ငြိမ်းအေးစေသား...

အိပ်မပျော်နိုင်တဲ့ ညပေါင်းများစွာမှာ
ဂစ်တာအိုကိုသာ ခပ်တိုးတိုး တီးခတ်နေမိခဲ့တယ်
ကြယ်တာရာတွေကို အဖော်ပြုလို့
မှောင်မိုက်နေတဲ့အခန်းကျဉ်းလေးတစ်ခုထဲမှာ
သီချင်းတစ်ပုဒ်လောက်တော့ ဆိုပစ်လိုက်ချင်ရဲ့
မွန်းကြပ်လွန်းလို့ပါ…

တကယ်ပါ…
ငါ့ရဲ့ ညတွေ ခြောက်လှန့်ခံနေရတာ ကြာပါပြီ…

ငါ့သံစဉ်တွေ….
မညီညွတ်ပေမယ့် ညင်သာနေမှာပါ..
ငါ့ကာရန်တွေ…
မလှပပေမယ့် ငြိမ်းချမ်းနေမှာပါ…

ညလယ်ယံတေးတစ်ပုဒ်
ပျံသန်းခဲ့ပြီ…
မိုးကုပ်စက်ဝိုင်းကိုဖြတ်လို့ပေါ့…

ငါလေးစားတဲ့
ရိုးသားတဲ့ တောင်သူဦးကြီး၊ အမယ်ြကီးတွေအတွက်.
ငါချစ်တဲ့
ငါ့သွေးချင်းညီအစ်ကို မောင်နှမတွေအတွက်…
ငါယုံကြည်အားထားတဲ့
မျိုးဆက်သစ် ညီလေး ညီမလေးတွေအတွက်…



ကြားနိုင်ကြပါ့မလား…
မျက်ရည်တစ်စ အဝေ့မှာ ပြန်ကာသာ အားတင်းမိပါတယ်.
သူတို့ကြားမှာပါ…
သူတို့ကြားနိုင်ပါစေလေ..

ဦးတည်ချက်မရှိတဲ့ သံစဉ်တွေအောက်မှာ
ခြောက်ခြားမှုတွေ အိပ်စက်နိုင်ပါစေ.
စူးစိုက်စွာ ပို့လွှတ်လိုက်တဲ့ တေးသွားချိုအောက်မှာ
မငြိမ်းချမ်းနိုင်သေးတဲ့ ၀ိညာဉ်ပေါင်းများစွာ ငြိမ်းချမ်းနိုင်ပါစေ.

ငါ့ကာရန်တွေ လန်းဆန်းစွာ ပျံ့လွင့်နိုင်ပါစေ…
သူတို့လေးတွေ ငြိမ်းချမ်းစွာ အိပ်စက်နိုင်ကြပါစေ.
ငါကိုယ်တိုင်လည်း တည်ငြိမ်ရင့်ကျက်စွာ ခရီးဆက်နိုင်ပါစေ…

အားလုံးအတွက် ထိုးတဲ့ ခေါင်းလောင်းသံ...

လူသားတစ်ဦး သေဆုံးခြင်းဟာ
ကိုယ့်အတွက်လည်း ဆုံးရှုံးခြင်းတစ်ခုပါ.
ဆွေမျိုးတော်တော် မတော်တော်
ကိုယ်နဲ့ သိသိ မသိသိ
ဘယ်လိုလူစား ဖြစ်ဖြစ် မဖြစ်ဖြစ်
လောကကြီးထဲကနေ သူထွက်ခွာသွားတာ
ကမ္ဘာမြေရဲ့ သဟဇာတမှာ
အနည်းအများ ဒဏ်ရာကျန်စေခဲ့တယ်.

မွေးဖွားခြင်းနဲ့ သေဆုံးခြင်းမှာ အပေးအယူရှိနေကြလည်း
ဂျီနိုဆိုက် တစ်ခုလို သေကြရတာ
သက်တမ်းစေ့မနေရဘဲ ထွက်ခွာသွားကြရတာ
လျစ်လျူရှုခံရလို့ ကွယ်ပျောက်တိမ်းပါးရတာ
ဒါတွေကတော့
သေဆုံးသူအတွက်လည်း နစ်နာ
ကျန်ရစ်ခဲ့သူတွေအတွက်လည်း နစ်နာ
ကိုယ့်အတွက်လည်းနစ်နာ
လောကကြီးအတွက်လည်း သိပ်နစ်နာလွန်းပါတယ်.



လူတစ်ယောက်သေဆုံးချိန်မှာ
အိမ်အပြန်လမ်းနဲ့အတူ ခေါင်းလောင်းတစ်ချက် တီးလိုက်ကြမယ်.
ဝမ်းနည်းခြင်းရဲ့ ပြယုဂ်တစ်ခုပေါ့.

ခေါင်းလောင်းသံတွေ ပေါင်းဆုံခဲ့ကြဖူးတယ်
ဂျူးလူမျိုးတွေ သုတ်သင်ခံခဲ့ရတုန်းက…
တွတ်ဆီလူမျိုးတွေ လူမျိုးသုဉ်းလု အသတ်ခံခဲ့ရတုန်းက…
အာရှတစ်လွှား ဆူနာမိ နှိပ်စက်သွားခဲ့တုန်းက…

ခေါင်းလောင်းသံတွေ မစဲနိုင်အောင် မြည်ဟည်းနေခဲ့ကြပြန်ပြီ.
ငါတို့အားလုံးရဲ့ နှလုံးသားကမ်းပါးတွေကိုိ
အတားအဆီးမရှိ ဖြတ်သန်းလျက်..
ငါတို့အားလုံးရဲ့
နှလုံးသည်းပွတ်တွေကို ဆွတ်ခြွေယူလျက်…
ငါတို့အားလုံးရဲ့
ကြေကွဲမျက်ရည်တွေကို တစ်နေရာတည်း ပေါင်းဆုံစေလျက်…

စကားလုံးတွေ ပျောက်ဆုံးလို့ ဆွံ့အသွားခဲ့လည်း
နားထဲမှာတော့ ခေါင်းလောင်းသံတွေ ပဲ့တင်ထပ်နေတုန်းပဲ…

ဘာသာပြန်ဆိုမှုနဲ့ ကိုယ်ပိုင်ခံစားချက်ပေါ်မူတည်ပြီး
ဒီခေါင်းလောင်းသံဟာ
နိုင်ငံရေးဖြစ်နိုင်တယ်
လူမှုရေးဖြစ်နိုင်တယ်.
ဘာသာရေးဖြစ်နိုင်တယ်.
စီးပွားရေးလည်းဖြစ်နိုင်တယ်.

ဘာပဲဖြစ်ဖြစ် တစ်ခုတော့ မမေ့ပါနဲ့.
ဒါဟာ
အားလုံးအတွက် ထိုးတဲ့ ခေါင်းလောင်းသံပဲ…

ပြည်ဖုံးကား မချပါနဲ့
မျက်ကွယ်မပြုပါနဲ့
ကံကိုချည်းပဲ ယိုးမယ်မဖွဲ့ပါနဲ့
အချိန်နဲ့ မကုစားပါနဲ့
မုန်တိုင်းပြီးရင် လေပြည်လာတယ်တဲ့
ငါတို့အတွက်တော့
မုန်တိုင်းပြီးရင် လေပွေလာမယ်လို့ ခံစားမိနေကြတယ်.



ငတ်မွတ်ခြင်းလေပွေ
စိတ်အနာတရဖြစ်ခြင်း လေပွေ
အစာရေစာရှားပါးခြင်း လေပွေ
ဆင်းရဲနိမ့်ကျခြင်း လေပွေ
စာရိတ္တပျက်ပြားခြင်း လေပွေ
အနာဂတ်ပျောက်ဆုံးခြင်း လေပွေ
တိုင်းပြည်ဂုဏ်သိက္ခာညှိုးနွမ်းခြင်းလေပွေ
ကိုယ့်ကိုယ်ကို အပြစ်တင်စွပ်စွဲမိခြင်း လေပွေ
လေပွေတွေ ၀င်မွှေဦးမယ်
ငါတို့ရဲ့ မငြိမ်းချမ်းနိုင်သေးသော ရွှေပြည်တော်ဆီကိုပေါ့…

ဟော.
“ဒေါင်”တဲ့…

ဒီတစ်ခါထိုးတဲ့ ခေါင်းလောင်းသံ
ဘယ်သူ့အတွက်လဲလို့ မမေးပါနဲ့
သင့်အတွက်ပါပဲလေ…



ဂျီနိုဆိုက် = Genocide = အစုလိုက်အပြုံလိုက် အသတ်ခံရခြင်း

သာသနာ့ဥသျှောင်ဆရာတော်များ၏ အစာငတ်ခံ ဆန္ဒပြပွဲ ပထမနေ့....

၂၀၀၈ ခုနှစ်၊ မေလ (၁၅ - ၁၆) ရက် ကြာသပတေး၊ သောကြာနေ့တွင် ကုလသမဂ္ဂရုံးရှေ့၌ သာသနာ့ဥသျှောင် ဆရာတော်များက ဦးဆောင်ကာ အသံတိတ်တရားထိုင်၍ မြန်မာနိုင်ငံတွင်း သေဆုံး ဒုက္ခရောက်နေကြသော ပြည်သူများအား ပြည်တွင်းပြည်ပမှ ထိရောက်စွာ ၀င်ရောက်အကူအညီပေးနိုင်ရန် အစာငတ်ခံဆန္ဒပြတောင်းဆိုသွားမည် ဖြစ်ပါသည်။

အမျိုး၊ ဘာသာ၊ တိုင်းပြည်ကို ချစ်မြတ်နိုးကြကုန်သော ဒကာဒကာမများအားလုံး သာသနာ့ဥသျှောင်နှင့်အတူ…

(၁) နာဂစ်မုန်တိုင်းကြောင့် ဧရာဝတီတိုင်း တစ်တိုင်းလုံး ဒုက္ခများခံစားနေရသည်ကို ကုလသမဂ္ဂမှ ဒုက္ခသည်များထံ အမြန်ဆုံး အရောက်သွား၍ ထိရောက်စွာ အကူအညီပေးရန်၊

(၂) ပြည်တွင်းပြည်ပမှ စေတနာရှင် အကူအညီပေးသူများအား စစ်အစိုးရက တားဆီးပိတ်ဆို့နေမှုကို ရပ်ဆိုင်းရန်၊

(၃) ဆရာတော် သံဃာတော်များ ဦးဆောင်၍ ပြည်သူများအား အသက်ရှင်ရေးအတွက် လုပ်ဆောင်နေမှုများအပေါ် အနှောင့်အယှက်ပေးခြင်းကို ရပ်ဆိုင်းရန် တောင်းဆိုသွားမည် ဖြစ်ပါသည်။

နေရာ။ ။

United Nations
1st Ave & 43rd Street
Manhattan, New York

အချိန်။ ။

3 pm to 6 pm (Thursday)
1 pm to 6 pm (Friday)

နေ့ရက်။

May 15, 2008 (Thursday)
May 16, 2008 (Friday)

ဆရာတော်ဦးဝိလာသ
ဒုတိယ ဥက္ကဋ္ဌ ဆရာတော်
သာသနာ့ဥသျှောင် အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ်
နယူးယောက်။ ။











ဓာတ်ပုံတွေကို ဘားမားပွိုင့် ဘလော့ဂ်မှ ရယူပါတယ်.

သံဃာတော်များ အစာငတ်ခံ ဆန္ဒပြကြမည်....

For immediate release Contacts: Ashin Nyaka 347-665-5323
May 15, 2008 Ashin Candobhasacara 716-512-3801

BURMESE MONKS FAST IN ALARM AND GRIEF FOR CYCLONE VICTIMS
WHO ARE BEING STARVED THROUGH WILLFUL GOVERNMENT NEGLECT
Petition the United Nations to Take Action on Increasing Burmese crisis

When: Thursday, May 15th 3-6pm
Friday, May 16th, 9am-6pm

Where: Ralph Bunch Park 43rd St. and 1st Ave.

