယ်. မှန်ခဲ့တာတွေလည်း ရှိမယ်.

ဒါပေမယ့် စာဖတ်ပရိသတ်ကို သစ္စာရှိသောအားဖြင့် ကျွန်တော်ရေးခဲ့ပြီးတဲ့ ပို့စ်ကို မဖြုတ်သင့်ဘူး. ဒီကိစ္စကို ထောင့်ပေါင်းစုံက မြင်တဲ့သူတွေ ရှိနိုင်တယ်. ဘာကြောင့်ပဲ ဖြစ်ဖြစ် ပြန်တင်သင့်တယ်လို့ ကျွန်တော်ဆုံးဖြတ်တယ်.

ဒါကြောင့် ကျွန်တော်ပြန်တင်လိုက်ပါတယ်.

ရှေ့လျှောက် ကျွန်တော်လုပ်စရာရှိတာတွေကို ဘယ်လောက်ပဲ အခက်အခဲ ဆန့်ကျင်မှုတွေ ရှိနေပါစေ. ကျွန်တော်ယုံကြည်စွာ၊ မည်သူ့ကိုမျှ မထိခိုက်ဘဲ ပြတ်သားစွာ လုပ်ဆောင်သွားပါမယ်.

စဉ်ဆက်မပြတ် အားပေးဖတ်ရှုနေကြတဲ့ မိတ်ဆွေ စာဖတ်သူ ပရိတ်သတ်အားလုံးကို လှိုက်လှဲစွာ ကျေးဇူးတင်ပါတယ်…

မီးလျှံငှက်တစ်ကောင်အကြောင်း…


အားလုံးပဲ မင်္ဂလာပါ.

ဒီရက်ပိုင်းအတွင်းမှာ ကျွန်တော် ကိုယ့်စိတ်ကို တည်ငြိမ်အောင် ပြန်ထိန်းနေခဲ့တယ်. ဘာတွေဖြစ်ပျက်နေတယ်ဆိုတာ ခင်ဗျားတို့သိမှာပါ…

ကျွန်တော့်ကို ဒီလောက်ထိ ပြောဖို့ သူတုိ့တွေမှာ အင်အားရှိနေပေမယ့် ကျွန်တော်ကတော့ ခွန်းတုံ့မပြန်လိုပါဘူး.

ဒါဟာ ဘာလို့လဲဆိုတော့ သူတို့ရဲ့ ဂုဏ်သိက္ခာကို ကျွန်တော်လေးစားတယ်. သူတို့ကို ကျွန်တော် မပုတ်ချလိုဘူး. ကျွန်တော့်မှာ ကျွန်တော်ကိုယ်တိုင်ချမှတ်ထားတဲ့ Life Philosophy ရှိတယ်.

ဒါကို ကျွန်တော်လိုက်နာတယ်.

ရန်အောင်ဆိုတာ လွယ်လွယ်နဲ့ အရှုံးပေး လက်မြှောက်တတ်တဲ့သူ မဟုတ်ဘူး

ရန်အောင်ဆိုတာ ခြောက်တိုင်းကြောက်တတ်တဲ့ လူစားမျိုးမဟုတ်ဘူး

ခင်ဗျားတို့ ပြောထွက်ရက်ပေမယ့် ကျွန်တော်ကတော့ ပြောမထွက်ဘူး….

ဒီလိုပြောလိုက်ရလို့ ခင်ဗျားတို့ ကျေနပ်လား. အားရသွားလား. Ego တစ်ခု ပြည့်ဝသွားလား.

အိုကေ. That’s fine. If you think it’s good for whoever concerned, go for it!

ကျွန်တော်ကိုယ့်ကိုယ်ကို ခံယူထားတာ တစ်ခုရှိတယ်.

ကျွန်တော်ဟာ နောက်လိုက်ကောင်းတစ်ယောက် ဖြစ်သလို ခေါင်းဆောင်ကောင်းတစ်ယောက်ဖြစ်အောင် ကြိုးစားနေထိုင်သူလည်း ဖြစ်တယ်.

ကျွန်တော့်ကို မလိုလားသူတွေရဲ့ မျက်နှာတွေထက် မြန်မာပြည်တွင်းမှာ၊ မြန်မာပြည်ပြင်ပမှာ ရှိနေတဲ့ လူငယ်မျိုးဆက်သစ်တွေရဲ့ အနာဂတ်ကို ကျွန်တော်ကြည့်တယ်.

ကျွန်တော် ဒီဘလော့ဂ်ကို ရေးတာဟာ ကျွန်တော်ကိုယ်တိုင်ရဲ့ ခံစားချက်အတ္တတွေ ပြည့်ဝဖို့ထက် အများစုရဲ့ အခက်အခဲကို ကြိုးစားဖြေရှင်းပေးဖို့ ရေးနေတယ်ဆိုတာ ကျွန်တော်ရေးခဲ့ဖူးတဲ့ ပို့စ်တွေကို ပြန်ကြည့်လိုက်.

ခင်ဗျားတို့တွေ့လိမ့်မယ်..

ပြောလိုက်စမ်းပါ..

ရန်အောင်ဆိုတာ အခွင့်အရေးသမား.

ရန်အောင်ဆိုတာ နိုင်ငံရေးလုပ်စားသူ.

ရန်အောင်ဆိုတာ ဘယ်သူ့မျက်နှာကိုမှ မထောက်ဘဲ ရသမျှအခွင့်အရေးကို မျှော်ကိုးပြီး လက်တစ်လုံးခြား လိမ်လည်လှည့်ဖျားတတ်တဲ့သူ…

ပြောလိုက်စမ်းပါ…

ဒါတွေကိုကြားရလို့ ကျွန်တော်ဝမ်းနည်းတယ်. စိတ်ပျက်တယ်.

ဒါပေမယ့် အားမငယ်ဘူး. စိတ်ဓာတ်မကျဘူး…

ကျွန်တော်ကိုယ်တိုင် ကြိုးစားတည်ဆောက်ထားတဲ့ ဘ၀မာန်မှာ ဘယ်သူမှ ရိုက်ချိုးဖျက်ဆီးလို့ မရတဲ့၊ တွန်းလှန်ပယ်ဖျက်လို့ မရတဲ့ အကြွင်းမဲ့ ယုံကြည်မှု တစ်ခုရှိတယ်.

ကျွန်တော့်ဘ၀မှာ အကြိမ်ကြိမ် ကျရှုံးခဲ့ဖူးတယ်.

ကျရှုံးတိုင်း ပြန်လည် တည်ဆောက်နိုင်ခဲ့တယ်.

ဒီနေ့ဒီအချိန်ထိ ကျွန်တော့်ရဲ့ အောင်မြင်မှုတွေအတွက် လိပ်ပြာသန့်စွာ ဂုဏ်ယူတယ်.

ဘလော့ဂ်ရေးဖို့ ကိစ္စလေးတစ်ခုလောက်နဲ့၊ အခွင့်အရေးလေး တစ်ခုရဖို့အတွက်နဲ့ ရန်အောင်ဆိုတဲ့ ဘလော့ဂါမွေးဖွားလာခဲ့တယ်လို့ ထင်ရင် ခင်ဗျားတို့ သိပ်မှားသွားမယ်.

