ဖိနပ်တစ်ရံနှင့် မာယာမနက်ခင်း...

မနက်ခင်းဟာ မာယာအပြုံးတုတစ်ခုနဲ့
ငါ့ကို လာလှုပ်နှိုးတယ်..
အချိန်တန်ပြီတဲ့လေ...

မှန်သားပြင်ထက်မှာ
နေရာယူစပြုနေတဲ့ အရေးအကြောင်းတွေကိုကြည့်ရင်း
ဒီမနက်ခင်းဟာ နောင်တတွေနဲ့ မိုးလင်းခဲ့ရပြန်ပြီ...
ပြန်မစဉ်းစားချင်တော့ခါမှ
နိယာမတစ်ချို့က တရားလာပြနေလေရဲ့..

ညက ဖတ်ခဲ့ဖူးတဲ့ စာကြောင်းတစ်ချို့ကို
ကော်ဖီတစ်ခွက်နဲ့ ပြန်နှူးနှပ်မိတော့
ပြတင်းတံခါး တစ်ချပ် လှစ်အဟမှာ
စွန်တစ်ကောင် လေဆန်ကိုမာန်တုရင်း ထိုးတက်သွားခဲ့တယ်.

တစ်စုံတစ်ရာ ၀င်ရောက်ဖို့အတွက်
တစ်စုံတစ်ရာဟာ ထွက်ခွာပေးရစမြဲပါ..
တစ်စုံတစ်ယောက် ရှင်သန်မွေးဖွားချိန်မှာ
တစ်စုံတစ်ယောက်ဟာလည်း နိယာမအရ သေဆုံးပျောက်ကွယ်တတ်ကြတယ်.
အမြွှာပူးတွေ မွေးဖွားဝင်ရောက်လာတတ်ကြသလို
အစုလိုက်အပြုံလိုက် အသတ်ခံကြရတာမျိုးတွေလည်းရှိတယ်..
ဝင်လာကြတာတွေ ရှိသလို
ထွက်သွားကြတာတွေလည်း ရှိစမြဲ..
ဘာပဲဖြစ်ဖြစ် သချာင်္သဘောတရားနဲ့ကြည့်ရင်
ဒီလောကကြီးဟာ ကိန်းသေတစ်ခုပါပဲ.
ဒါပေမယ့်
ဒီကိန်းသေကြီးကို အသက်သွင်းပြီး ငါတို့ ရင်ခုန်စွာ ကစားနေကြတယ်.

ထိုင်ခုံတစ်ချို့ ပြောင်းအထိုင်မှာ
အတ္တတစ်ချို့ ပူဖောင်းတစ်လုံးလို ပွယောင်းလာတတ်ကြသလို
မှိုင်းကုန်သွားတဲ့ မီးပုံးပျံတစ်လုံးလိုလည်း အိဆင်းသွားတတ်ကြတယ်.
မထိန်းနိုင်လို့ ပေါက်ထွက်တတ်ကြတာမျိုးလည်း ရှိရဲ့
မစိမ်းနိုင်လို့ ယိမ်းထိုးရင်း တွဲထိုင်ကြတာမျိုးလည်း ဖြစ်ရဲ့
ဘာကိုမှ မခနဲ့ချင်ဘူးလို့ ငါကြွေးကြော်နေခြင်းကိုက
တစ်စုံတစ်ရာကို အရွဲ့တိုက်နေတာများ ဖြစ်နေမလား...

ဘူတာရုံကအထွက် ကောင်းကင်ထက်ကို မော့ကြည့်မိတော့
မြင်တွေ့နေကြ တိုက်မြင့်ကြီး တစ်ပိုင်း မြူမှုန်လှိုင်းတွေအောက်
လူးလွန့်မှေးစက်ရင်း ပျောက်ကွယ်နေခဲ့တယ်.
ကိုယ့်ကိုယ်ကိုယ် ပြန်ပြောမိပါတယ်.
အပေါ်မှာ အထပ်မြင့်တွေ အများကြီး ကျန်သေးတယ်လို့.
'မင်း... ဘယ်လိုသိတာလဲ'တဲ့.
အလန့်တကြား ဘေးဘီငေးကြည့်မိတော့
အသံပိုင်ရှင်ရဲ့ ရယ်သံက ရင်ဘတ်ထဲက
ခပ်အုပ်အုပ် ထွက်ပေါ်လာခဲ့တယ်.