Visuals: 15 maroon robed Burmese monks and their supporters fasting, meditating and praying for Burma. Banners and signs.

What: 15 Burmese monks, members of the International Burmese Monks Organization, and their supporters will fast outside of the United Nations on May 15 -16th. Their goal is to persuade the United Nations to get unrestricted aid into Burma immediately. A number of the monks, relocated to the US from Burma after the monk-led protests last fall was brutally suppressed by the military junta, will be participating.

“We are not eating because our people are not eating. They are starving while the world waits and the Burmese generals steal the food aid. Maybe when the United Nations sees hungry people outside their doors, they will act more decisively,” said Ashin Nyaka, who is a visiting professor at Columbia University. The monk said they will not take food from Thursday morning until Saturday morning.

The monks petition the United Nations to take a more active, immediate role in getting supplies to cyclone victims before more die. They request the UN to act immediately to ensure that the victims are receiving the international aid that is amassed outside Burma’s borders. As one Burmese journalist inside Burma said, “One day’s delay can cause the loss of hundreds of lives.”

Twelve days after Cyclone Nargis hit the southern Burmese coast, Burma faces further crisis as the junta refuses to acknowledge the immensity of the disaster and the at least 2 million people who are on the brink of starvation and an epidemic of disease. The junta is refusing to give visas to many international aid workers and much of the donated food and supplies are not being delivered to victims. There are many accounts of the military siphoning off food to feed its soldiers, and supplies being sold on the black market.

UN Secretary General Ban Ki Moon addressed the crisis this way on Monday, "We are at a critical point. Unless more aid gets into the country very quickly, we face an outbreak of infectious diseases that could dwarf today's current crisis.” Food aid delivered so far amounts to about one tenth of what is needed.

The monks delivered a letter to Mr. Ban asking him to go to Burma himself to assess the situation. They are also asking the UN Security Council to respond to this crisis with stronger diplomacy and even under the “responsibility to protect” of the UN charter.
________________________________________
International Burmese Monks Organization 84-32 Apt. #2A Grand Ave Elmhurst, NY 11373
Phone & Fax: (718) 426-3959 Email: ibmohq@gmail.com www.burmesemonks.org

###

လဲရာသူခိုးထောင်းခံနေရသော မြန်မာပြည်သူများ.....

ဒီပို့စ်လေးကို ကြိုက်လို့ ပြန်ပြီးတော့ ဖော်ပြလိုက်ပါတယ်. ရေးသူကတော့ ကိုအောင်သူငြိမ်းပါ. ရွက်မွန်ဘလော့ဂ်မှာ တင်ထားတာပါ.

စနစ်တကျ ရေးသားပြုစုထားတဲ့ ဒီပို့စ်လေးထဲမှာ ယထာဘူတကျကျ ဆွေးနွေးဝေဖန် အကြံပြုထားတာလေးတွေကို တွေ့ရပါတယ်. ဒါကြောင့် စာဖတ်ပရိသတ်တို့ စဉ်းစားဆင်ခြင်နိုင်အောင် ပြန်လည်ဝေမျှဖော်ပြလိုက်ခြင်းပဲ ဖြစ်ပါတယ်

ရွက်မွန် - အောင်သူငြိမ်း

ကြိမ်မီးအုံးပြည်သူများနှင့် အသိဉာဏ်သေးနုတ်လွန်းသည့် စစ်ခေါင်းဆောင်များ ကြောင့် မြန်မာပြည်သူများ ထပ်မံနစ်နာကြရဦးမည်။

နာဂစ်ဆိုက်ကလုန်းမုန်တိုင်းအပြီးတွင်မှ စစ်အစိုးရ၏ညံ့ဖျင်းချက်နှင့် သဘောထားသေးသိမ်မှု၊ အာဏာရူးမှုတို့ကို လူအများ ပို၍ ထင်ထင်ရှားရှား သိလာကြရသည်။ မုန်တိုင်းတိုက်ခတ် ဖျက်ဆီးခံလိုက်ရပြီးနောက် ဖြစ်ပျက် နေသည့် အခြေ အနေ သတင်းများ ကို မြင်နေကြားနေရသည်မှာ ရင်နှင့်မမျှ၊ တခါတရံ မြန်မာပြည်သူတို့အဖို့ ကြေကွဲခံစားရဖန် များလွန်း၍ နောက်ထပ် ခံစားစရာ ရင်ပြင်၊ ကျစရာ မျက်ရည် ကျန်ပါဦးမည်လားဟုတောင် တွေးမိပါသည်။ ယခုအခြေအနေက ကြိမ်မီးအုံးဟု မြန်မာပြည်သူများ တင်စားပြောဆိုလေ့ရှိသည့် တမြေ့မြေ့ ကြေကွဲစရာ အဖြစ်ဆိုးမျိုးဖြစ်သည်။ မုန်တိုင်းဒဏ်ခံရသည့် ပြည်သူများကို စစ်အစိုးရက ဆက်၍ ဖိထောင်း နေသည်။ ဖြတ် ၄ ဖြတ်မဟုတ်။ ဖြတ် ၅ ဖြတ်ဟု ဆိုရတော့ မည် ထင်သည်။ မြန်မာစစ်အစိုးရက ပြည်သူတို့ကို ရန်သူသဖွယ် သဘောထားကာ ယခု နိုင်ငံတကာက အကူအညီပေးမည် ဆိုသည်ကိုပင် ဖြတ်တောက်နေသည်။

စစ်အစိုးရက ပေးမည့်အကူအညီများ၊ ငွေများသာ သူ့ထံအပ်ပါ။ သူ့တွင် လုပ်ဆောင်နိုင်သော ပညာရှင်၊ အင်အား အရင်း အမြစ် ရှိသည်ဟု ဆိုနေသည်။ နိုင်ငံတကာ အလှူရှင်များက ဆုပ်စူး၊ စားရူးအခြေအနေ။ စစ်အစိုးရက အေးဓါးပြတိုက်နေသည်။ ကပ်ဘေးဒဏ်သင့် ပြည်သူများကို အကြောင်းပြ၍ လှူဖွယ်ပစ္စည်းများကို လက်ဝါးကြီးအုပ် ထိန်းချုပ်ရန်၊ အာဏာ တည်ဆောက် ရန် ကြိုးပမ်းနေသေးသည်။ နိုင်ငံတကာရှိ လူသားချင်းစာနာထောက်ထားသည့် အကူအညီပေးအပ်သည့် အဖွဲ့အစည်းများက ဤသို့ ပေးလိုက်ရိုးထုံးစံ မရှိပါ။ သူတို့တွင် လိုက်နာစောင့်ထိန်းရမည့် စည်းမျဉ်းများ ရှိသလို၊ စစ်အစိုးရကဲ့သို့ မျက်နှာလွှဲ ခဲပစ် လုပ်တတ်သူများ မဟုတ်ကြပါ။ ထိုမျှမက မြန်မာစစ်အစိုးရက မစွမ်းဆောင်နိုင်သည့် ယာဉ်၊ ပစ္စည်း၊ ကရိယာ၊ ကျွမ်းကျင်မှု၊ အရင်းအမြစ်ပေါင်းစုံ နိုင်ငံတကာ မိသားစုများတွင် ရှိနေကြပါသည်။ ဤသို့သော အကူအညီများကို ပစ်ပယ်၍ ငါတကောကော နေသည်မှာ စက်ဆုပ်ဖွယ်ပင် ဖြစ်ပါတော့သည်။

နာဂစ်မုန်တိုင်းပြီးနောက်မှ မြန်မာ့ရုပ်မြင်သံကြား ထုတ်လွှင့်ချက်များကို စူးစိုက် ကြည့်ဖြစ်သည်။ အထူးသဖြင့် မုန်တိုင်းဒဏ် အခြေအနေနှင့် ပတ်သက်၍ သတင်းများ သိလိုသောကြောင့် ဖြစ်သည်။ သတင်းများကြည့်ဖြစ်လေ၊ ဒေါသ ဖြစ်လေဖြစ်နေ ရသည်။ စစ်အစိုးရ သတင်းမီဒီယာများ ထုတ်လွှင့်နေသည်က မိမိသိလိုသည့် အချက်များ တခုမျှ မပါဝင်ပါ။ လွန်ခဲ့သည့် ၂- ရက်ခန့်က အမျိုးသား သဘာဝဘေးကာကွယ်စောင့်ရှောက်ရေး ဗဟိုကော်မတီ အစည်းအဝေးလုပ်သည်ကို ပြသည်။ ဤ ကော်မီတီ က ဖွဲ့ထားသည်မှာ ၂၀၀၅ ခုနှစ်ကတည်းက ဖြစ်သည်။ ၀န်ကြီးချုပ် ဗိုလ်ချုပ်သိန်းစိန်ကိုယ်တိုင် ဥက္ကဋ္ဌ လုပ်ပြီး၊ ကျန်ဝန်ကြီးများ၊ ရန်ကုန်၊ မန္တလေးမြို့တော်ဝန်များ အပါအ၀င် ကော်မတီဝင်ပေါင်း ၃၀ ခန့်ပါသည်။ စာရွက်ပေါ်တွင် ရပ်ကွက်/ ကျေးရွာများအထိ ကော်မတီ အဆင့်ဆင့် ရှိသည်ဟု ဆိုသည်။ သင်တန်းများလည်း အကြိမ်ကြိမ်၊ အဆင့်ဆင့်တွင် ပေးပြီးဟုဆိုသည်။ လက်တွေ့တွင် မည်မျှထိရောက်သည်ကို ပြည်သူများ အားလုံး အသိပင် ဖြစ်သည်။ လွန်ခဲ့သည့် ၂- ရက်ခန့်က ကျင်းပသည့် အစည်းအဝေးတွင်လည်း မိမိသိလိုသည့် သတင်းအချက်အလက်များကို သူတို့ မဖော်ပြခဲ့ကြ ပါ။ လူမည်မျှ သေဆုံး၊ ဒဏ်ရာရ၊ ပျောက်ဆုံးဟု ထပ်မံ အသစ်ခန့်မှန်းပါသနည်း။ မဖော်ပြခဲ့ပါ။ အိုးအိမ်မဲ့ ပျက်စီးဆုံးရှုံးရသူ များ မည်မျှ ရှိသနည်း။ ဤအချက်ကို လည်း သတင်းတွင် မထုတ်ပြန်ပါ။ ထို့အပြင် ယာယီဒုက္ခသည်စခန်း မည်မျှ ရှိသနည်း။ ထိုစခန်းများတွင် ခိုလှုံနေထိုင်ကြသူ မည်မျှ ရှိသနည်း။ ဤအချက်များကိုလည်း မတွေ့ခဲ့ရပါ။ တွေ့ရသည်က ရုပ်မြင်သံကြား အောက်ခြေတွင် ပြေးနေသည့် ကောလာဟလများကို မယုံကြည်ကြရန်၊ ယခု အစိုးရသတင်းထုတ်လွှင့်ချက်များကို ယုံကြည်ကြရန်ဟူသည့် စာတမ်း ဖြစ်သည်။

