Monday, May 25, 2009

အို.ဘယ့် နိုင်ငံခြား...

ဩော်... မ၀ါ... မ၀ါ.... အမြည်း (အဲလေ..) အမီးဆိုတဲ့ မ၀ါ...

ဟိုးတလောတုန်းက ဓာတ်ပုံတောင်းတယ်. ပို့စ်တင်ပေးပါတဲ့. တက်ဂ်တဲ့... ဓာတ်ပုံတော့ ပြရဲဘူးဗျာ. တစ်ခြားဟာ တက်ဂ်ပါဆိုတော့... နောက်တစ်တက်ဂ်လာပြန်တယ်. သီချင်းဆိုပါတဲ့...

တိန်... ကျုပ်ကစာပဲရေးတတ်တာ. သီချင်းဆိုရင် အမြီးအမောက်တည့်တာမဟုတ်လို့ ပြန်ပြီး ရီပလိုင်းလုပ်ရတယ်.

ဒီလိုနဲ့ပဲ ပြီးသွားခဲ့ပြီလို့ထင်တာ ခုကျတော့ နောက်တစ်တက်ဂ်လာပြန်တယ်... 'နိုင်ငံဂျားပြန်' တဲ့ဗျာ... ဘယ်လိုရေးရမလဲ မသိဘူး. ကျွန်တော်က တစ်ခါမှ မပြန်ဖူးသေးဘူးကိုးဗျ. အဲလိုပြောလို့ ဟာ...ဒီကောင်စိတ်ပြတ်လှချည်လားလို့ မထင်နဲ့နော်. ပြန်စရာပိုက်ပိုက်ကို မရှိလို့ မပြန်ဖြစ်တာပါ အရပ်ကတို့ရယ်.... အီးးးးးးး ဟီးးးးး ဟီးးးးးးးးးးးး

အင်း... နိုင်ငံခြားထွက်တယ်ဆိုတာ လွယ်ကူတဲ့အလုပ်မဟုတ်မှန်းတော့ အထွေအထူးပြောပြနေစရာ မလိုပါဘူးလေ. တစ်ယောက်နဲ့တစ်ယောက် အဖြစ်သနစ်ချင်းက ထပ်တူထပ်မျှသာ မတူရင်နေမယ်. လှုပ်ရှားရုန်းကန်ပြင်ဆင်ခဲ့ရတာ၊ ရင်မောစိတ်ပူခဲ့ရတာတွေကတော့ ပိန်မသာလိန်မသာတွေချည်းပါပဲ. ကျောင်းသားပဲ ဖြစ်ဖြစ်၊ ရှိုးဂျော့ပဲဖြစ်ဖြစ်၊ နောက်ဆုံး Visit သမားတောင် ဗီဇာမရမှာ စိတ်ပူရ၊ ဟိုရောက်ရင်သွားရလာရမယ့် ကိစ္စ၀ိစ္စတွေအတွက် စိတ်ပူရ၊ လာကြိုမယ့်သူကို သေချာအောင် ပြောဆိုရနဲ့ပေါ့.

ကဲ. ကျွန်တော့်ရဲ့ ရင်မောခန်းကြီး စတင်ပါပြီ...

ကျွန်တော် ဒီကိုလာဖို့ လေယာဉ်လက်မှတ်ဝယ်တာကို သွားသတိရမိတယ်. ကံကောင်းထောက်မစွာနဲ့ပဲ ကျွန်တော် အသိတစ်ယောက်ဆီက ပိုက်ဆံချေးဖို့ အခွင့်သာခဲ့တယ်. ၃ ကျပ်တိုးနဲ့ပေါ့ဗျာ. ဟုတ်. ကျွန်တော် semester တစ်ခုစာအတွက် ပိုက်ဆံချေးခဲ့ရပါတယ်. တစ်ခုစာလို့ပြောတာနော်. တစ်နှစ်မှာ semester နှစ်ခု ရှိပါတယ်. လူရွှင်တော်တွေ ပြောသလိုပြောရရင်တော့...

ကံကောင်းချင်တော့ စကောလားရှစ်ရတယ်. ကံဆိုးချင်တော့ အပြည့်မရဘူး. ကံကောင်းချင်တော့ ကျောင်းစရိတ်အပြည့်ရတယ်. ကံဆိုးချင်တော့ နေစရိတ်မရဘူး. ကံကောင်းချင်တော့ ပိုက်ဆံချေးမယ့်သူပေါ်လာတယ်. ကံဆိုးချင်တော့ တစ်နှစ်စာ မချေးနိုင်ခဲ့ဘူး. ကံကောင်းချင်တော့ လက်မှတ်ဝယ်တာနောက်ကျပေမယ့် ရလိုက်တယ်. ကံဆိုးချင်တော့ တိုက်ရိုက်ရောက်တဲ့လက်မှတ်မဟုတ်ဘူး. သုံးဆင့်ကူးရမယ်. ဘလာဘလာဘလာပေါ့ဗျာ...

ဟတ်ဟတ်ဟတ်...

ရန်ကုန်လေဆိပ်ကအထွက် မိသားစုနဲ့ ခွဲခွာခဲ့ရလို့ အင်မတန့် အင်မတန် ၀မ်းနည်းရပါတယ်. ပူဆွေးရပါတယ်. မားသားကြီးကို ပွေ့ဖက်ပြီး အခိုင်အမာပြောခဲ့တယ်. နောက်နှစ်နှစ်နေရင် ကျွန်တော် ခဏပြန်လာခဲ့မယ်လို့... ခုများတော့ ၂၀၀၉-၂၀၀၄ = ၅ နှစ်... ၅ နှစ် အမေရယ်.... ၅ နှစ် သိလား....ခုထိမပြန်နိုင်သေးဘူးဗျ.. အိ..အိ..အိ...
(ဆိုဖာကြီးပေါ်ထိုင်ရင်း ခုန်ဆွခုန်ဆွနဲ့ ငိုနေလို့ အိ..အိ..အိ. နဲ့အသံထွက်နေသည်ဟု မှတ်ရန်..)

ပြန်ပါတော့လားဆိုပြီး ဇွတ်မှိတ်ပြန်ရင်တော့လည်း ရသားပေါ့. ဒါပေသိ အလုပ်အကိုင်က ရှားပါးနေချိန်၊ ကျောင်းကအကြွေးတွေကို ဖဲ့ဆပ်နေချိန်၊ အင်း.... အဲဒါတွေကိုထည့်တွက်တာလည်းပါတယ်.

ဒါပေမယ့် ပြတ်ပြတ်သားသားပြောရရင်တော့ ကျွန်တော့်ရည်မှန်းချက်မပြည့်သေးလို့ မပြန်သေးတာပါ... ဂလွပ်... (ဖုန်းချလိုက်တာလေ) ဟတ်ဟတ်

အဲဒါနဲ့ စကားပြန်ဆက်ရဦးမယ်...

လေဆိပ်ကထွက်တော့ ချိုင်းနားအဲယားလိုင်းနဲ့ပေါ့. ထိုင်ဝမ်မှာ Connection လုပ်ရတယ်. တစ်မျိုးမထင်နဲ့နော်. ပွင့်ပွင့်လင်းလင်းပြောမယ်. ထိုင်ပေကို ၀င်ပြီးဆိုကတည်းက အသွင်အပြင်တွေက လုံးဝပြောင်းလဲသွားခဲ့တယ်... ရန်ကုန်လေဆိပ်နဲ့ ထိုင်ဝမ်လေဆိပ်ကိုပဲ ယှဉ်ကြည့်မိတယ်. ညဖက်ခြောက်ကပ်မည်းမှောင်နေတဲ့ ရန်ကုန်မြို့ပျက်ညကြီးနဲ့ မီးတွေလင်းထိန်ပြီး လှပသာယာနေတဲ့ ထိုင်ပေမြို့ကြီးကို နှိုင်းယှဉ်ကြည့်မိတယ်. အရမ်းကို ရှေ့ာခ်ဖြစ်သွားမိတယ်. တော်တော်လည်း စိတ်တိုဒေါသထွက်သွားမိတယ်. မျက်စိထဲမှာ ရေအားလျှပ်စစ်ဆိုတာကြီးတွေ၊ သဘာဝဓာတ်ငွေ့ဆိုတာကြီးတွေ၊ လျာထားချက်ထက် ပိုလွန်ပြီးစီးဆိုတာကြီးတွေ၊ Mega Watt ဘယ်လောက်ဘယ်ရွေ့ထွက်သည် ဆိုတာကြီးတွေ....