'ဒီတိုက်မြင့်ကြီးကို ငါမြင်တွေ့နေကြမို့ပါ'
ရိုးရှင်းစွာပဲ ပြန်ဖြေမိရင်း
ကိုယ့်အဖြေမှာ ပျော့ကွက်တစ်ချုိ့ တွေ့လိုက်မိတယ်.
သတိမထားမိပါစေနဲ့လို့ ဆုတောင်းနေဆဲမှာပဲ
ကိုယ့်ရင်ဘတ်ထဲက ကိုယ်မဟုတ်တဲ့ ကိုယ်က ပြန်မေးတယ်.
'တကယ်လို့ မင်းမမြင်တွေ့ဖူးတဲ့ တစ်စုံတစ်ရာကို ခုလိုမျိုး
မမြင်နိုင်အောင် မြူတွေ ဖုံးကွယ်ထားခဲ့ရင် မင်း ဘယ်လိုများပြောမလဲ' တဲ့...
ငိုင်သွားတယ်..

ဟုတ်တယ်..
တော်တော်ကို ငိုင်ကျသွားခဲ့တယ်...



ဒီလိုပါပဲ.
ကိုယ့်ရှေ့မှာ ရှင်သန်နေထိုင်ခဲ့ဖူးကြတဲ့
ပုံစံခွက်ပေါင်းများစွာကို ရွေးချယ် စိစစ်ရင်း
ကိုယ့်အချိန်တွေ ကုန်နေခဲ့တာ တွေ့လိုက်ရတယ်.
'ကျွတ်... စိတ်ပျက်ဖို့ ကောင်းလိုက်တာ...'

လျှောက်လှမ်းနေတဲ့ ခြေလှမ်းတွေကို ခေတ္တရပ်ရင်း
'မင်းစီးထားတာ ဘယ်သူ့ဖိနပ်လဲ' လို့ ခပ်ကြမ်းကြမ်း ပြန်မေးမိတယ်.

အပေါ်ကို မ၀ံ့မရဲလှမ်းကြည့်ရင်း ခပ်တိုးတိုး ပြန်ဖြေသံကြားမိတယ်.
'ခင်ဗျားရဲ့ ဖိနပ်ပျောက်နေခဲ့တာ နှစ်နှစ်တောင် ရှိခဲ့ပြီလေ' တဲ့...

မျက်နှာချင်းဆိုင်က မြင်နေရတဲ့ ငြမ်းစင်ကြီးကို မော့ကြည့်မိရင်း
လေဟာနယ်ထဲ ကိုယ်ထွက်ပြေးပစ်လိုက်ချင်တယ်.
'ငြမ်းတစ်ခုကို တည်ဆောက်ရင်း ဒီငြမ်းပေါ်မှာ ငါနေထိုင်ခဲ့မိတယ်'
ဟိုးအောက်ကို ငုံ့ကြည့်မိခါမှ
ခြေဖျားအောက်က တက်မလာသေးတဲ့
ကိုယ့်အိပ်မက်တွေငိုကြွေးနေလေရဲ့

စားပွဲခင်းပေါ် ဖိတ်ကျသွားတဲ့ ကော်ဖီစက်တစ်ချို့က
ကိုယ့်သတင်းစာကို လှမ်းဆွဲရင်း မေးတယ်.
'ခင်ဗျား ကျွန်တော့်ကို ဒီလို မဆက်ဆံသင့်ဘူး' တဲ့လေ...
လက်သုတ်ပုဝါတစ်ခုနဲ့ ယုယငြင်သာစွာ သုတ်ပေးရင်း
ကော်ဖီစက်လေးတစ်ချို့ကို တောင်းပန်စကားဆိုမိတယ်.
'ငါ... စိတ်လွတ်သွားလို့ပါကွာ..'