ထို့အပြင် မြင်ကြားနေရသည်က ၀န်ကြီးများ တန်းစီထွက်၍ ဟန်ရေးပြနေပုံ ဖြစ်သည်။ ဒုက္ခရောက်သူများကို ဆက်ဆံနေ သည် မှာ လည်း လူသားမဆန်လှပါ။ ဒုက္ခသည်ဆန် ရဖို့အရေး ပြန်ကြားရေးဝန်ကြီးဆိုသူ ကျော်ဆန်းက ဟန်ပါပါ မိန့်ခွန်း ပေးနေ သည်ကို နားထောင်နေကြရသည်။ ကြုံ့ကြုံ့လေးထိုင်ပြီး ကျေးဇူးတော် တင်ကြရသေးသည်။ ဤအရေးကို အမျိုးသားအရေး သဘောထားကူညီရန်နှင့် ကူညီလိုသူများက ဒေသ အသီးသီးရှိ ကြံ့ဖွံ့ရုံးများသို့ လှူဒါန်းကြရန် ဆိုလာသည်။ အလှူခံပုံက သင်းသည်။ ဤအဖွဲ့ကို လူမုန်းနေသ၍ ဤနည်းဖြင့်ဆိုလျှင် အလှူငွေ မည်မျှ ထက်သန်စွာလှူကြမည်ကို တွက်ဆနိုင်ပါသည်။ ၀န်ကြီးချုပ်ဆိုသူ ဗိုလ်ချုပ်သိန်းစိန်ကလည်း အလုပ်မဟုတ်သည်များကို လုပ်သည်။ ရေဘေး၊ လေဘေးသင့် ပြည်သူများကို လှည့်လည် ကြည့်ရှုအားပေးသည်မှာ သင့်သောကိစ္စဖြစ်သည်။ ပုသိမ်ရှိ စစ်ဌာနချုပ်သို့ ကိုယ်တိုင် သွားထိုင်၍ အမျိုးသား သဘာဝဘေးကာကွယ်စောင့်ရှောက်ရေး ဗဟိုကော်မတီ ကိုယ်စား ကြီးကြပ်နေသည်။ ထားပါတော့။ သို့သော်လည်း ရဟတ် ယာဉ်ပေါ် ပစ္စည်းထမ်းတင်သည့် အထိ လုပ်နေသည်ကို ရုပ်မြင်သံကြားတွင် ပြနေ သည်။ ဤသည်မှာ သူလုပ်ရမည့် အလုပ် မဟုတ်တော့ပါ။ ထို့အပြင် ခေါက်ဆွဲခြောက်၊ ရေဗူးအချို့၊ ငွေကြေးအချို့ ထောက်ပံ့ ပေးရုံဖြင့် ဖူလုံပြီဆိုသော ပြသမှုမျိုး လုပ်နေသည်မှာ ပို၍ မသိသား ဆိုးရွားနိုင်နေပါတော့သည်။ အမှန်တကယ်တွင် ရေရှည် တည်တံ့သည့် ပြန်လည်ထူထောင်ရေး (sustainable recovery) သဘောသဘာဝကိုလည်း မြန်မာစစ်ဗိုလ်ချုပ် များက သိရှိထားဟန် မတူပါ။

ဤအခြေအနေတွင် စစ်အစိုးရက လူသားချင်းစာနာမှု အကူအညီဆိုသော ကိစ္စနှင့်ပတ်သက်၍ နားလည် သဘောပေါက်ခြင်း မရှိပုံ၊ နိုင်ငံတကာ အကူအညီနှင့် ပတ်သက်၍ ပို၍ သဘောပေါက် နားလည်မှု မရှိပုံ ထင်ရှားလာပါတော့သည်။ ပညာရှင်များက ဖော်ပြထားကြရာတွင် သဘာဝကပ်ဘေးဒုက္ခဆိုသည်မှာ လူသားနှင့် သဘာဝပတ်ဝန်းကျင်အကြား ဆက်စပ်နေမှု၊ သဟဇာတဖြစ်မှု ကျိုးပျက်စီးသွားခြင်းဖြစ်သည်။ သို့အတွက် ကြောင့်လည်း ဒေသခံပြည်သူများ ပြန်လည် ထူထောင်ရေးအတွက် ပိုမိုကြီး လေးသည့် ကူညီပံ့ပိုးမှုများ လိုအပ်လာပါသည်။ ဤအခြေအနေကို ယာယီ အရေးပေါ် အကူ အညီဖြင့် ဖြေရှင်းပေးရုံမျှဖြင့် မရ တော့ပါ။ ဒေသဆိုင်ရာရှိ လူထုများ၏ ရှင်သန်ရပ်တည်ရေး စွမ်းအင် (Local coping capacity) များလည်း ကျဆင်းသွားပြီ ဖြစ်ရာ၊ ပို၍ အားစိုက် ပံ့ပိုးရန် လိုနေပါတော့သည်။ ဆိုလိုသည်မှာ သဘာဝကပ်ဘေး များကြောင့် လူများသေဆုံးမှု များလာ သည်။ မိသားစုများ ပြိုကွဲကြရသည်။ အိုးအိမ်၊ ပိုင်ဆိုင်မှုများ ဆုံးရှုံးရသည်။ မြန်မာ ပြည်၏ စပါးကျီဟု ခေါ်ဆိုနေသော ဧရာဝတီတိုင်းတွင် ဆိုပါစို့။ ဤမုန်တိုင်း ပြီးပြီးချင်း လူအများသေဆုံးရပြီ ဖြစ်ရာ လုပ်အားရှင် အများအပြား ဆုံးရှုံးသွားပါသည်။ ထို့အပြင် ပြန်လည်ရှင်သန်ရန်အတွက် လယ်မြေများလည်း ဆားငံရေ၀င် ပျက်စီးရပြန်သည်။ နိုင်ငံတကာ ကျွမ်းကျင်သူများ ခန့်မှန်းချက်အရ နောက်ထပ် စိုက်ရာသီ ၂- ခု၊ ၃- ခုတိုင် ဤလယ်များ ပြန်စိုက်ရ ရဖွယ် မရှိပါ။ ကျွဲ-နွားများ ဆုံးရှုံးရသည်။ ၀မ်းစာစပါး၊ မျိုးစပါး များ ဆုံးရှုံးရသည်။ ထို့အပြင် သဘာဝပတ်ဝန်း ကျင် ပျက်စီးသွားမှုကို မူလအတိုင်း မည်သည့်အချိန်တွင် ပြန်ဖြစ်လာမည်ကို တွက်ဆ၍ပင် မရနိုင်တော့ပါ။ ဤအခြေအနေတွင် ဤလူထုများအတွက် ပြန်လည် ထူထောင်ရေး ဆိုသည် မှာ ကြီးလေးသည့် ကိစ္စ ဖြစ်ပါသည်။ အရင်းအမြစ်၊ ကျွမ်းကျင် မှု များစွာ လိုပါသည်။

ထိုမျှမကပါ။ သဘာဝဘေးဒဏ် ခံလိုက်ရသည့် ဒေသများသည် ချက်ချင်း ဆင်းရဲသွားကြပါသည်။ လက်ငင်းတွင် ပင် လုယက်မှုများ၊ ရုန်းရင်းဆန်ခတ်မှုများ ဖြစ်နိုင်ပါသေးသည်။ ရရှိသည့် အကူအညီများ ထိန်းချုပ်နိုင်ရေး အတွက်လည်း ပဋိပက္ခများ ပိုမို ပြင်းထန်လာတတ်ပါသည်။ ထို့အပြင် ဤပြည်သူများ၏ ၀ယ်နိုင်အား (Purchasing power) လည်း ကျဆင်းသွားသောကြောင့် ဈေးကွက်များလည်း ပျက်စီးရပါသည်။ ထိုမျှမက အခြား အချက်များလည်း လိုက်လာပါ လိမ့်ဦးမည်။ လူများက အလုပ်အကိုင် မရှိတော့သည့် နေရာ၊ အရပ်မှ ပြောင်းရွှေ့မှုများ ပိုမို များပြားလာမည်။ လူကုန်ကူး ရောင်းချမှုများ၊ လူသားချင်း ရောင်းစား၍ အမြတ်ထုတ်မှုများလည်း ဖြစ်ပေါ်လာနိုင်သေးသည်။ ဤအနေအထားမျိုးတွင် နစ်နာဖွယ် အရှိဆုံးသူများမှာ အမျိုးသမီးများနှင့် ကလေးများ ဖြစ်ပါသည်။ အမျိုးသမီးများမှာ အိမ်ထောင်ရပ်တည်ရေး အတွက် အဓိကရုန်းကန်ရသူများ ဖြစ်သောကြောင့် ကပ်ဘေးဒုက္ခနှင့် အမျိုးသမီး အခွင့်အရေးဆိုင်ရာ လေ့လာချက်၊ ဆွေးနွေးချက်များလည်း များစွာ ရှိနေပါသည်။ ဤအနေ အထားမျိုးတွင် အမျိုးသမီးများကို အခွင့်အရေး မြှင့်တင်ပေးရေးနှင့် အမျိုးသမီးများအပေါ် အကြမ်းဖက်မှုများ မဖြစ်ပေါ်ရလေအောင် စောင့်ရှောက် ကာကွယ် ပေးရမည့် ကိစ္စများလည်း ရှိနေပါ သေးသည်။

ဖြစ်တတ်သည့် အတွေ့အကြုံတခုမှာ လူအများ သဘာဝကပ်ဘေးကြီးများ သင့်ကြရပြီးနောက် စိတ်ကျန်းမာရေး နှင့် ကိုယ် ကျန်းမာရေး ပြဿနာများ ကြုံတွေ့ကြရခြင်းပင် ဖြစ်ပါသည်။ လေ့လာနေသူများအဆိုအရ ဆူနာမီ လှိုင်းကြီး ရိုက်ခတ်ခံရ ပြီးနောက် ၎င်းဒေသများတွင် စိတ်ပိုင်းဆိုင်ရာအရ အနည်းနှင့် အများဆိုသလို အနာတရ၊ စိတ်ဒဏ်ရာရခဲ့ကြပါသည်။ ဤစိတ်ဒဏ်ရာများ၏ မျိုးဆက်အလိုက် ကူးစက်၍ ရေရှည်သက်ရောက်နိုင်ပုံ များကိုပင် လေ့လာဆန်းစစ်နေကြပါသည်။ အဖြေ အတိအကျ မရှိကြသေးပါ။ သို့သော်လည်း သေချာသည် ကတော့ ဤသို့ ကပ်ဘေးဒုက္ခကြီးများ ကြုံခဲ့ရ၊ မိသားစုဝင်များ သေကွဲ၊ ရှင်ကွဲ ကွဲကြရသူများအဖို့ စိတ်ဒဏ်ရာများ ရရှိနိုင်ပြီး၊ နှစ်သိမ့်ဆွေးနွေး အကြံပေးမှုများ (counselling) လိုအပ်လာခြင်း ဖြစ်သည်။ ထို့အပြင် အခြားလူထုကျန်းမာရေး ပြဿနာများ ရှိပါသေးသည်။ စစ်အစိုးရက ဤမျှ စဉ်းစားထားပုံ မပေါ်ပါ။

ဤသို့သော ဘက်စုံအရေးများကို ဆောင်ရွက်ရန် ရန်ပုံငွေ အများအပြားလိုပါသည်။ ၀င်ရောက် ကူညီ ဆောင်ရွက်ပေးမှုနှင့် သင့်လျော်သော ဆုံးဖြတ်ချက်များ ပြုနိုင်ရန် အချက်အလက်များ၊ Dataများ လိုပါသည်။ ထို့နောက်တွင်မှ လက်ငင်းအကူ အညီများနှင့် ရေရှည် အကူအညီများကို တွက်ချက်နိုင်ကြမည် ဖြစ်သည်။ (immediate and long-term effective aid) ဤသို့သောလုပ်ငန်းများ အားလုံးကို အစိုးရကသာ ဦးဆောင်၍ အကုန်လုံး ဆောင်ရွက်နိုင်မည် မဟုတ်သည်မှာ သေချာ ပါသည်။ လိုအပ်နေသည့် အရင်းအမြစ်များ မရှိသလို၊ လူသား အရင်းအမြစ်၊ ကျွမ်းကျင်မှုများလည်း ရှိမနေပါ။