ဖူးးးးးးးးးး... သက်ပြင်းတစ်ချက်ချတိုင်းသာ အသက်တစ်ရက်တိုရရင် ကျွန်တော် မာလကီးယားသွားတာ ကြာပေါ့လို့တောင် တွေးမိလိုက်တယ်. ပြီးတော့ လေဆိပ်မှာ ညဖက်တစ်ညလုံး ထိုင်စောင့်နေရမယ့် ကျွန်တော့်အဖြစ်ကို ပြန်တွေးမိပြီး အားလည်းငယ်သွားမိတယ်.

လေဆိပ်ထဲကိုဝင်တော့ နောက်ထပ်ဆက်စီးရမယ့် ခရီးသည်တွေ ဒီဖက်ကိုလာပါဆိုပြီး ၀န်ထမ်းတစ်ယောက်က အော်ပြောတာနဲ့ သူပြတဲ့နောက်လိုက်သွားရတယ်. ဟိုရောက်တော့ ပတ်စပို့တွေပြ၊ စာရွက်စာတမ်းတွေပြပြီး နောက်ထပ်စီးရမယ့် လေယာဉ်အတွက် Boarding Pass ယူရတယ်. တိုင်းတစ်ပါးမှာ ဘယ်သူမှ အကူအညီမရှိဘဲနဲ့ ပထမဦးဆုံးအကြိမ် အင်္ဂလိပ်လို ဆက်ဆံပြောဆိုရတာ ကျွန်တော်အားလည်းငယ်တယ်. ၀မ်းလည်းသာမိတယ်. အဲဒါနဲ့ပဲ အထဲကို ဆက်ဝင်သွားပြီး Waiting Area မှာ ထိုင်စောင့်နေလိုက်တယ်.

ဘေးဖက်ကို လှမ်းကြည့်လိုက်တော့ ကဒ်ဖုန်းတွေချိတ်ထားတာတွေ့ရတယ်... ဟုတ်ပါပြီ. ကျွန်တော် ဘယ်သူ့ကိုဆက်ရမတုန်း. ရန်ကုန်ကို ပြန်ဆက်ပြီး အခြေအနေကောင်းတယ်လို့ ပြောရမလား. ဒါမှမဟုတ် စင်ကာပူက သူငယ်ချင်းတွေကို လှမ်းဆက်ပြီး ငါတော့ ထိုင်ဝမ်မှာ လေယာဉ်စောင့်နေတယ်ဘာညာ ပြောရမလား... အဲဒါနဲ့ပဲ ခေါင်းကို ယမ်းထုတ်လိုက်ပြီး ကျောပိုးအိတ်ကိုဖွင့်၊ အထဲက အာလူးကြော်နဲ့ ရေဘူးကိုထုတ်ပြီး တဂျွမ်းဂျွမ်းဝါးစားလို့ အချိန်ဖြုန်းနေလိုက်တယ်. အချိန်က ည ၇ နာရီပါ. ဒီတစ်ခါ ကျွန်တော်စီးရမယ့် လေယာဉ်က nonstop flight ပေါ့. လေယာဉ်လက်မှတ်ထဲက လေယာဉ်နံပါတ်နဲ့ ဘုတ်ပေါ်မှာ ချိတ်ထားတဲ့ နံပါတ် တိုက်စစ်ကြည့်ရတာလည်း အခါခါ၊ ကောင်တာမှာ ထိုင်နေတဲ့ ၀န်ထမ်းလှုပ်ရှားတာ၊ ကြေငြာတာတွေကိုလည်း တစ်ခုမှ မလွတ်စေဘဲ လိုက်စောင့်ကြည့်နားထောင်နေရတာလည်း အခါခါပါပဲ.

ကြာတော့လည်း ပျင်းလာတယ်. ဟုတ်တယ်လေ. စီးရမယ့်လေယာဉ်က မနက်ခင်းအစော (၄ နာရီလားမသိဘူး. ကောင်းကောင်းမမှတ်မိတော့ဘူး. ကြာပြီလေ.း) ) ကျွန်တော်ရောက်နေတာက ည ၇ နာရီ... ရန်ကုန်မှာလက်မှတ်တွေ ကုန်သွားလို့ ရတဲ့လက်မှတ်နဲ့ လိုက်လာခဲ့ရတာလေ. ဒီဖက်က အေးဂျင့်က ထိုင်ဝမ်-ဆန်ဖရန်စစ္စကို လက်မှတ်သက်သက်ဝယ်ပေးထားတယ်. ဒါကြောင့် အချိန်တွေက အရမ်းဟနေတာ. အဲဒီ့တုန်းက Sunfar နဲ့ ၀ယ်လာခဲ့တာထင်တယ်. ဟုတ်တယ်. အဲဒီ့က မချောစု ကူညီပေးလို့ လက်မှတ်ရလိုက်တာတောင် မှတ်မိသေးတယ်. ကျေးဇူးအရမ်းတင်လို့ ဟိုရောက်ရင် တစ်ခုခုပို့ပေးချင်တယ်. ဖုန်းနံပါတ်ဖြစ်ဖြစ်၊ လိပ်စာဖြစ်ဖြစ် ပေးပါဆိုတော့ မချောစုခမြာ ခေါင်းကိုတွင်တွင် ခါရမ်းငြင်းဆန်တာကို မှတ်မိပါသေးရဲ့.... အဲဒီ့လောက်ထိတောင် ပေါက်ရောက်တာ. ဟင်းဟင်းဟင်း...

မနက်လေယာဉ်စီးချိန်နီးလာတော့ လူတွေ တဖြည်းဖြည်းပိုများလာတယ်. အားလည်းပိုတက်လာမိတယ်. မဟုတ်ရင် တစ်ယောက်တည်း ယောင်ချာချာနဲ့လေ. ဘေးဖက်လှမ်းကြည့်လိုက်တော့ တစ်ချို့ ကျောင်းသွားတက်မယ့် ပုံစံလေးတွေ တွေ့ရတယ်. တစ်ချို့ အိမ်ပြန်တဲ့ပုံစံ. မိသားစုလိုက်ထိုင်နေတာတွေ့ရတယ်. တစ်ချို့ကတော့ အလုပ်ကိစ္စပုံစံ ကြောင်လျှာသီးတွေ တန်းလန်းတန်းလန်းနဲ့ပေါ့. ဘယ်သူ့ဘာပြောရမှန်းမသိတော့တာနဲ့ ဦးဇောတိကစာအုပ်တစ်အုပ် ထုတ်ပြီး ဖတ်နေလိုက်တယ်.

ပြီးတော့ လေယာဉ်ပေါ်တက်ရတယ်. အထွေအထူးတော့ မရှိတော့ပါဘူး. နည်းနည်းလည်း ပိုရဲလာသလို ခံစားရတယ်လေ. မရဲလို့လည်း မရတော့ဘူး. ကိုယ့်ကိုယ်ကို fighter စိတ် အပြည့်အ၀သွင်းထားလိုက်တယ်. မသိရင်မေးမယ်. နားမလည်ရင် စုံစမ်းမယ်. ပါးစပ်ပါရွာရောက်ဆိုပြီး ကိုယ့်ကိုယ်ကို အားပေးရင်း Boeing 717 ကြီးပေါ် တက်လာခဲ့လိုက်တယ်.