ခင်ဗျားတို့ရဲ့ စွပ်စွဲချက်တွေ တစ်ခုချင်းကို ပြန်လည်ဖြေရှင်းနေဖို့ စိတ်မ၀င်စားဘူး.

အချိန်လည်း မရှိဘူး….

ခင်ဗျားတို့ရဲ့ စကားလုံးတွေကို စွပ်စွဲချက်တွေကို ပြန်လည်ဖြေရှင်းနိုင်ဖို့ ကြိုးစားအားထုတ်နေရတဲ့ အချိန်တွေမှာ အကျိုးရှိတဲ့ ဘလော့ဂ်ပို့စ်များစွာ ကျွန်တော်ရေးလို့ရတယ်.

ခင်ဗျားတို့ဆီက အထင်ကြီးမှု၊ လေးစားမှုတွေကို မျှော်ကိုးပြီးတော့လည်း ကျွန်တော် ဘလော့ဂ်ရေးခဲ့တာမဟုတ်ဘူး.

ပြောသင့်ရင်ပြောတယ်.

လုပ်သင့်ရင်လုပ်တယ်.

ခင်ဗျားတို့ ဆုတောင်းပေးနေရုံနဲ့လည်း ကျွန်တော့်ရဲ့ ဘ၀ဟာ အလိုလို အောင်မြင်လာမှာမဟုတ်ဘူး…

စေတနာမပါတဲ့ ဆုတောင်းတွေနဲ့ ကျွန်တော့်ကို လာပြီး မလှည့်စားပါနဲ့.

မေတ္တာမပါတဲ့ ခပ်ထေ့ထေ့ အပြုံးတွေနဲ့ ကျွန်တော့်ကို လာပြီး သနားယောင်မပြပါနဲ့.

အိုးမလုံအုံပွင့်ပြီး ကိုယ်လုပ်ထားတာကို မလုပ်သယောင် နာမည်ပြန်ပြီး လာမယူပါနဲ့.

မေတ္တာရပ်ခံပါတယ်.

ကိုယ့်အလုပ်ကိုယ်လုပ်ပါ.

ကိုယ်လုပ်နိုင်တယ်ထင်ရင် လုပ်ပါ.

လုပ်နေတဲ့သူတွေကို မစော်ကားပါနဲ့

ဒီနေ့ခေတ်ဟာ IT ခေတ်ပါ.

ကလောင်လက်နက်နဲ့ တိုက်ပွဲဝင်တာဟာလည်း တော်လှန်ရေးတစ်ခုပါပဲ.

ဒါကို မယုံကြည်ဘူးဆိုရင် ခင်ဗျားမှာ အသိအမြင်ဘယ်လောက်ခေါင်းပါးလဲ ဆိုတာ ပြသနေတာနဲ့ အတူတူပါပဲ.

DVB သွားတော့. ခေတ်ပြိုင်လည်း နားတော့. VOA လည်း ဂျောင်းတော့.

မီဒီယာတွေမှန်သမျှ လေပေါကြီးတွေပဲ.

ဟုတ်လား.

လက်နက်ကိုင်တိုက်တိုင်း တော်လှန်ရေး အောင်မြင်မယ်ဆိုရင် စက်တင်ဘာအရေးအခင်းတုန်းက တောတွင်းလက်နက်ကိုင်အဖွဲ့တွေ ဘာလုပ်နေကြလဲ.

ခေါင်းဆောင်တွေ စည်းလုံးစွာ တိုက်ပွဲဝင်ကြပါတော့လား

နအဖအခက်၊ တို့တွေအချက်ဆိုပြီး ထချကြပါတော့လား

Nada!

ဘယ်သူမှ ဦးမဆောင်နိုင်ခဲ့ကြဘူး.

ရှေ့မထွက်နိုင်ခဲ့ကြဘူး.

ပြည်တွင်းမှာ နအဖက စိန်ပြေနပြေနဲ့ သတ်နေတာကိုပဲ ဒေါပွလိုက်၊ ၀ူးဝါးဝူးဝါး ကြေငြာချက်တွေ ထထုတ်လိုက်၊ အပုတ်ချ ရှုတ်ချလိုက်နဲ့ပဲ လုပ်နေခဲ့ကြတယ်.

စုစည်းပြီး ၀င်တိုက်ပါတော့လား

ကိုယ့်ကိုယ်ကို လက်နက်ကိုင်တိုက်ဖူးတိုင်း တော်လှန်ရေး လုပ်နေတဲ့ အပြင်းစား တော်လှန်ရေးသမား (Democracy Hardcore) တွေလို့ ယူဆရင် ခင်ဗျားတို့ရဲ့ ဒီမိုကရေစီ ယုံကြည်ချက်ကို ကျွန်တော် အော့နှလုံးနာတယ်.

တစ်တိုင်းပြည်လုံး လက်နက်ကိုင် တိုက်ကြပေတော့.

အသိအမြင်ရှိတဲ့ ပညာရှင်တွေကို နောက်ချန်ထားခဲ့တော့

ဒီမိုကရေစီ၊ ဒီမိုကရေစီ ဆိုပြီး ခင်ဗျားတို့ရဲ့ လုပ်ရပ်တွေဟာ အာဏာရှင်ဆန်နေတယ်ဆိုတာ ခင်ဗျားတို့ မသိဘဲ ကိုယ့်ကိုယ်ကို လိမ်ညာနေကြတယ်.

နအဖ ဘာမှ မလုပ်ရဘဲ ကျွန်တော်တို့ ဘလော့ဂါတွေ သွေးကွဲတယ်.

ရင်နာတယ်.

ကိုယ်ယုံကြည်ရာကို ဆက်လုပ်ပါ.

ဖြစ်မြောက်အောင်လုပ်ပါ.

ရန်အောင် ဘာတွေလုပ်နေတယ် ဆိုတာကို အလုပ်နဲ့ပဲ သက်သေပြမယ်.

ခင်ဗျားတို့ သိနေဖို့ မလိုဘူး

ကြော်လည်း မကြော်ငြာဘူး.

ရှေ့လျှောက် နည်းပညာပို့စ်တွေ များများဆက်ရေးမယ်.

ဆီဘောက်စ်ဖြုတ်မယ်.

ကော်မန့်တွေ၊ အမြင်တွေလည်း မလိုချင်တော့ဘူး…

သိချင်ရင် အီးမေးလ်နဲ့ ဆက်သွယ်မေးမြန်းပါ.

အသားအရောင်၊ ယုံကြည်ချက်၊ လူမျိုးမခွဲခြားဘူး..

တိုင်းပြည်ရဲ့ အနာဂတ်လူငယ်မျိုးဆက်သစ်တွေအတွက် ရန်အောင်ဆိုတဲ့ ဘလော့ဂါ ဆက်ရှိနေမယ်…

တစ်နေ့ ကျွန်တော်ထွက်ခွာသွားမယ်.