စစ်အစိုးရက အိမ်နီးချင်းနိုင်ငံများမှ လေယာဉ် ၄-၅ စီးမျှနှင့် အကူအညီများ ရောက်လာသည်ကို ဂုဏ်ယူ ဖော်ပြနေသည်။ သူတို့ မိတ်ဆွေကောင်းရထားဟန် ပြုနေသည်။ ထိုပစ္စည်းများကို ထိထိရောက်ရောက် ဖြန့်ပေးမည် ဆိုသော်လည်း၊ မိမိ တွေ့ရ သလောက် ရဟတ်ယာဉ် ၇ စီးခန့်သာ ပျံဝဲ ပစ္စည်း သယ်ပို့နေကြသည်။ ၀န်ကြီးချုပ်ဆိုသူ ဗိုလ်ချုပ်သိန်းစိန် ကိုယ်တိုင်က သူ့အလုပ်မဟုတ်။ ရဟတ်ယာဉ်အပေါ် ပစ္စည်း ထမ်းတင် နေပြန်သည်။ မြန်မာစစ်အစိုးရ အမြင်တိုပုံကို ကြည့်၍ မိမိ ဒေါသ ဖြစ်နေရသည်။

ယခုအချိန်တိုင် မြန်မာနိုင်ငံအတွက် အကူအညီပေးမည်ဟု ကတိပြုထားကြသည်မှာ အမေရိကန်ဒေါ်လာ သန်း ၄၀ မျှသာ ရှိပါသေးသည်။ သို့သော် ဤအကူအညီ အများစုကိုသော်မှ စစ်အစိုးရ ပိတ်ဆို့ဟန့်တား ထားမှုများကြောင့် လက်ခံမရနိုင် ဖြစ်နေကြပါသေးသည်။ ၂၀၀၄ ခုနှစ် ဆူနာမီအပြီးတွင် နိုင်ငံပေါင်း ၁၁-ခု ကပ်ဘေးဒဏ် ခံစားလိုက်ရ၍ လူပေါင်း ၂၂၀, ၀၀၀ ခန့် သေကြေခဲ့ရပါသည်။ သို့သော်လည်း ဆူနာမီဖြစ်ပြီး ၁၂ ရက်အတွင်းမှာပင် နိုင်ငံတကာအကူအညီပေးရေး ညီလာခံကို ခေါ်ယူနိုင်ခဲ့ပြီး၊ နိုင်ငံ ၁၉ ခုက ဒေါ်လာ သန်း ၄ထောင် လှူဒါန်းမည်ဟု ကတိပြုခဲ့ကြပါသည်။ ဆူနာမီကပ်ဘေး ဒဏ်သင့်ခံရသူ လူတဦးချင်းက ပျမ်းမျှအားဖြင့် အကူအညီ ဒေါ်လာ ၅,၀၀၀ မှ ၆,၀၀၀ ကြား ရရှိခဲ့ကြပါသည်။

အခြားနိုင်ငံများတွင်လည်း အကူအညီရရှိရေးအတွက် လုံးပမ်းခဲ့ကြပြီး၊ နိုင်ငံတကာက ရက်ရောထက်သန်စွာ လှူဒါန်းခဲ့ကြပါ သည်။ အီရန်နိုင်ငံတွင် ၂၀၀၃ ခုနှစ်က လှုပ်ခဲ့သည့် ဘမ် ငလျှင်ကြီး (Bam earthquake) တွင် နိုင်ငံတကာက ဒေါ်လာ သန်း ၁,၅၀၀ လှူဒါန်းခဲ့ကြသည်။ (ဤငလျှင်တွင် လူ ၂၆,၀၀၀ သေဆုံးပါသည်။) ၁၉၉၉ ခုနှစ်က ဟွန်ဒူးရပ်စ် နိုင်ငံတွင် မစ်ခ်ျ ဟာရီကိန်း မုန်တိုင်းကြုံခဲ့ရာ နိုင်ငံတကာက ဒေါ်လာ သန်း ၃, ၀၀၀ အကူအညီပေးခဲ့ပါသည်။ (ဤဖြစ်ရပ်တွင် လူ ၁၀,၀၀၀ သေဆုံးပါသည်။) ၁၉၉၈ ခုနှစ် ဘင်္ဂလားဒေ့ရှ် ရေဘေးတွင်လည်း နိုင်ငံတကာက အကူအညီအဖြစ် ဒေါ်လာ သန်း ၉၀၀ ပေးအပ်ခဲ့ပါသည်။ (ဤရေကြီးမှုတွင် လူ ၁,၀၀၀ သေဆုံးပါသည်။) ဤကိစ္စများနှင့် နှိုင်းယှဉ်လျှင် မြန်မာနိုင်ငံ ရရှိသည့် အကူအညီ ကတိပြုထားငွေ ဒေါ်လာ သန်း ၄၀ ဆိုသည်မှာ နည်းလွန်းလှပါသည်။ (ယခုမုန်တိုင်းဒဏ်တွင် သေဆုံးရသူ အစိုးရ စာရင်းအရ ၂၂,၀၀၀ နှင့် ပြင်ပခန့်မှန်းချက်များအရ ၁၁၀,၀၀၀ သေဆုံးရသည်ဟု ဆိုနေပါသည်။)

ဝန်ကြီးချုပ်ဆိုသူ ဗိုလ်ချုပ်ကြီးသိန်းစိန် ဆောင်ရွက်ရန်မှာ နိုင်ငံတကာ အကူအညီများ ပိုမို များပြားစွာ ရရှိရေးပင် ဖြစ်ပါ သည်။ ရဟတ်ယာဉ်ပေါ် ခေါက်ဆွဲခြောက်ထုတ် ထမ်းတင်နေရန် မဟုတ်ပါ။ မြန်မာပြည်သူများ ကပ်ဘေးဒဏ်သင့်ခံရသည့် အတွက် နိုင်ငံတကာ အကူအညီရရှိရေးအတွက် နိုင်ငံတကာ ညီလာခံတရပ် စည်းရုံးခေါ်ဆိုနိုင်ရန်ပင် ဖြစ်ပါသည်။ ဤ နိုင်ငံတကာ ညီလာခံအောင်မြင်စေရန်လည်း မြန်မာစစ်အစိုးရဖက်က လိုက်လျော အပေးအယူလုပ်ရမှုများလည်း ရှိနိုင် သည်။ အထူးသဖြင့် နိုင်ငံတကာက ပြစ်တင်ဝေဖန်နေသည့် လူ့အခွင့်အရေးချိုးဖောက်မှုကိစ္စများနှင့် ဒီမိုကရေစီ ပြုပြင်ပြောင်းလဲရေးကိစ္စများ ဖြစ်သည်။ မြန်မာပြည်သူများ ကောင်းစားရေးအတွက် မျှတသော တောင်းဆိုမှုများလည်း ဖြစ်သည်။ စစ်အစိုးရ ကိုယ်၌က ဒီမိုကရေစီစနစ်ကို သွားတော့မည်ဟု ပြောဆိုနေချိန်တွင် ဤအချက်က ပြဿနာ မဟုတ်တော့ပါ။

ထို့အပြင် နိုင်ငံတကာက သဒ္ဒါစိတ် ယိုဖိတ်လာစေရေးအတွက် ဆောင်ရွက်ရန် လိုအပ်ပါသည်။ အထူးသဖြင့် နိုင်ငံတကာ သတင်းမီဒီယာများတွင် အချိန်ပြည့် မြင်တွေ့နေရခြင်း (widespread real-time coverage) ဖြင့် အလှူရှင်အများကို ပို၍ တိုက်တွန်းနိုင်လိမ့်မည် ဖြစ်သည်။ ဤသို့ ဖြစ်စေရန်မှာ သတင်းမီဒီယာဌာနများကို လွတ်လပ်စွာ သွားရောက်ထိတွေ့ခွင့် ပေးရန်လည်း လိုအပ်နေပါသည်။

ထို့အပြင် စိုက်ပျိုးရေးလုပ်ငန်းများ ပြန်လည်ထူထောင်ရေးအတွက် ငွေချေးယူရနိုင်သည့် နေရာများလည်း ရှိနေပါသေး သည်။ မကြာသေးမီကပင် အာရှဖွံ့ဖြိုးရေးဘဏ် (ADB) က အမေရိကန်ဒေါ်လာ သန်း ၅၀၀ ကို အစားအစာဈေးနှုန်းများ ကမ္ဘာတခုလုံး တွင် မြင့်တက်လာမှုကြောင့် အထူးထိခိုက်နစ်နာဖွယ်ရှိနေသည့် အာရှနိုင်ငံများကို ကူညီပေးမည့် အစီအစဉ် ရှိနေပါသည်။ နောက်ပိုင်းတွင် အမေရိကန်ဒေါ်လာ သန်း ၃, ၀၀၀ အထိ တိုးမြှင့်ခဲ့ပါသည်။ အဓိကအားဖြင့် ချေးငွေပုံစံဖြင့် လယ်ယာစိုက်ပျိုး ရေးလုပ်ငန်းများကို တိုးတက်စေရန်၊ ချဲ့ထွင်နိုင်ရန် ကူညီပံ့ပိုးမည် ဖြစ်ပါသည်။ သို့သော်လည်း ဤချေးငွေ ရနိုင်ရေးမှာ မြန်မာ စစ်အစိုးရတွင် ပြဿနာရှိနေပါသေးသည်။ ယခင်မဆပ်ဘဲ ကျန်နေသော ကြွေးဆိုးများပြဿနာပင် ဖြစ်သည်။

ဤမျှသာမကပါ။ မြန်မာ အစိုးရတွင် ကောင်းမွန်သော အုပ်ချုပ်ရေးစနစ် (good governance) ဖြစ်စေရန်နှင့် နိုင်ငံရေးအရ အလိုဆန္ဒ ရှိရန်လည်း လိုအပ်နေပါသေးသည်။ အိမ်နီးချင်း နိုင်ငံများ၏ အကူအညီမျှသာ မဟုတ်ပါ။ ကုလသမဂ္ဂနှင့် အင်အား ကြီးနိုင်ငံများ ၏ နိုင်ငံအရ လိုလားထောက်ပံ့ပေးလိုမှု ဆန္ဒရရှိအောင် ဆွဲဆောင်စည်းရုံးရန်လည်း လိုအပ်နေပါ သေးသည်။ ယခု အမေရိကန်ပြည်ထောင်စုက ကူညီမည်ဆိုသည်ကိုပင် ပိတ်ပင်ငြင်းပယ်မှုများ ပြုနေပြန်သည်။ ၀န်ကြီး ချုပ်လုပ်နေသူ ဗိုလ်ချုပ်သိန်းစိန် ယခုကာလတွင် အခြေပြုရမည့် နေရာက ပုသိမ်မဟုတ်ပါ။ နိုင်ငံတကာနှင့် ကုလသမဂ္ဂစင်မြင့်များတွင်သာ ဖြစ်ရပါမည်။ မြန်မာပြည်သူများ အတွက် အကူအညီရရှိရေး ဆွေးနွေးပွဲ၊ ကွန်ဖရင့် စားပွဲဝိုင်းများ၌သာ ဖြစ်ရပါလိမ့်မည်။ ယခုတော့ ဤသို့ မဟုတ်ပါ။ မြန်မာစစ်အစိုးရ၏ ညံ့ဖျင်းပုံ၊ အမြင်တိုပုံဖြင့် မြန်မာပြည်သူများအဖို့ ခံရဖို့ချည်းသာ ဖြစ်နေပါ တော့သည်။

အောင်သူငြိမ်း

ပရမတ်...