အားပါးပါးးး.... ကြီးလိုက်တဲ့ လေယာဉ်ပျံကြီး... အရင်တုန်းက စာစောင်တွေထဲမှာပဲ ဖတ်ဖူးခဲ့တဲ့ လေယာဉ်ပျံကြီးပေါ်ကို ခြေချခွင့်ရတာ ငါတော့ သိပ်ကိုကံကောင်းတာပဲလို့ ကိုယ့်ကိုယ်ကို စိတ်ထဲမှာ အကြိမ်ကြိမ်ပြောမိတယ်. တောသားမြို့တက်ဆိုတာ ကျွန်တော့်လိုလူမျိုးကို ပြောခဲ့တာနဲ့ တူပါရဲ့ဗျာ. ဟတ်ဟတ်...

ဒါပေသိ ကျွန်တော်က တောသားအစစ်မဟုတ်ခဲ့လေတော့ ဟိတ်ဟန်လေးကတော့ ရှိသားပေါ့...

လေယာဉ်ပေါ်ရောက်လို့ ဟိုဟာကိုင်ကြည့် ဒီဟာကိုင်ကြည့် ကျွန်တော်မလုပ်ပါဘူး. ကိုင်ချင်ရင်တောင် မသိမသာလေး ကိုင်တာပေါ့. (ဩော်... ထိုင်ခုံတွေ.. လက်တန်းတွေကို ကိုင်ကြည့်တာကို ပြောတာပါ. ဟတ်ဟတ်.) အမြဲတမ်း သွားလာနေတဲ့ ခရီးသည်ပုံစံမျိုးချိုးပြီး ကိုယ့်ထိုင်ခုံနံပါတ် ကိုယ့်ဖာသာရှာ၊ အပေါ်က အံကိုဆွဲဖွင့် အိတ်ကို ထိုးထည့်၊ ထိုင်ခုံကို သေချာပြင်၊ ဖိနပ်ကြိုးတွေဘာတွေလျှော့... ပြီးတော့မှ အသာထိုင်ချလိုက်တယ်. ဘေးဘီကိုအကဲခတ်ကြည့်တော့ ထိုင်ခုံကလွတ်နေတယ်.

အင်း... ခရီးကလည်းအဝေးကြီးပျံရမှာဆိုတော့ ကိုယ့်ဘေးနားမှာ ကောင်မလေးချောချောလေး တစ်ယောက်လောက် လာထိုင်ရင် သိပ်ကောင်းမှာပဲလို့ ဂေါ်တွေးတွေးမိတာကိုလည်း ပွင့်ပွင့်လင်းလင်း ၀န်ခံမိပါရဲ့ဗျာ... ဟတ်ဟတ်ဟတ်.. ရှက်လိုက်တာ. ဒါပေမယ့် ဆက်ပြောမှာပဲ.

ခဏနေတော့ လူက လေယာဉ်ပျံကြီးရဲ့ ဖွဲ့စည်းပုံကို နည်းနည်းနားလည်သလို ရှိလာတယ်. ဆိုလိုတာက ဘယ်နေရာမှာ ဘာရှိတယ်. ဘာညာပေါ့. အိမ်သာကို သုံးနေရာခွဲထားတယ်. အလယ်တစ်နေရာ၊ နောက်တစ်နေရာ၊ ဟိုးရှေ့ဆုံးမှာ တစ်နေရာ စသဖြင့်ပေါ့. ပြီးတော့ လေယာဉ်ကြီးမှာ ထိုင်ခုံနေရာ သုံးနေရာခွဲထားပြန်တယ်. ဘယ်ဖက်၊ ညာဖက်နဲ့ အလယ်ပေါ့. ဘယ်ဖက်မှာ ၃ ခုံ၊ ညာဖက်မှာ ၃ ခုံ နဲ့ အလယ်မှာ ၅ ခုံလားမသိဘူးဗျ. လျှောက်လမ်းကြီးကလည်း အကျယ်ကြီးပဲ...

ကျွန်တော်တော့ ဘာရယ်မဟုတ်ဘူး. အသစ်အဆန်းတွေနဲ့ချည်းတွေ့နေရတော့ ပျော်သလိုလို၊ ရင်ခုန်နေသလိုလိုတော့ ရှိသား...
ကံကောင်းချင်တော့ ကျွန်တော်က အစွန်မှာ နေရာရတယ်. ပြတင်းပေါက်ရှိတဲ့ဖက်ပေါ့.

ခဏနေတော့ ကျွန်တော့်ရဲ့ ညာဉ်အတိုင်း အိမ်သာဖက်ကို ထွက်လာခဲ့တယ်. ကျွန်တော်က နေရာအသစ်တစ်ခုကို ရောက်ရင် အိမ်သာသွားတတ်တယ်ဗျ. (သတိထား. ဟတ်ဟတ်)... အိမ်သာသွားရင် လမ်းလျှောက်ရတာပေါ့ဗျာ. (အင်းလေ. ဘယ်သူက ထမ်းပို့မတုန်း)... ရှုပ်ကုန်ပြီ. လမ်းလျှောက်ရင်းနဲ့ ဘေးဘီကို အကဲခတ်. အိမ်သာကနေပြန်ထွက်လာတော့ ရှေ့နောက် အကဲခတ်ရင်းနဲ့ ကိုယ့်နေရာကို နားလည်အောင် လေ့လာယူတဲ့သဘောပါ.

အိမ်သာကလည်း ကောင်းပါတယ်. အိမ်သာထဲရောက်တော့ ကျွန်တော် ဘာလုပ်တယ်ထင်လဲ... ဟိုးထားဆရာ. အတွေးမမှားနဲ့.

လပြည့်ဝန်းပလာဇာက ၀ယ်လာခဲ့တဲ့ ဝေါ့ကင်းရှုးလေးကို ချွတ်. ခြေအိတ်ကိုပါ ဆက်ချွတ်ပြီး ခြေအိတ်ထဲမှာ ပလတ်စတစ်နဲ့ ထုပ်ထားခဲ့တဲ့ ယူအက်စ်ဒေါ်လာပိုက်ဆံထုပ်လေးကို အခြေအနေကောင်းလားဆိုပြီး စစ်ကြည့်ရတာပါ. တော်ကြာ ချွေးတွေနဲ့ရွှဲပြီး ပျက်စီးကုန်ရင် ကျွန်တော့်ဘ၀ပျက်ပြီလေ. ဒါလေးနဲ့ရင်းပြီး ထွက်လာခဲ့ရတာကိုး. သိပ်တော့မများလှပါဘူး. ဒေါ်လာ ၄၅၀၀ ထဲပါ. မြန်မာငွေနဲ့ဆို သိန်း ၅၀ ပတ်ဝန်းကျင်လောက်ပေါ့. ဟုတ်တယ်ဗျာ. ကျွန်တော့်မှာ အဲလောက်တောင် မချမ်းသာခဲ့ဘူး. အကြွေးနဲ့ နိုင်ငံဂျားကို လာခဲ့ရတာပါ... ငိုချင်လာပြန်ပြီ...

ပိုက်ဆံကို ဘာလို့ဖိနပ်ထဲထည့်လဲ ဟုတ်လား... ခင်ဗျားတို့ သိမှာပါ. ရန်ကုန်ကအထွက် ပိုက်ဆံသယ်ရတာ မလွယ်လှဘူးလေ. စစ်လားဆေးလားလုပ်ရင် ဒုက္ခ. ပြီးတော့ ဒီဖက်ကို ကြိုလွှဲထားဖို့လည်း အသိအကျွမ်းကမရှိ. ဒီတော့လည်း ကိုယ့်နည်းကိုယ့်ဟန်နဲ့ ဖွက်ပြီး သယ်လာခဲ့ရတာပေါ့. အောက်ခံဘောင်းဘီထဲ ထည့်ဖွက်ဖို့ တစ်ချို့က ပြောပါသေးတယ်. တစ်ချို့ကတော့ အထဲမှာ အိတ်အပိုလေးချုပ်ပြီး ထည့်သွားပေါ့တဲ့. ကျွန်တော်ကတော့ စိတ်အချရဆုံးဖြစ်တဲ့ ခြေအိတ်ထဲပဲထည့်တယ်. ဖိနပ်ထဲတောင် မထည့်ရဲဘူး. တော်ကြာ လေဆိပ်မှာ ဖိနပ်ချွတ်စစ်ခိုင်းရင် တွေ့သွားမှာစိုးလို့..