ဒါပေမယ့် ကျွန်တော့်တာဝန်တွေ ပြီးဆုံးတဲ့အထိ ဘာကိုမှ မကြောက်ဘဲ၊ နောက်မတွန့်ဘဲ ပြတ်ပြတ်သားသား ရဲရဲဝံ့ဝံ့ လုပ်သွားမယ်.

ဒါတွေအတွက် တစ်နေ့ လာမချီးမွမ်းပါနဲ့.

မလိုအပ်ဘူး…

နေရာအနှံ့မှာ လိုက်ကြည့်ပါ.

အခွင့်အရေးသမားတွေ တွေ့လိမ့်မယ်.

တိုက်ပွဲဝင်နေတဲ့ မျိုးချစ်သူရဲကောင်းတွေကိုလည်း တွေ့လိမ့်မယ်.

သူတို့လုပ်နေတာတွေကို ရန်အောင် မလုပ်နိုင်တဲ့အတွက် သူတို့နဲ့ယှဉ်ပြီး ရန်အောင့်ကို ပုတ်ခတ်ပါ. မကောင်းကြောင်းတွေ ဖြန့်ဝေပေးပါ.

အဲ.

တစ်ခုတော့ရှိတယ်နော်.

သူတို့မလုပ်နိုင်တာတွေကို ရန်အောင်လုပ်နေတယ် ဆိုတာကိုလည်း မကြည်ဖြူရင်တောင်၊ အသိအမှတ်မပြုနိုင်ရင်တောင် ခင်ဗျားတို့ စိတ်ထဲမှာ သိမ်းထားပေးပါ.

ကျွန်တော့်ကို မုန်းတီးသူတွေ ရှိသလို ချစ်ခင်သူတွေလည်းရှိတယ်.

လူဆိုတာ အသက်ကြီးတိုင်း ရင့်ကျက်ပြည့်ဝလာတတ်တာမျိုးမဟုတ်ဘူး...

ကိုယ်ကိုယ်တိုင်က ကိုယ့်စိတ်ကို သတိထားကြိုးစာပြုပြင်မှ တိုးတက်ကောင်းမွန်ပြည့်ဝတဲ့ စိတ်ထားတစ်ခုကို ပိုင်ဆိုင်လာနိုင်တာပါ.

ဒါဆိုရင် သက်ဆိုင်သူတွေ သဘောပေါက်. သူများမကောင်းကြောင်းပြောပြီး ကိုယ့်သိက္ခာကို မြှင့်တင်ဖို့ ကြိုးစားနေတာဆိုရင်တော့လည်း ဆက်လုပ်ပါ. ဘာလို့လဲဆိုတော့ ခင်ဗျားတို့မှာ တစ်ခြားအဖိုးတန်တဲ့ လုပ်စရာတွေ မရှိလို့နေမှာပေါ့.


ဘာပဲဖြစ်ဖြစ် ကျွန်တော်ချစ်တဲ့ တိုင်းပြည်နဲ့ လူမျိုးအတွက် ပညာအလင်းရောင်ကို ဆက်လက်ထွန်းညှိသွားမယ်…

ကျွန်တော့်ရဲ့ ပညာအရည်အချင်းကိုလည်း ဆက်လက်မြှင့်တင်သွားမယ်.

ရန်အောင် ဘာကောင်လဲဆိုတာ တစ်နေ့ ခင်ဗျားတို့ ကောင်းကောင်းကြီးသိလာမှာပါ.

ဒါပဲ…

Conclusion ဆွဲမယ်.

လက်နက်ကိုင်တိုက်လို့ လွတ်လပ်ရေး ရကောင်းရနိုင်မယ်. အကြွင်းမဲ့ နိုင်ငံရေးလို့တော့ မယူဆနဲ့. လုံးဝမဟုတ်ဘူး.

နိုင်ငံတစ်နိုင်ငံ တိုးတက်ထွန်းကားဖို့ အသိအမြင်ပြည့်စုံ ကြွယ်ဝတဲ့ ပညာရှင်တွေ အများကြီးလိုတယ်.

ကလောင်စွမ်းထက်တဲ့ မျိုးချစ်နိုင်ငံသားတွေ၊ စာပေပညာရှင်တွေ အများကြီးလိုတယ်.

လက်နက်ကိုင်တိုက်လို့ ဒီမိုကရေစီရပါပြီတဲ့.

ခင်ဗျားတို့ ဘာဆက်လုပ်ကြမလဲ.

ပြောပါဦး…

နိုင်ငံတိုးတက်ရာတိုးတက်ကြောင်း အစီအစဉ်တွေဆွဲဖို့ ခင်ဗျားတို့ရဲ့ AK-47 ကြီးကို စားပွဲပေါ်တင်ပြီး ဆွေးနွေးကြ၊ ငြင်းခုန်ကြ.

ဟုတ်ပြီလား.

တိုင်းပြည်တစ်ခုစည်ပင်သာယာဖို့ လူတိုင်းလူတိုင်းမှာ တာဝန်ကိုယ်စီရှိတယ်.

လူတိုင်းလူတိုင်းမှာ လုပ်နိုင်တဲ့၊ ပါဝင်ပံ့ပိုးပေးနိုင်တဲ့ အတိုင်းအတာတွေ ရှိတယ်.

အဲလိုပဲ လူတိုင်းလူတိုင်းမှာ မတတ်နိုင်တဲ့ အပိုင်းတွေ၊ ချို့ယွင်းချက်တွေလည်း အများကြီးရှိတယ်.

ခေါင်းဆောင်လုပ်မယ့်သူဆိုတာ အရာရာကို သိမြင်တွက်ဆနားလည်ပြီးတော့ ကိုယ်လုပ်သင့်တာ၊ လုပ်နိုင်တာနဲ့ တာဝန်ခွဲဝေပေးသင့်တာတွေကို ဆုံးဖြတ်ရတယ်.

သေနတ်တကားကားနဲ့ ဒီမိုကရေစီအကြောင်း ခင်ဗျားလာမပြောနဲ့.

တိုက်နိုင်ရင် ရအောင်တိုက်..

ကျုပ်ကတော့ ရှင်းတယ်. ကျုပ်နားလည်တဲ့ အချက် ကျုပ်မှာရှိတယ်.

ကျုပ်ဟာ တိုက်ခိုက်ရေးသမားမဟုတ်ဘူး. ကျုပ်ဟာ Strategist တစ်ယောက်ဖြစ်တယ်. Sector ပေါင်းစုံကို စုစည်းနိုင်တဲ့ ခေါင်းဆောင်တစ်ယောက် ဖြစ်ချင်သူဖြစ်တယ်. အသိပညာရှင်၊ အတတ်ပညာရှင်လိုင်းကို ရွေးချယ်ထားသူတစ်ယောက်ဖြစ်တယ်.

ကျုပ်ကို အခွင့်အရေးသမားပဲ ဖြစ်ဖြစ်၊ ငကြောက်ကြီးလို့ပဲ ဖြစ်ဖြစ်၊ ဘာပဲဖြစ်ဖြစ် ကြိုက်သလိုခေါ်.