ပြတင်းတံခါးအပြင်ဖက်ကို ငေးကြည့်မိတော့
ဟင်းလင်းပြင်ကြီးထဲမှာ ဖိနပ်တွေ လွင့်မျောနေကြတယ်.
ဒီဖိနပ်တွေနောက် တကောက်ကောက်နဲ့ လိုက်ပါနေကြတဲ့
လူအုပ်ကြီးကလည်း ဒုနဲ့ဒေးပါပဲလေ...
အသင့်တော်ဆုံး ဖိနပ်တစ်ရံနောက်ကို ကိုယ်ပြေးလိုက်ဆွဲဖမ်းရင်း
ငြမ်းစင်အောက်ကို ပြန်ဆင်းခဲ့တယ်.
ကိုယ့်အိပ်မက်တွေကို ပြန်ဆွဲတင်ဖို့ပေါ့.
ငြင်သာနူးညံ့ခြင်းမှာ အနှိုင်းမဲ့အင်အားတွေ ကိန်းအောင်းနေတယ်ဆိုတာ
စားပွဲပေါ် အသံမထွက်ဘဲ နေရာယူလိုက်တဲ့ ကော်ဖီတစ်ခွက်က
အကောင်းဆုံး သက်သေပြနေခဲ့တယ်.

မနက်ခင်းဟာ မာယာအပြုံးတုတစ်ခုနဲ့
ငါ့ကို လာလှုပ်နိုးတယ်.
'အချိန်တန်ပြီ' တဲ့လေ....

အသံမထွက်အောင် အံတစ်ချက်ကြိတ်ရင်း
ခြေလှမ်းတစ်ခု ငါအစပြုခဲ့တယ်.
အနှောင့်ပါးနေတဲ့ ငါ့ဖိနပ်တစ်ရံကတော့
ဒီလေဟာနယ်ကြီးထဲမှာ အင်အားအပြည့်နဲ့ ခုတ်မောင်းနေဆဲပဲ...

~ရေခဲငှက်~

Photo Credits:
Shoe

The Mist

မယူလိုက်က မိုက်လို့ထင်... ယူလိုက်ပြန်က ကြိုက်လို့ထင်..

ကြားဖူးကြမလားမသိဘူး. စာဆိုတော်မယ်ခွေဆိုတာလေ. သူ့ကဗျာလေးတစ်ပုဒ် ကျွန်တော် ပြန်ရေးပြမယ်နော်. သိသူတွေလည်း သိပြီးရောပေါ့..

ဆေးတံညို တညိုလောက်... ရော့သောက်တော့ပေး...
မယူလိုက်က မိုက်လို့ထင်... ယူလိုက်က ကြိုက်လို့ထင်...
သောက်စေချင်.. ကုတင်တွင်ထောင်ခဲ့ကွယ့်
ညိုနွဲ့ရဲ့လေး........

လှလိုက်တဲ့ ကဗျာလေးဗျာ. နော်.

ရှေးခေတ်က လူပျိုကာလသားတွေ လူပျိုလှည့်တော့ အပျိုလေးတွေအိမ်ကိုသွားကြတာပေါ့ဗျာ. အဲဒီ့မှာ ဇာတ်လိုက်မလေးရဲ့ ဆီးခရစ်အက်ဒမိုင်းယား ကာလသားချော နေထက်လင်း ((အဲလေ.) ယောင်လို့. ရွာတွေမှာ သူ့ကိုကြိုက်ကြတယ်ဗျ. ဤကားစကားချပ်။)

ပြန်ဆက်မယ်ဗျာ. အဲဒါနဲ့ ကာလသားချော ကိုလူပျိုက ဆေးတံကို အထာနဲ့လှမ်းပေးသတဲ့..