ထားပါတော့ဗျာ. အိမ်သာထဲက ပြန်ထွက်လာတော့ ကျွန်တော့်ထိုင်ခုံဘေးမှာ ခရီးသည်တစ်ယောက် ၀င်ထိုင်နေတာကို ရင်ခုန်စွာ လှမ်းတွေ့လိုက်ရပါတယ်. ဘယ်လိုလုပ်သိလည်းဆိုတော့ အဲဒီ့နားမှာ ပစ္စည်းတွေကို လေယာဉ်မယ်တစ်ယောက်က ကူတင်ပေးနေတာ တွေ့လိုက်ရလို့ပါ. အဲဒါနဲ့ ဆံပင်ကို သေချာသပ်၊ အ၀တ်အစားကို သေချာပြန့်အောင် ဖြန့်ပြီး ကိုယ့်နေရာကို ပြန်ကြွမြန်းလာခဲ့ပါတော့တယ်.

အနားလည်းရောက်ရော ရင်ခုန်စွာနဲ့ ကိုးရီးယားမင်းသားကြည့်လေး ကြည့်လိုက်တာပေါ့..

မွေးမေလေ့... တရုတ်အဘိုးကြီးဗျ....

ကျွန်တော့်ကို မှုန်ဝါးဝါးနဲ့ တစ်ချက် လှမ်းကြည့်ပြီး စူပုပ်ပုပ်နဲ့ ဟိုဖက်ကို ပြန်လှည့်သွားတယ်. ပြီးတော့ လက်ထဲက တုတ်ကောက်ကို လေယာဉ်ကြမ်းပြင်ပေါ် တဒေါက်ဒေါက် ခေါက်ပြီး ပါးစပ်ကလည်း ပွစိပွစိပြောနေတယ်. ကျွန်တော်လည်း အိတ်စ်ကွတ်မီလို့ ပြောပြီး ကိုယ့်ထိုင်ခုံရှိတဲ့ အတွင်းဖက်ကို လှမ်းဝင်လိုက်တယ်.

ထိုင်ခုံကို လှည့်ပတ်ကြည့်ပြီး အနောက်ကို မှီချလို့ရတဲ့ ခလုတ်လေးကို ဆွဲလိုက်၊ ပြန်တင်လိုက်နဲ့ ကျွန်တော် ထိုင်ခုံသုတေသနလုပ်နေတာကို အဘိုးကြီးက လိုက်ကြည့်နေပါတယ်. ခဏနေတော့ ကျွန်တော်လည်း ထိုင်ခုံအကြောင်း သေချာနားလည်သွားပြီး လေယာဉ်မယ်ဆီက နားကြပ်တစ်စုံလှမ်းတောင်းလိုက်ပါတယ်. ပြီးတော့ ထိုင်ခုံဘေးက နားကြပ်ပေါက်လေးမှာ ထိုးထည့်ရင်း ရေဒီယိုသီချင်းလေးတွေ နားထောင်နေလိုက်ပါတယ်. တော်ပြီ... စိတ်လျှော့လိုက်ပြီ... ဒီခရီးစဉ်ကြီးတစ်ခုလုံး အ၀အိပ်သွားတော့မယ်.... ဖူးးးးးးး လို့တော့ အသံမထွက်မိပါဘူး. စိတ်ထဲကပဲ သက်ပြင်းချလိုက်တာပါ.

ဒီလိုနဲ့ပဲ ကျွန်တော် တစ်လမ်းလုံး အိပ်လိုက်၊ ရေသောက်လိုက်၊ ရုပ်ရှင်ကြည့်လိုက်၊ စားလိုက်၊ သောက်လိုက်၊ ပြန်အိပ်လိုက်နဲ့ ဆန်ဖရန်စစ္စကို မြို့တော်ကြီးကို ဆိုက်ရောက်လာခဲ့ပါတယ်. လေယာဉ်မူးကြီး (အဲလေ. လေယာဉ်မှူးကြီးရဲ့) ကြေငြာချက်ထွက်လာတော့ ကျွန်တော်လည်း ပြတင်းပေါက်လေးကို ကမန်းကတန်းဆွဲဖွင့်လိုက်တာပေါ့.

အားးးးးး လှလိုက်တာဗျာ....

ကျွန်တော်ရုပ်ရှင်တွေထဲမှာပဲ တွေ့ဖူးခဲ့တဲ့ ဂိုးလ်ဒင်းဂိတ် တံတားကြီးးးးး



Golden Gate Bridge


လှလိုက်တာ.. လှလိုက်တာလို့ အကြိမ်ကြိမ် ရေရွတ်နေမိခဲ့တယ်... ပြီးတော့ တစ်နေ့ ငါဒီကို လာပြီး ဓာတ်ပုံတွေ လာရိုက်ဦးမယ်လို့လည်း အားခဲထားလိုက်တယ်.

တအောင့်လောက်နေတော့ လေဆိပ်ကို ဆင်းပါတယ်. လေယာဉ်ကွင်းကနေ အထဲကို ၀င်သွားတော့ နေရာက သုံးနေရာ ခွဲထားတယ်ဗျ. Citizens တွေအတွက်ရယ်၊ Permanent Residents တွေအတွက်ရယ်၊ Non-residents တွေ အတွက်ရယ်လားမသိဘူး. သုံးနေရာ ခွဲထားတာကိုတော့ မှတ်မိတယ်.

ကိုယ်က ကျောင်းသားဆိုတော့ Non-residents ဖက်ကို ထွက်လာပြီး တန်းစီနေလိုက်တယ်. Immigration officers တွေနဲ့ တွေ့ရင်ပေးဖို့ဆိုပြီး သံရုံးကပေးလိုက်တဲ့ 'Do Not Open' ဆိုတဲ့ စာအိတ်လေးကို ထုတ်ပြီး၊ ကိုယ့်ရဲ့ တစ်ခြား စာရွက်စာတမ်းတွေကို အသင့်ပြင်ဆင်ပြီး စောင့်နေလိုက်တယ်.

ခဏနေတော့ ကျွန်တော့်အလှည့်ရောက်တယ်. Officer ကြီးမေးတာကို ဖြေနေချိန်မှာပဲ သူက ကျွန်တော့်ကို ကင်မရာနဲ့ ဓာတ်ပုံတွေ ရိုက်ယူသွားခဲ့တယ်. လက်ကကိုင်ပြီးရိုက်တာမဟုတ်ပါဘူး. ကျွန်တော့်ဘေးမှာ ချိတ်ထားတဲ့ ကင်မရာလေးကနေတဆင့် ကျွန်တော့်ကို လှမ်းရိုက်သွားတာပါ. ပြီးတော့ စာအိတ်ကိုဖွင့်. စာရွက်ကိုဖတ်ကြည့်ပြီး 'ဒုန်း' ဆို ထုပေးလိုက်ပါတယ်. အဲဒီ့ကျမှပဲ ကျွန်တော်လည်း စိတ်အေးရပါတော့တယ်. ဘာလို့လည်းဆိုတော့ တစ်ချို့ လေဆိပ်က Immigration မှာပဲ ၀င်ခွင့်မပေးလို့ ပြန်လှည့်ပြန်ရတာမျိုးတွေကို ကြားဖူးနေတာကိုး...

'Good luck with your studies' ဆိုတဲ့ အသံလေးကို နောက်မှာ ထားခဲ့ပြီး ကျွန်တော့်ရဲ့ ပစ္စည်းတွေ ထွက်ကျလာနေတဲ့ Conveyor Belt ကြီးဖက်ကို ထွက်လာခဲ့လိုက်ပါတယ်.