ကျုပ်တတ်နိုင်တာနဲ့ မတတ်နိုင်တာကို ပီပြင်ပြတ်သားစွာ ရွေးချယ်ပြီး တာဝန်ထမ်းဆောင်တယ်.

အေး. ခင်ဗျားတို့ လုပ်နိုင်တဲ့ အပိုင်းကိုလည်း ပီပြင်အောင်လုပ်.

တစ်ယောက်နဲ့တစ်ယောက် ပုတ်ခတ်ပြောဆိုနေချိန်မှာ နအဖက စနစ်တကျနဲ့ အင်အားတွေ တိုးချဲ့တည်ဆောက်နေတယ် ဆိုတာကိုလည်း မမေ့နဲ့…

ကျုပ်သာ အခွင့်အရေးသမားဆိုရင် ကျုပ်ရဲ့ အဖိုးတန်တဲ့ အချိန်တွေကို ဒီအွန်လိုင်းလောကအတွက် ဖဲ့ပေးမနေဘူး.

အဲဒါ ခင်ဗျားတုိ့ စိတ်ထဲမြဲမြဲမှတ်ထားပါ.

ထပ်ပြောမယ်.

သူများကိုလက်ညှိုးထိုး ပြောဆိုနေတဲ့ ခင်ဗျားတို့ရဲ့ လက်ငါးချောင်းမှာ လက်ညှိုးကလွဲလို့ ကျန်တဲ့လက်လေးချောင်းလုံး ဘယ်သူ့ကို ပြန်ထိုးနေလဲဆိုတာ ခင်ဗျားတို့ သိပါ.

ကိုယ်လုပ်နိုင်တာကိုလုပ်.

အလကားနေရင်း သူများအတင်းတွေ၊ အဖျင်းတွေ ထိုင်တုပ်မနေနဲ့.

ဒါပဲ ကျွန်တော်ပြောချင်တယ်.

အားလုံးကို ချစ်ခင်လေးစားလျက်

ရန်အောင်

The Pen is Mightier than the Sword!!!

အမြဲစိမ်းသစ်တစ်ပင်သို့....

ကိုနေဘုန်းလတ်ရေ…

ခင်ဗျားနဲ့ ကျွန်တော်နဲ့ မတွေ့ဖြစ်တာ၊ စကားမပြောဖြစ်တာ အတော်ကြာသွားခဲ့ပြီနော်.

ဘာရယ်မဟုတ်ဘူးဗျာ. ကျွန်တော် ခင်ဗျားအတွက် ပို့စ်တစ်ခု သီးသန့်ရေးချင်စိတ်ပေါက်လာတာရယ်၊ ခင်ဗျားကို ထူးထူးခြားခြား သတိရနေခဲ့တာရယ်ကြောင့် စာမရေးဘဲနားထားခဲ့တဲ့ ကျွန်တော့်ဘလော့ဂ်လေးကို ပြန်အသက်သွင်းမိတယ်.

ဖေဖော်ဝါရီ (၆) ရက်နေ့က ခင်ဗျားရဲ့ ဘလော့ဂ်လေး တစ်နှစ်ပြည့်သွားခဲ့တယ်နော်. ခင်ဗျားသိလား. ဘလော့ဂ်တော်တော်များများမှာ ခင်ဗျားအတွက် အထူးသီးသန့် ပို့စ်လေးတွေ တင်ပေးကြတယ်. ခင်ဗျားကို အားလုံးက သတိတရ ရှိနေခဲ့ကြတယ်.

ကျွန်တော်ကတော့ မတင်ဖြစ်ခဲ့ဘူး.

ကျွန်တော်ခင်ဗျားအတွက် ခံစားချက်မရှိလို့ မဟုတ်ဘူး ကိုနေ.

ကျွန်တော်ခင်ဗျားအတွက် အပြည့်အ၀ခံစားချက်ရှိပါတယ်. ခင်ဗျားနဲ့ ကျွန်တော်ကြားမှာ ရှိနေခဲ့တဲ့ မိတ်ဆွေ သံယောဇဉ်ကြိုးက ကြီးမားပါတယ်.

ဒါပေမယ့် အကြောင်းတစ်ခု မတိုက်ဆိုင်လို့ ကျွန်တော်မတင်ဖြစ်ခဲ့ဘူး.

တကယ်ဆို ကျွန်တော်နဲ့ခင်ဗျားနဲ့မှာ ပြောစရာတွေ အများကြီးကျန်နေသေးတယ်.

ခင်ဗျားမရှိတုန်း ကျွန်တော်လည်း စာသိပ်မရေးဖြစ်ခဲ့ဘူး. အလုပ်မအားတာထက် ရေးဖို့ မုဒ်မ၀င်တော့ဘူးဗျာ. ဒီကြားထဲ ကျွန်တော် သိပ်ကိုရင်းနှီးချစ်ခင်ခဲ့ရတဲ့ မိတ်ဆွေဘလော့ဂါတစ်ချို့နဲ့ ကတောက်ကဆတွေ ဖြစ်ခဲ့ရတယ်. ကျွန်တော်စာရေးချင်စိတ် သိပ်မရှိတော့ဘူးဗျာ..

အရင်တုန်းက ကျွန်တော့်မှာ အဲလိုခံစားချက်တွေ ၀င်လာခဲ့ရင် ခင်ဗျားကျွန်တော့်ကို အမြဲအားပေးတယ်နော်. အကျိုးသင့်အကြောင်းသင့် ရှင်းပြတယ်. ဟာသလေးတွေနှောပြီး ကျွန်တော့်ရဲ့ အစိုင်အခဲတွေကို ကြိုးစားဖြေဖျောက်ပေးခဲ့တယ်

ခင်ဗျားဟာ ကျွန်တော့်ရဲ့ မိတ်ဆွေကောင်းတစ်ဦးပါပဲ.

ကျွန်တော်ခင်ဗျားကို သတိရလို့ မ၀င်တာ ကြာပြီဖြစ်တဲ့ Gtalk ထဲကို ၀င်ခဲ့မိတယ်.

ဘလော့ဂါတွေ တော်တော်များများရဲ့ ပရိုဖိုင်းလ်ပုံလေးတွေက ‘Free Nay Phone Latt’ တဲ့.





ခင်ဗျားရဲ့ အကောင့်နာမည်လေးကို စိုက်ကြည့်နေရင်း ခင်ဗျားတင်ထားတဲ့ ပရိုဖိုင်းလ်ပုံလေးကို ဘာသာပြန်နေမိခဲ့တယ်. ကလေးလေးတစ်ယောက် လက်ကလေးနှစ်ဖက်ကို ဆုပ်ကိုင်လို့၊ မျက်လုံးလေးမှိတ်လို့ ကောင်းကင်ဘုံကို မော့ကြည့်ရင်း တစ်စုံတစ်ရာကို ဆုတောင်းနေတဲ့ ပုံလေး…



ခင်ဗျားရဲ့ ဆုတောင်းသံကို ကျွန်တော်ကြားလိုက်တယ် ကိုနေ…

ပြည့်မှာပါဗျာ…. ပြည့်မှာပါ…

ကျွန်တော့်ကို နားလည်မှုရှိတဲ့ ခင်ဗျားအတွက် ကျွန်တော်ပြန်ဆိုတဲ့ ဘာသာပြန်ဆိုချက်တွေဟာ ခံစားချက်ပါတယ်. အပြစ်ကင်းတယ်ဆိုတာ ခင်ဗျားသိမှာပါ.