ယူလိုက်ပြန်ရင်လည်း သူ့ကို ကြိုက်နေတယ်လို့ ထင်ရော့မယ်. မယူလိုက်ပြန်ရင်လည်း သူ့ကိုမကြိုက်ပါဘူးဆိုပြီး လက်လျှော့နောက်ဆုတ်လို့ နောက်တစ်ယောက်ဆီ ချဉ်းကပ်ရင် ကိုယ့်အမှားဖြစ်ရော့မယ်.

ကဲ. မောင်ကြီးရယ်... သောက်စေချင်တယ်ဟုတ်... ကုတင်နားမှာ ထောင်ခဲ့ပါလားရှင်ရယ်လို့... အပျိုမလေးက ပြန်ပြောတဲ့ အခန်းလေးကို ကဗျာလေးစပ်ထားတာပါ.

ငယ်ငယ်တုန်းက လှစ်ခနဲ အမှတ်တမဲ့ဖတ်လိုက်ရတယ်. ကြိုက်ခဲ့ပါတယ်. ကြီးလာတော့ မေ့မေ့ပျောက်ပျောက်ဖြစ်နေခဲ့ရာက ဒီည ဖတ်ဖြစ်တဲ့ စာပိုဒ်လေးထဲမှာ အဲဒီ့ကဗျာလေးလည်းပါလာရော... ဘလော့ဂါ အင်စတင့် (Blogger Instinct) က ဟုန်းခနဲ ထတောက်ပါလေရောလားဗျာ...

..........

ကြည့်ပါလား.. ရေးထားတာလေးကိုက အထာလေးနဲ့. မသိရင် ဘလော့ဂါကာလသားတွေအားလုံးကိုပဲ ဆိုလိုသလိုလိုနဲ့. ရင်ခုန်သံ စက်သေနတ်ပစ်တယ်ဆိုတာ အဲလိုမျိုးပေါ့. ဘယ်သူထိထိ ထိချင်တဲ့သူထိဆိုပြီး အထာလေးနဲ့ ရေးထားတာ.

ကော်မန့်သွားရေးပြန်ရင်လည်း သူ့ကိုကြိုက်လို့ ထင်တော့မယ်. မရေးပြန်ရင်လည်း သူ့ကို ဂရုမစိုက်ပါဘူးဆိုပြီး အပြစ်တင်ရော့မယ်. အဲဒီ့ဘလော့ဂါဇာတ်လမ်းလေးတစ်ပုဒ်ကို ကျွန်တော် ကိုရေခဲငှက်နဲ့ စကားပြောဖြစ်တော့ သူက ဒီလိုလေး စပ်ပြတယ်ဗျ..

ပို့စ်တင်ခါ အသာတို့ ... ဖတ်ဖို့သူပေး...
ကော်မန့်ရေးက ခိုက်လို့ထင်.. မရေးပြန်က မိုက်လို့ထင်...
ရေးစေချင်...ကုတင်မှာထောင်ခဲ့ကွယ့်.
(အဲလေ..မွှားသွားလို့)
ရေးစေချင်...ပြင်ဆင်ပါ မော်ဒရိတ်
တိုးတိတ်တိတ်လေး....

အဟေးးဟေးး... (အဲဒါကတော့ ကိုရင်ညိမ်းကြီးရဲ့ လက်သုံးရယ်သွမ်းသွေးသံပေါ့. ဘရိတ်အုပ်လိုက်တာပါ..)

ကောင်းသောညပါ မိတ်ဆွေတို့...

ဂွတ်နိုက်နော် မ... (လွမ်းနေမယ်. အိပ်မက်ထဲထိ.)

(လောလောဆယ် ကျွန်တော်အတည်ပေါက်တွေ ရေးလို့ မရသေးလို့ပါ. ခွင့်လွှတ်နော် မ.)

အာဘွားးးး

း)

Y.

Crouching Tiger... Hidden Blogger ;)

အားလုံးပဲ မင်္ဂလာပါခင်ဗျာ.