ကျွန်တော့်မှာ ပစ္စည်းက သုံးအိတ်. ဒါတောင် Hand carry နဲ့ ကျောပိုးအိတ်က လက်ထဲမှာ ကိုင်ထားသေးတာ. မားသားကြီးတို့ကလည်း ဘယ်လောက်တောင် ကျွန်တော့်ကိုချစ်လည်းဆိုရင် ဟိုရောက်ရင်သုံးဖို့ တစ်ရှူးပေပါလေးတွေက သုံးထုပ်၊၊ အကြမ်းရေးဖို့ A4 Paper ထုပ်က နှစ်ထုပ်၊ ဆေးသေတ္တာက တစ်လုံး၊ ဂမုန်းပွင့်က ဂွမ်းစောင်ထူကြီးကတစ်ထည်၊ ခြေအိတ်၊ ဘောင်းဘီတိုရှည်၊ ရေချိုးရင်လဲဖို့ ပုဆိုးက နှစ်ထည်၊ ပွဲအခမ်းအနားရှိရင် မြန်မာဆိုပြီး ကိုယ်စားပြုဝတ်ဖို့ ယောပုဆိုးက တစ်ထည်၊ တိုက်ပုံက တစ်ထည်၊ ကြောင်လျှာသီးနှစ်စုံနဲ့ ဘီးဇီးနက်ဆုက နှစ်စုံ.... ညဖက် ဗိုက်ဆာရင်စားဖို့ မာမီးခေါက်ဆွဲနှစ်ထုပ်၊ မနက်ခင်း ကျောင်းမသွားခင် သောက်ဖို့ Nestle Instant Coffee Mix ထုပ်က နှစ်ထုပ်..

အဲဒါတွေတင်မကသေးဘူးဗျာ. ဘာလချောင်ကြော်... ဘာညာသာရကာအပြင် ဟိုရောက်ရင် အစားအသောက်တွေက ခြားနားသွားမှာမို့လို့ ကိုယ့်ဖာသာချက်စားရအောင် ထမင်းအိုးသေးသေးလေးပါ ထည့်ပေးလိုက်သေးရဲ့... မီးပူက တစ်ခုဗျာ. (ဒီရောက်တော့ မီးအားက 110 Volt နဲ့ဆိုတော့ သုံးမရပါဘူးဗျာ. ကြိုတင်မမေးခဲ့မိတာ ကျွန်တော့်အမှားပဲလေ..)

ကဲ. ဒီလောက်ဆို စဉ်းစားကြည့်ဗျာ. ကျွန်တော်တစ်ယောက် ဘယ်လောက်များ စမတ်ကျကျ ခရီးသွားနေလဲဆိုတာ... :)

တွန်းလှည်းလေးတစ်စီးကို ဆွဲပြီး ကိုယ့်ပစ္စည်းတွေကို မနိုင်မနင်းနဲ့ တင်ရတယ်. မဟုတ်ရင်တော့ အေးဆေးလိုက်သွားလို့ရတာပေါ့. ဒါပေသိ အပေါ်မှာ ပြောခဲ့သလိုပဲ လေယာဉ်လက်မှတ်က အဆင်မပြေခဲ့ဘူး. တိုက်ရိုက်မရောက်ဘူး. ဆန်ဖရန်စစ္စကိုထိပဲ ၀ယ်လို့ရတယ်. ဒီဖက်က အေးဂျင့်က Domestic airline နဲ့ ဘွတ်ကင်လုပ်ပေးထားတယ်. ဒီတော့ ကိုယ့်ပစ္စည်းတွေကို ပြောင်းပြီး လေယာဉ်အသစ်အတွက် လက်မှတ်အသစ်ပြန်ချိန်း၊ ပစ္စည်းတွေ ချက်ကင်ပြန်ဝင်ရတယ်.



(ဆန်ဖရန်စစ္စကို လေယာဉ်ကွင်း - ၁)




(ဆန်ဖရန်စစ္စကို လေယာဉ်ကွင်း - ၂)


ချက်ကင်ဝင်ခါနီး ရဲထွားထွားကြီး သုံးယောက်က ကျွန်တော့် Luggage ကို စက်ထဲ ထည့်အဖြတ်... တီ..တီ..တီ..တီ... ဆိုပြီး ထမြည်ပါလေရော... 9/11 ဖြစ်ထားတာကလည်း မကြာသေးဆိုတော့ ရဲတွေက Totally Alert... လက်တွေက သေနတ်ထည့်ထားတဲ့ ခါးပတ်ပေါ်ရောက်သွားပြီး... Open your bag!!! တဲ့လေ...

ကျွန်တော်လည်း ခြေမကိုင်မိ လက်မကိုင်မိ ဖြစ်သွားပြီး... ယားဆတ်.. ရက်စ်ဆားဆိုပြီး ဖွင့်ပေးရတာပေါ့. အရေးထဲမှ အိတ်ဇစ်က ကြပ်နေသေးတယ်. ပြီးတော့ ဖွင့်လည်းပြလိုက်ရော ရဲတွေက ဓာတ်မီးတွေနဲ့ ထိုးပြီး ဟိုရှာဒီရှာ ရှာတာပေါ့.

လားလား. ပြီးတော့ ဘယ်ဟုတ်မလဲ. ကျွန်တော့်ရဲ့ ပေါင်းအိုးက အသံထမြည်တာကိုး. ပေါင်းအိုးဆိုလို့ ထမင်းပေါင်းအိုးလို ပေါင်းအိုးမဟုတ်ဘူးဗျ. ကျွန်တော့်ဟာက ခေါက်ဆွဲတွေဘာတွေပါ ထည့်ပြုတ်လို့ရတဲ့ ချိုင်းနားမိတ် ရေနွေးအိုးလိုမျိုးလေးလေ...

ရဲတွေလည်း ပြုံးသွားပြီး ဘာလုပ်ဖို့လဲလို့ ကျွန်တော့်ကိုမေးတယ်. I make noodle with that pot... ဘာညာလို့ ပြောလိုက်ရတာပေါ့. ပြီးတော့ သူတို့က မေးပါတယ်. ကျွန်တော်ကလည်း ကျောင်းလာတက်တာ ဘာညာပေါ့. ကျွန်တော့်ပစ္စည်းတွေကို သူတို့အထဲကို ထည့်လိုက်ပြီးတော့ လှမ်းအားပေးပါတယ်. Your English is so good, young man... ဆိုတော့ ကျွန်တော်လည်း လေယာဉ်ကွင်းခေါင်မိုးကြီးနား ခေါင်းကပ်သွားလို့ ပြန်ဆွဲချလိုက်ရတယ်. အဲဒီ့မှာ မြောက်လာခဲ့သမျှ ကျောင်းကသူငယ်ချင်းတွေနဲ့ တွေ့မှ ပြုတ်ကျတော့တာပဲ. အခန်းဖော်ကတောင် ပြောတယ်.

What the hell you are talking about, man? Speak English... တဲ့... အဲလိုကို စကားပြောကောင်းတာလေ... ဟတ်ဟတ်.

ဆန်ဖရန်ကနေ တိုက်ရိုက်မရောက်သေးပါဘူး. Atlanta ဆိုတဲ့ မြို့ကို အရင်ပျံပါတယ်. ပြီးတော့မှ Indiana ကို ထပ်ပျံပါတယ်. ကျောင်းက လာကြိုပါတယ်. ခရီးရောက်မဆိုက်ပဲ ကျွန်တော့် Luggage တစ်လုံးပျောက်ပါတယ်. ဒါပေမယ့် ကျောင်းက officer က ဒါတွေကို နားလည်နေတော့ သူ့ရဲ့ Card လေး လေယာဉ်ရုံးမှာ ထားခဲ့ပြီး လိပ်စာအတိုင်း ပို့ပေးဖို့ မှာခဲ့တယ်.



အတ္တလန္တာ လေယာဉ်ကွင်း

(Terminal တစ်ခုနဲ့တစ်ခုကြားမှာ Air Train လို့ခေါ်တဲ့ ရထားနဲ့ သယ်ယူပို့ဆောင်ရေးလုပ်ပေးတဲ့အထိ လေယာဉ်ကွင်းကြီးက အရမ်းကိုကြီးပါတယ်.)