ဘယ်သူလုပ်နေသလဲ…
ဘာတွေလုပ်နေသလဲ…
ဘယ်ကိုရောက်မှာလဲ…
ဘယ်လိုယုံရမှာလဲ…

ဖန်တရာတေနေအောင်မေးကြ
ရေးကြ တွေးကြ ဆဲကြ ဆိုကြ
နှိမ့်ချပုတ်ခတ်ကြ နာမည်ယူပြောဆိုကြ
ဇမ္ဗူတလူ လူတွင်ကျယ်လုပ်ပြ
အရည်မရ အဖတ်မရ ငြင်းခုန်ကြ
အဖြေမထွက်ကြ အသေသတ်ကြ
ဟိုမှာတော့ အစာပြတ်နေကြ၊ ရေငတ်နေကြ…

ဒါတွေမေးနေတဲ့အချိန်မှာ
အပြစ်မဲ့ လူသားတစ်ယောက် သေဆုံးလွင့်ပျောက်သွားနိုင်တယ်

ဒါတွေ ရေးနေတဲ့အချိန်မှာ
ကလေးငယ်တစ်ယောက် ရေထဲမှာ ကယ်သူမဲ့ မျောပါသွားနေနိုင်တယ်

ဒါတွေ တွေးနေတဲ့အချိန်မှာ
လာကယ်မယ့် စက်လှေကို စောင့်နေတဲ့ မိန်းကလေးတစ်ဦး သစ်ပင်ထက်က လိမ့်ကျသွားနိုင်တယ်.

နိုင်ငံရေးလုပ်တယ် မလုပ်ဘူး
လုပ်စားတယ် မလုပ်စားဘူး
ပါဝါရှိတယ် ပါဝါမရှိဘူး
ငါ့နိုင်ငံရေးမှတ်တမ်းမျက်နှာစာတွေ ဒီလောက်ထူတယ်
နင့်လို နုမှည့်မဟုတ်ဘူး
ဒီလို ငြင်းခုန်ဘေးတီးနေရင်း
ငါတို့ ရွှေမြန်မာပြည် အညွန့်ကျိုးနေရပြီ…

မင်းလည်းမင်းလုပ်နိုင်တာမင်းလုပ်
ငါလည်း ငါလုပ်နိုင်တာ ငါလုပ်မယ်.
သူလည်း သူလုပ်နိုင်တာ သူလုပ်ပါစေ.

နိုင်ငံရေးသမားလည်း လူပဲ
စစ်ဗိုလ်လည်း လူပဲ
ကျောင်းသားလည်း လူပဲ
တော်လှန်ရေးသမားလည်း လူပဲ

လူရဲ့တန်ဖိုးကို ပညတ်တွေနဲ့ မတိုင်းတာနဲ့
ရင်ဘတ်ထဲက ပရမတ်ကို မြင်အောင်ကြည့်
စစ်ဗိုလ်ဆိုတိုင်း လူဆိုးလို့ မသတ်မှတ်နိုင်သလို
ဒီမိုသမားဆိုတိုင်းလည်း အထင်ကြီးလို့ မရဘူး

အခွင့်အရေးသမားဟာ အခွင့်အရေးကိုပဲ မျှော်တယ်
တကယ်လုပ်သူဟာ လုပ်စရာရှိတာကိုပဲ လုပ်တယ်.

တစ်ယောက်နဲ့တစ်ယောက် နှိမ့်ချကြ
ပုတ်ခတ်ကြ၊ မအေနှမတိုင်းထွာဆဲရေးကြ
အိုးမည်းသုတ်ခံထားရတဲ့ အိမ်ကြက်တွေ
လည်စင်းခံရမယ့် ရက်ကို အတူတူချီတက်သွားကြ…

မင်းနဲ့ငါ လမ်းကြောင်းမတူပေမယ့် ဦးတည်ချက်တူတယ်
ဒါဆို မင်းပါးစပ်ကိုပိတ်
ကိုယ့်လိပ်ပြာကိုယ်ငုံ့ကြည့်လို့
နှလုံးသားထဲက မနာလိုမှုတွေ၊ ပြိုင်ဆိုင်မှုတွေကို
နာဂစ်နဲ့ ဆေးကြောပြလိုက်ပါဦး…

မင်းလုပ်နိုင်တာ မင်းလုပ်
မင်းလုပ်တာကို သမိုင်းက မော်ကွန်းထိုးမယ်
မင်းကိုယ်တိုင်တော့ ၀င်ရေးဖို့ မကြိုးစားနဲ့

လုပ်မပြနဲ့
တကယ်လုပ်ကြ…

ဒေါသထွက်နေရုံ၊ ခံပြင်းနေရုံ၊ မကျေမနပ်ဖြစ်နေရုံ ၀မ်းနည်းပူဆွေးနေရုံနဲ့ မပြီးပါဘူး... မှောင်လှချည်လားလို့ ငြီးတွားအပြစ်တင်နေမယ့်အစား ကျွန်တော်တို့ရဲ့ လက်ထဲက ဖယောင်းတိုင်လေး တစ်တိုင်စီလောက်ကို ထွန်းညှိလိုက်ကြရအောင်....

မုန်တိုင်းဘေးကို အမျိုးသားရေး စိတ်ဓာတ်နဲ့ ကူညီကြပါ..

အသက်ရှည်ကျန်းမာဖို့ လှူကြစို့...

အို… ကံသာအမိ ကံသာအဖ
ကံသာပဲ အစိုးရ
မိုးကသည်းထန် လေမိုးမာန်ပြင်း
ချဉ်းနင်းတိုက်ပွေ
တို့အသည်းတွေ နေစရာမရှိ ကြွေပါဘိလေ…



အမိဧရာမြေ မချိဝေဒနာပွေ
သားလေလင်ဆုံး အမျိုးသုဉ်းလို့ အတိပြာဝေ
တတွေတွေ ဖြေမပြေ အမေ့မျက်ရည်….



လှိုင်းကြီးမိုးထန် သောင်းလုံးယံသော်
စံပျော်လိပ်ပြာ ၀ဲတန်မှာလျှင်
ကြင်သူနဲ့ဝေး ဝေး အဝေးပေါ့ရှင်



အို အချင်းမိတ်ဆွေ… အို သွေးချင်းတို့ရေ
ကြားရက်သေးရဲ့လား မြင်ရက်သေးရဲ့လားလေ…
အမိမြန်မာပြည် အသက်အသက်တွေ ညက်ညက်ချေ
သဘာဝဘေးဒဏ် ခါးစည်းခံကာကြေ





ကျန်နေသူ တို့မျိုးတို့ဆွေ
အသက်ရှည် ကျန်းမာဖို့ လိုပေ
ပေးဝေလှူဒါန်း ဆွမ်းဆန် ဆေးငွေ ပြည့်စုံပါစေ
တစ်ကမ္ဘာလုံးဟာ အမျိုးတွေ ဗုဒ္ဓဟောပါသလေ



ကူညီမယ်မဟုတ်လား မိတ်ဆွေ သူတော်ကောင်းတို့ရေ
ပေါင်းစုတက်လှမ်း နိဗ္ဗာန်မြန်းနိုင်အောင်ခေါ်နေ….







Acknowledgement:

ဓာတ်ပုံတွေကို ခါတော်မီ ၀က်ဘ်ဆိုက်မှ တဆင့် ကူးယူဖော်ပြပါတယ်.

သီချင်းကို သာသနာ့ဥသျှောင် ဘလော့ဂ် မှ တဆင့်ရယူဖော်ပြပါတယ်.

ဒေါင်းလုပ်လုပ်ပြီး ပြန်လည်မျှဝေပေးကြပါလို့လည်း တိုက်တွန်းအပ်ပါတယ် ခင်ဗျာ...

ဒီမှာ ဒေါင်းလုပ်လုပ်ပါ.

မုန်တိုင်းဘေးကို အမျိုးသားရေး စိတ်ဓာတ်နဲ့ ကူညီကြပါ ဆိုတဲ့ Pamphlet လေးနှစ်ခုကတော့ ဒီဇိုင်နာ ကိုမျိုးရဲ့ လက်ရာကို ကိုမျိုးချစ်မြန်မာက အီးမေးလ်မှတဆင့် ပေးပို့ထားခြင်း ဖြစ်ပါတယ်ခင်ဗျာ...

ပေးပို့လှူဒါန်းလိုသူများအတွက် သာသနာ့ဥသျှောင်အဖွဲ့ကို တိုက်ရိုက်ဆက်သွယ်၍ဖြစ်စေ၊ သာသနာ့ဥသျှောင် ဘလော့ဂ်မှာ တင်ထားတဲ့ PayPal Donation Button လေးမှတဆင့်ဖြစ်စေ ပေးပို့လှူဒါန်းနိုင်ပါတယ်.

မြန်မာ့သာသနာ နှင့် သံဃာတိုႚ အတွက် ကုသိုလ်ပၝ၀င်နိုင်ပၝပြီ



မုန်တိုင်းဘေးဒဏ်ကြောင့် ဆုံးရှုံးပျက်စီးကြရသော မြန်မာပြည်သူပြည်သားများအတွက် ဘယ်လိုမှ ဖော်မပြနိုင်အောင် ၀မ်းနည်းပူဆွေးမိပါတယ်. ကျွန်တော်တို့ ၀ိုင်းဝန်းပံ့ပိုးကူညီသွားဖို့ လိုအပ်ပါတယ်. ဒီကိစ္စဟာ တစ်လတစ်နှစ်နဲ့ ပြီးသွားမှာ မဟုတ်ပါဘူး. ဖြစ်ပေါ်လာမယ့် နောက်ဆက်တွဲပြဿနာတွေအတွက် (အစာရေစာရှားပါးခြင်း၊ ကူးစက်ရောဂါများပြန့်ပွားခြင်း စသည်) လည်း ကျွန်တော်တို့ ၀ိုင်းဝန်းဆွေးနွေး အဖြေရှာဖို့လိုပါတယ်. ဒေါသထွက်နေရုံ၊ ခံပြင်းနေရုံ၊ မကျေမနပ်ဖြစ်နေရုံနဲ့ မပြီးပါဘူး. မှောင်လှချည်လားလို့ ငြီးတွားအပြစ်တင်နေမယ့်အစား ကျွန်တော်တို့ရဲ့ လက်ထဲက ဖယောင်းတိုင်လေးတစ်တိုင်စီလောက်ကို ထွန်းညှိလိုက်ကြရအောင်....

လေးစားစွာဖြင့်

ရန်အောင်

ဓာတ်ပုံတွေကို မူရင်းအရွယ်အစားအတိုင်း ပေါ်စေလိုလျှင်...

အားလုံးပဲ မင်္ဂလာပါ.

ဒီတစ်ခါတော့ ဘလော့ဂ်မှာ ဓာတ်ပုံတွေ တင်တဲ့ အကြောင်းလေး ဆွေးနွေးချင်ပါတယ်…

အဲလိုပြောလိုက်လို့. “ဟာ… ဒီတိုင်းဓာတ်ပုံကောက်တင်တာများ ရေးကြီးခွင်ကျယ် ပို့စ်တစ်ခုရေးနေစရာလား” လို့ အပြောမစောလိုက်ပါနဲ့ဦး.
မတူပါဘူးခင်ဗျာ. အထူးသဖြင့် Screenshot နဲ့ ရိုက်ယူထားတဲ့ Thumbnail အရွယ်အစားဓာတ်ပုံလေးတွေဆိုရင် ဘလော့ဂ်မှာ ဒီတိုင်းတင်လိုက်ရင် သိပ်ပြီးတော့ မသဲကွဲ မပြတ်သားတွေ ရှိနိုင်ပါတယ်. အဲဒီ့အချိန်ကျရင် ဒီပို့စ်လေးရဲ့ အသုံးဝင်ပုံကို သတိတရ ရှိနေကြလိမ့်မယ်လို့ မျှော်လင့်ပါတယ်.