နားမလည်နိုင်တဲ့သူတွေအတွက်တော့ ကျွန်တော့်ရဲ့ ခံစားချက်တွေဟာ တော်နေးဒိုးတွေလို ပတ်ဝန်းကျင်ကိုပါ ဂယက်ရိုက်ခတ်နေတယ်လို့ ဆိုကြလေရဲ့ဗျာ…

ကျွန်တော်စာရေးဖို့ ကြိုးစားတယ်. ခင်ဗျားကိုသတိရလို့ ခင်ဗျားအတွက် လုပ်ပေးနိုင်မယ်ထင်တာလေး တစ်ခုကို အရဲစွန့်ပြီး ရှေ့ထွက်လုပ်ပြခဲ့မိတယ်. အုပ်စုထဲက ခွဲထွက်ပျံသလို ဖြစ်သွားခဲ့တဲ့အတွက်လားမသိ. ကျွန်တော် အပစ်ချခံခဲ့ရတယ်.

သင်ခန်းစာတစ်ခုပေါ့ဗျာ. အုပ်စုကို ဂရုမစိုက်ခဲ့မိလို့မှ မဟုတ်ဘဲ. ငြိမ်သက်လွန်းနေတဲ့ ကန်ရေပြင်ကို မချင့်မရဲ ဖြစ်မိလို့ ခဲတစ်လုံးနဲ့ ကောက်ပေါက်ခဲ့မိတာပါ. တကယ်တော့ ကန်ရေပြင်အောက်မှာ မမြင်နိုင်တဲ့ တွန်းကန်အားတစ်ခု ရှိနေခဲ့တယ်ဆိုတာ ကျွန်တော်အသိနောက်ကျခဲ့တယ်. သိလည်း မသိခဲ့ပါဘူး. မသိရကောင်းလားဆိုပြီး အပြစ်တင်လည်း ခံရုံပါပဲလေ.

ဝမ်းနည်းနေတဲ့ မိုးတိမ်တွေ စုဆောင်းမိလို့
ဒဏ်ရာမိုးတွေ အဖြစ်ပြောင်းရွာချလိုက်တော့
နူးညံ့ခဲ့ဖူးတဲ့ ရင်ဘတ်တစ်ခု
ကျောက်သားပကတိ ဖြစ်သွားခဲ့ရတယ်.
ဒါဟာ ကျောက်သားကိုဖြစ်စေတဲ့ မိုးကြောင့်လား.
မိုးကိုဖြစ်စေတဲ့ မိုးတိမ်ကြောင့်လား.
မိုးတိမ်ကို ဖြစ်စေတဲ့ ခံစားချက်ကြောင့်လား.
ခံစားချက်ကို ဖြစ်ပေါ်စေတဲ့ ခဲတစ်လုံးကြောင့်လား… … .. .
ဒွိဟအတွေးတွေကြားမှာ
မလူးသာမလွန့်သာ ဖြစ်နေပေမယ့်
တစ်ခုတော့ ပြောရဲတယ်.

ကျွန်တော်ခင်ဗျားကို အရမ်း သတိရတယ် ကိုနေ….

မှတ်တမ်းတစ်ချို့…
March 08, 2007

3:57 AM nay: ပြန်လဲ မဟိုင်းပါလားဟ
me: ဟိုင်းကြီးဟိုင်းလေး
ဟိုင်းလတ်
ဟိုင်းငယ်
3:58 AM ဟိုင်းထွေး
ဟိုင်းကလေး
3:59 AM nay: ဟိုင်းမယ့်ဟိုင်းတော့လဲ အစုံကိုိဟိုင်းတော့တာပဲ
စကားနဲနဲလောက်ပြောချင်လို့ ရမလားဗျ
4:01 AM me: ပြောဗျာ
နည်းနည်းတော့ကြာမယ်နော်
း)
4:02 AM အော်
ခင်ဗျားကြာနေပါပေါ့လား
ဟတ်ဟတ်
nay: ဟား ဟား
4:03 AM ဖိုရမ်မှာ ကျွန်တော် စာပြန်ထားတာဖတ်ပြီးပြိလားဗျ
me: ကျွန်တော်ပြန်ထားတာရောဖတ်ပြီးပြီလား
nay: မဖတ်ရသေးဘူး
4:04 AM အခု သွားနေပြီ
me: အိုကေ
4:05 AM nay: ကိုရန်
me: ပြော
nay: နောက်တစ်ပတ်လောက် အချိန်ထပ်ပေးရင်ရမလား
me: ဘာဖြစ်ချင်လဲ
ရတာပေါ့
ဘာလုပ်ချင်လဲ
မိန်းမယူမလို့လား
ဟတ်ဟတ်
4:07 AM nay: ကျွန်တော်တို့ လိုဂိုနဲ့ ဆောင်ပုဒ်အတွက် တစ်ပတ်ထပ်ပြီးအချိန်ယူမယ်ဗျာ
ကိုရန်အောင်တစ်ခုခု တော့စီစဉ်ပေး
4:11 AM me: လုပ်လေ
ဘာလုပ်ပေးရမလဲ



ကိုနေ့ ဘလော့ဂ်လေးရဲ့ တစ်နှစ်ပြည့်မွေးနေ့မှသည် နှစ်ပေါင်းများစွာအထိ ခင်ဗျားရဲ့ နှလုံးသွေးနဲ့ ဖန်တီးတဲ့ အနုပညာပန်းပွင့်လေးတွေ ဆက်လက် မွှေးပျံ့ ရှင်သန်နိုင်ပါစေဗျာ….

ရန်အောင်

ရင်ဘတ်ထဲရောက်သွားသော ကဗျာတစ်ပုဒ်...

ဘလော့ဂ်တွေ လိုက်ဖတ်ကြည့်ရင်း ကိုယောဟန်အောင် ရဲ့ ဘလော့ဂ်မှာ ကျွန်တော်နှစ်သက်မိတဲ့ ကဗျာလေးတစ်ပုဒ်တွေ့ရလို့ ပြန်လည်မျှဝေလိုက်ပါတယ်.

အစွဲတွေကို ခေတ္တ မှောင်ရိပ်ထဲမှာ ချော့သိပ်ခဲ့ပြီးမှ ဒီကဗျာလေးကို ဖွင့်ထားတဲ့ နှလုံးသားနဲ့ ဖတ်စေချင်ပါတယ်.