အဲဒီ့နောက်ပိုင်းတော့ ကျောင်းရောက်တယ်. စာသင်တယ်. ကျောင်းသွားတယ်. အိမ်က ခြစ်ကုပ်သယ်လာခဲ့တဲ့ ပိုက်ဆံထုပ်လေးကို ကျောင်းမှာ သွားသွင်းရတယ်. ပြန်လာတော့ လက်ထဲမှာ ဗလာနတ္ထိ... အားငယ်လိုက်တာ. ခုနေများ တစ်ခုခု မပြောကောင်းမဆိုကောင်း ဖြစ်သွားရင် ငါ့ကို ဘယ်သူကများ လာကူညီမလဲဆိုပြီး ရှာကြည့်တော့လည်း ဘယ်သူမှ မရှိ... တော်တော်ကို စိတ်အားငယ်ဖို့ ကောင်းခဲ့တဲ့ အချိန်တွေပါ.

ဘဏ်သွားပြီး အကောင့်ဖွင့်တော့လည်း Myanmar ဆိုတာက Black List ဖြစ်နေလို့ ဖွင့်မရခဲ့ပြန်ဘူး. ဖုန်းကဒ်ဝယ်ဖို့တောင် အဆင်မပြေခဲ့ဘူး. ကျောင်းသားအချင်းချင်း အကူအညီတောင်းဖို့ ဖြစ်ချင်တော့ အဲဒီ့အချိန်မှာ ကျွန်တော့်ရှေ့ရောက်နှင့်နေတဲ့ အတန်းကြီးသမား မြန်မာက နယူးယောက်ကို အလည်သွားနေတာ ပြန်မရောက်သေးဘူး. ရောက်နေတာကလည်း နှစ်ရက်ရှိပြီ. အိမ်က စိတ်ပူနေမယ်ဆိုတာ သိတယ်. အင်တာနက်ဆိုတာလည်း အဲဒီ့တုန်းက ရန်ကုန်မှာ အဲလောက် ဆိုင်တွေမများသေးသလို အိမ်ကလူတွေကလည်း မသုံးတတ်ကြသေးဘူး. နောက်ဆုံးတော့ ဖြစ်ချင်ရာဖြစ်ဆိုပြီး အခန်းထဲက လိုင်းဖုန်းနဲ့ ရန်ကုန်ကို တိုက်ရိုက်ခေါ်ချလိုက်ပါတယ်. မိနစ် ၂၀ လောက်လားပြောဖြစ်လိုက်တယ်. ထင်တဲ့အတိုင်းပဲ. အားလုံးက စိတ်ပူနေကြတယ်. အဆင်ပြေတဲ့အကြောင်း. စိတ်မပူဖို့အကြောင်း ပြောနေချိန်မှာ ကျွန်တော့်အကြည့်တွေက ခေါင်းအုံးပေါ်မှာ တင်ထားတဲ့ ပိုက်ဆံအိတ်ဟောင်းလောင်းလေးကို ငေးကြည့်နေမိတယ်ဆိုတာကို ကျွန်တော်တစ်ယောက်ပဲ သိခဲ့ပါတယ်ဗျာ... လကုန်တော့ ဖုန်းဘီလ်ဝင်လာတယ်. ဒေါ်လာ ၄၀ တဲ့... အိ... အိ... အိ...

ကဲကဲ... အကုန်လုံးပြောလိုက်ရင်လည်း ကျွန်တော့်ကို သနားပြီး ငွေတွေလာလွှဲနေကြဦးမယ်. ဟတ်ဟတ်. ကျွန်တော်ရုန်းကန်လှုပ်ရှားခဲ့ရတဲ့ အကြောင်းတွေကို ပညာတော်သင်မှတ်တမ်းဆိုပြီး တစ်နေ့ စာအုပ်ထုတ်ရေးဖို့ ရှိပါသေးတယ်. ဒါကြောင့် အကုန်မပြောတော့ဘူးဗျာ. နော်. ကျောင်းလာတက်ရတာ မပြည့်စုံကြသူတွေ များပါတယ်. စကောလားရှစ် အပြည့်ရသူတွေအတွက် ပြဿနာမဟုတ်ပေမယ့် အပြည့်မရသူတွေ၊ ဒါ့အပြင် နောက်ကလိုက်မယ့် Background မရှိသူတွေအတွက်တော့ တကယ့်ကို Stressful Experience ပါပဲ...

ကျောင်းဖွင့်ချိန်မှာ ကျောင်းပြေးတက်လိုက်၊ ကျောင်းမှာ ရသမျှ အလုပ်လေးတွေ ကုန်းရုန်းလုပ်လိုက်၊ ကျောင်းပိတ်ချိန်မှာ နယူးယောက်မြို့ကြီးကို စွန့်စားတက်လာပြီး အလုပ်လုပ်လိုက်နဲ့ ကျွန်တော်တစ်ယောက် ကြုံသလို ရုန်းကန်ခဲ့ရပါတယ်. ရန်ကုန်မှာ စာသင်ပြီး နုရွလှပခဲ့တဲ့ ကျွန်တော့်လက်ဖောင်းဖောင်းလေးတွေ ဒီမှာ ဓားတွေကိုင်တတ်လာတယ်. ဆူရှီးတွေ လိပ်တတ်လာခဲ့တယ်. ၄၅၀ ဒီဂရီတင်ထားတဲ့ မီးဖိုပူပူကြီးနားမှာ Teriraki Chicken တွေ ကြော်တတ်လာခဲ့တယ်. ဦးထုပ်နီလေးဆောင်းပြီး ဖြတ်သွားဖြတ်လာ ဈေးဝယ်တွေကို ကိုယ့်ဆိုင်မှာလာစားဖို့ ဈေးဝယ်ခေါ်တတ်လာခဲ့တယ်. သူများအ၀တ်တွေကိုလည်း လျှော်ပေးတတ်လာတယ်. အ၀တ်တွေလည်းခေါက်ပေးတတ်လာတယ်. Dry Clean လုပ်တာတွေလည်း နားလည်လာတယ်. အင်္ကျီတွေ၊ ဘောင်းဘီတွေကို ဘယ်လိုပြင်ရတယ်ဆိုတာတွေလည်း သင်ယူနားလည်တတ်လာခဲ့တယ်... စိန်တွေကျောက်တွေအကြောင်းလည်း တီးမိခေါက်မိရှိလာတယ်.

ကျောင်းပြန်ရောက်ရင် ကွန်ပြူတာ ခလုတ်လေးတွေပေါ်မှာ ပြေးလွှားလှုပ်ရှားနေတဲ့ ဒီလက်ချောင်းလေးတွေ ကျောင်းပိတ်ချိန်မှာ ကြက်သားနယ်မလားနယ်ရဲ့၊ မီးဖိုချောင်ထဲမှာ အသားတွေလှီးနေမလားလှီးရဲ့၊ နှင်းတွေ ထူလပိန်းကျနေတဲ့ နှင်းတောထဲမှာ Customer တွေရဲ့ Laundry ထုပ်တွေ သယ်ပိုးပြီး အိမ်ပေါက်စေ့လိုက်ပိုးလားပို့ရဲ့နဲ့ ဘ၀နှစ်ခုကို ဖြတ်သန်းနေခဲ့တယ်.

ဒါပေမယ့် ကျွန်တော်ပျော်ပါတယ်. ကျွန်တော်ရရှိခဲ့တဲ့ အောင်မြင်မှုတွေအတွက် ကျွန်တော် အချိန်မရွေး မြိန်ရည်ယှက်ရည် ပြောဆိုနိုင်တယ်. လိပ်ပြာသန့်စွာ ဂုဏ်ယူတယ်. ဘယ်သူတွေ ဘယ်လိုပဲ ကဲ့ရဲ့စကားတင်းဆိုဆို ကျွန်တော် ကိုယ့်ကိုယ်ကို ယုံကြည်မှုအပြည့်နဲ့ ကျွန်တော်ချမှတ်ထားတဲ့ ပန်းတိုင်ကို မဆုတ်မနစ် လျှောက်လှမ်းနေဆဲပဲ. ပင်ပန်းလာရင် အိပ်ပစ်လိုက်မယ်. အနားယူပစ်လိုက်မယ်. တစ်နေ့တစ်ခြားနီးစပ်လာနေတဲ့ ကိုယ့်ပန်းတိုင်အတွက် ရင်ခုန်ခြင်းတွေနဲ့အတူ ချွေးစက်တွေကို မေ့လျော့ပစ်လိုက်မယ်.