ကျွန်တော်ဒီနေ့ပဲ အခန်းပြောင်းလို့ပြီးတယ်ဗျ. သိတယ်မဟုတ်လား. အခန်းပြောင်းတယ်ဆိုတာက အလုပ်တော့ အများသားလေ.
ဒီတိုင်းနေနေတော့သာ ဘာမှမသိသာတယ်. ပြောင်းမယ်ဟဲ့ဆိုပြီး သိမ်းဟဆည်းဟဆိုတော့မှ အားလားလား.. ထွက်လာလိုက်တဲ့ အထုပ်တွေ ဗုံလို့စီနေတော့တာပဲ...

း)

ပြီးလည်းပြီးရော အလယ်ခေါင်မှာတစ်ယောက်တည်းထိုင်နေရင်း စိန်ဗေဒါလို့ တစ်ထုပ်ချင်းကို တီးထည့်လိုက်ချင်စိတ်သာ ပေါက်တော့တယ်. မောတယ်ဗျာ.

တစ်ခါတစ်လေတော့လည်း "ဩော်... ငါ့ဘ၀ရယ်လေ.. ဘယ်တော့များမှ အတည်တကျဖြစ်လိမ့်မလဲရယ်လို့လေ..."

အင်း... ဒီနှစ်သီတင်းကျွတ်တော့ မီးပုံးထွန်းရချည်သေးရဲ့. ဟတ်ဟတ်.
(ဆောရီးပါ မရယ်... ကျွန်တော့်ကို ဟတ်ဟတ်လို့ မရယ်နဲ့ပြောပေမယ့်လည်း ကျွန်တော်ရယ်ပါရစေနော်... မဟုတ်ရင် ကျွန်တော့်ဘ၀အမောတွေနဲ့ စိတ်မောလူမောဖြစ်လွန်းလို့ပါ. ခွင့်လွှတ်နော်.. မ..)

ကျွန်တော်ခုတလော ဒေါင်းနေတယ်ဗျာ...
(ဒေါင်းတယ်ဆိုလို့ တစ်အိမ်ဝင်ဆွဲမယ် လုပ်မနေနဲ့ဦး.. ပိုကာဒေါင်းတာမဟုတ်. လူဒေါင်းတာ...)

သိတော့သိနေတယ်. ငါ့ဘလော့ဂ်လည်း အိစိဂွစိဖြစ်နေပြီလို့. ပျင်းပျင်းနဲ့ youtube ပဲ ထိုင်ကြည့်လိုက်၊ သီချင်းလေးတွေ နားထောင်လိုက်. အဲဒီ့ထဲကမှ ကြိုက်တဲ့သီချင်းလေးတွေတွေ့ရင် ကောက်တင်လိုက်နဲ့ပဲ... တစ်ခါတစ်လေကျတော့လည်း ဆားချက်ရမှာ ပျင်းလွန်းလို့ကို ဆားကိုမချက်ချင်တော့တာ. ဒီတိုင်းပဲ ပစ်ထားလိုက်တော့တယ်ဗျာ.

ဘလော့ဂရက်ရှင်းလို့ ခေါ်မလားပဲ...
Blog+Depression = Blogression (Coined by Yan Aung and patented to EOT Int'l Ltd.) :)

ဘာပို့စ်မှလည်း ထွက်မလာဘူး. လူကလည်း လေနေတယ်. အလုပ်ကနေအိမ်ပြန်ရောက်ရင် သီချင်းနားထောင်မယ်၊ စားမယ်၊ ၀ါးမယ်. စာနည်းနည်းပါးပါးဖတ်မယ်. သတင်းတစ်ချို့လိုက်ဖတ်မယ်. စိတ်ဝင်စားတဲ့ ဘလော့ဂ်တစ်ချို့ လိုက်ကြည့်မယ်. စိတ်နည်းနည်းပါရင် ဂစ်တာလေး ဒေါင်ဒင်လုပ်မယ်. အိမ်က အစ်မတို့၊ အမေတို့လာရင် ဂျီတော့ခ်မယ်. မ နဲ့တွေ့ရင်.. အဟင်း. အဟွတ်. (ချောင်းဆိုးလိုက်တာ. အိတ်စ်ကွတ်မီ...)း)