ဇင်တရားတော်နှင့် ဘလော့စီမံရေးသား မွေ့လျော်ခြင်း အနုပညာ

ငါက ဘာသာပြန်တာတွေ မှားလွန်းလို့
ဘာသာမပြန်ဘဲ ဒီအတိုင်းဖတ်တော့တယ်
ပစ္စုပ္ပန်မှာပဲ နေထိုင်တယ်
သီချင်းတွေ နားထောင်တယ်
ဘလော့ဂါ ဖြစ်တာကို ဘ၀င်မြင့်စရာမလို
အွန်လိုင်း ထီပေါက်တာလည်း ဘယ်သူမဆို ဖြစ်နိုင်တာပဲ။

လူပျောက်ကြော်ငြာ မထည့်ပါနဲ့။
ဘလော့ပေါ်မှာ ဘာမဆိုဖြစ်တယ်
ဇာတ်လိုက်တယောက်ဟာ အကြိမ်ကြိမ် အရေခွံလဲနိုင်သလို
လူကြမ်းဟာလည်း အကြိမ်ကြိမ် ထိုးခံရ လဲကျနိုင်တယ်။

မှော်ကျင်းထဲက မျောလာတဲ့ စကားလုံးတွေကို ဆယ်ယူလိုက်
ရင်ထဲ ခဏခံစားလိုက်ပါ
ပြီးတော့ ပြန်မျောချလိုက်တာကောင်းတယ်။
အသေ ဆုပ်မထားတော့ဘူး။

ကိုယ့်ကို နားမလည်ရင်လည်း နားမလည်တဲ့အတိုင်း ထားလိုက်
ကိုယ်က နားမလည်ရင်လည်း နားမလည်တဲ့အတိုင်း ထားလိုက်။

ဒါဟာ ဂုဏ်ယူဖွယ် သမိုင်းရေးနေတာ မဟုတ်သလို
နောင်တရစရာ အတိတ်လည်း မဟုတ်ပေဘူး။

ငါ့ကိုယ်ငါ သစ်တောလို အမြဲစိမ်းထားခဲ့တယ်
ငှက်တကောင် လာနားမှာပေါ့။

ငါ့ကိုယ်ငါ သမုဒ္ဒရာကြီးလို ပြာထားပေးခဲ့တယ်။
လှိုင်းထလောက်အောင် လေလာမှာပေါ့။

ငါ့ကိုယ်ငါ တိမ်တွေလို လွှင့်ထားပေးခဲ့တယ်။
စွန်ကလေးတခု ငြိကောင်းရဲ့။

ငါ့ကိုယ်ငါ ရေတွင်းအိုလေးတခုလို
ချိုအေးထားပေးခဲ့တယ်။
တယောက်ယောက်ကတော့ “နှင်းရေ” လို့ လာအော်လိမ့်မယ်။

ငါဖုန်းကို “အွန်”ထားခဲ့တယ်။
ဂျီ-တော့ခ်ကို စိမ်းထားခဲ့တယ်။
ငါ စိတ်ကို ဖွင့်ထားခဲ့တယ်။
ငါ့ အခန်းကို ရှင်းထားခဲ့တယ်
ဘာလုပ်ဖို့ ကျန်ပါသေးသလဲ။

ငါက ပျော်ရွှင်ဖို့ အသင့်ဖြစ်နေသလို
ငါက ငိုကြွေးလိုက်ဖို့လည်း အသင့်ဖြစ်နေခဲ့တယ်။

ယောဟန်အောင်
၎ ဖေဖေါ်ဝါရီ ၂၀၀၈

သိပ်ကောင်းတဲ့ကဗျာလေးတစ်ပုဒ်ပါပဲ ကိုယောရေ...

(ရန်အောင်)

ဇော်ဂျီလက်ကွက်ဖြင့် စာရိုက်နည်းများ....

မင်္ဂလာပါခင်ဗျာ.

ဒီတစ်ခါတော့ ဇော်ဂျီလက်ကွက်အကြောင်း နည်းနည်းပြောပြချင်ပါတယ်. လက်ရှိရေးနေတဲ့ ဘလော့ဂါတွေအတွက်တော့ ဒီပို့စ်လေးက နှမ်းဖြူးသလို ဘာမှမပြောပလောက်ပေမယ့် အခုမှ စရေးမယ့် ဘလော့ဂါအသစ်လေးတွေ၊ လူကြီးတွေအတွက်တော့ အသုံးဝင်မယ်လို့ ယူဆပါတယ်. ဘာကြောင့်လဲဆိုတော့ ကျွန်တော့်ဆီကို တစ်ချို့ အီးမေးလ်ပို့ပါတယ်. ဇော်ဂျီမှာ ပါဠိပါဋ္ဌ်ဆင့်တွေ ဘယ်လိုရိုက်ရလဲ မသိလို့ ရှင်းပြပေးစေလိုပါတယ်တဲ့.

ဒါတင်မကသေးပါဘူး. တစ်ချို့သော ဘလော့ဂ်တွေကို လိုက်ကြည့်မိတော့ သူတို့တွေ ပါဠိပါဋ္ဌ်ဆင့်တွေကို မှန်ကန်အောင် မရိုက်ယူနိုင်တာတွေ တွေ့နေရပါတယ်. ဒါကြောင့် ကျွန်တော်ဒီပို့စ်ကို ရေးဖြစ်သွားခဲ့ပါတယ်လို့ စကားပလ္လင်ခံလိုပါတယ် ခင်ဗျာ.

ကဲ. စလိုက်ကြရအောင်နော်.

ဒါက ဇော်ဂျီလက်ကွက်ပါ. ဒေါင်းလုပ် ရယူနိုင်ပါတယ်.

ဇော်ဂျီလက်ကွက်မှာ အင်္ဂလိပ်နဲ့ မြန်မာကို တွဲရိုက်လို့သိပ်လွယ်ကူပါတယ်. Ctrl+Shift နှိပ်လိုက်တာနဲ့ အင်္ဂလိပ်စာနဲ့ မြန်မာစာကို အလွယ်တကူ Switch လုပ်ယူလို့ ရပါတယ်.

“~” ဆိုတဲ့ လက်ဝဲဖက်အပေါ်ဆုံးက Key လေးကို ဇော်ဂျီမှာ Tide Key လို့ခေါ်ပါတယ်. အရမ်းအသုံးဝင်တဲ့ Key လေးတစ်ခုပဲ ဖြစ်ပါတယ်. ဘယ်လိုအသုံးဝင်လဲဆိုတာ နောက်ဆက်ဖတ်ရင် သိလာပါလိမ့်မယ်ခင်ဗျာ.

ဇော်ဂျီကီးဘုတ်ရဲ့ ထူးခြားချက်ကတော့ Key တစ်ခုတည်းမှာ စာလုံး လေးလုံးမြှုပ်နှံထားတာပဲ ဖြစ်ပါတယ်. တစ်ခြားသော Unicode System တွေမှာဆိုရင်တော့ ပါဋ္ဌ်ဆင့်တွေ ရိုက်ယူဖို့ Alt+1234 စတဲ့ နံပါတ်တွေ ရိုက်ယူရတာမျိုး ရှိတတ်ပါတယ်. အဲဒါတွေကို အလွတ်သိအောင် မှတ်ယူရတာ (သို့) ကီးဘုတ် Layout ကို တစ်ချိန်လုံး ဆောင်ထားရတာမျိုးတွေကို ဇော်ဂျီ ယူနီကုဒ်စနစ်က ဖြေရှင်းပေးလိုက်ပါတယ်. Compact ဖြစ်တဲ့ Unicode System တစ်ခု ပဲ ဖြစ်ပါတယ်.