ကျွန်တော် မပြန်နိုင်သေးပါဘူး. ကျွန်တော်ကျောင်းလည်း မပြီးသေးပါဘူး. ဒါပေမယ့် ကျွန်တော့်မိသားစုမှာ တင်နေတဲ့ အကြွေးတွေကိုလည်း အကြေချေနိုင်ခဲ့ပြီ. ကျွန်တော့်မိသားစု မချမ်းသာနိုင်သေးပေမယ့် ငွေကြေးတစ်ခုအတွက် ပူပင်ရတဲ့ သောကမျိုးတော့ မရှိနိုင်တော့လောက်အောင် ကျွန်တော်ဒီမှာ လှိမ့်ပိန့်နေထိုင်ရင်း ကြိုးစားရုန်းကန်ခဲ့တယ်. ဒီ့အတွက် အပြန်အလှန်အနေနဲ့ ကျွန်တော် မြန်မာပြည်ကို မပြန်သေးခြင်းဆိုတာနဲ့ ရင်းနှီးစတေးခဲ့တယ်.

ကျွန်တော်အထီးကျန်ခံစားခဲ့ရတဲ့နေ့တွေမှာ ကျွန်တော့်အတွက် ဂစ်တာတစ်လုံးရှိတယ်. စာအုပ်ပုံတစ်ခုရှိတယ်. သီချင်းတွေရှိတယ်. ဘလော့ဂ်တစ်ခုရှိတယ်. ဘလော့ဂါမိတ်ဆွေတွေရှိတယ်. ကင်မရာတစ်လုံးရှိတယ်. ပုံဆွဲစက္ကူတစ်ချို့ရှိတယ်.

ဘ၀ဆိုတာ ပြီးပြည့်စုံတယ်ရယ်လို့တော့ မရှိဘူးပေါ့ဗျာ. တစ်ခုလိုချင် တစ်ခုတော့ စတေးရမြဲပေါ့. နှစ်ခုလုံး တစ်ပြိုင်တည်းရချင်လို့တော့ မရဘူးပေါ့လေ. ကျွန်တော်တစ်ခုလိုချင်တဲ့အတွက် တစ်ခုကို စတေးခဲ့တယ်. တစ်ချိန်မှာတော့ ကျွန်တော် လိုချင်တဲ့ နှစ်ခုလုံး ပြီးပြည့်စုံမယ့်တစ်နေ့ ရောက်စေရမယ်လို့ စိတ်ပိုင်းဖြတ်ထားရင်း ကျွန်တော်ယုံကြည်စွာ ချမှတ်ခဲ့တဲ့ လမ်းကြောင်းပေါ်မှာ ကျွန်တော်ဆက်လျှောက်လှမ်းနေဆဲပါပဲ.....

ကဲ... မ၀ါရေ... ကျေနပ်တော့ဗျာ. နော်. ဒါတောင်လျှော့ရေးထားတာ. လွှတ်ရေးလိုက်ရင် ဘလော့ဂ်ကြီးပွင့်ထွက်သွားမှာစိုးလို့... ဟတ်ဟတ်.

Note: ပုံတွေကို ဂူဂဲလ်က ရှာယူပါတယ်.

အားလုံးကို ချစ်ခင်လေးစားလျက်

ရန်အောင်.

17 comments:

MANORHARY said...

အမယ် ပထမဆုံးမန့်ရမှာပါလား..း)
ရင်တမောမောနဲ့ဖတ်သွားတယ်
ဒါထက် စကားမစပ်
စာအုပ်ရေးပြီးရင် လှမ်းပြောလိုက်နော်
ထုတ်ချင်လို့..း)း)

thandar kyaw said...

အစ်ကိုကြီး ရေးလိုက်တာကို ဖတ်လိုက်ရတာမောသွားတယ် ။ ကိုယ်ရင်ဆိုင်နေရတာက အစ်ကိုကြီးနဲ့ယှဉ်ရင် တခြားဆီပဲနော်။ စိတ်ဓါတ်ကျနေချိန်မှာ အားပေးခဲ့တဲ့အတွက် ကျေးဇူးတင်တယ်ဆိုတာပါပြောခဲ့ပါရစေ။

WWKM said...

ပေါ်ကုန်ပြီ..ပေါ်ကုန်ကြပြီ.. နိုင်ငံခြားရောက်ဒုက္ခတွေ.
အဟတ်.. ဘယ်သူလုပ်တာပါလိမ့်.. တော်တော်ဆိုးတဲ့
မ၀ါပဲနော်. လူတွေကို ဒုက္ခလိုက်ပေးနေတယ်.း))

ဖတ်လိုက်ရတာ အရမ်းရယ်ရသလို နောက်ဆုံးပိုင်း
ရောက်တော့ စိတ်မကောင်းဖြစ်မိပါတယ်..း) ဒါပေမယ့်
ရယ်ချင်နေတော့ ပြုံးပြုံးကြီးနဲ့ စိတ်မကောင်းဖြစ်မိလိုက်
တာပေါ့လေ.

စာရေးကောင်းတဲ့ဆရာကြီးကိုရန်အောင်ရဲ့ အရေးအ
သားတွေကို ထိုင်ဖတ်ပြီး တကယ်ပဲလေးစားခင်မင်စွာ
ရယ်မိလိုက်ပါတယ်...

ဆူရှီိလား.. ကျွန်မလည်းလိပ် ဖူးတာပဲ ပျော်စရာကြီး..
ဆူရှီတွေလုပ်လို့ပိုသွားရင် အလကားစားရလို့ မမှားမှား
အောင်ကို ပိုပြီးလုပ်တာလေ.. အဟတ်... စတာပါ.
တကယ်မဟုတ်ဖူး.. စာရင်းမှားပြီး ခဏခဏကိုပိုတာ..
ပိုပါစေ..သူဌေးကဌေးပြီးသားပဲ. မဌေးတဲ့သူတွေစားရ တာပေါ့.. အဲလိုကိုစေတနာရှိတာ....း))))

မက်ဒေါ်နယ်မှာ ကျွန်မလည်းအသားတွေကြော်ဘူးတာပဲ
. ဒါရှက်စရာမှမဟုတ်တာ.. ဘ၀ရဲ့အမှတ်တရလေးတွေ
ပေါ့ မောင်ရန်အောင် ရယ်.. မှန်မှန်ကန်ကန်အလုပ်လုပ်
ပြီး ပိုက်ဆံရှာနိုင်တာ ဘယ်သူတွေ အထင်သေးသေး
ကိုယ့်ဖာသာကိုယ်ဂုဏ်ယူတယ်. “ငါပိုက်ဆံရှာနိုင်တယ် ၊ ငါ့မိဘကို လုပ်ကျွေးနိုင်တယ်ကွ.”ဆိုပြီးတော့လေ.

လေးစားပါတယ် မောင်ရန်အောင်ရေ..
တက်ဂ်ပို့စ်အရှည်ကြီး ရေးပေးလို့ ကျေးဇူးတကယ်
တင်မိပါတယ်.. ဖတ်လို့ တကယ်ကောင်းပါတယ်..