ကျွန်တော့်မှာ ပါဆင်နယ်လတီအမျိုးမျိုး ရှိတယ်လို့ ပြောရမလားပဲဗျ.
ကျွန်တော် တက်ကြွတဲ့အခါများကျရင် ကြက်ဖကတောင် အဖေခေါ်ရမလားပဲ...
(ရက်ပ်ပါကြက်ဖမဟုတ်.ဟတ်ဟတ်)တကယ်. လူကအလိုလိုနေရင်းကို မြောက်နေတာ.
အဲ. ကျွန်တော်မှိုင်ပြီဆိုပြန်ရင်လည်း လင်းတကတောင် အဘရေလို့ ခေါ်ရလောက်တယ်. ဘာမှကို မလုပ်ချင်တော့ဘူး.
(ဟိုတလောကဆို လင်းတတောင် အဘလို့ခေါ်ရတာ မောလို့ အသံသိပ်မထွက်ရှာတော့ဘူး. အပ.. အပ လုပ်နေတာနဲ့ ကျွန်တော်တောင် လန့်ခုန်မိသေးတယ်. ဘယ်က အပမှီတာလဲဆိုပြီးတော့လေ. ဟတ်ဟတ်)

ခုတလော ကျွန်တော်မှိုင်နေမိတယ်.
အဓိကက ကျွန်တော့်ကို ဟတ်ဟတ်လို့ မရယ်ဖို့၊ ကိုယ့်အသက်လည်း ကိုယ်ပြန်ကြည့်ဦး. တည်တည်တံ့တံ့နေလို့ ပြောတဲ့ မ ပေါ့.
ကျွန်တော်က ဟတ်ဟတ်လို့သာ ရယ်တာ. ရယ်စရာတွေသာ ရေးတာ. ပေါတောတောတော့ မနေမိပါဘူးနော်. ဟုတ်တယ်ဟုတ်.
ကျွန်တော့်ကို အဲလိုလည်း အမိန့်ချလိုက်ရော ကျွန်တော့်မှာ ရေးထားတဲ့ပို့စ်တွေထဲက ဟတ်ဟတ်တွေကိုလိုက်ဖျက်၊ ရယ်စရာတွေများပါနေမလား၊ ပေါများပေါနေမိပြီလားဆိုပြီး ဆင်ဆာလိုက်ဖျက်နဲ့ နောက်ဆုံးတော့ ပို့စ်တစ်ခုလုံးလည်း သိုးမွေးစက်ရုံထဲကထွက်လာတဲ့ အမွှေးရိတ်ပြီးသားသိုးလို ငုပ်စိလေးပဲ ကျန်တော့တယ်. (အဟတ်ဟတ်.)
အဲဒါနဲ့ စိတ်ပျက်ပြီး ဘာမှကို မတင်တော့ဘူးဗျာ. အေးရော..

တစ်ခါတစ်လေ ရေးချင်ပါရဲ့. လူကပင်ပန်းနေပြန်ရော. အဲဒီ့အခါကျတော့လည်း အိပ်ရာထဲမှာဝင်ခွေရင်း ဟက်ဒ်ဖုန်းလေး နားမှာတပ်လို့ ကမ္ဘာလောကကြီးနဲ့ ခေတ္တအဆက်အသွယ်ဖြတ်နေလိုက်တယ်.