ဥပမာလေးတွေနဲ့ စပြီး စမ်းရိုက်ကြည့်လိုက်ကြရအောင်လား…

ရှင်မဟာ ရဋ္ဌသာရ ရေးသားတော်မူတဲ့ စတုဓမ္မသာရ ကိုးခန်းပျို့ထဲက ကောက်နုတ်ချက်လေးတွေနဲ့ ဆွေးနွေးပေးသွားပါမယ်.

“ဧသုကာရီ၊ ကျော်ညီသတင်း၊ ထိုသည်မင်းနှင့်၊ ရောင်းရင်းတူကွ၊ ငယ်သော်ကလျှင်၊ ပိယသဟာ၊ မေတ္တာကျွန်းမ၀င်၊ တိုင်ပင်ကြသော်၊ ချစ်မွေ့လျော်သား…”

Shift ခံ၍ရိုက်နည်း.

အဲဒီ့စာပိုဒ်လေးကို ရိုက်မယ်ဆိုရင် ပထမဦးဆုံး “ဧ” ဆိုတာကို ရိုက်ဖို့အတွက် လိုက်ကြည့်တော့ [ ဆိုတဲ့ Key လေးရဲ့ အပေါ်မှာ တွေ့ရပါတယ်. ဒါကြောင့် shift+[ ကိုရိုက်ပါတယ်.

ကျန်တဲ့စာလုံးလေးတွေကို ဆက်တိုက်ကြိုးစားရိုက်ကြည့်ပါ. အခက်အခဲမရှိနိုင်ပါဘူး. ပုံမှန်အတိုင်းပဲ ရိုက်ယူသွားမှာ ဖြစ်ပါတယ်.

ပါဋ္ဌ်ဆင့် ရိုက်နည်း

ကဲ. မေတ္တာဆိုတဲ့ စကားလုံးလေးနားကို ရောက်လာပါပြီနော်. ပါဋ္ဌ်ဆင့်ကို စရိုက်ပါတော့မယ်.

A =ေ
R = မ
W = တ

“မေတ” ဆိုတာထိ ရပြီနော်.

တ၀မ်းပူ နောက်တစ်လုံးရိုက်ဖို့အတွက် ကီးဘုတ်ကို ကြည့်လိုက်တော့ “w” ဆိုတဲ့ ကီးလေးရဲ့ ညာဖက်အောက်နားမှာ တ၀မ်းပူ နောက်တစ်လုံးတွေ့ရပါတယ်.

ဇော်ဂျီကီးဘုတ်မှာ ရှင်းပြထားတာက လက်ယာဘက်အောက်က စကားလုံးကို ရိုက်မယ်ဆိုရင် Tide+Key (သို့) Ctrl+Alt+Key လို့ ပြောထားပါတယ်.

ကဲ. ဆက်ရိုက်မယ်နော်.

မေတ ဆိုတာပြီးသွားရင် နောက်ထပ် တ၀မ်းပူကို ဒီလိုရိုက်မယ်.

~ + w = တ္တ
M =ာ

မေတ္တာ ဆိုတဲ့ စကားလုံးလေး ပေါ်လာပါပြီ ခင်ဗျား

ဒါဆိုရင် ကျန်တဲ့ ပါဋ္ဌ်ဆင့်စကားလုံးလေးတွေကို စမ်းရိုက်လို့ရနိုင်ပါပြီ.

ခု ကျွန်တော်ရှင်းပြခဲ့တာတွေက key တစ်ခုစီမှာ ရှိတဲ့ ပုံမှန် အက္ခရာကို ရိုက်နည်း၊ Shift ခံပြီး အပေါ်က အက္ခရာကိုရိုက်နည်း၊ ညာဖက်အောက်နားမှာ ရှိတဲ့ အက္ခရာကို ~ key ခံပြီး ရိုက်ယူနည်းတို့ပဲ ဖြစ်ပါတယ်.

ညာဖက်အပေါ်က အက္ခရာကို ဘယ်လိုရိုက်မလဲ ဆိုတာကို ဆက်လက်ဆွေးနွေးပေးပါမယ်.

“ဃရာဝါသ၊ သမ္ဗာဓဖြင့်၊ ဒုက္ခဖွဲ့နှောင်၊ လူတို့ဘောင်ဝယ်၊ အိမ်ထောင်ညွှတ်ကွင်း၊ သံချိုင့်တွင်းမှ၊ ရှင်းရှင်းလွတ်စင်၊ တောချောင်ဝင်၍…”

ကဲ. ဒီစာပိုဒ်လေးကို ရိုက်ကြည့်ရအောင်.

Shift+C = ဃ

ကျန်တာတွေ ဆက်ရိုက်လို့ရပါတယ်.

Key ၏ ညာဖက်အပေါ်မှ အက္ခရာကို ရိုက်ယူနည်း

“သမ္ဗာဓ” ဆိုတာကိုရိုက်မယ်နော်.

0 = သ
R = မ

ဒီထိရတာက “သမ” ပဲ ရှိသေးတယ်.

“ဗ” ကို “မ” အောက်မှာ ပေါ်ဖုိ့ ရိုက်မယ်.

ကီးဘုတ်မှာ ပြန်ကြည့်လိုက်တော့ အောက်ဆင့် “ဗ” က “A” Key ရဲ့ ညာဖက်အပေါ်မှာ ရှိနေပါတယ်.

အဲဒါကို ဘယ်လိုရိုက်ယူရမလဲဆိုတော့ ဇော်ဂျီလက်ကွက်မှာ ပြောထားတာက Ctrl+Shift+Key (သို့) Shift+Tide+Key လို့ ပြောထားပါတယ်.

ဒါကြောင့်မို့…

“သမ” လို့ ရိုက်ပြီးရင်

Ctrl+Shift+Alt+A =္ဗ

ဆိုပြီး ရိုက်ယူလိုက်ပါမယ် ခင်ဗျား

အခုထိ ကျွန်တော်ဆွေးနွေးပေးခဲ့တာကတော့ ဇော်ဂျီကီးတစ်ခုစီမှာ ရှိနေတဲ့ အက္ခရာ လေးခုကို ရိုက်ယူနည်းတွေပါပဲ.

ပြန်ပြီး အနှစ်ချုပ်ပြောပါမယ်.

ပုံမှန်အက္ခရာအတိုင်း ရိုက်ချင်ရင် သူနဲ့သက်ဆိုင်ရာ ကီးကို ရိုက်ယူပါ.
လက်ဝဲဖက်အပေါ်က အက္ခရာကို ရိုက်ချင်ရင် Shift+ Key ကို ရိုက်ယူပါ
လက်ယာဖက်အောက်က အက္ခရာကို ရိုက်ချင်ရင် ~+Key (သို့) Ctrl+Alt+Key ကို ရိုက်ယူပါ.
လက်ယာဖက်အပေါ်က အက္ခရာကို ရိုက်ချင်ရင်တော့ Shift+~+Key (သို့) Ctrl+Alt+Shift+Key ကို ရိုက်ယူပါ.