ဒါနဲ့ မောင်ရန်အောင် ပိုက်ဆံသယ်လာနည်းက အတုယူ
စရာပါပဲ.. ဘာလို့ထည့်ရေးရတာတုန်း..လေဆိပ်မှာတာ
ဝန်ထမ်းဆောင်နေတဲ့သူတွေဖတ်မိရင် စီကရက်တွေသိ
သွားကြတော့မှာပေါ့... နောက်ကျရင် လေဆိပ်မှာ ခြေ
အိပ်ပါချွတ်ခိုင်းနေရင်တော့ မောင်ရန်အောင် တရားခံပဲ.
း))

အရိဂတို.
ပို့စ်အရှည်ကြီးရေးပေးလို့ ကွန်မန့်အရှည်ကြီးရေးသွား
ပါတယ်...

၂၀၁၀ နယူးရီးယ.ကျရင်တော့ ဘလော့ဂါမောင်နှမတွေ
မောင်ရန်အောင်ကိုမြင်ဘူးရလေအောင် ထပ်မံပြီး ရီကွက်လုပ်ရပါလိမ်မယ်ဆိုတာကို ကြိုတင်အကြောင်း
ကြားထားလိုက်ပါတယ်ရှင်။

ဒါနဲ့ မနော်က ထုတ်ဝေသူလုပ်မလို့ဆိုပါလား.. ကျွန်မပါ
မနော်နဲ့ ရှယ်ထားလိုက်မယ်. အဟတ်..ရတယ် အေးဆေး သူနဲ့ကိုယ်နဲ့က ခမည်းခမက်တွေ.း))))

တောင်ပေါ်သား said...

အကိုရေ ဖတ်သွားပါတယ်ဗျာ.. အတော့်ကို ရုန်းကန်ရတဲ့ ဘ၀တွေပါ.. အစစအရာအရာ အဆင်ပြေနေပါစေလို့ ဆုတောင်းပေးပါတယ် ကျနော်ကိုလဲ ဆုတောင်းပေးဦးနော့် အဟတ်ဟတ် (အကိုနားက ငှါးသုံးလိုက်တယ်)


လေးစားလျက်
တောင်ပေါ်သား

ညလေး said...

ကြိုးစားမှုရဲ့ ရလဒ်က ခုတောင် ခံစားရတယ် မဟုတ်လား ကိုရန်လေးရဲ့..
ရည်မှန်းချက် ပန်းတိုင် အမြန်ရောက်ပါစေ...

Rita said...

BIG Appreciation
BIG Congratulation
BIG Cheers
BIG Smile

မျက်မှန်လေး said...

ဘယ်နိုင်ငံခြားမှကိုမကောင်းတာပါ။
ကိုယ့်မိဘကိုလုပ်ကျွေးနိုင်တာဘဲကုသိုလ်ယူနေရတယ်ဗျို့

Taungoo said...

ကျွန်တော် စလုံးလာတုန်းကတော့ ကတ်ထူစက္ကူနဲ့ ပတ်ပြီး ဖိနပ်ထိပ်ကို ထိုးထည့်ထားတယ်။ လက်နဲ့ နှိုက်ထုတ်မှ ရတယ်။

ကိုရန်အောင် စာအုပ်ထုတ်ဖြစ်မယ်ဆို စောင့်ဖတ်မယ်။ ဂယ် ထုတ်မှာလား?

ကဗျာဦး said...

ဖတ်ရင်းငိုချင်လာပြီ ကိုရန်အောင်

Anonymous said...

ကိုရန်အောင်ရေ
နိုင်ငံခြားေ၇ာက်တဲ့သူတော်တော်များများခံစားနေရတဲ့ဒုက်ခကအကြီးအသေးဘဲကွာတာပါ..........
ဘာဘဲဖြစ်ဖြစ်စိတ်မလျော့ဘဲကြိုးစားကြစို့
အောင်မြင်ပါစေနော့
ခင်တတ်တဲ့
မေလေး

WWKM said...

အစ အဆုံး နောက်တစ်ခေါက်လာထပ်ဖတ်သွားတယ်
မောင်ရန်အောင်ရေ.
ထပ်လည်းရယ်သွားတယ်.း)

နောင်အနှစ် ၂၀မှာသူဌေးကြီးရန်အောင်ရဲ့အတိတ်မှာ
ကျန်ခဲ့တဲ့ ဘယ်တော့မှမမေ့နိုင်တဲ့ အမှတ်တရဇာတ်လမ်း
လေးတစ်ပုဒ်အဖြစ် အမြဲရှိနေမှာပါလေ...

လေးစားခင်မင်လျှက်

မ၀ါ

Unknown said...

အမြဲလာဖတ်ဖြစ်ပါတယ် ကန်ယိုရေ... အဲလေ ကိုရန်ရေ...
ဟတ်ဟတ်. (ကိုရန်ရယ်သလို လိုက်ရယ်ကြည့်တာ.)

ဒီလိုပါပဲ. နိုင်ငံခြားမှာနေရတဲ့ ဘ၀တွေဟာ မုန့်ပျားသလက်ပေါ်မှာ ငရုတ်ကောင်းဖြူးထားသလိုပါပဲ..

စကားမစပ်... မ၀ါပြောသလို ဓာတ်ပုံ ဘယ်တော့တင်မှာလဲ. လူပျိုကြီးရေ...

နောက်တာပါ. နှစ် ၂၀ ပို့စ်လေး ဖတ်ချင်ပါတယ်. ရေးပေးပါနော်. မ မပါရင် မနေရ...

ပြောရဦးမယ်. ဒီလိုရိုက်တတ်ဖို့ သူငယ်ချင်းတစ်ယောက်ကို အကူအညီတောင်းရတယ် သိလား. ဒါပါပဲ. နောက်ဆို မကြာမကြာ လာရေးမယ်. ဘိုင်ဘိုင်.

ခင်တဲ့.

ပွကု

Mogok Thar said...

ကိုရန်ရေ.. ခုမှပဲ မန့်ဖြစ်တယ်ဗျာ။
ဘ၀ကို ရင်ဆိုင် ဖြတ်သန်းရတဲ့ အခက်အခဲတွေချင်း ဆင်ပေမဲ့ ကိုရန်က့ျါန်တော်ဆို့ထက် အဆပေါင်းများစွာ သာပါတယ်ဗျာ။ လေးစားချီးကျူး အားကျလျက်ပါ။
ကိုရန် .. အစစအရာရာ အဆင်ပြေ ပျော်ရွှင်ပါစေ။
ခင်မင်လျက်
မိုးကုတ်သား

Layma said...

blog ပွင့်ထွက်မသွားပေမယ့်.. ဘလော့ဂ်လောကကို ကျောခိုင်းပြီး ရေငုံနှုတ်ပိတ်နေတဲ့ လေးမ ပါးစပ်.. အဲလေ.. လက်တော့ ပွင့်ထွက်သွားတယ်..။ ဒီပို့ စ်ဖတ်ရတော့ ကိုယ့်ကိုယ်ကို သိမ်ငယ်မိတယ်..။ ကျောင်းပြန်တက်ချင်လာတယ်..။ အချိန်ပိုင်းအလုပ်လုပ်ကြည့်ချင်လာတယ်.။

လင်းလက်ကြယ်စင် said...

ကိုရန်အောင်ရေ .. အတွေ့အကြုံရှည်ကြီးတစ်ခုကို သေချာဖတ်ပြီး ဗဟုသုတအနေနဲ့ ကျေးဇူးတင်မိပါတယ်။ “ဘ၀”ဆိုတဲ့ ခရီးလမ်းကြီးပေါ်မှာ ပိုမို ကြံ့ခိုင်စွာနဲ့ အေးချမ်းစွာ လျှောက်လှမ်းနိုင်ပါစေ :)

မေဇင် said...

ဘယ်တုန်းက ရေးထားတာလဲ တော့ မသိဘူး..ဒါပေမယ့် ခု မှ ဖတ်ဖြစ်ပြီး စိတ်မကောင်းဘူး.... ရုန်းကန်ရင်ဆိုင်ရတာလေး တွေကို ရီစရာ မောစရာ အဖြစ်ရေးပြသွားတာ လေးစားပါတယ်..အောင်မြင်ပါစေ ရှင်

ကိုရင် said...

ကောင်းတယ်ဗျာ့ 
လေးစားတယ်ဗျာ