ကျွန်တော် ဂျီတော့ခ်မ၀င်တာကြာပြီဗျ. ကျွန်တော့်ကို မတွေ့တာကြာလို့ 'ငါ့ကိုများ ဘန်းထားလေလား' မထင်ကြပါနဲ့နော်. တကယ်ပါ. ကျွန်တော်မလာဖြစ်တာပါ. အဲလိုဘလော့တတ်တဲ့ အကျင့်လည်း မရှိပါဘူး. စိတ်ကုန်ပြီဆိုရင် အဲဒီ့လိုလူစားမျိုးကို ကျွန်တော့်ဘ၀ကြီးထဲက တစ်ခါတည်းကို ထုတ်ပစ်လိုက်တာ. ဘလော့တဲ့အဆင့်လောက်နဲ့ မကျေနပ်တတ်ဘူး. ဟတ်ဟတ်ဟတ်

ကျွန်တော် စာတွေပြန်ရေးဖြစ်ပါဦးမယ်. အကန့်အသတ်နဲ့ရေးဖြစ်ပါမယ်. ဇွန်လောက်ကျရင် ကျွန်တော်စာမေးပွဲတစ်ခုဖြေဖို့ ရှိနေတယ်ဗျ. လောလောဆယ်တော့ အလုပ်ကို လျှော့လုပ်ရင်းနဲ့ပဲ စာဖတ်သွားမလား. ဒါမှမဟုတ် အလုပ်ကို ထွက်ပြီး စာမှစာ တစာစာထိုင်အော်ရင်ပဲ ကောင်းမလားချိန်နေတယ်. ဘဏ်အကောင့်ကို ကြည့်လိုက်တိုင်း လူကချွေးစေးတွေပြန်ပြန်လာတယ်.း)
ဒီမှာ စီးပွားရေးတွေကလည်း ကျလို့ အလုပ်တွေဖြုတ်နေချိန်မှာ ကိုယ်က အဆန်းထွင်ပြီး အလုပ်ထွက်တာ ကောင်းပါ့မလားဆိုပြီး တော်၏လျော်၏ ချိန်နေရသေးတယ်. အင်း... နောက်ဆုံးတော့လည်း ကိုယ်လုပ်စရာရှိတာ လုပ်တာပဲလေလို့ ဖြည့်တွေးတွေးပေးလိုက်တယ်. သူ့ဖာသာ Depression မကလို့ Inflation ပဲဖြစ်ဖြစ်ပေါ့. ဟုတ်ဘူးလား.


ဘာပဲဖြစ်ဖြစ်ပါ. ကျွန်တော် ခင်ဗျားတို့ကို ချစ်ပါတယ်. အဲဒီ့တော့ကာ ကျွန်တော်တတ်သလောက် မှတ်သလောက်လေး တွေကိုတော့ ဒီဘလော့ဂ်လေးမှာ ဆက်တင်ဖြစ်နေပါဦးမယ်. ကျွန်တော်မြောက်ကြွကြွမနေတတ်သလို ကုပ်ချောင်းချောင်းလည်း မနေတတ်ပါဘူး. ဒါကြောင့် ကျွန်တော့်ကို အမြင်ကတ်နေသူများလည်း ဆက်ကတ်နိုင်သလို ခင်တွယ်သူများလည်း ဆက်ခင်နိုင်ပါတယ်. ဂလု... (မောလို့ ရေသောက်တာ.း) )

အခု ကျွန်တော့်စိတ်ကြိုက်အခန်းတစ်ခုကို ပြောင်းပြီးပြီ. ဘုရားစင်တွေပါ သေသေချာချာ ရိုက်လိုက်တယ်ဗျ. အရာအားလုံးဟာ လန်းဆန်းနေတယ်. ကျွန်တော့်မနက်ဖြန်တွေအတွက် ကျွန်တော် ဒီနေ့ ရိုင်းမြစ်ထဲမှာ ရေဆင်းချိုးခဲ့တယ်... (အဲလေ. ရေးရင်းနဲ့ ကဗျာဆန်လာပြီ. ရပ်ဦးမှ.း) )

ကဲ.. အားလုံးပဲ ကောင်းသောည/ကောင်းသောနေ့လေးများ ဖြစ်ကြပါစေဗျာ.

Plus, ပျော်ရွှင်ချမ်းမြေ့စွာ ဘလော့ဂင်းနိုင်ကြပါစေလို့လည်း ဆုမွန်ကောင်းတောင်းလိုက်ပါတယ်.

ခင်မင်လေးစားလျက်

ရန်အောင်.