ဒီထိရမယ်ထင်ပါတယ်.

ကဲ. တစ်ချို့ ခက်ခဲမယ်ဆိုတာလေးတွေကို အစမ်းရိုက်ကြည့်ကြရအောင်.

“မဇ္ဈိမ” ဆိုတာကို ရိုက်ကြည့်ပါ.

ဒီလိုရိုက်ပါမယ်.

R = မ
Shift + Z = ဇ
Ctrl+Alt+Shift+N =္ဈ
D =ိ
R = မ

ရပါပြီနော်.

ဒီစာပိုဒ်လေးကို ရိုက်ပြီး ကိုယ့်ရဲ့တတ်ကျွမ်းမှုကို စစ်ဆေးဖို့ တိုက်တွန်းလိုက်ပါတယ်ခင်ဗျား...

“မသိတတ်ဘိ - မောဟသိလော့၊ အဟိရိက - မရှက်စွတည့်၊ နောတ္တပ္ပမူ - မလန့်ဟူ၏၊ မှတ်ယူပျံ့လျက် - မငြိမ်သက်ထ - ဥဒ္ဓစ္စနှင့်၊ လောဘသဘော - လိုချင်ဟော၍၊ မှားသောအမြင် - ဒိဋ္ဌိတွင်သား၊ မာနကားမူ - ထောင်လွှားကြွတက်၊ ဒေါသတွက်ကြောင့် - ခက်ခက်ထန်ထန်၊ ဣသာလျှံမူ - လွန်ငြူစူ၏။ ပြောထူမစ္ဆေ - ၀န်တိုလေသတဲ့၊ တစ်ထွေမှတ်ကြ - ကုက္ကုစကား၊ နောင်တတစ်ဖန် - ပူပန်ထန်ပြင်း၊ ထိုင်းခြင်းထိန၊ မှိုင်းမိဒ္ဓနှင့်၊ ဗုဒ္ဓစသည့်၊ ယုံမှားဘိမူ - ၀ိစိကိစ္ဆာ၊ ဆယ့်လေးဖြာသည်၊ မှန်စွာ အကုသိုလ်ချည်းတည်း။”

(နှာ - ၁၃၊ “ကိုယ်ကျင့်အဘိဓမ္မာ”၊ ရှင်ဇနကာဘိဝံသ)

“ဣသာ” ကို ဒီလိုရိုက်ပါ.

Ctrl+Shift+4 = ဣ
O+M = သာ

“ကုက္ကုစ” ကို ဒီလိုရိုက်ပါ.

U+K = ကု
U = က
Shift+U =္က
Shift + K =ု
P = စ

အဲလောက်ပဲ ခက်မယ်ထင်ပါတယ်. ကျန်တာတွေတော့ ကြိုးစားရိုက်ကြည့်ကြပါ. မရှင်းတာရှိရင် ကော်မန့်မှာ မေးမြန်းနိုင်ပါတယ်.

ချစ်ခင်လေးစားလျက်

ရန်အောင်

ပင်လယ်ခရီးသည်

မျက်နှာများစွာ၊ ရှေ့မှာနောက်မှာ
ကာဆီးဟန့်တား၊ ထိန်းထားကိုင်ချုပ်
မလှုပ်မရဲ၊ အားအင်နည်းချည့်
သတ္တိတရား၊ ဖဲ့ခြွေသွားရင်း
လုံးပါးချွတ်ခြုံ၊ လှေကြုံစီးလိုက်
ဒိုက်သရောလို
အကြိုက်ပြောဆို…

ယုံကြည်မှုတရား၊ ရှားပါးလွင့်စဉ်
အမြင်အရှိ၊ သိလျက်မသိ
ဘာသာလှည့်စား၊ မိုးခါးရေသောက်
နောက်လိုက်ကောင်းယောင်
ထောင်သောင်းကုဋေ
အရောင်ပြောင်းနေ…



မျက်နှာပြုံးရွှင်၊ ရင်ထဲကောက်ကျစ်
ညစ်ပတ်တွန်းလှိမ့်၊ နိမ့်လျှင်ဖိနင်း
ခြင်္သေ့မင်းယောင်၊ မြေခွေးဟောင်သံ
ဟန်နှင့်မလိုက်
မာန်နှင့်စရိုက်တွေ…



အမှန်တရား၊ မှန်ပြဒါးပျက်
ခံစားချက်ဗလာ
သစ္စာအတု၊ အနှစ်မပါစုသော
လောကပင်လယ်၊ ရေပြင်ကျယ်၌
လှေငယ်ရေးရေး၊ ပြေးမျောလွင့်ခိုက်
လှိုင်းလုံးရိုက်ဖုံး၊ စုံးစုံးနစ်မလား



စိတ်ခြောက်ချားစဉ်၊ မားမတ်တံ့တည်
ပင်လယ်ဆီသုိ့၊ ဝေ့လည်သွန်းလောင်း
မီးမောင်းဖြာကျ၊ မီးပြတစ်တိုက်
မငိုက်မစောင်း၊ ဦးခေါင်းမော့ထောင်
ကျောက်ဆောင်တစ်ခု၊ သတိပြုမြင်
ရင်မှာအားပြည့်၊ နေပျော်၏ထင်
အသိဝင်ကာ၊ ပင်လယ်ခရီး ဆက်ရဲ၏။

မောင်စိန်ဝင်း (ပုတီးကုန်း)

Free Nay Phone Latt

ကျွန်ုပ်၏ မိတ်ဆွေ၊ စာရေးဖော်ရေးဖက်၊ အနုပညာကို ခုံမင်စွာ ရူးသွပ်တတ်သူ၊ ကဗျာဆရာ ဘလော့ဂါ ကိုနေဘုန်းလတ်ကို တရားလက်လွတ် ဖမ်းဆီးခေါ်ဆောင်သွားခြင်းအား ပြင်းထန်စွာ ကန့်ကွက်သည်.



ဖွဲ့ဆိုချင်နေတဲ့
သံစဉ်ချိုတွေကို
ရင်ဘတ်ထဲမှာပဲ ကိုက်မြိုထားရတဲ့
ကြိုးပျက်နေတဲ့ ဂစ်တာတစ်လက်ဟာ ကျွန်တော်ဖြစ်တယ်....

(နေဘုန်းလတ်)

ပုံကို မျိုးချစ်မြန်မာ ဘလော့ဂ်မှ ရယူသည်.


နေဘုန်းလတ်ရေ

မင်းဖွဲ့ဆိုချင်နေတဲ့ သံစဉ်ချိုတွေ
ရင်ဘတ်ထဲကနေ ဆက်လက်ထွက်ပေါ်လာနေနိုင်ဖို့
ငါ့လက်ချောင်းတွေနဲ့ ယက်သီကုံးတဲ့
ဂစ်တာကြိုးလေးတစ်ချို့ ကမ်းလင့်လိုက်ပါရစေ...

(ရန်အောင်)