မတူပုံကို ဒီမှာကြည့်ပါ.

ဒါက PayPal Website မှာ ကျွန်တော်ပြောပြချင်တဲ့ အပိုင်းလေးကို Screenshot ရိုက်ယူခဲ့ပါတယ်. ပြီးတော့ ဓာတ်ပုံတင်တဲ့အခါမှာ Large ကို ရွေးပြီး တင်လိုက်ပါတယ်.

လက်တွေ့မှာ ထွက်လာတဲ့ ပုံက ဒီလိုပါ.


စာဖတ်သူမှာ တော်တော်လေးကို အားစိုက်ပြီး ဖတ်ယူရလိမ့်မယ်လို့ ထင်ပါတယ်. ဒီတော့ စာဖတ်သူဟာ အဲဒီ့ပုံလေးကို ကလစ်ခေါက်လိုက်ပြီး အသစ်ပွင့်လာမယ့် Windows မှာ ပုံကြီးကြီးနဲ့ ပေါ်လာတာကို ပြန်ကြည့်ယူရပါတယ်.

အလုပ်ရှုပ်သွားတာပေါ့ဗျာ နော်.အဲဒါကို ဖြေရှင်းချင်လို့ ဒီပို့စ်လေးရေးတာပါ.

ဒီတော့ ကျွန်တော်တို့ ခုနက တင်လိုက်တဲ့ ဓာတ်ပုံမှာ ဘာတွေထူးခြားသွားလဲဆိုတာလေးကို သူ့ရဲ့ ကုဒ်ဒင်းလေး ယူပြီး ကြည့်လိုက်ကြရအောင်.

Code:

<a onblur="try {parent.deselectBloggerImageGracefully();} catch(e) {}" href="https://blogger.googleusercontent.com/img/b/R29vZ2xl/AVvXsEh6Cs7kmGLlOsoC4x0BRuvKRpSaLKnRFoJinMzUkGCRsxlxDnGKTS-ktMfbkYMXg1VQrqnHSgjgHnZY4gcQ9L5Y-sO1oxVdcZZuBagaDT2E97kIX4IuaBKq3o06MblTDAnyryDt9Q/s1600-h/PayPal8.bmp"><img style="display:block; margin:0px auto 10px; text-align:center;cursor:pointer; cursor:hand;" src="https://blogger.googleusercontent.com/img/b/R29vZ2xl/AVvXsEh6Cs7kmGLlOsoC4x0BRuvKRpSaLKnRFoJinMzUkGCRsxlxDnGKTS-ktMfbkYMXg1VQrqnHSgjgHnZY4gcQ9L5Y-sO1oxVdcZZuBagaDT2E97kIX4IuaBKq3o06MblTDAnyryDt9Q/s400/PayPal8.bmp" border="0" alt=""id="BLOGGER_PHOTO_ID_5197518797336563474" /></a>

အဲဒီ့မှာ စာကြောင်းနှစ်ကြောင်းရဲ့ ထူးခြားချက်ကို လေ့လာကြည့်လိုက်ကြရအောင်.

href="https://blogger.googleusercontent.com/img/b/R29vZ2xl/AVvXsEh6Cs7kmGLlOsoC4x0BRuvKRpSaLKnRFoJinMzUkGCRsxlxDnGKTS-ktMfbkYMXg1VQrqnHSgjgHnZY4gcQ9L5Y-sO1oxVdcZZuBagaDT2E97kIX4IuaBKq3o06MblTDAnyryDt9Q/s1600-h/PayPal8.bmp">

နဲ့

src=https://blogger.googleusercontent.com/img/b/R29vZ2xl/AVvXsEh6Cs7kmGLlOsoC4x0BRuvKRpSaLKnRFoJinMzUkGCRsxlxDnGKTS-ktMfbkYMXg1VQrqnHSgjgHnZY4gcQ9L5Y-sO1oxVdcZZuBagaDT2E97kIX4IuaBKq3o06MblTDAnyryDt9Q/s400/PayPal8.bmp

သူတို့နှစ်ကြောင်းမှာ ကွာခြားချက်တစ်ခုပဲ ရှိပါတယ်. ဘာလဲဆိုတော့ s1600-h နဲ့ s400 ပါ. ကျန်တာအားလုံးအတူတူပဲ ဖြစ်ပါတယ်.

သူတို့တွေက ဘာကိုဆိုလိုတာလဲ ဆက်ကြည့်လိုက်ကြရအောင်.

အပေါ်က s1600-h ပါတဲ့ စာကြောင်းက စာဖတ်သူအနေနဲ့ ဘလော့ဂ်ပေါ်က ဓာတ်ပုံကို ကလစ်ခေါက်လိုက်ရင် ပေါ်လာမယ့် နဂိုမူရင်း အရွယ်အစားရှိတဲ့ ဓာတ်ပုံဖြစ်ပါတယ်.

အောက်က စာကြောင်းလေးထဲမှာပါတဲ့ s400 ကတော့ မူရင်း ဓာတ်ပုံကို ကျုံ့လိုက်ပြီး ဘလော့ဂ်ပေါ်တင်လို့ရအောင် လုပ်ပေးထားတာ ဖြစ်ပါတယ်.

ကျွန်တော်တို့က လက်ရှိ Blogger Platform က ပေးထားတဲ့ ဓာတ်ပုံဆိုဒ်ထက် ပိုကြီးတာလိုချင်နေတယ်.

ဆိုလိုတာက နဂိုမူရင်း အရွယ်အစားကိုပဲ တင်ချင်တာ. ဒါမှ စာသေးသေးလေးတွေပါ ပေါ်မယ်လေ.

ဒီတော့ ဘာလုပ်မလဲ.

လွယ်ပါတယ်.

အဲဒီ့ အရွယ်အစားကို ကန့်သတ်ပေးနေတဲ့ s1600 တို့၊ s400 (Large ဖြစ်လျှင်)၊ s320 (Medium ဖြစ်လျှင်)၊ s200 (Small ဖြစ်လျှင်) တွေကို ဖျက်လိုက်ရုံပါပဲ.

အောက်ကပုံစံလေးအတိုင်း ပြင်ပေးလိုက်ရုံပါပဲလေ…

<a onblur="try {parent.deselectBloggerImageGracefully();} catch(e) {}" href="https://blogger.googleusercontent.com/img/b/R29vZ2xl/AVvXsEh6Cs7kmGLlOsoC4x0BRuvKRpSaLKnRFoJinMzUkGCRsxlxDnGKTS-ktMfbkYMXg1VQrqnHSgjgHnZY4gcQ9L5Y-sO1oxVdcZZuBagaDT2E97kIX4IuaBKq3o06MblTDAnyryDt9Q/"><img style="display:block; margin:0px auto 10px; text-align:center;cursor:pointer; cursor:hand;" src="https://blogger.googleusercontent.com/img/b/R29vZ2xl/AVvXsEh6Cs7kmGLlOsoC4x0BRuvKRpSaLKnRFoJinMzUkGCRsxlxDnGKTS-ktMfbkYMXg1VQrqnHSgjgHnZY4gcQ9L5Y-sO1oxVdcZZuBagaDT2E97kIX4IuaBKq3o06MblTDAnyryDt9Q/" border="0" alt=""id="BLOGGER_PHOTO_ID_5197518797336563474" /></a>

ဒါဆိုရင် အခုလိုမျိုး မူရင်းအရွယ်အစားအတိုင်း ရှိတဲ့ ဓာတ်ပုံလေးတွေကို မိမိတို့ရဲ့ ဘလော့ဂ်လေးတွေပေါ်မှာ အကန့်အသတ် အဆီးအတားမရှိ တင်နိုင်ပါပြီ ခင်ဗျား

ကျန်တဲ့ အသုံးချလို့ ရနိုင်ဦးမယ့် အပိုင်းတွေကိုတော့ ဥာဏ်ရှိသလို အသုံးချပါလို့ပဲ တိုက်တွန်းပြောဆိုလိုပါတယ်…

ကဲ. နှိုင်းယှဉ်ပြီးတော့ အကဲဖြတ်ကြည့်ပါခင်ဗျာ…

Before:



After:



ဝန်ခံချက်။ ။

ဒီနေရာက ပို့စ်လေးကို သင့်တော်သလို ဘာသာပြန်ဆိုရေးသားပါတယ် ခင်ဗျာ...

အားလုံးကို ချစ်ခင်လေးစားလျက်

ရန်အောင်

PayPal Donation Button လေးတွေ လုပ်ကြမယ်...

မကြာသေးခင်က မြန်မာပြည်ကို ၀င်ရောက်တိုက်ခတ်သွားတဲ့ နာဂစ် အပူပိုင်းမုန်တိုင်းဒဏ်ကြောင့် ဧရာဝတီတိုင်း၊ ရန်ကုန်တိုင်း၊ ကရင်ပြည်နယ် အပါအ၀င် အောက်မြန်မာပြည်ဖက်မှာ အပျက်အစီးအလွန်များခဲ့ပါတယ်. ဒါကို စာနာနားလည်မှု အပြည့်ရှိကြတဲ့ ကမ္ဘာတစ်လွှားမှာ နေထိုင်ကျင်လည် အသက်မွေးဝမ်းကျောင်းနေကြရတဲ့ မျိုးချစ်မြန်မာပြည်သူတွေဟာ မိမိတို့ တတ်စွမ်းနိုင်သလောက် ချွေးနှဲစာလေးတွေကို ထည့်ဝင်လှူဒါန်းပြီး ကူညီဖို့ ကြိုးစားနေကြတာကိုလည်း အားလုံးအသိပဲ ဖြစ်ပါတယ်.

ဒီလို ပေးပို့လှူဒါန်းတာတွေကို အလှူခံတဲ့အခါမှာ တိုက်ရိုက်ပေးပို့ လှူဒါန်းနိုင်တာတွေရှိနိုင်သလို မိမိတို့ရဲ့ ဘလော့ဂ် (သို့) ၀က်ဘ်ဆိုက်ဒ်လေးတွေပေါ်မှာ Donation Button လေးတွေ တင်ထားပြီး အလှူခံနိုင်တာမျိုးလည်း ရှိကြပါတယ်.

ဒီ့အတွက် ရည်ရွယ်ပြီး PayPal Donation Button လေးတစ်ခုကို ဘယ်လိုတည်ဆောက်ရတယ် ဆိုတဲ့ အကြောင်းလေးကို ဆွေးနွေးတင်ပြလိုပါတယ်ခင်ဗျာ.

ဒီ Button လေးကို ပြုလုပ်နိုင်ဖို့အတွက် မိမိမှာ ဘဏ်အကောင့် ရှိရပါမယ်. PayPal Account ရှိရပါမယ်. ဒီလောက်ပါပဲ. PayPal Account လုပ်နည်းကို မသိသေးသူများ ရှိနိုင်ပါသေးတယ်. အဲဒါကို နောက်ထပ် ပို့စ်အသစ်ထပ်ရေးပြီး တင်ပြပေးပါမယ်. လောလောဆယ်တော့ Donation Button လေး လုပ်နည်းကို အာရုံထားပြီး ပြောလိုပါတယ် ခင်ဗျာ.

၁. PayPal Account ထဲကို ၀င်လိုက်ပါ. ပြီးရင် အပေါ်မှာ မြင်နေရတဲ့ Menu Bar လေးထဲက Merchant Tools ကိုရွေးလိုက်ပါ. ပြီးသွားရင် အောက်ကို နည်းနည်းလေး ဆွဲချကြည့်လိုက်ပြီး PayPal Website Payments Standard ဆိုတာလေးကို ရှာကြည့်ပါ.





၂. အလယ်လောက်မှာ Button လေး သုံးခု ရှိတဲ့အနက်က ညာဖက်အစွန်ဆုံးမှာ Donations ဆိုတဲ့ Button လေး ရှိတာကို တွေ့ရပါလိမ့်မယ်. အဲဒီ့ Button လေးအောက်မှာ ရှိနေတဲ့ Accept Contributions ဆိုတာလေးကို ကလစ်လုပ်လိုက်ပါ.



၃. Donation Button ဆိုတဲ့ Topic လေးအောက်မှာ ဒီလိုပြောထားပါတယ်.

Collect contributions to your cause on your website. Enable donors to choose the amount of their secure donation or set donations to fixed amounts. Good for non-profit and advocacy groups.

• Accept credit card and bank account payments. Funds are deposited into your account instantly.
• You pay transaction fees only when customers click to buy.
• Put the buttons on your website in a few easy steps.
• No monthly fees. No commitment. No lengthy approval process.
• Accurate recordkeeping: PayPal maintains detailed transaction records on our website.



ပြီးတော့ Donation Button လေးတွေကိုလည်း စိတ်ကြိုက်ရွေးချယ်နိုင်ခွင့် ပေးထားပါသေးတယ်.

Get Donations Button လေးကို နှိပ်လိုက်ပါ. နောက်တစ်မျက်နှာမှာ ဒီလိုတွေ့ရပါလိမ့်မယ်.



၎. Form လေးတွေ နည်းနည်းလောက် ဖြည့်ပေးပါ. ဒါမှ ကိုယ့်ရဲ့ Donation Receipt လေးက ပိုပြီး စနစ်တကျနဲ့ သပ်သပ်ရပ်ရပ်လေး ဖြစ်ပါလိမ့်မယ်.

Donation ID/Number ဆိုတာ မလိုပါဘူး. ကျော်ခဲ့လိုက်ပါ. Amount ကို ကိုယ်က သတ်မှတ်ပြီး ထည့်စေချင်ရင် သတ်မှတ်ခဲ့လို့ရပါတယ်. ဒေါ်လာ ၂၀ စသည်ဖြင့်ပေါ့. အဲလိုမဟုတ်ဘဲနဲ့ အလှူရှင်စိတ်ကြိုက်ထည့်ခွင့် ပေးချင်တယ်ဆိုရင်တော့ ဘာမှ ထည့်မရေးခဲ့ပါနဲ့. Currency ကိုလည်း စိတ်ကြိုက်ရွေးချယ်ပေးနိုင်ပါတယ်.

Donor’s Default Country ကိုလည်း ရွေးချယ်ပေးနိုင်ပါတယ်. မရွေးဘဲ ဒီတိုင်းထားလိုက်ရင်တော့ အလှူရှင်ဖာသာ ရွေးချယ်ပြီး လှူဒါန်းနိုင်မှာ ဖြစ်ပါတယ်.

ဒါကတော့ PayPal Button ပုံစံလေးတွေပါ. မိမိစိတ်ကြိုက် ရွေးချယ်နိုင်သလို ကိုယ်တင်ချင်တဲ့ Graphic Design ပုံစံလေးတွေနဲ့လည်း တင်လို့ရပါသေးတယ်. စမ်းကြည့်ပါခင်ဗျာ.



၅. ဒီအဆင့်ကတော့ PayPal Button လေးအတွက် သတ်မှတ်ပေးထားခဲ့တဲ့ အချက်အလက်များကို ပြောင်းလဲလို့မရအောင် Encrypt လုပ်တဲ့ အဆင့်ပဲ ဖြစ်ပါတယ်.



Note: Selecting encryption means you cannot use option fields or create email links.
အဲလိုလေးတော့ ပြောထားပါသေးတယ်. ဒါပေမယ့် အဲဒီ့ အပိုင်းတွေက သိပ်အရေးမကြီးပါဘူး. ဒါကြောင့် မိမိတို့ရဲ့ PayPal Button လေးကို Encrypt လုပ်ဖို့ ကျွန်တော် recommend လုပ်ချင်ပါတယ်.

ပြီးသွားရင်တော့ Create Button Now လုပ်လို့ရပါပြီ.

၆. နောက်တစ်မျက်နှာမှာ ဒီလိုလေးတွေ့ရပါလိမ့်မယ်.



Scroll Box လေးထဲက Scripts လေးတွေကို ကူးယူလိုက်ပါ. မိမိတင်မယ့် Site ဟာ ဘလော့ဂ် ဖြစ်နေခဲ့မယ်ဆိုရင်တော့ Add a Page Element> HTML/Java script ကိုရွေးပါ. ပြီးရင် အခုကူးလာတဲ့ Script လေးတွေကို ကောက်ထည့်လိုက်ရုံပါပဲ…

Website ဆိုရင်လည်း ထိုနည်းလည်းကောင်းပါပဲ.

ဒီလိုမျိုးလေး ပေါ်လာပါလိမ့်မယ်...

ဒါဆိုရင် လှူချင်တဲ့ ပုဂ္ဂိုလ်ဟာ ကမ္ဘာတစ်လွှားဘယ်နေရာမှာပဲ ရှိနေပါစေ၊ ဘယ်ဘဏ်နဲ့ပဲ အကောင့်ဖွင့်ထားပါစေ မိမိတို့ စိတ်ကြိုက် လှူနိုင်တန်းနိုင်ပြီ ဖြစ်လို့ အရမ်းကို အသုံးဝင်တဲ့၊ အချိန်ကုန်သက်သာစေတဲ့ Donation Button လေးတစ်ခု ဖြစ်ပါတယ်လို့ ဆွေးနွေးတင်ပြလိုက်ရပါတယ် ခင်ဗျာ…

ဝန်ခံချက်။

ဒီနေရာက ပို့စ်လေးကို သင့်တော်သလို ဘာသာပြန်ဆို ဖြည့်စွက်ရေးသားပါတယ် ခင်ဗျာ...

အားလုံးကို ချစ်ခင်လေးစားလျက်

ရန်အောင်

ထေရုပ္ပတ္တိအကျဉ်း (၈)လုံးဖွဲ့ကဗျာ...

၂၀၀၈ ခု၊ ဧပြီလ (၂၉) ရက်နေ့တွင် ဘ၀နတ်နန်း စံမြန်းတော်မူသော
သက်တော် (၈၂) သိက္ခာတော် (၆၂) ၀ါရှိ မန္တလေးမြို့၊ မစိုးရိမ်ကျောင်းတိုက်၊ မဟာနာယက
အမေရိကန်နိုင်ငံ မစိုးရိမ်သာသန ဇောတိကကျောင်း ပဓာန နာယက
ဆရာတော်ကြီး ဘဒ္ဒန္တ ကောဝိဒါဘိဝံသ၏
အန္တိမ အဂ္ဂိဈာပန ပူဇာသဘင်၌ ရွတ်ဆို ပူဇော်အပ်သော
ထေရုပ္ပတ္တိ အကျဉ်း (၈) လုံးဘွဲ့ ကဗျာ

၁။
ဗုဒ္ဓဓမ္မ - သံဃဂုဏ်ဝါ
မာတာပိတ - မိဘဆရာ
လက်အုပ်ချီမိုး - ရှိခိုးခါခါ
ဦးနှိမ်ပျော့ - ကန်တော့ဝန္ဒနာ။

၂။
လောင်းတော်ထေရ်ရ - တေဇစုံဖြာ
၁၂၈၉ - မြတ်နိုးနှစ်မှာ
ကဆုန်လပြည့် - ကျော်၍ကြည်သာ
(၈) ရက်နေ့ - ချမ်းမြေ့ဂုဏ်ညီညာ။

၃။
တနင်္လာသား - စိတ်ထားခိုင်တည်
ဧရာဝတီတိုင်း - သမိုင်းခေတ်မှီ
ပုသိမ်ရွှေမြို့ - ဆွေတို့ မြန်ပြည်
အသည်ကြီး - ရပ်မှီးစံဌာနီ။

၎။
ဦးမောင်စီက - ပိတဂုဏ်ဖော်
ဒေါ်သိန်းတင်ဟု - ဂုဏ်စုမယ်တော်
သန့်စင်မီးရှူး - စိတ်ကူးလွန်ပျော်
သားကိုတွေ့ - ချမ်းမြေ့တူစံနှော်။

၅။
ဆယ့်လေးနှစ်သား - စိတ်ထားစင်ကြယ်
မြို့ငါးသိုင်းချောင်း - ရွှေကျောင်းတိုက်ဝယ်
ဦးညေယျဓမ္မ - ဥပဇ္ဈယ်ယူတယ်
ကောဝိဒ - ရှင်လှသာမဏေငယ်။

၆။
ရှင်ကောဝိဒ - ပညာ့လွန်ထယ်
ခြေခံပိဋကတ် - သင်မှတ်ကျက်တယ်
ငါးပိဆိပ်အောက်ကျောင်း - ထေရ်ကောင်းထံဝယ်
ဖြစ်ရဟန်း တင့်ဆန်း နှစ်ဆယ်ရွယ်။

၇။
မင်္ဂလာရာမ - ပြောင်းကြွဝါဆို
ဓနုဖြူမြို့ - ဂုဏ်တို့မြင့်မိုရ်
စံဝတီကျောင်း - ကိန်းအောင်းမှီခို
စာပေကျမ်း အောင်ခန်းသူကြည်ညို။

၈။
အဂ္ဂါဘိဓဇ - ဆဋ္ဌဂုဏ်ကျော်
ဥက္ကဋ္ဌနာယက - သူရိယထံတော်
ပရိယတ်အထက်ကျမ်း - သင်တန်းယူပျော်
မြို့ရွှေမန်း ကြွမြန်း ထေရ်မဟော်။

၉။
မစိုးရိမ်တိုက် - စာလိုက်ပျော်ရွှင်
စာပေအထက်တန်း - အောင်ခန်းသို့ဝင်
သ.စ.သ.အ - ဘိဝံသဂုဏ်ထင်
ဘွဲ့စုံရ ထေရ်ရ ဇာနည်ရှင်။

၁၀။
တစ်သုံးဆယ့်နှစ် - ငါးနှစ်လွန်မှာ
မစိုးရိမ်နာယက - ထေရ်ရဖြစ်လာ
ပိဋကကျောင်း - ကိန်းအောင်းမှီကာ
စာသင်ပြ ထေရ်ရ ထိုဆရာ။

၁၁။
စာသင်စာချ - ထေရ်ရ ဂုဏ်ပို
ဓမ္မာစရိယ - ကျမ်းလှထိုထို
ဋ္ဌ, ဋီကာမှီး - ကြည့်နည်း ပိုင်ဆို
ကျမ်းတွေရေး မြှင့်ပေး သာသနာကို။

၁၂။
သုံးပုံတိပိ - ပါဠိမြန်မာ
အဘိဓာန်ကျမ်း - ပြုခန်းဆင့်ကာ
ရပ်ကွက်မြို့တော - စိတ်ဇောသန်စွာ
ပဋ္ဌာန်းမြတ် ရွတ်ဖတ် သင်စေတာ။

၁၃။
ငါးဆယ်ကျော်နှောင်း - နှစ်ပေါင်းပိုမို
ရန်ကုန်မန္တလေး - ပျံ့မွှေးလို့ကြို
စာသင်သောတု - ပေါင်းစုမှီခို
ဘုန်းကြီးကော - မနောလွန်ကြည်ညို။

၁၄။
ထို့ပင်မက ကျောင်းလှတည်ထောင်
တက္ကသီလ - ပုသိမ်က ကျောင်းဆောင်
ငါးသိုင်းချောင်း ဒေါင့်ကြီးတိုက်မှီး အခေါင်
ယဉ်ပုံကျောင်း တိုက်ကောင်း သာသနာဘောင်။

၁၅။
နိုင်ငံရပ်ခြား - ပြန့်ပွားစေရန်
စင်ကာပူ မလေးရှား - ကြွငြားဂျပန်
အမေရိက လှမ်းကြွ အင်္ဂလန်
ကမ္ဘာသိ ဂုဏ်ရှိ မြတ်ထေရံ။

၁၆။
၂၀၀၂ ခု - ပေါင်းစုဧပြီ
အမေရိကန် နယူးယောက် ပင့်လျှောက်ခဲ့သည်
ဓမ္မမိတ်သင်း - ကောင်းခြင်း ဂုဏ်ညီ
ကျောင်းလှူဒါန်း မြတ်နန်း နိဗ္ဗူညီ။

၁၇။
နှစ်ထောင့်သုံးခု - တွေးရှုဂုဏ်ဝါ
စက်တင်ဘာလ - ကျောင်းစဖွင့်ကာ
အမေရိကန်ရောက် - ဘုန်းတောက်မြန်ာ
သာသနာရေး မြှင့်ပေး ထေရ်ဆရာ။

၁၈။
သာသနာသွေး - နောင်ရေးမျှော်ကာ
နောင်လာနောက်သား - သနားငဲ့ညှာ
ကံကြီးတွေထိုက် - လူမိုက်ရှောင်ခွာ
သိနိုင်ရေး ညွှန်ပေး ထေရ်ဆရာ။

၁၉။
ရတနာသုံးပါး - စော်ကားသူဟာ
ကံကြီးတွေထိုက် - လူမိုက်ဖြစ်မှာ
ထောက်ခံအားပေး - ပြုရေးရှောင်ခွာ
မမိုက်နဲ့ နေကွဲ့လိမ်လိမ်မာ။

၂၀။
ဥသျှောင်နာယက - ထေရ်ရဆရာ
ကမ္ဘာတွင်ပြန့် - အနှံ့မြန်မာ
ငါ့ကိုယ်တုလိုက် - ပြုထိုက်သူငါ
သာသနာရေး - သက်ပေးကာကွယ်မှာ။

၂၁။
ခန္ဓာဘ၀ - ရောက်ရသူငါ
အိုခြင်းနာခြင်း - သေခြင်းဖြစ်မှာ
ကျော်စောသတင်း - ကောင်းခြင်းယူပါ
ကျန်သူများ - မိန့်သွားပုံပမာ။

၂၂။
ကိုယ်၊ နှုတ်၊ စိတ်ထား - ပြစ်များပါလျှင်
တပည့်တော်များ - သနားပဲ့ပြင်
အပြစ်ကျေအေး - ခွင့်ပေးထာဝစဉ်
ပူဇော်ထုံး - နောက်ဆုံးဤချိန်တွင်။

၂၃။
အနိစ္စဒုက္ခ - အနတ္တဆင်ခြင်
ဒို့သူငါလည်း - လိုက်မြဲလမ်းစဉ်
ဘုရားသော်လည်း - ရှောင်လွှဲမမြင်
ဆင်ခြင်ကြ - မာနကိလေစင်။

၂၄။
ကောင်းမှုပေါင်းစု- သောင်းထုဒေ၀ါ
အမျှဝေငှ - ရကြလို့သာ
သာဓု သာဓု - ခေါ်မှုညီညာ
ဘုန်းကြီးကော - တည်သော ဘုံဌာနာ။

သာဓု သာဓု သာဓု….

ရေးစပ်ပူဇော်သူ - တပည့် သိလိဋ္ဌ (မစိုးရိမ်)၊ လန်ဒန်၊ ယူကေ.

မစိုးရိမ်ဆရာတော်ဘုရားကြီး ထေရုပ္ပတ္တိအကျဉ်း

သာသနာ့ဥသျှောင် ပဓာနစေရ မစိုးရိမ်ဆရာတော်ဘုရားကြီး ဘဒ္ဒန္တ ကောဝိဒါဘိဝံသ၏ ထေရုပ္ပတ္တိ အကျဉ်း

မစိုးရိမ်ဆရာတော်ဘုရားကြီး ဘဒ္ဒန္တ ကောဝိဒါဘိဝံသကို ဧရာဝတီတိုင်း ပုသိမ်မြို့ အသည်ကြီးရပ်နေ ခမည်းတော် ဦးမောင်စီ၊ မယ်တော် ဒေါ်သိန်းတင်တို့မှ ၁၂၈၉ ခုနှစ် ကဆုန်လဆုတ် ၈ ရက်နေ့မှာ ဖွားမြင်ခဲ့ပါတယ်.

ဆရာတော်ဘုရားကြီးဟာ ၁၃၀၈ ခုနှစ် တန်ဆောင်မုန်းလပြည့်နေ့မှာ မြင့်မြတ်တဲ့ ရဟန်းအဖြစ် ရောက်ရှိခဲ့ပါတယ်.

ဗုဒ္ဓရဲ့ ကျမ်းဂန်စာပေများကို ဧရာဝတီတိုင်း ဓနုဖြူမြို့ ခင်မကန်ကျောင်းတိုက်နဲ့ မန္တလေးမြို့ မစိုးရိမ်ကျောင်းတိုက်များမှာ သင်ကြားခဲ့ပါတယ်.

ဆရာတော်ဘုရားကြီးဟာ သာသနဓဇ သီရိပ၀ရ ဓမ္မာစရိယ၊ စေတိယင်္ဂဏ ဓမ္မာစရိယနဲ့ ပရိယတ္တိ သာသနဟိတ (သကျသီဟ) ဓမ္မာစရိယ စာမေးပွဲများကို အောင်မြင်တော်မူခဲ့ပါတယ်.

မန္တလေးမြို့ မစိုးရိမ်ကျောင်းတိုက်မှာ ၁၃၁၇ ခုနှစ်မှ ၁၃၆၆ ခုနှစ်အထိ နှစ်ပေါင်း ၅၀ တိုင်အောင် ရဟန်းသံဃာတော်များကို ဗုဒ္ဓစာပေကျမ်းဂန်များ သင်ကြားပို့ချခဲ့ပါတယ်. ဒါ့အပြင် ရန်ကုန်မြို့ တောင်ဥက္ကလာပမြို့တယ် ငွေကြာယံကျောင်းတိုက်မှာလည်း နွေရာသီ အထူးသင်တန်းအဖြစ် နှစ်ပေါင်းများစွာ စာပေပို့ချခဲ့ပါတယ်. ဆရာတော်ကြီးဟာ အထူးသဖြင့် ဓမ္မာစရိယတန်းဆိုင်ရာ ၀ိနည်းကျမ်းအဖွင့်ဖြစ်တဲ့ ပါရာဇိကဏ် အဋ္ဌကထာကျမ်း ပို့ချရာမှာ အထူးအောင်မြင် ကျော်ကြားပါတယ်.

ဆရာတော် ဦးကောဝိဒါဘိဝံသဟာ သူ့ခေတ် သူ့အခါက အအောင်မြင်ဆုံး ပါရာဇိကဏ်ကျမ်းဆိုင်ရာ စာချအကျော် ဆရာတော်တစ်ပါးဖြစ်ခဲ့သလို တိပိဋကပါဠိ မြန်မာ အဘိဓာန် ကျမ်းပြု အဖွဲ့ဝင် ဆရာတော်တစ်ပါး အဖြစ်လည်း ဆောင်ရွက်တော်မူခဲ့ပါတယ်. ဆရာတော် စာဝါပို့ချရာမှာ စာလိုက်သံဃာ အလွန်များပြားလွန်းတဲ့အတွက် စာချရာကျောင်းတိုက်ရှေ့ သစ်ပင်များအောက် ရောက်တဲ့အထိ စာသင်သံဃာတော်များက စာဝါလိုက်ကြရပါတယ်.

ဆရာတော်ကြီး ပြုစုခဲ့တဲ့ ကျမ်းစာများမှာ မစိုးရိမ် ပါရာဇိကဏ် အဖြေ (ပထမတွဲ၊ ဒုတိယတွဲ၊ တတိယတွဲ)၊ မစိုးရိမ် သီလက္ခန်အဖြေနှင့် မစိုးရိမ် တိပိဋက ပါဠိ မြန်မာ အဘိဓာန်ကျမ်းတို့ ဖြစ်ပါတယ်.

အမျိုးဘာသာ သာသနာနဲ့ စပ်ဆိုင်လာရင် ဆရာတော်ကြီးဟာ တက်တက်ကြွကြွ ပါဝင်ပြောဆို လုပ်ကိုင်လေ့ရှိတဲ့အတွက် ၁၉၉၀ ခုနှစ်က ဆရာတော် သံဃာတော်များ ဗုဒ္ဓ၀ိနည်းတော်နှင့်အညီ ဓမ္မနည်းလမ်းကျ ပတ္တနိက္ကုဇ္ဖနကံဆောင်ရာမှာ ဦးဆောင်ဆရာတော်တစ်ပါး အဖြစ်ပါဝင်ခဲ့ကြောင်း မြန်မာစစ်အစိုးရက မတရားစွပ်စွဲပြီး ထောင်သုံးနှစ် အကျဉ်းချခဲ့ပါတယ်.

ပြည်တွင်းပြည် သာသနာပြုလုပ်ငန်းများကိုလည်း အားတက်သရော ပြုလုပ်ခဲ့ပြီး ခန္ဓာဝန်ချ ဘ၀နတ်ထံ ပျံလွန်တော်မမူခင်အထိ အမေရိကန်နိုင်ငံ နယူးယောက်မြို့ မစိုးရိမ် သာသနာ့ဇောတိက ကျောင်းမှာ သီတင်းသုံးနေထိုင်တော်မူခဲ့ပါတယ်.

အမေရိကန်ပြည်ထောင်စု ကယ်လီးဖိုးနီးယားပြည်နယ် လော့စ်အိန်ဂျလိစ်မြို့၌ ၂၀၀၇ ခုနှစ်၊ အောက်တိုဘာ ၂၇ ရက်နေ့မှာ ထူထောင်ခဲ့တဲ့ သာသနာ့ဥသျှောင် - အပြည်ပြည်ဆိုင်ရာ မြန်မာ ရဟန်းတော်များ အဖွဲ့ချုပ်တွင် ဥက္ကဋ္ဌဆရာတော် ပီနန်ဆရာတော်ဘုရားကြီး ဦးပညာဝံသ၊ အတွင်းရေးမှူးဆရာတော် ဦးဥတ္တရတို့နှင့်အတူ ပဓာနစေရ ဆရာတော်အဖြစ် ဘ၀နတ်ထံ ပျံလွန်တော်မူတဲ့အထိ အမျိုးဘာသာ၊ သာသနာ အကျိုးများကို ဆောင်ရွက်တော်မူခဲ့ပါတယ်.

(သာသနာ့ဥသျှောင် - အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ်မှ ပြုစုရေးသားဖြန့်ဝေသော လက်ကမ်းစာစောင်ကို ပြန်လည် တင်ပြထားခြင်းဖြစ်ပါသည်။)

မစိုးရိမ်ဆရာတော်ဘုရားကြီး၏ အန္တိမဈာပန

ဓာတ်ပုံတွေကို အရင်တင်ပေးလိုက်ပါတယ်. သတင်းကို သေသေချာချာ ရေးသားနေဆဲပါ. မကြာခင် ဓာတ်ပုံအသစ်များနဲ့ သတင်းအပြည့်အစုံကို တင်ပေးပါမယ်...

ဆဲလ်ဖုန်းကင်မရာနဲ့ ရိုက်ထားတာမို့ ကြည်လင်ပြတ်သားမှုအပိုင်းမှာ အားနည်းကောင်းနည်းနေနိုင်ပါတယ်. အရည်အသွေးကောင်းတဲ့ ဓာတ်ပုံတစ်ချို့နဲ့ ဗွီဒီယို clip လေးများကို မကြာခင် ရတာနဲ့ တင်ပေးသွားပါမယ်.